【修煉愛情】旅行讓我每天了解你多一點
按此閱讀全文 → https://bit.ly/2IpOf4M

//有人說，旅行是修煉愛情的最好方法，能令你迅速徹底了解一個人。感情不穩健的情侶可能會不歡而散，甚至因為旅行而導致分手收場，或者你會覺得可惜，責怪這趟拆散鴛鴦的旅程，但反過來想，其實倒應該答謝這趟旅程，令你更深入了解對方，看清另一半是否適合自己。至於感情本來就有穩健基礎的情侶，透過旅行能夠增進彼此間的了解，發掘對方鮮為人知的一面，進一步鞏固感情。//
＿＿＿＿＿＿＿＿＿＿＿＿＿＿＿＿＿＿＿
其他推薦文章↓↓↓
致八十歲的自己　不要拋棄青春
https://bit.ly/2GnPHkn

情侶旅行合照技巧（一）：十個簡單自然的姿勢
https://bit.ly/2KI9cK5
＿＿＿＿＿＿＿＿＿＿＿＿＿＿＿＿＿＿＿
👍🏼在專頁按 Like，然後在Following 按鈕選擇「搶先看」/'See First’👍🏼
📹訂閱YouTube頻道看Vlog https://bit.ly/2RFXYUM📹
📷Follow我們的IG看更多靚相 http://instagr.am/thetraveloversblog/ 📷
👫閱讀更多旅遊文章 http://www.thetravelovers.com/👫

【你揀呀，揀儲錢結婚定分手？】

喺一啲深夜邪惡食店附近，最多潛在客人嘅地方，我將車頭燈調去細燈，碌住FACEBOOK靜待客人來臨。

天氣愈凍，去食宵夜嘅人愈多，務求將各自歸家嘅時間盡量推遲。睇住四對男女進入之後，終於有一對男女出黎，兩個都戴住同一款貨車帽，似乎係真實情侶。一見咁嘅情況，我即刻關上窗開暖氣，務求唔好流失顧客。

「搭的士好貴呀，你慳啲得唔得？」車門一開，傳來女乘客不耐煩嘅聲音，仲身體力行拉住男人停一停諗一諗，唔似啲口裡說不身體卻誠實地上車嘅女子。不過，男人堅持趕個女人上車：「最多慳啲，去我度先好唔好？咁凍唔好喺街行喇。」溫暖嘅舉動，令我暗暗為呢位暖男喝一聲彩。「梗係啦，唔通仲兜個大圈咩。司機麻煩你先去荃灣再入屯門。」慳家女輸咗上唔上車嘅爭拗，贏返路線決定權，男女相爭司機得利。

落旗開車之後，生米已成熟飯，慳家女都未肯放過暖男：「講極你都係咁嘅，成日話應使則使，咩鬼都應使，你講丫，呢個星期使咗幾多應使嘅錢丫？」暖男尚未構思到適當對答，已經遭受第二波攻擊：「又同呀Silver佢哋打邊爐，又要買新GAME，又話要換季，有邊樣係應該使㗎？頭先又去⋯⋯」慳家女逐樣數返暖男嘅生活開支，由理工大學講到上加士居道天橋，暖男終於搵到機會插口：「呢啲都係使一次啫，好多都係同你出去先使嘅。」唉，少年，第一句都還可以，尾嗰句簡直係花式自殺，點可以喺女人怒火沖天嘅時候將責任分去佢身上呢？就算係事實都唔會被接受。果然，火水一灑，火花四射：「使一次唔係使呀？咩都係使一次，使吓使吓咪使晒囉。淨係話拍拖要用錢，咁第時結婚唔使錢嘅，你係咪想淨係將錢要黎拍拖唔同我結婚呀？你揀呀，揀儲錢結婚定分手？」重磅炸彈一出，車廂唔係即時陷入沈默，而係暖男嘅哈哈聲：「哈哈，點會揀分手呢？我梗係想同你結婚啦，我哋仲要生兩隻豬仔㗎嘛。」嬉笑似乎係暖男常用嘅安撫方法，唔知有無用呢？「你究竟有無概念結婚要用幾多錢？你平時又使咗幾多錢？唔係話唔俾你去街，唔俾你買嘢，你都要知道究竟使咗幾多錢，又有幾多錢係儲起FOR將來用㗎。」慳家女開始無咁激動，睇黎笑容攻勢開始生效。「總之我應承你會儲錢，我哋會有將來。我有諗過㗎，擺酒擺一萬蚊一圍以下嗰啲，實回到本，結婚之後，租屯門啲村屋住住先，儲夠四十萬再加我哋屋企人借啲，咁就買到樓。」認真，從來係最有效手段，聽到暖男咁樣講，慳家女終於肯轉移話題。

抵達荃灣後，暖男先落車，臨落車又要嘴兩啖，浪費我嘅金錢。
暖男落車後仲要一步三回頭，我懶理佢，馬上俾油走。
上到屯門公路，慳家女忽然懶嬌俏咁講：「司機哥哥呀，我哋去咁遠，可唔可以俾個折我呀？」我心諗，你真係咁慳頭先就堅持企硬啲搭巴士啦，翻譯返可以對客嘅語言就變成咁：「ER⋯⋯唔可以呀，我都要儲錢結婚，搵多一蚊得一蚊呀。」慳家女感受到我嘅堅決，都無堅持要折，只係自嘲：「唉，咁我都明嘅，我只係想儲多啲錢啫。你都聽到㗎啦，佢又麻麻煩煩咁，係咪個個男人都係咁玩玩下㗎？」又係呢啲個個男人都係咁嘅言論，家陣你A380咩？點知其他男人點？「唔係㗎，我識好多行家都有儲錢喎，我哋日日現金出糧，唔搵個方法儲錢好易用晒，邊個記得每日每更搵幾多。可能你男朋友有錢先無我哋咁大危機感啦。」眾所週知，好多的士佬呢頭搵嗰頭賭，儲錢真係唔易。「咁你講丫，你哋點儲錢？等我調教吓佢。」慳家女真係唔放過任何一個機會。「好多方法嗰喎，不過主要都係記低收支先囉，仲要有個目標，啲錢儲黎做咩，好似你儲錢結婚咁，咪儲幾多萬影相，幾多萬FOR擺酒。你知啦，我哋搵錢唔多，一個大數咁儲，只會係永遠都達唔到嘅目標，拆散黎儲就好好多。儲得一蚊得一蚊。」「希望佢會儲啦，唔肯儲咩方法都無用。唔儲真係要轉會，我都二十八歲，無幾多時間陪佢癲。」呢句自言自語，相信係慳家女喺車上最真心嘅一句話。講到轉會，我都唔敢搭嘴，專心揸車，漫長嘅屯門公路，喺深夜時分好快就行完。

「到喇，嗰五毫子就算啦，咪話唔益你。攞返張單啦，記低你哋使咗幾多錢呀。」收少五毫主要係懶得找，反正都過二百蚊落袋，唔差在啦。

袋好，MARK低呢程車錢先，乘客嘅開支就係小弟嘅收入呀。吉車返市區時，反思返儲錢真係好重要，希望無儲錢習慣嘅男人睇到啦，如果唔係被人撇咗都唔知咩事。儲錢方法有好多種，我一直用緊『錢家有道』個APPS都方便，睇到呢度嘅都係FANS，俾埋個LINK方便大家：

IOS: https://goo.gl/29MyGc
Android: https://goo.gl/VRX4np

#儲錢結婚 #錢家有道 #儲起嘅個案終於有用
#lazytaxi #我的你的紅的 #的士 #taxi

【用催情香水令情侶分手】（上）

分手後，有人會大喊一場、有人會暴飲暴食。

每個人都有令自己開心返嘅方法，而我，選擇咗另一類做法，就係－拆散其他情侶。

令世界上更多人陪我一齊分手。

可能你會話我黑心，但我只會拆散一啲對另一半差嘅人，令佢哋唔可以再做人渣，浪費人哋成世流流長嘅人生。

你又會問：「咁你點知佢對另一半唔好？」

時間關係，我帶大家一齊去事發現場，親身體驗一次你就知。

我喺書枱拎起一支「秘密武器」，就出發去旺角－聽講係最多人渣出現嘅地方。

我企喺Body Shop門口，好似個殺手咁周圍望下望下搵目標。

右手邊行過一個男人，算啦，毒L嚟，睇死佢邊會有女吖！下一個，一個四眼西裝佬，似乎對女友幾好，放過你啦。

終於畀我搵到！就喺我隔籬，有個食緊煙嘅金髮MK企咗喺度，大大聲咁同電話入面嘅人講：「快L啲啦，成日化妝化咁耐，咪又係咁L樣衰！」

我慢慢咁愈行愈埋，趁佢玩電話玩到入晒神之際，就喺袋入面拎我支「秘密武器」出嚟。

呢支係一支催情香水，係我女朋友分手後嘅遺物。當初我就係畀佢嘅花香味吸引，一聞到就一見鍾情，所以我知佢威力係幾咁強大。

我喺金髮MK仔身上，噴咗幾下，佢完全唔為意，只係摸咗條頸一下。

我繼續企喺佢隔籬，食住花生等好戲上演。

大約10分鐘，佢女朋友出現，都係一貫MK妹嘅打扮，不出我所料，當佢行近MK仔後，已經面有難色⋯⋯

「講！啱啱同邊個女仔去完街！」

「冇呀⋯妳黐咗邊條線呀⋯⋯」

「仲講大話，你個身成陣香水味，呢隻味唔係我㗎！仲要係呢隻香水⋯⋯」

女人咁敏感，一定知道呢支係非一般香水。

MK妹一手搶咗佢部手機，打算Check下佢嘅對話紀錄，點知畀MK仔一手推開。

「我真係冇，唔好成日屈我偷食先得㗎！」

「咁你點解釋吖！」

「⋯⋯」MK仔諗咗一陣，再開口：「一定係有人亂噴落我度！」

MK仔周圍望，同我有眼神接觸嘅時候，我有少少心虛。

「咁嘅大話都講得出！邊個信你呀，你可唔可以比小小誠意諗個真啲嘅借口？算喇，我唔想再畀你玩，我哋分手！」

MK仔女嘅愛情真係脆弱。

當我以為MK仔會試下挽留，點知佢大叫：「分咪分囉八婆，我出面大把女，妳講得啱呀，我係成日去偷食，鬼叫妳唔夠人靚、身材又唔正咩！」

我望住MK妹一邊喊一邊走嘅背影，我知道今次又做咗件好事。

我袋番住支香水，繼續搵下一個目標。

花生就仲有好多，唔知大家想唔想睇呢？想嘅講聲我聽，幫幫手大大力Share就講下一對畀我搞到分手嘅情侶。

(2月1號待續)
可以嘅話，覆句加油，你哋嘅支持係我寫文嘅動力！

即睇神秘催情香水>>>https://goo.gl/EYsrZf
------------------------
小說【取消分手】連載中：http://bit.ly/2iA2S4W
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar