Google Chrome 推出咗同手機類似嘅 Notification 功能，登入部份網站之後，可能會被問到需唔需要開啟「推送」通知 Notification。呢個的確係非常方便嘅功能，但係當然亦都會有人利用呢個「方便」而去設計垃圾信息，一個唔小心，呢類型嘅「推送通知」就會易請難送。今日就等我教大家點樣整走呢類型嘅垃圾信息啦！

首先你要打開 Chrome，之後去右上角三點嘅功能表、「設定」、左面嘅「進階」、「隱私權及安全性」、之後係右面嘅「網站設定」、再揀「通知」、之後你就會見到你批准接收通知嘅網址。揀番有問題或者唔認識嘅出嚟，之後按三點、再按「移除」… 咁就搞掂晒！不過之後最緊要都係小心唔好亂批准接收推送通知，同埋記得安裝有效嘅防毒軟件呀！

《Z世代達人》
麥卓華