熱門Ptt文章

[爆卦]投訴email中文是什麼？優點缺點精華區懶人包

雖然這篇投訴email中文鄉民發文沒有被收入到精華區：在投訴email中文這個話題中，我們另外找到其它相關的精選爆讚文章

在 投訴email中文產品中有6篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， ［三千字PTGF冷氣企管系列］中—介—必—須—死！（＊） 1. 聲明：唔係教你做PTGF，亦唔教你做客。純粹案例研究，講risk management，principal agency problem，pay structure，profit sharing，skin in the game （加...

　同時也有3部Youtube影片，追蹤數超過76萬的網紅memehongkong，也在其Youtube影片中提到，我開左Twitter和IG啦！想睇多d可以關注：Twitter: @hkStephenSYY / IG: hkStephenSYY 加入我們的patreon：https://www.patreon.com/mrshiu 你爆料我來講email： [email protected] ...

「投訴email中文」的推薦目錄
  • 君子馬蘭頭 - Ivan Li 李聲揚

    投訴email中文 在 君子馬蘭頭 - Ivan Li 李聲揚 Facebook 的最讚貼文

    2020-05-28 12:29:22
    有 248 人按讚

    ［三千字PTGF冷氣企管系列］中—介—必—須—死！（＊）

    1. 聲明：唔係教你做PTGF，亦唔教你做客。純粹案例研究，講risk management，principal agency problem，pay structure，profit sharing，skin in the game　（加多啲buzzword就巧似professional 啲）

    2. TL；DR：人地就落場衝鋒陷陣以身犯險，你就涼冷氣分咁大舊，梗係出事。楊恭如話齋，呢個世界冇話邊個冇咗邊個唔得（＊＊）。仲要幾個都後生女唔係阿嬋，更加難服眾咯

    3. 上次講補習天王篇文反應還好（https://bit.ly/2M0yLUB），絶不走數，今日講類似嘅東西。

    4. 重覆多次：我不作道德判斷。犯法梗係唔好，唔好試，赤柱擺壽酒冇人嚟的。至於買春賣淫呢啲，我冇乜咩感覺，有供有求。大家明知係有咗幾千年，古今中外都有，甚至張愛玲都話婚姻就係長期賣淫。本文不作任何道德判斷，只係討論as 一個JV咁去做，有乜注意

    5. 當然一切都你請我願，但都有廣義同狹義。你畀人拎支槍指住嘅自願唔係真自願。同樣地，咩安排都好，terms太辣嘅，個equilibrium 好易topple，可能人地違約，你要打官司，甚至佢使橫手，搵人打你，同你攬炒，等等。

    6. 所以「公平」唔只係「合約精神」，「Michael Sandel都咁講」，亦唔只係你簽嗰下同意。要一路玩落去，大家都心服口服，先有得玩。

    7. 個大意思在TL；DR寫咗了：雖然冇相，但呀16歲少女事主X，就去接客。兩日接八個，就算個客吳彥祖咁款我估都唔多過瘾，更何況多數係張同祖咁款（無意冒犯，順口啫）。

    8. 你話，「冇畀錢你呀？」，等於我地寫字樓講，「冇糧出畀你呀？」。但，唔係咁嘅。呀事主X，一次分1000，值唔值，無從判斷。但有咁多人幫襯，至少都有唔少覺得值？可以話存在即合理，但都唔係重點

    9. 重點係，人係好得意嘅動物，人就係會比較。我甚至懷疑只有人先類會有「攬炒」。著名嘅Ultimatum Game（https://bit.ly/2zAtmRr）（果然加個英文就好專業）：一筆錢，A決定分幾多畀阿B，阿B可以收，或者攬炒，大家都冇。理論上阿B應該乜都受，因為總係好過冇，就算100蚊阿A要99蚊分1蚊畀B，B都應該受，因為1蚊好過冇。至少古典經濟學咁講

    10. 但實驗見到，唔係咁。人係好奇怪嘅動物，你可以話公義，或者就叫黃子華嘅「魚蛋論」。人見到其他人幸福，會唔開心。又或者，見到人仆街，會好開心。呢個可以同佢自己情況無關的。做過投行都知，你出三個月花紅，廢柴同事出五個月，你嬲足幾日。但你出一個月，廢柴同事冇，保證你就開心幾日。

    11. 道理正係咁，事主X係咪值1000蚊，根本唔重要。重要係，你另外三條女，坐冷氣房碌下電話，收咗1600蚊喎！唔公道咯。咬得咁狼，分贜唔勻，必然出事的。肚痛只係一個導火線，總會有一日爆。

    12. 另一個問題就係，所謂嘅馬扶，雞頭，龜公，agent，whatever you name it，就係中介人，帶嚟乜價值先？直接啲講，你憑乜去收嗰1600蚊？個客畀2600，係想要事主X嘅服務嘛。點解事主X唔自己拎晒2600？甚至減到2000，就win-win，大家分咗個consumer surplus （！）

    13. 我同利世民，幾次都提過一本書，有中文版，《百辯經濟學》。但英文版Defending the Undefendable直頭可以免費網上睇，（https://bit.ly/2zzhfUA）。右翼Libertarian必睇，入面就係去為啲傳統畀人鬧嘅角色辯解。其中就包括pimp，扯皮條。佢有講，呢種中介人，帶嚟乜價值。

    14. 本書講得有道理。但，唔好忘記，呢本書1976年。過去四十幾年，世界變咗好多。而家係一個去中介化嘅年代。以前你想睇金庸，就要買明報，奉送一大堆你唔想睇嘅物體。但而家我係作者，可以直接做收費專欄。好多行業都係咁，賣淫/性交易點會例外。你幾位冷氣agent，提供到乜嘢不可或缺嘅價值？我估冇乜。

    15. 仲有一個點。亦係魚蛋論。你話如果個中介人係個阿婆，可能冇咁奶嘢。阿婆可以話「阿妹doi你估我唔想幫你咩，但我幾廿歲啲友嚟玩假牙咩，我係有人要我都落場啦」。但，今次嗰幾個中介，廿歲出頭，有手有腳有乜乜。點服眾？做乜我要落場，你唔使落場，而分得多過我？

    16. 情況等於公司搬嘢，你老細如果係七十歲，咁佢唔搬嘢，你可以接受。但如果佢仲後生過你，但在側邊指指點點，唔幫手，你實唔服。

    17. 唔想寫太長，但類似嘅東西，仲有好多好多。我2003年在新港戲院（已死），睇過套好爛嘅戲，叫做 In the cut，中文叫驚殺。男主角係變型俠醫，荷里活摩連奴Mark Ruffalo。但梗係睇女啦。除衫嗰個，威咯，Meg Ryan！Hey，show some respect，荷里活甜心You’ve got mail緣份的天空 90男歡女愛嘅Meg Ryan！雖然當時已經四張嘢！但更好玩嘅係，邊個監製？係Nicole Kidman．話原本係佢剝，但佢搞緊離婚要多啲時間陪小朋友，哈哈哈，所以點咗朋友Meg Ryan去除。真夠朋友，套戲咁好，你唔自己除？你又唔係七老八十。

    18. 仲有，周顯早兩日寫嘅東西，亦係同一道理（https://bit.ly/2ZGY85K）。講明就係分贓不勻易出事

    19. 之前睇嘅唔少戲，都係呢個主題。包括係泰片嘅《出貓特工隊》，或者十幾年前嘅西片《決勝21點》（21）—前者大家熟，後者呢套戲唔係太多人睇過，但故事應聽過：麻省理工嘅精英教授同學生，靠計數同記牌去煲爆賭場。但一樣係分贓不勻，有啲人覺得根本唔使靠其他人，我一個玩晒就得，有人唔同意，就出事。

    20. 事實係，幾時都係scarcity就代表巴京拎包華．例如PTGF事主X呢個情況，你諗都諗到，邊樣先係scarcity，邊個有巴京拎包華。16歲仲要落場仲要客人滿意嘅服務提供者難求？定係啲冷氣中介難求？所以邊個應該拎大份？一睇就知唔公道。

    21. 最後再講，好多人以為「老細」「管理層」「CEO」一定高人工，但都有唔少例外。亦係等於我講補習天王篇文，有啲行業睇individual talent．銀行，特別係投資銀行，最高人工嘅，往往唔係個CEO，而係帶客嘅sales，或者炒房嘅trader．原因同補習天王一樣，佢地先係落場搏命，佢地去第間都得，CEO只係個高級公關同Admin

    22. 舉一反三，足球隊，NBA都係。你發現，員人工都高過領隊唔罕見，亦係Scarcity嘅問題。固然有名帥，但一般都係球員先係scarcity．曼聯費格遜年代，聽聞有個規矩，球員唔可以高人工過佢。佢話否則球員點會聽你支笛？但而家冇呢回事了，亦可能係因為領隊冇以前咁重要。所以你見而家好多時係領隊驚球員，球員有食力嘅，去邊都得。粗略講，我搵條廢柴帶美斯C朗落場，肯定好過搵摩連奴／哥迪奧拿帶班廢拉球員。

    23. 真係最後講下，呢篇文其實夠晒踩界，可能去到本專頁嘅底線了。始終公開嘅專頁，唔排除有人唔高興，投訴，咁呢篇文就會下架。所以有得睇快睇，「但又記住畀like 同share」

    24. 咁你話，其實我咁玩，咪又好似補習天王咁咯，人地就不停講內幕貼士，卒之出事。我就越寫越大膽，都係會出事。我想大家share，但又怕太高調。咁邊有得唔高調而廣傳呢？—但有個分別，我出事，最多咪整走篇文，或者最壞情況成個Page玩完—但唔會要坐監嘛。

    25. 呢個亦係我想講，真係最後一個故事：飛機上，一隻鸚鵡對空姐說：「給大爺來杯水。」豬也學鸚鵡，對空姐說：「給大爺來杯水。」空姐大怒，將鸚鵡和豬都扔下了飛機。這時，鸚鵡對豬說：「你傻的嗎？大爺會飛呀！」

    26. 教訓係乜？有時，你見高層就算同你一齊落手落腳搬嘢，甚至同你共同進退，出咗事齊齊畀人炒。但人地有幾千萬幾億身家，你冇嘛！所以，都真係唔同的。當然一般都總好過坐埋側邊點人搬嘢自己唔搬嘅人。（＊＊＊）

    27. 彩蛋：你見埃汾幫你間晒重點。會唔會有人以為埃汾讀書間書或者整notes好叻？無數咁多人可以證明，我係唔間書嘅。本教科書咪係碌屎。我亦都唔明啲女同學間到本書有螢光筆多過冇，係乜玩法。

    （＊）呢個其實係吾友高天佑本書，但佢同本post無關

    （＊＊）楊恭如真係好東西，但我唔係睇人外表咁膚淺，佢直頭係我人生導師！容許我再一次講，楊恭如教曉我嘅三件事：第一，「我同咗佢結婚，都可以同你一齊」（拍戲講，《風雲》）。第二，「呢個世界上冇話邊個冇咗邊個唔得」（周正毅毛玉萍COVA事件，當時未係美心）。第三，「食飯唔好背住門口坐」（同上）

    （＊＊＊）類似嘅故事我仲有好多。例如呢個：農場隻雞同隻豬，諗住幫主人廢祝生日。咁隻雞話，我地不如整個火腿蛋啦。隻豬話：你當我真係咁豬？你就貢獻個副產品排粒卵，我要終身殘廢呀！

    ———————
    版務：收費專欄已減價。支持埃汾高質文章。
    一星期三篇，$175睇到6月22號，加埋過去兩個幾月所有文章。

    請去呢度訂：bit.ly/2wVXndj
    課程編號填: CC01
    報完會有email通知，繳費後有Login及Password
    逢一三五入去 homebloggerhk.com （入到去就睇到《事先張揚》）
    亦睇得返以前嘅文。一般我都係會黃昏出文嘅。

  • Alfred Chan

    投訴email中文 在 Alfred Chan Facebook 的精選貼文

    2020-01-17 18:57:18
    有 926 人按讚

    【YouTuber之日常】

    除左拍片剪片，其實我每日都會花好多時間處理頻道嘅各種事務。例如今日就收到一位觀眾留言，話去我拍過嘅一間大阪餐廳食完飯之後又屙又嘔，信錯左我喎！嘔🤮咁大件事，梗係要回覆下啦！
    📝「你好，我不是函太郎的員工或老闆，只是以遊客和YouTuber的身份去光顧並記錄下來。如對餐廳有任何投訴，請直接聯絡餐廳。」

    跟住又好開心，收到一位客戶嘅email，話早排喺我地channel落廣告，成效好好。有幾好我唔知，可能都係客套說話，但講真一句，做攝影製作咁多年，有咁好禮貌嘅客係屬於小部份，所以每次收到呢一類嘅email，都會好感激又遇上一個好嘅客戶。🙏

    轉個頭，又收到YouTube官方通知，話系統detect到有頻道偷左我地條片重新upload！咁搞笑？「搬運」去b站就聽得多；英文片加中文字幕再upload，上中文標題嘅YT內容農場亦見唔少。香港channel偷香港片咁前衛真係估佢唔到！😂😂

  • Maggie Mags Storyteller 金麥豬樂悠油

    投訴email中文 在 Maggie Mags Storyteller 金麥豬樂悠油 Facebook 的精選貼文

    2020-01-12 23:24:23
    有 198 人按讚

    <<關於專注力>> 段文超級長,但係好值得睇!!

    有幾位媽媽PM 我,好急需要了解點樣用精油提升小朋友嘅專注力, 因為---黎~緊~呢~個~禮~拜~考~試~

    所以我就盡快bit 左D時間出黎寫一寫我同Cassidy 係兒童專注力上嘅 『經歷』真係好長, 寫到喊左小小!

    大女Cassidy 性格好活躍, 佢BB 個時唔瞓覺,有少許焦慮問題,成日喊,睇返佢細個D相,一大堆細路時,影親合照都喊,我約D朋友出黎食飯, 每次都要預先提醒我D朋友,見到我個女千萬不要興奮,不要同佢有任可眼神接觸,當佢唔存在,通常到大家散水佢就岩岩warm up 完,到佢大個小小識講嘢,把口係唔識停,不停講不停講不停講,公公話,如果聽唔到熹琳把聲,一定係瞓著左! 講起瞓覺,佢晚晚都有入睡困難,每次暗佢瞓8成時間都係沒有好結果, 講故事講一個唔夠,要講兩個,之後陪瞓半個鐘以為佢瞓著,佢會不停諗到野問你,有十分鐘無出聲你以為佢瞓左? 佢突然 "媽咪啊,我呢......" 每次攪成個鐘,最後都要發皮氣鬧佢先收聲瞓覺......

    本來都唔意會有什麼問題,第一次做媽咪,都唔知其他細路係點,但係有時都會比D媽媽朋友問,點解熹琳咁鐘意喊........我點知啊!我知攪得掂佢就已經唔喊啦!

    後來到左佢讀幼稚園,K2時問題開始出現, 因為嗰間幼稚園真係一D都唔幼稚,係神童園嚟, K2學字係寫『四川有大熊貓』『北京有萬里長城』『渡海小輪』呢D神童級嘅字, 兼且係要坐得直,好文靜,好多表演.當然我知道有好多神童讀呢D幼稚園係無問題, 但係我嗰個比較幼稚又活躍嘅女,承受唔到呢D壓力,佢開始出現好多行為問題,包括:

    上堂發夢(呆)
    手腳不能協調會坐坐下彈起身做運動(老師投訴時,我初頭以為佢撞邪)
    catch up 唔到學校嘅Task
    夜晚瞓唔好,有時會瞓唔著,有時會發開口夢大叫

    然後最大問題,係學校成日投訴,真係叫我處理下個女個隻投訴,我諗係學校時老師都唔方會對我個女好,之後仲攪到我個女變到無自信!

    離開呢間神童園,小學我地上左一間都唔錯嘅傳統津校,雖然都幾辛苦,但係因為Cassidy 成績幾好,最勁試過全級頭十名,所以見家長時,老師唔係投訴口吻,但都係會講出佢發夢,上上下堂會企起身,玩文具,上上下堂拎晒櫃桶D野上台面,真係令人莫名其妙....

    上到二年班,呢個時候,我剛開始接觸精油!第一樣改善嘅係佢嘅睡眠質素,Diffuse 比佢真係sharp 9點瞓, 無在E E or or 成個鐘,第二係提升佢嘅『工作效率』面對海量嘅功課,diffuse 精油真係幫助好大,每日都十樣以上,Diffuse 住精油真係令佢又Focus 又放鬆, 一年班時用兩個幾鐘做6-8樣,二年班真係可以用個半鐘做8-10樣而當時已經有D功課係TSA工作紙.

    但係就算佢攪得掂D功課,我見到大家都好辛苦,令到我反思係咪應繼逐行傳統呢條路,於是Cassidy 轉左去國際學校!無左咁忙,生活平衡返,肥返小小,開心左,有自信左!

    升上四年班,放完個暑假,所有節奏都亂晒,8月頭開學,返學頭兩個禮拜老師send email 黎同我地講Cassidy 係學效嘅情況,希望可以大家一齊幫下佢!我好鐘意呢間學校,因為D老師係充滿愛,佢地唔係投訴叫你攪掂佢,係想睇下點樣幫到個小朋友, Emai提到Cassidy 係課堂控制唔到自己,周身郁攪其他同學,我同老公俗稱佢係課室攪事,於是我地就開始同佢回復暑假前做嘅野

    夜晚Diffuse StreeAway Lavender
    食兩粒Life9 益生菌,腸道健康對腦部影響好大,好多人唔知胎兒form 內臟時,腦同腸係同一嚿嘢嚟
    朝早飲一包寧夏紅加兩粒Omegagize
    出門口前會係佢太陽穴搽Lavender 同Peppermint
    佢書包會袋住一支Geneyus精油,我加左滾珠頭比佢,方便佢搽,我叫佢係佢唔鐘意嗰D Class 搽幾吓係頸背,會令到嗰堂FUN D,當然無呢回事,其實係幫佢提神同提升專注力令佢無咁容易發夢,我要話會Fun d 佢先會肯搽!

    做左兩個星期,老師覆返Email 嚟,佢已經有明顯嘅進步!!! 其實好感因呢D天然嘅野可以輔助佢,令佢係學校更順心,因為專注力唔平衡會好容易比學校誤以為個為小朋友好愛"攪事" 而事實上係佢地自己都控制唔到!

    有人問我係咪要Keep住長期用,用幾耐,我會答你係要keep住用一段幾長嘅時間,半年至一年,係咪唔可以停? 當然唔係!!
    首先,因為佢地呢D人嘅性格係生出黎就咁,提升專注係會令佢生活上工作上人際關係上會容易控制,用嗰時,效果係好明顯,效率會話到比你聽,但係,我女放假時我會唔記得幫佢用,最多人concern 嘅係長期用會唔會有唔好嘅副作用,唔會! 因為係全天然嘅野,我係睇晒資料先比我女用嘅!

    講返呢年幾佢上左中學,除左朝早仲有食supplment,每朝有係腳底搽油for 免疫系統之外, 真係無再搽聞到味嘅油返學,始終teenager,佢唔鐘意有陣味,而Cassidy 係學校既表現都算唔錯,見家長個個老師都讚,除左中文係差D之外!

    我覺得呢幾年係佢身上花嘅心血有收成,因為提升佢專注力,因而提升到佢工作效率同成績,結果係成功啟動佢腦裡面既酬賞系統, reward system 發達嘅人係比平常人容易成功好多,呢個系統啟動左,真係唔駛擔心佢將來! 之後有機會同大家分享下 reward system!

    最後,我想借呢個機會安慰面對呢D問題嘅媽媽們,我上面好輕鬆咁樣講出左我嘅經歷,其實嗰段時間好難捱,尤其學校一打黎投訴我就會喊,就會發癲,佢讀KG時,因為老師圈手冊投訴得好密,有一次,亦係唯一一次我打左啊女手板,覺得佢教極都唔聽,佢接受唔到我打佢手,對住我尖叫,佢叫嗰下我好心痛,自己衝左入厠所喊,自此我同自己講一定唔會再咁做!

    四年班呢次收到個email,我同佢傾,我問佢點解要咁做,係咪覺得咁樣好玩,覺得上堂咁樣做係岩,佢𢱕底頭話唔係,然後佢同我講話佢控制唔到自己,我當時眼濕濕,亦同個女講我地一齊work on it!

    我覺得我地絕對清楚自己個小朋友係咩人,亦知道佢唔係曳唔係攪事,所以,我覺得係呢見事上,精油supplment 係輔助,而主要係我地要信我地嘅小朋友!

    希望呢個分享會幫助到各位想用精油提升專注力嘅朋友,大家一起加油啊!
    如果你想要多D資料,可以留言比我地 :)

你可能也想看看

搜尋相關網站