🌕 中秋安怎過？抬頭望明月，低頭百慕達 🌕
-
好累喔～今天烤肉從早準備到晚，我先睡囉！💤
（三分鐘後）
手機跳出訊息 📱：「欸欸要不要上線」
...好我起床
👉 ㄎㄎ，你也有這樣經歷的舉手 🙌
-
📢 有人看得出來是在致敬哪張梗圖嗎？
-
#中秋節快樂

［今日寫啲乜］今日嘅重點當然又係，「股災點算好」。我就定過抬炸彈，並唔係我冇貨，更唔係我乜春一早反手造淡（你信做得到？得，買幾皮嘢咪得）。而係有足夠準備。當然唔會唔輸錢，但正如昨日篇文講，跌市我輸得少過人，升市我贏得多過人，日子有功咪拉開晒

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

講返先，如果咩500點就係冇乜好討論，但去到1100點，4%，就值得討論下嘅。咁你當然知係教育股，分分鐘幫你收歸國有，成個行業變非牟利。之但係，首先我從未推過教育股，我估好多人連有乜教育股在香港上市都唔知，成堆又唔係指數成份股，唔係騰訊阿里巴巴喎，咁你呢堆嘢死晒都唔關我事的。咁做乜個市都跌？Patreon有講

但照計你都有聽過有人講（幾時網上都最多專家），今日可以呢個行業點點點，聽日就可以點點點。呢啲就係典型嘅滑坡謬誤。股票嘅世界唔係咁運作的，咁邏輯成立嘅應該變零添，你啲騰訊安踏我幫你10蚊一股接晒佢丫，制唔制？訓身沽空丫，敢唔敢？咁你咪知問題在邊。

詳情就文入面講啦，呢啲咁敏感嘅嘢。我只知道舊年負油價，又好多人話頁岩氣公司會唔掂，火燒連環船，銀行會爆煲，最壞情況乜乜乜。更唔好講舊年疫情遍地開花，又係最壞情況點點點。最壞情況就係你沽晒啲股票。我一個仙都冇撚沽過。

另外，Tesla 美股收市點出咗業績，我已經睇埋寫埋 整埋Excel。唔使講你都知業績好，但股價只係升少少，點解？文入面講。仲會講埋佢啲Bitcoin．

每日一圖嘅，首先見到，通脹真係冇特別高，咁經濟復蘇梗係通脹（話時話，舊年個衰退為時兩個月，而家先話你知，你睇啲咩經濟數據去投資就死得）。而今次嘅通脹，同歷史比，冇特別高，文入面有個圖畀你睇

第二圖，咪就係回購力度越嚟越勁咯，繼續支持住美股。錢從何來？你話呢？我甚至期待今星期Apple或者Google加大回購—雖然機會好細，但真係發生都幾勁。又，早排ASML都加大咗回購力度啦，所以咪又長升長有，剛剛又歷史新高啦。

第三圖，可能你都識背，背多次：美股舊年3月到而家都冇一次10%嘅調整，就算計5%調整，對上次都要去到舊年10月。實情今年有幾次3-4%回調，但即時有人飛入去。咩人？除咗樓上講嘅，仲有散戶。錢從何來？你話呢？

三篇好文嘅，第一篇加拿大佬，20年冇用過錢。唔係冇用過現金喎！係冇用過錢！但又唔好以為係縮在家做隱青的，唔係咯，有Android 電話用添（朋友唔要嘅舊款），但就冇得用3/4G（唔會交台費），不過可以用公眾WiFi。「其實唔難」

第二篇精彩，我之前都寫過，香港讀Master，嘥錢嘥時間，特別係針對各種Taught Master．美國情況一樣，根本就當你班友水魚。文中呢位事主，芝大某MA，一年學費六萬（美金啦梗係），生活費又要借多三四萬，十皮嘢一年。但想讀博？大學自己都當你三等學生，然後孭一身債。畢業兩年人工？三萬八蚊一年，未扣稅，扣埋可能同你洗碗差不多，你估下幾耐先還得完啲錢？文中有討論

第三篇嘛，買Bitcoin到底係左翼定右翼？well………..不如討論下乜嘢係右翼先．

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［順流逆流］ 港股股災點算好？短答案嘅，「你買份明報咪知」，我有寫。仲奉送一大堆其他名家，今日王弼同林少陽都寫得不錯，絶對真心推介，唔會行家相輕，艾雲豪都還不錯。咁十蚊都覺得貴嘅，就fuck that 支持乜乜傳媒（我就冇所謂的，你買唔買對我冇乜分別，黑心啲就唔好咁多人買添，唔好搞到我買唔到報紙，因為我晏起身）。

1. TLDR：唔好求咩逆境贏錢，不切實際。唔好高估自己嘅能力，一個大浪打埋你我話撚知你好有血性好有鬥心。但，逆境時輸得少啲，順境時贏得多啲，幾個周期就拉開晒。因為有啲人係順境都輸錢，逆境就抬出場的。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

2. 哦，冇時間，上網睇垃圾你就有時間。只睇我篇嘢加埋佢三位，應該用你十幾廿分鐘左右—呢個亦係睇YouTube或者Powerpoint嘅虛妄，全球首富咁講的。人睇字快過講嘢聽嘢，加埋啲YouTuber在商言商，必定五分鐘嘅嘢講半個鐘。咁你覺得睇字浪費時間嘅，又係你選擇。講真，同我無關。

3. 但正經，港股股災（1100點，4%，算幾大嘅單日跌幅啦）點算好？「你買份明報咪知」。

4. 不過介紹返個圖，本人嘅倉，抱歉格仔打得厚。費事錢少又畀你恥笑，錢多又畀你綁架我（但我又係嗰句，唔通你覺得我會係幾廿萬身家？搞移民台灣都百五萬啦，我仲有層（未供完）嘅樓），定你覺得我會幾億身家然後仲要之前返康宏？咁，咪中間嘅數咯）。又或者，陣間又畀人話，嘩，呢隻你都買。嘩，嗰隻你都買。

5. 咁當然，紅色輸錢嘅咪港股，綠色贏錢嘅係（星期五）嘅美股。好合理啫，咁有幾個不同嘅東西都好合理，但真係紅色輸錢就港股，綠色贏錢就星期五美股。冇A股，冇歐洲冇日本（有在美國上市嘅歐洲股，同埋有加拿大，不過加拿大咪美國一部份咯）

6. 但，重點係乜？咁就梗係港股大跌，我啲嘢都跌啦。美股大升，指數新高，我啲嘢總值都新高啦。

7. 「冇乜特別」。即係你要搵啲跌1100點都贏到開巷呀，高位反手造埋淡沽埋期指呀嗰啲，我就無能為力啦，你去搵高手啦。我只係知，好多人今年咁嘅市都要輸錢，而我連港股都仲贏緊錢（贏100蚊都係贏！咁當然唔止100）

8. 不過，留意嘅係，我幾個港股倉，「多謝晒」，輸錢，但都輸得少過三大指數（恒指跌4%國指跌5%科指跌7%），除非你計乜鬼港中企業指數啦下，「不如計公用股指數丫」「計VIX丫」．同樣地，我嘅美股倉，贏錢，亦都多過三大指數。

9. 係丁屎咁多，但積少成多。個撚個打李嘉誠飛機，呀氫能飛機呀，嘩人造肉呀，噢買Zoom呀，但佢從來都冇叫你炒期權，咁多年都係同你講持之以恒。
10. 我唔信咩1.01^365＝37.8嘅廢話，真係紙上談兵嘅極致。現實係大家只能順勢，上三步又畀人打返後兩步咁（買港股就上兩步畀人鋤三步，嘻）。

11. 但，金句嚟啦，都唔係第一次講：

12. 我跌市時輸得少過你，升市時贏得多過你，幾個周期就拉開晒啦。唔止股票，所有嘢都係。我三衰時都唔好太離譜，順勢時去得盡啲，自然見到分別。

13. 避開股災得唔得？得。唔買咪得。正如你咩反手造淡之類，你買幾皮嘢梗係得。但，幾皮嘢我畀你贏十倍又點？本人就大注碼，但（相對）低風險。一年執你10%夠啦。

14. 講咁多嘢，股災點算好？「睇Patreon啦」，其實都冇乜好算，但都算係賣廣告，今晚會寫。

15. 但真的，而家港股差，美股還好。過去幾年真係極之易玩，對，即係2020 2/3月都唔難，雖然大瀉，但跌得快，自己坐得穩，睇少啲垃圾，放個假去個旅行（我知封咗關，比喻啦），一個月唔睇股票，十分易過。反而2018先難玩。

16. 但，如果唔係咁易玩嗰時呢？我自己固然有方法應付，「但都要顧住個Patreon嘛」

17. 我明嘅，絶對係人性。不幸地我呢個Patreon都係順周期行業（都係教書或公務員好）。

18. 我冇去過美國，但Have you seen 威尼斯 at 1am？澳門嗰個。有冇諗過，點解賭場咁多家禽。I’m not talking about 葡京沙圈，講緊賭場入面。點解咁多家禽？你話，因為啲人有錢。啱唔晒，「長江中心老闆夠有錢」。

19. 最重要係，賭場令人暴富，你會輸晒，但執幾百倍唔難。而人當然係mental accounting，呢啲橫財，一定係會去咗啲古靈精怪消費。正如啲賓架出花紅都搞pool side party（有幸去過，唔使我畀錢，真開心。）。

20. 贏錢嘅，梗係豪爽啦，打賞荷官一千幾百有乜所謂（定再多？我唔去賭場的。雖然人生如賭博，港交所同馬會都係賭場）。但輸錢嘅，一碗叉燒飯一張船飛都R你啦

21. 講咁多，真的，跌市先要睇文睇Patreon呀。講真，市升嘅，真係冇乜好學，你敢買就得（雖然，都仲係好多人可以輸錢，多數人連大市都跑唔贏）．順境波唔難踢。但跌市，先講心理質素嘛。

22. 今晚Patreon就講下 股災點算呀，點解跌咁多呀，會唔會再跌呀之類。雖然，都唔好咁高期望，「其實冇乜可以點」，但，總有嘢會學到。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝