［身痕文學］係喎，王家衞vs 金基德，比較文學。

TLDR：玻璃杯as a metaphor。借來的空間，借來的時間。

1. 實情睇過好多次，最初戲院上唔肯定有冇睇過，但VCD呀TVB呀有線呀睇咗N次。然後有年電影節都睇過，仲要係在旺角（朗豪）！

2. 當然又係嗰句，唔同年紀睇有唔同體會。細個睇可能只係當黑社會片。大個少少，就梗係睇劉華同張曼玉在個電話亭打茄輪。

3. 再大個啲，睇萬子同張學友雀館。或者係梅窩巴士，大角嘴麗華戲院等等嘅風情。（又，「今日我喺呢度賣魚蛋，聽日我喺中東賣飛彈！」，完全反映返當年中東局勢兩伊戰爭，結果到而家仲係阿富汗）

4. 再大少少。扮文青睇咗2046 花樣年華 等等後，又睇返 《旺角卡門》，的確見到好多嘢已經有雛型。亦證明王家衞玩「商業」一樣係得。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
5. 唔係話「商業 vs 藝術」完全冇界線，但我嘅unpopular opinion係：好多人只係用「藝術」去掩飾自己嘅嘢唔掂。你寫得掂垃圾文識寫標題黨，先有資格講我不屑玩呢種遊戲。

6. 早排連睇9套金基德，佢當然從來都冇玩到「商業」嘅遊戲，但我有理由相信佢一樣識玩。因為佢嘅電影就係好鍾意刻意誤導你，你以為會咁咁咁，就唔係。呢個亦表明佢知道一般「商業」電影嘅玩法，佢就特登唔玩，吹咩

7. 你話王家衞唔計算咩？我覺得佢一樣好計算，正如我覺得金基德一樣充滿計算。只係人地計算嘅玩法唔同。佢地知道鬼佬想要乜。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
8. 正如最簡單最入門級嘅「xx as a metaphor」，我都寫過，金基德《慾海慈航/援交天使》嘅石頭（代表審判），或者係《漂流慾室/島》嘅魚鈎（代表控制），《情慾穿心箭/情弓》嘅弓箭（代表父權傳統），甚至係《感官樂園/空屋情人》嘅哥爾夫球棍（片名就係3-Iron，投閒置散嘅嘢）

9. 《旺角卡門》呢？就係「玻璃杯」，玻璃杯代表嘅係「從良」，正常人嘅生活，心中嘅安寧，亦即係《吳清源》嘅棋局，《英雄》寫書法。劉華成日打爛晒啲杯（呢個象徵佢追求寧靜但偏偏人在江湖柏木由紀），張曼玉（表妹！）話唔想佢冇杯用，所以自己收起咗一隻，如果需要嘅可以去搵佢。意思已經講到好明。

10. 《旺角卡門》仲有一個重點：「借來的時間」。呢個亦係《天若有情》（我知唔係王家衞）嘅主題，A Moment of Romance（英文戲名），歡情太暫，只求望一望，讓愛火永遠的高燒。正係劉華同吳倩蓮著咗草去澳門，先可以好似普通情侶咁安樂一陣，但好快已經有人拉返佢去現實。正如《旺角卡門》一樣，劉華同張曼玉去大嶼山依泣一陣，又係有江湖事拖返佢出嚟。只怨歡情何太暫，轉眼分離緣有限。

11. 呢個亦係金基德《漂流慾室/島》嘅情節，正係大家朝不保夕先可以扑過不停愛恨纏綿，到真係齊齊幫間愛巢油油（代表安家生活）就冇戲唱了，男嘅孟浪女嘅控制慾，冇得玩的。

12. 事實啲童話就係 自古美人如明將，不許人間見白頭。只講一句「從此快快樂樂生活落去」。因為冇「借來的時間」，冇外敵，就變咗為啲無聊嘢嘈了。結婚就係極唔浪漫嘅一回事，日日都係嘈塊廁所板放上定放低，或者阿仔讀邊間幼稚園。文藝作品中嘅男女係冇呢啲問題的，所以幾時都話，文藝女青年這種病，生個孩子就好了。冇乜嘢比生個B更加能摧毀一個女文青在你心中嘅印象。如果唔夠，生多個。你見到中學校花叫佢衰仔drink drink water，包你咩幻想都冇晒。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
13. 係喎，其實夫子自道，當然我唔係自比王家衞。但你懂的，我亦唔使好多人睇，有2000個true fans撐Patreon已經好夠。我一樣識玩垃圾標題黨遊戲但我就真係 倦也悶 在某天已拒絶再玩。正如我唔會出嚟寫北京交易所，個撚個平時講到大陸嘢政策不能預計唔知佢想點，但忽然又中南海直線上身，又個個變身國師知晒之後幾百步棋想點。

14. 正如我識玩考試遊戲，但襟芒四十幾歲人啦，仲去讀書咩。正如我都識玩辦公室白領遊戲corporate ladder，唔算好叻但叻過好多人啦，但一樣：

15. 但我厭倦 倦也悶 在某天已拒絶再玩 （其實鍾意安全地帶版多啲，但唔識日文，而廣東話版填詞真係好）

16. 當然啦，玩過而又唔太失敗，先可以講呢句。正如我入到港大，咪先可以話你知，「咪又係咁」「不外如是」。正如我出到本書，先可以話你知，「咪又係咁」「不外如是」。但就要試過先知嘛。

17. 總之，《旺角卡門》好睇的！必睇！

18. 都話，雅俗共賞，MK仔當黑幫片睇，少女睇劉華，男仔睇萬子，文青可以懷念舊香港。

19. 我就憑弔我逝去嘅青春。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
20. 噢其實，《旺角卡門》講嘅亦都係「拒絶再玩」嘅故事。劉華早已厭倦呢啲仇殺生活，但正如上面講，人在江湖柏木由紀，明明佢想了無牽掛，但偏偏太多情。有個仲係想做大事想證明自己嘅馬仔烏蠅（張學友），有姑媽，有表妹。

21. （劇透）最後劉華係搵到隻杯，但結局都係死咗。冇錯，就係死咗，先搵到心中嘅寧靜。呢個亦係金基德好多戲嘅主題：捨棄肉身然後得道。有時係死咗（《聖殤》，《春夏秋冬》嘅老憎），有時係魔幻化（《感官樂園/空屋情人》最後個磅變咗零）。

22. 拿，都話比較文學！金基德vs王家衞。真係拎去寫論文都得。當然兩個導演其實唔太似，王家衞更加係一個「金句」導演，而且好多時都唔係拍現代。金基德粗糙好多，多數都拍現代，但始終都唔係好入到「主流」，你鬼佬都冇幾多個敢講自己好鍾意佢，特別呢幾年人人metoo．

23. 睇就一定睇，有機會睇完寫多篇。但好多時呢啲「有機會寫」都最後冇寫。邊得閒？始終仲係未去到搵夠上岸唔使做啲錢多到用唔晒（否則使乜搞Patreon？）

24. 最後大煞風景講多句，麥芽糖餅as a metaphor．張學友在大角嘴賣嘅魚蛋，一蚊串，1988年。你睇下而家一串魚蛋幾錢？呢啲就係尼克遜廢除金本位制嘅後果啦。

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【小編親身體驗！入住文華閣海景房（包埋 Club Lounge），平日可住足 24 個鐘！】詳情：https://www.runhotel.hk/mandarinoriental-experience

小編啱啱去試完香港文華東方酒店嘅限時優惠，房價最平 HK$2,000 (連服務費 HK$2,200)，Package 本身包左早餐和 3 道菜晚餐。小編今次就住 Verandah Style 文華閣海景客房，房價 HK$3,500 (連服務費 HK$3,850)，Verandah 房嘅設計偏歐陸風，望出去可以睇到海景加 AIA 摩天輪景🎡，入夜之後亮埋燈仲靚🔅，房入面迷你吧可以免費享用，仲會有望遠鏡俾埋你睇景添！而窗邊就有足夠兩個人嘅梳化位，坐係到打卡影相都好正👍🏻而洗手間就係現代風設計，配搭黑、白色大理石都好靚，提供 Diptyque 沐浴用品、香皂及身體乳，浴缸位仲可以邊浸浴邊睇電視。另外，對枕頭有要求嘅話，記得要問酒店拎個 Pillow menu 睇睇，文華嘅 Pillow menu 好貼心，係會有 6 個迷你枕頭仔俾住客可以試啱手感先再換。9 月份入住呢個 Package 會再送 SHISEIDO 護膚品添！

入住文華閣客房仲有得去歎埋今年 2 月先新開嘅文華閣服務！Lounge 位於酒店 23 樓，部份窗邊位仲可以睇到皇后像廣場景。Afternoon Tea 會以雙層架形式上菜，有包埋文華好出名嘅 Scones 連玫瑰花果醬，及 7 款咸甜點，而雞尾酒時段嘅小食都高質，熱食有春卷、叻沙咖哩汁青口、辣魚餅同蕃茄湯，仲有多款麵包、芝士、小蛋糕、紅白酒、雞尾酒、啤酒等🍹。

至於晚餐就喺 Café Causette 享用，坐低之後會先上份餐包，而前菜小編就揀咗香草忌廉蘑菇湯，份量都幾大碗，味道好香濃，而且飲落有唔少白磨蘑片增加口感。而主菜就試咗西班牙黑毛豬配巴馬火腿燴洋薏米，同香煎三文魚扒配白酒汁寛條麵，份量就唔算多，黑毛豬前得好香，而寛條麵亦都好 Creamy。最後甜品有意式椰香奶凍伴熱情果忌廉及菠蘿果蓉、朱古力泡芙伴櫻桃果醬兩款可以揀，奶凍食落好清爽解膩，而泡芙咬開中間會有凍凍嘅朱古力忌廉，點埋櫻桃果醬一齊食就啱啱好可以中和返個甜味😋成餐食落就啱啱好夠飽，大家晚餐前去 Lounge 嘅時候，可以唔使就住食都得。不過餐廳人流比較多，如果想靜靜地食飯傾下計嘅話，建議可以揀喺房內食會比較好。

早餐方面，小編就揀咗喺快船廊食自助早餐，食物選擇超豐富，重點係有一大個 Corner 嘅麵包🍞同點心🥟供應！另外仲有穀麥片、煙肉火腿、腸仔、沙律等西式早餐美食，想食中式嘅都有炒麵、雞肉粥、油炸鬼、菜肉包等等，就連日式牛肉薯仔可樂餅都有㗎！另外仲有即叫即製的雞蛋料理同麵檔。
預訂網址：https://bit.ly/3yEUMyL

----------------
想知更多自助餐優惠 、酒店、旅遊優惠情報，而家仲可以 Follow 埋我地 Runhotel Instagram、同埋 YouTube Channel：
IG：https://www.instagram.com/runhotel.hk/
Youtube：https://www.youtube.com/channel/UCx93c33BCa4_zwuQBJB3o0w
----------------

第十一回－－卡爾的愛情

全盛時期的里安納度．迪卡比奧，在顏值上真是無人能及，當劉俊文看著穿好西裝後的他前來和他握手時，他就像看到天敵一般全身戒備著，挺胸收復，把自己最好的姿態擺出，可是，他心裡很清楚這都是無謂的掙扎。

在旁的李倩盈跟他熱情的面碰面，然後心裡樂開了花，劉俊文悄悄的跟她說：「我上船前想了一百個救他的方法，現在我也能想出一百個讓他死得很慘的方法！」李倩盈白了他一眼：「這些乾醋讓你僅存的魅力都失去了。」

在飯宴上，傑克一屆平民，卻能在富人堆中談笑生風，成為全場的焦點。

劉俊文終於明白，當你作為觀眾去看傑克時，你會為他的出風頭感到快樂，因為他正正代表著觀眾，可是，當你坐在他的對面時，他的一言一句，你都會想著，到底自己有什麼可以跟他比得上。

論外貌，這是不用想的；論內涵，他的見識和看法也是頂級的。

而劉俊文無奈的看了一眼卡爾，心道，難怪你會挑起他是三等艙的乘客這一點來說，因為這是你唯一比他優勝的地方。

更可怕的是，直面傑克時，他發現傑克最讓女人心動的，是那種自由自在，充滿未知的年輕。

對，是年輕，十八歲的傑克和三十歲的卡爾，一個還會說著夢想，大叫 I am the king of the world的男生，與一個深明白自己只是社會上的一個齒輪，不努力爬便會被人排擠的男人，從眼睛中看到的是兩種不同的神色。

露絲才十七歲，她想要的，是探索更多的未知，跟一個和自己有共同意向的男人冒險，而不是一個每天也排好了行程，陪你做什麼也要先行預約的男人。

晚餐完結，卡爾和一眾富人到吸煙室抽雪茄和喝白蘭地，劉俊文給李倩盈打了個眼色，兩人分頭行動，一方離間，一方撮合的行動正式開始。

果然在社交途中，卡爾的僕人跟他耳語了一番，然後他臉色一沉，劉俊文知道卡爾得知了露絲正在跟傑克在三等艙中跳舞玩耍，他走到卡爾旁邊：「有什麼事嗎？我看你臉色不太對勁。」

卡爾揮了揮手道：「沒事，剛剛我的僕人說，露絲和佩琪小姐跟了傑克到了三等艙玩耍，我已經叫了僕人好好看著他們，我真不明白露絲，那些三等艙的人龍蛇混雜，喝醉鬧事打架，她不懂自己在當中可能會有危險嗎，謝夫先生你放心，我的僕人也會好好的保護佩琪小姐，他們不會有什麼危險的。」

劉俊文心想，這卡爾也比他想像的有耐性，按劇情去看，第一晚他得知傑克拯救露絲的事不簡單，第二晚他知道露絲跟了傑克去三等艙玩耍，也只是叫他暗中觀察，並沒有發火，直到第三天的上午，他和露絲吃早餐時，他第一句問露絲以為她昨晚會來找他，但露絲並沒有說自己昨晚的活動，反而說自己很累，卡爾也不再暗示，直接道出他知道昨晚露絲和傑克在艙底的事，傑克還抱住了自己的未婚妻。

露絲反道，她知道男僕跟蹤自己的事，並示意不滿，而卡爾也只是勸說，要她以後都不要再這樣，當時也是平心靜氣。

直到露絲說出，她不是他的工場領班，任由他指揮，她是卡爾的未婚妻，而卡爾的神情立即變了，大叫，我的未婚妻！？把餐桌堆掉，然後激動的捉住她說，妳是我的妻子，雖然法律上還不是，但實際上是，所以妳要尊重他，不要再愚弄他。

不說劇情，用現實去想想，你的妻子沒有知會你之下，夜不歸宿的跟一個男人玩喝酒跳舞玩通宵，而你有朋友看到了，你的妻子也看到了你朋友，但她仍然繼續下去，到第二天你跟她說昨晚的事，她還不說出來，你說出來，她還口說你找人跟蹤她是不對，她不是你的僕人，而是你的未婚妻。

這火，要發出來，也是合情合理，即使任何人也不會對你的責備有任何意見吧？

劉俊文把卡爾拉到甲板上，把酒遞了給他：「有時候喝醉了，更能表達自己的感受，卡爾，我把你當成朋友，把自己的事跟你說了，現在看到你有事，我也很想與你分擔，你雖然還神色自若，但我知道剛才的事，讓你失望了。」

卡爾把酒接了過來，45度的烈酒，一下子灌了三分一，解開了頸鈕，嘆了口氣道：「謝夫，我知道露絲不愛我，她一直都用不同的行動去告訴我，她不愛我的事實，而我一直都裝作不知道，可能，我在工作上習慣了喜怒不形於色，哈哈，但我這一裝，她真的以為我什麼都不知道，看來還想有更強烈的方式去讓我知道，讓我難受……」

劉俊文接過酒，也喝了三分一，和卡爾並肩看著大西洋，臉上被寒風吹拂著：「你知道嗎？女人啊，不愛一個人時，比起男人更絕情，這種冷暴力，比起直接扇你幾把掌更令人難受，肉體的痛，只是一時，精神的痛，可能是永遠的。」

「我對她啊，從不吝嗇，你知不知道，昨晚我給她送了海洋之心，那是我本來打算訂婚晚宴時才送給她的，可是……我提早拿了出來，我感到她離我愈來愈遠，即使在這小小的鐵達尼號上，她也不是在我身邊，總想遠離我……咕……啊……我還跟她說，我沒有東西不能給她，也沒有什麼東西會拒絕她……只要……她不拒絕我……我的天啊，我從商這樣多年，面對幾百萬的訂單也沒有如此的卑微過，可是……她握著的海洋之心，只是海洋之心，而不是我，卡爾的海洋之心，她讚嘆它的美、它的貴重，但她連一句，謝謝，也沒有……」卡爾邊喝邊說，劉俊文在他身邊一言不發，因為他知道這男人，現在最需要的是將心底的話說出。

「我很努力了謝夫……我真的很努力……可是你明白嗎？再努力，也不能感動一個不愛你的女人……哈，我卡爾不是沒有見過女人，漂亮的！年輕的！千依百順的！有錢的！貧窮的！我也見過！可是我不愛啊……她們對我感興趣的，我都不愛，偏偏……我卻愛上一個不愛我的女人……主啊……這玩笑也開得太大了吧……」卡爾一手將酒瓶丟了下海。

劉俊文給他遞上了香煙道：「愛情就是這樣，沒有感覺就是沒有感覺，勉強的話，只會因為付出更多，而換來更痛的失敗啊。」

「我不會失敗，她不會離開我！她需要我……我的錢，我就用我的錢去捆住她，讓她待在我的身邊！她想要的，我……我都給她……可是……哈哈哈！！！！！！她連跟我要的意思都沒有，我連一個工具人都不是！謝夫，你說說，我有這樣差嗎？我是什麼都不是嗎？為什麼她連跟我說都不說？」卡爾搖著劉俊文的肩，激動的說得連煙也掉下了。

劉俊文搖搖頭道：「你綁住她又有什麼好處？現在你們還未結婚，不如你放過她，也放過自己，找一個真正相愛的人不好嗎？」

「不不不……謝夫……你不懂，整個費城的上流也看著我們，要是我不結，我會被他們如何說？我卡爾連一個女人都管不住，她們家需要錢，我有錢，但她們寧願不要錢，也不想和我結婚，我肯定會成為整個上流的笑話！」

「難道你希望你和露絲結婚，拿完你的錢，再跟你離婚，又或者，她以你妻子的名義，到處跟別人勾搭？然後整個上流社會的人都知道你人財兩失？？」

「她敢！？誰接近她，我就殺掉！」

「有意思嗎？」

「沒意思……可是我有辦法嗎？謝夫，不如你教教我，我要如何做，才能真正得到她的心？」

「你真的愛她嗎？」

「我說愛，你信嗎？」

「即使她不愛你，你也愛她嗎？」

「愛！」

「最可悲的不是騙人，而是連自己也騙了卡爾……每個人都有底線，你對她的愛，終有一天會變成恨，難道你想連一個你唯一愛過的女人，也要變成恨她嗎？」

「或者……我現在已經開始恨她了……」

「這不是你的錯，而是她把你傷得太深了，作為朋友，卡爾，放手吧，你放手不是放生了她，而是放過你自己，你值得更好的，一個願意在你工作累得要死回家時，會給你慰問的人，一個願意在你送她什麼禮物，也覺得高興的人，一個待在你身邊，也會感到快樂的人，你不要委屈自己了好嗎？你的痛，不單是你痛，你身邊的人也會為你而難過，我們都想你快樂，難道你想大家明知你不快樂，也要在你的婚禮上，給你一種憐憫的祝福嗎？」

卡爾沉思了好一會，然後笑笑說：「你知道嗎謝夫，我從來都沒有做過如此艱難的決定……你說的對，我知道大家也知道我不快樂，也很擔心我……也許，作為一個紳士，我應該比別人更豁達，面對真正的問題，而不是見步行步，落得更差的結果。」

【恭喜宿主完成支線劇情，卡爾的愛情，獲得獎勵，卡爾的饋贈，獎勵將會在完成劇情後回歸發放。】

－－－－－－－－－－－－－－－－－－－

下回預告：

露絲與傑克在沒有卡爾的情況下，會如正常劇情一樣進展嗎？

安德魯方面，任務又要如何完成？

離沉沒，只有不到兩天

－－－－－－－－－－－－－－－－－－－

作者的話：

我唔再追求字數，有讀者同我講節奏上既問題，始終係Facebook大家未必有咁多時間專心睇長文，所以我希望呢種長度會更適合大家

而劇情推進會更快，有咩要補充，我有機會出書時再加吧

希望大家喜歡呢一篇，我打個陣將所有卡爾既鏡頭都重溫一次，認真覺得佢唔係大家想像中咁壞，只係一個係愛情上無能為力既男人。

如果大家覺得佢係衰人既，歡迎討論！

－－－－－－－－－－－－－－－－－－－
其他婚姻關係故事：

小說《老婆最後的十二個難題》生者與逝者永別的交流【全本完】
第一回傳送門：http://bit.ly/37UXIw5

小說《弊傢伙，我女朋友有咗》結婚與生育的準備和考驗【全本完】
第一回傳送門：https://bit.ly/38gDQU8

小說《離婚挽救系統》【連載中】
第一回傳送門：https://bit.ly/3zaVunx
－－－－－－－－－－－－－－－－－－－

支持作者：

依家我推出一個回水計畫

購買《老婆最後的十二個難題》，98蚊，運費自付，如果睇完你覺得唔值98蚊既，我退款比你，退幾多你話事，最多98蚊全退，免費送比你，運費我就唔會退喇！

購買連結：
https://bit.ly/3fL9QUH

此計劃適用於較早前已購買的讀者，你地要回水隨便出聲！
我唔想因為價錢既門檻令大家錯失左一個好故事，反正蝕我就預左，Nothing to lose

講既就係咁多，Whatsapp電話9616 7814 （書展期內不定期回覆）