月老的愛情故事（下）
.
我拎住把鉸剪，掙扎咗一陣，終於衝咗出去。
.
如果為咗佔有，就可以睇住心愛嘅人受苦，咁嗰個根本唔係心愛嘅人。
.
紅線一剪，舒舒好快就離咗婚。
.
佢無再結婚，養大個仔，後來含飴弄孫，都幾幸福。
. ，
自從第四世，我開始做一件非常噁心嘅事，幫我老婆揀老公。
.
我根據姻緣...
月老的愛情故事（下）
.
我拎住把鉸剪，掙扎咗一陣，終於衝咗出去。
.
如果為咗佔有，就可以睇住心愛嘅人受苦，咁嗰個根本唔係心愛嘅人。
.
紅線一剪，舒舒好快就離咗婚。
.
佢無再結婚，養大個仔，後來含飴弄孫，都幾幸福。
. ，
自從第四世，我開始做一件非常噁心嘅事，幫我老婆揀老公。
.
我根據姻緣簿，搵到舒舒同有姻緣嗰個男仔，
然後仔細觀察，確保佢係一個好男人，先會牽紅線。
.
如果唔係，第日要剪紅線，唔止我扣分，舒舒都要受苦。
. ，
我咁樣做係穩陣咗，但我都有剪過紅線，
.
畢竟，有啲男人一開始無咩問題，結婚多年先變壞，不得不剪。
.
加分扣分，過咗好多世，我終於有八分！
.
只要再幫舒舒牽一次紅線，我哋就修成正果。
. ，
希望今世舒舒嘅對象，係一個好男人。
.
舒舒十八歲，姻緣簿上，佢對象個名開始浮現出嚟，睇嚟係外國人。
.
我仲未嚟得切觀察嗰個男人，因為下個星期就係舒舒畢業禮。
.
就算佢見唔到我，我都想參與佢人生嘅每一步。
. ，
舒舒嘅畢業禮上，一個赤裸上身嘅人飛過嚟，一支利箭就射向舒舒！
.
我嚟唔切思考，就擋喺舒舒面前，利箭插入我嘅胸膛，一陣抽痛。
.
咪住先，我無實體，應該幫唔到舒舒擋箭㗎喎。
. ，
赤裸上身嘅人睥住我：「我係邱比特，你做乜擋住愛神之箭？」
.
邱比特係西方嘅月老，我明啦，今世舒舒要搞異國戀，我呢邊牽紅線，西洋嗰邊都有工作人員嚟射箭。
.
「唔好意思，你再射過？」
.
「無啦，一人一支㗎。」
.
我有啲尷尬，但都要問：「我中咗箭，會唔會有咩問題㗎？」
.
邱比特答：「最遲三日，你就會愛上對方，日夜思念佢。」
. ，
我會愛上嗰個洋人？我嚇咗一跳，即刻番去問經理。
.
「姻緣道具，只有姻緣神同當事人先會接觸到。所以邱比特射錯其他凡人都無用，偏偏射中咗你。」
經理好無奈：「西方嘅愛神之箭，中箭後熱情澎湃，無藥可解。」
.
我好堅定：「我知愛一個人係咩感覺，但我剩係愛舒舒，亦剩係想愛舒舒！」
. ，
經理嘆氣：「唔想愛嗰個洋人，唯一方法，係唔做月老，去投胎。一碗孟婆湯，前世咩愛情都無晒。」
.
「但我都會忘記舒舒......」
.
經理搖頭：「你唔投胎，愛上嗰個洋人，都唔會再在乎舒舒啦。」
.
無論點揀，我都會忘記舒舒。
. ，
我以為，無論舒舒投幾多次胎，只要呢段感情仲有一個人記得，就有機會再續前緣。
.
估唔到，連我都將要忘記。
.
我去咗舒舒屋企，好似平時一樣，靜靜望住佢。
.
舒舒突然抬頭：「係唔係有人啊？」
. ，
我以為舒舒睇到我，但佢無望向我，而係自言自語：「唔知點解，我成日覺得，有人望住我。」
.
「我無見過你、無聽過你把聲，但我感覺到，你對我好重要。」
.
「唔知你係鬼，定係我嘅幻想呢？」
舒舒神色茫然：「定係......我唔記得咗你啊？」
.
我淚如雨下。
. ，
我無投胎，亦無愛上嗰個洋人。
.
喺愛神之箭生效前，我魂魄自爆，變成咗一條紅線，有實體嘅紅線，同事綁咗落舒舒度。
. ，
好多年後，地府有個傳說，話有個人，生生世世投胎，手腕上都戴住一條紅線。
.
但嗰個人無咩特別，照常結婚生仔，生老病死。
.
嗰條紅線，好似咩特異功能都無，就只係想陪住嗰個人。
. ，
或者到最後，嗰段愛情無好結局，甚至大家都唔記得咗。
.
但係我愛你，你似乎仲記得有呢一件事，就已經，
.
十分圓滿。
. －完－
.
#短故 #短篇 #小說 #陳美濤 #廣東話 #粵語 #tomatochan #月老的愛情故事
手腕綁紅線 在 楊皓如 Facebook 的最讚貼文
終於拿到了吳美玲老師加持的化障擋煞珠線（上面那條），老師今天親手幫我綁上，感覺到滿滿的正能量啊🙏🏻💪🏻💖！
我是個熱愛在手腕綁紅線的女子，我女兒的手腳也被我綁上五色線和紅線，哈😆😆😆
謝謝吳美玲命理學院😘