《情陷夜中環 - 非線性幸福》

逛超級市場，碰到一位舊同學，呆了。

以前是高大靚仔的，今天看起來依然不錯，但令我呆著的是，他被身邊一個女人，篤著他的頭說：「講，咗，好，多，次，喇，你，醒，少，少，得，唔，得，呀。」

最後那個「呀」字，好大聲，好高音，超市內的顧客都跟我一樣，呆了。

如何可以確保自己的幸福而避免娶個又肥又醜又惡的老婆？

我們先不說感情，由最簡單的工作說起。

職業沒有貴賤之分，但有位智者說過，工作有簡單和複雜之別。

所謂簡單的工作，就是當你接受過相關訓練之後，你每天就是週而復始地重覆又重覆的處理同樣的事情——在廚房洗菜、在會計部入數、在超級市場做收銀員。

處理這類工作，做得好與不好跟你腦袋的「轉數」沒有關係，勤力才是關鍵——英文有個更傳神的字——industrious。

轉數快的人不會比轉數慢的人做得更好，雖然可能轉數快的人會在接受訓練期間會比轉數慢的人更快上手。

但容易上手，並不代表轉數快的人做這份工會比轉數慢的人做得稱職——productivity depends on how well you do the job，not how fast you learn to do it。

至於複雜的工作，就是需要面對「變」的工作。

並不是說你沒有需要接受訓練便可以打天才波做一份「複雜」的工，而是無論你經歷過什麼訓練，都沒有人能夠確保，你，可以徹底地完成每天的工作。

因為這類工作的關鍵是應變能力。

轉數的快慢，絕對影響你處理這類工作的效率。

勤力是否沒有用呢？當然不是，勤力絕對有用，但並不是什麼「天才是百分之九十九的努力」那麼極端。

如果你本身沒有這個轉數的話，再努力也是枉然；轉數不是唯一條件，但肯定是前設條件。

初出茅廬的時候，間中會在公司的會議室或升降機大堂遇上一位地位崇高的女神。

她做的部門不是 wealth management，而是 prime brokerage。

所謂 prime brokerage，服務的不是富豪，而是 hedge funds。這位女神負責的是 prime brokerage 裏面一個叫 capital introduction 的 function，簡單來說就是幫 hedge funds 搵投資者。

有一次買咖啡，我與一位同事剛好排在她後面，而同事竟然爭著幫她付錢。「Marcus 話請你，佢成日都話 Christina Gaw 係佢女神。」

她充滿仙氣地笑著一句「I don’t think I deserve that」，我頓時漲紅了臉。

但從那次之後，我學到一個簡單道理，原來人人都愛讚美，Chrisitina 也不例外。只是一杯咖啡和一句「女神」，兩位後輩與這位神枱級美人竟然可以一起拿著咖啡走回公司。

以前科技沒有今天發達，hedge fund 要搵錢，投資者要搵資訊，cap intro 可說是唯一渠道。生意比現在容易做，但任何要兼顧多方面利益的工作都是千千萬萬噸的壓力，所以很多做這一行的女性都捱到十分殘，唯獨是 Christina 仍然可以明艷照人。

問她有什麼秘訣可以事事處之泰然，我到今天都沒有忘記她的答案：embrace uncertainty。

耳聞目睹最多的富豪故事，就是在他們年輕的時候、捱窮的時後、創業的時候，生活不只是艱難，還要是惶恐。

今日唔知聽日事，那有法子安然的度過？

但我們人生學到最難忘最難得最有價值的東西，往往都是在巨變中發生的。

很多人以為維持現狀是沒有問題的，但其實避免改變並不代表不用改變，你只是等到最後一刻才變而已，而到那個時候，你就不是自願改變，而是被逼改變。

一講到改變，被 quote 得最多的例子就是柯達這家公司。

今天不肯變，明天不肯變，到智能手機面世的時候才意識到不能不變，已經為時已晚。

什麼類型的人最不怕改變？就是像我這種 lateral thinkers 了。我不是說像我這類型的人一定會成功，但最起碼，我那種非線性思維會讓我夠膽做一些普通人不夠膽做的事情。

最最最簡單，就是主動追求一位你想追求的女生。

一旦你主動追求，就等於你主動求變，一旦你主動求變，就等於你可以引申無限的可能性，包括失敗、傷心、成功、喜悅。

求穩不求變，就可以安然度過人生嗎？

你看柯達。

你看那位在超市內被一隻肥大的手指篤爆頭的舊同學。

今天不主動，明天不主動，最終的結果就是被動地承受著生命中不能承受的痛。

【我同西班牙文的距離，原來似遠還近】

話咁快上西班牙文上咗一半，報名果時，我好懷疑自己係咪可以堅持到，估唔到keep到個個星期溫。我一直係個「反教育」嘅人，與其「求學只為求分數」，我會話「讀萬卷書不如行萬里路」。好多認識到嘅嘢同經驗，都係路上自自然然學會。當讀埋啲嘢為咗搵份好工、升得更快，甚或是社會要你讀，而自己根本唔鍾意，我覺得好悲哀。

以前考試，大家好努力咁「貼題」，只係為咗有幾多分、有咩Grade，好多時唔駛明發生咩事，一味死背，而你讀完之後唔駛一星期已經唔記得，甚至強迫自己唔好記得，因為個腦要背下一科。

冇諗過，當你真係想學一樣嘢，原來唔止為「合格」咁簡單，係想知自己學到幾多、溫習都好有興趣知道，呢個字點解、呢句文法點解。有堂講起南美，同學好努力咁背緊、篤緊地圖，Miss知我去過幾個月，叫我嘗試唔睇地圖，簡單用西班牙文介紹唔同地方、最鍾意食乜，原來有啲嘢你唔駛「背」唔駛「學」，有過深刻經歷，永遠都會記得。

對於西班文，我最深刻係數字。

喺南美要買嘢要點餐，而鄉村小鎮對方隨時連「one」都唔識時，我用「uno（1）」就走天涯咗兩個月，總之指住舉起一隻手指，再講「uno」對方一定明。果時覺得自己好勁，仲google translate完走去問「¿Cuánto cuesta?（幾錢）」，但你發現唔識數字，對方答你乜，你都唔會知，柒咗😂

有一日，喺哥倫比亞嘅Tayrona National Park露營識咗個當地人一齊食飯，間餐廳要嗌籌。以往我就企喺Reception旁邊，等店員見到我號碼牌就嗌我；諗住有個當地人冇死，就叫佢幫我聽。佢得知我淨係識「uno」就走天涯時，就話唔得，要學！話我號碼係「noventa y dos（92）」，教我讀完後就自己聽，唔提我。估唔到，自己真係聽到，都令我學識多個數字，除咗「uno」仲有「dos（2）」，亦知道「noventa」係90。佢教咗我成餐飯點讀1-100，我聽到一舊雲，但就永遠記得「noventa y dos」呢個數字。其後我曾經嘗試背0-100，但始終覺得唔識篤計數機仲快，就冇放喺心上。估唔到，有朝一日我竟然識數0-1億，又唔係想像中咁難，只睇你有冇心。

上堂果陣，你發現好多旅行常見生字都會識，有啲簡單說話，未讀時未必識文法，但會識得講。我都唔記得係當年自己Google translate、沿途嘅人教我，定還是Hostel聽人講得多，終會發現喺「讀萬卷書不如行萬里路」呢件事上面，係可以同「求學不為求分數」掛勾。當有件事你有興趣去讀，而唔係為份工、為將來，係動力大增。

上西班牙文最估唔到得著，係會識到啲志同道合同學，仲癲到約埋一齊去自修室溫西班牙文，好青春。好奇大家點解會走嚟學，唔少都對拉丁文化有興趣，亦有人同我一樣，接觸過「唔識西班牙文如同文盲」嘅國度，都有過參加Local tour成架旅遊巴40人咩國藉都有，點知得你一個唔識西班牙文嘅「集體回憶」，曾經柒過因為言語不通被昆過，就總想的起心肝學好佢，有朝一日總有用。讀讀吓又覺得幾得意，不如認真去學。

以前成日覺得，讀英文讀咗十幾年，都唔敢話自己「Native」，無啦啦學第二種語言要學幾耐？

如果冇去過南美，點都唔會激發起我學嘅決心，或者講諗都冇諗過學，都唔會發現學多種語言嘅樂趣，亦唔會因此識到新朋友。喺疫情出唔到國嘅枯燥生活入面，日常你可能唔會見到咩人、把口就嚟發臭，最終呢一堂，竟然成為我每星期最期待嘅日子。

Tayrona National Park遊記可看留言連結。

✨ 網店正式開張！新張期內貨品低至$5！請即睇：https://bit.ly/3qLPkpk

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

［射呀射，射他吧！］教書請病假，有人代課，但搵邊個代？

TLDR：我位教書舊同事，40日請18日病假。見埋報。但講真，又點呢？其實我原本唔想寫，但唔止一個人點唱，咁咪寫。

（星期五 12:30 更新：有人話想聽更多，但明白我人身安全唔敢寫太多。澄清返，我寫乜相信都好安全，我都離開咗教育界。不過當事人又唔係我仇家，我冇必要在佢傷口洒鹽。而家咁寫已經夠花生了）

1. 應該好多人知道埃汾教過書，私校教過，津校亦教過。梗係教數學，唔通教經濟咩。咁我教嗰間學校呢，有位舊同事見咗報，我費事貼出嚟，亦唔建議大家咁做。當然我阻止唔到你在comment貼，一般我都唔會刪（但可能成個post delete），但最好唔好。因為我唔係想討論佢．我同佢冇聯絡，但當年亦有幾句，冇乜咩交情，但絶無私怨（＊），純講事。「真係好想知嘅，咪PM」。我唔想影響當事人，亦唔想失焦，亦唔想變成起底或講是非大會。

2. 話說我舊同事（女仔，但唔係我追嗰個，放心）做乜見報？唔太好嘅嘢啦。講佢請病假破晒紀錄，幾百堂，勁過卓伯棠，勁過百味堂。40個上學日，請咗18日。咁但，病就要請假架啦，我亦唔打算去研究人地嘅健康狀況。再講一次，我唔係想討論佢，係想討論「老師請病假」呢件事。

3. 我係到教咗書先真係了解，到底老師請病假會點安排，其實一早應該諗同諗到。

4. 教書嘅，如非必要都唔會請病假，因為真係好煩。煩有幾重意思。首先教得書嘅，都真係對學生有啲良心，唔會亂射波。另外，教書嘅嘢，唔存在你啲嘢會有人幫你做，你啲學生進度落後咗，你咪自己搞返掂，薄未改，咪你自己改返，俄羅斯方塊咁（＊＊）。三來，可能係本校特有，但請病假，要親自打畀老校（當年未有whatsapp），都係有啲壓力的（我點知？因為我都請過），因為呀校長都真係比較……有霸氣（此人亦經常見報，不過去咗第間了）。四來，你會累到啲同事！呢點先重要

5. 咁大家做過學生都知，老師請假，總要有條友嚟睇住你地。但搵邊個？當時我都冇諗呢個問題。咁當然，係搵吉堂嘅老師，但往往都唔止一個，咁搵邊個？一般冇人會自願。

6. 當年，小弟做「教務組」，其中一個功能就係安排呢啲嘢。但亦講真，你去點人，實有問題。特別係我只係一個第一年教書嘅小薯。咁我校係新校，已經比較好，冇啲千年老屎忽擺款或者太極神功。但始終，一間教員室幾個吉堂老師，你點邊個都會有問題。呢個又話上次都係我，嗰個又會話自己唔舒服。更唔好講會有人借尿遁，索性吉堂唔留在教員室。

7. 所以，我地係將成件事制度化嘅，好事，唔使拗。制度唔係我諗出嚟，之前有人諗落，我只係執行，大家亦都well known，冇人異議。異議嘅自己同老校解釋，老校必然屌到你上天花板（＊＊＊）

8. 機制好簡單，就係用者自付，你要人代課咪代返人地課。人必自侮然後侯姆斯。

9. 實際上是咁的，你嗰日病假（其實唔一定病假，其他嘢都係），當你有三堂要搵人代，你個Balance咪負3．你代咗人地3堂呢，你嘅Balance咪正3。咁但凡有人缺課要搵人代課，咪在吉堂嗰堆人之中，搵個負數最勁嘅去咯！咁你之後會加返上去，咪唔會一路都係你代。同時間成日缺課嘅又會要填返數。

10. 係咪完美先！而有咗呢個制度後，同事吉堂係不能走開的。你去咗洗手間或者小食部都好，都會call你。2004年人人有手提啦。唔接機？咁參考返樓上，自己同老校解釋

11. 好啦，但執行上仲有啲小問題。「如果同分呢？」。即係，比較文明地呢，會有人自願的。但真係試過有一鑊，大家唔肯，咁本人話「咁抽啤牌啦！」。何來有啤牌？「唔記得話你知我係帶橋牌學會嘅」「所以同事一切賭局都會搵我帶」。

12. 而嗰鑊，兩個賴皮嘅阿蛇，居然有一個問我：計階磚大定梅花大（＊＊＊＊＊）？好嘢！好撚嘢！我真係好似朗尼對住球證拍手咁話，「呀乜SIR你好嘢，我錯，我去代，你兩位唔好爭」。

13. 仲有，有人留意到，呢個機制其實係防君子防唔到小人。實情好多機制都係。咁你話，有啲人根本係鐵人嚟架喎，從來唔會請病假，數字只會一路正上去。是的，咁但尤幸，唔一定係病假，有時老師要帶隊呀，或者各樣奇難雜症，都會缺課。

14. 另一樣嘢，就係好似我舊同事咁，係無底深洞嚟的。係呀，佢係長期負數，到有人請病假咪佢代— 但根本，好多時佢本人都同時病假，冇得代。再加上，佢代得人一兩堂，之後兩日又請返十堂八堂，咪俄羅斯方塊。

15. 再講一次，唔好以為我批判佢，真係唔關我事，況且十幾廿年前嘅事了。我只係奇怪，原來到而家都係咁情況啫。同埋旨在講解下個機制，以及各種往事。

16. 講真，咁佢請得咁多病假嘅，總不能篤手指嘛。討論可以，但我唔想變成人身攻擊或講事非。畢竟，佢請得咁多病假，會唔會情緒病，或其他嘢？咁我當然唔去猜度人地私隱啦。留點口德好。

（星期五 12:30 更新：有人話想聽更多，但明白我人身安全唔敢寫太多。澄清返，我寫乜相信都好安全，我都離開咗教育界。不過當事人又唔係我仇家，我冇必要在佢傷口洒鹽。而家咁寫已經夠花生了）

==========================================
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7
==========================================

（＊）OK，彩蛋。話時有套戲叫做《四仔旅行團》（Road Trip）（https://bityl.co/4WEB）．公路電影，幾好笑。當時另一同事算係影迷，睇完覺得好正，就拎咗隻VCD返嚟大家輪住睇，當然拎返屋企睇，我地未痴線到在教員室睇（雖然後來我地在禮堂開projector打機）。我睇緊嗰時，呀主角就跟機，叫我睇完畀佢，佢仲煞有介事咁在個位度貼住張memo提自己「記得問李Sir拎四仔」。咁然後你估到了，有次老校上嚟教員室（老校在地下，我地在六樓定七樓），見到呢張memo．都搞到我解釋咗一陣

（＊＊）當年我地改薄改卷，我真會係哼俄羅斯方塊嘅主題曲的。特別係一堆又一堆新薄堆上嚟嗰時。

（＊＊＊）是真的，所有人都畀佢狂炳過，我都不例外（＊＊＊＊），當然佢唔會講粗口，講都係講英文，而差不多每一個搣時都畀佢鬧喊過，唯獨係當年我追嗰個冇（即係，我整Tiramisu嗰個，呼，青春）。可能就係鍾意佢呢種外柔內剛，同埋倔強。

（＊＊＊＊）埃汾畀佢狂炳嗰鑊就正咯，當然唔係因為我上堂講粗口（呼，青春）。而係因為……煲燶湯！係，就係煲燶湯！Technically唔係我煲燶，但幾個一齊，就集體一齊炳。我仲記得嗰兜係蘋果瘦肉湯。點解我記得？因為我搞架咯！點解係蘋果瘦肉湯？因為易搞！而老校當然唔會容許滾湯。聽聞早一年有人整過「牛丸湯」，「之後就冇續約啦」，而老校知道我搞呢個蘋果瘦肉湯（係！要事先話佢知！micro manage之極致！），話「簡直突破人類文明底線，不過理科老師係咁上下」。我心諗，挑，我識寫情信寫整Tiramisu又要話你知？

（＊＊＊＊＊）拿，你地就有所不知啦。一般香港打啤，都係階磚最細，鋤大dee都係階磚3出先。但打橋牌呢，就梅花最後， 順字母，clubs diamond hearts spade嘛。都話我帶橋牌學會！你估呃你？

Wong Wai Man
亂世好修行。一條沙中線，搞到區區沉降，站站危機，象徵了九七後香港的現實處境。

大陸的文化在侵蝕，香港的核心價值在剝落。

欺上瞞下，層層呃呃騙騙，過到骨就係神仙，理得你將來死人冧樓。

由地盤工人，到監工主管，簽字工程師，到那批年薪千萬的高層，到問責局長，人人不負責任，唔關我事。

陳帆徹底揭開了董建華問責制的虛偽和有權無責。

作為負責運輸的問責局長，他說：
看新聞才知道這單事件；
他和公務員團隊的表現有目共睹；
他是否要問責？公道自在人心！

一貫的輕佻，毫不尊重自己。

這就是今日官場的行事風氣，這就是今日的香港。

骯髒的污泥，可以長出潔淨的蓮花，這是香港這個城市修行的好機遇，也是個人修行的好環境。

《周易》作為衰世之學，其中第五十二卦，艮為山卦，是教我們止欲修行的卦。

第五十一卦是震為雷，第五十二卦是艮為山。震為雷，艮為山，震代表腳，艮代表手；震為動，艮為止。行是震，止是艮。兩卦合起來，就是人生的行止。

震艮相綜，代表人生的行止關係。

時行則行，時止則止。時機成熟便行，時機不當便止。

行中有止，止中有行。行極則止，止極則行。

兩者既對立，又統一。

人，不能永遠的行，也並不可能永遠在止。這便是陰陽循環的道理。

行是陽，止是陰，行止永遠在交替運行。

《老子》說：致虛極，守靜篤，萬物並作，吾以觀復。

靜到極致，我便看到萬物的運作模式，是循環往復的。

第五十一卦的震為雷卦，本意是動，上下都是震，重雷疊至，一個又一個的雷響，象徵人生的打擊。一個接一個，永不休止。

生命既有嚇你一跳的打雷，就有五十二卦的艮為山的處理智慧。

上卦是艮，下卦也是艮，重山之象。古人見山即止，這個卦叫你停下腳步。

里仁篇說：以約失之者，鮮矣。

人生修養第一課，就是學習約束自己。懂得約束自己，在言行上犯上過失，是很少有的。

這個止，是教我們止欲修行。

人生的打擊，往往根源於我們與生俱來的欲念。

飲食男女，人之大欲存焉。人有無窮之欲，像孫悟空的如意金剛棒。這支可大可小，用的時候拿出來的東西，就是人類的煩惱根源。孫悟空就是用它來大鬧天宮。

天翻地覆，群仙束手無策，最後如來佛祖出手，這個手，就是艮卦，艮為手，為指。

如來將孫悟空壓在五指山，任他法力高強，就是跳不出佛祖的掌心。那便是艮，止欲修行的象。佛祖的手，五根手指，壓住悟空五百年。

艮卦的卦辭：

艮其背，不獲其身。行其庭，不見其人。無咎。

艮為止，卦名在這裡作動詞用。艮其背，在亂世修行，要止欲，將我們的欲念壓下去。

一切有情眾生的痛苦源頭，都是身體，要修行就得從身體開始修。

老子說：吾所以有大患者，為吾有身，及吾無身，吾有何患？

我們所有的煩惱，都是因為這個身體，這副臭皮囊，無論儒家道家佛家的修行，都是為了超脫肉身的障礙。人間的欲望無窮，要修到及吾無身，沒有肉身的包袱，吾有何患？那裡還有什麼煩惱呢？

這就是解脫禍源的概念。

艮其背，就是佛家修行的面壁。用背，對著滾滾紅塵中飲食男女，金錢權力的誘惑。

人開始修行，總因為定力不足，先要跟塵世隔離，到山上，艮為山，塵世人多煩惱多，在山上人少煩惱相對便少。所謂「艮其背」，就是從遠離誘惑開始。

「不獲其身」，好像連肉身都不見了。這是象徵性的說法，因為一切煩惱都是從肉身而來，一旦艮其背，通過面壁苦修，到肉身彷彿都不見了。小乘佛法修到最後就是這個境界。

金剛經說：無我相，先空掉自己開始，然後再進一步無人相；做到無我無人，時間空間都失去意義，無眾生相，無壽者相，進入永恆的空相了。

但這只是羅漢的境界，只不過是個自了漢，只是自渡，沒有渡人，小乘境界而已。

佛教追求的，是兼善天下，濟渡眾生，所以必須重返人間，照顧自己以外的眾生，這是菩薩的層次。

有了「艮其背，不獲其身」的基本功，走入人群，各行各業都是修行道場。

政客可以修，豬肉佬可以修，有錢佬可以修，乞兒可以修，動中修定，就是「行其庭，不見其人。」

走出門戶，接觸人群，不論在朝在野，都不見其人。芸芸眾生，不管男女老少，鰥寡孤獨廢疾者，無眾生相，都沒有差別。

離一切諸相，無一切諸相，故名諸佛。

這樣，結果就是無咎。

艮卦，止欲修行，就是追求無咎。不是吉凶悔吝，不是成敗得失。

無咎，就是沒有遺憾而已。

不要怨恨今日甩甩爛爛的香港，佛教的本義是蓮花，生長在最骯髒的污泥，修行就是在最髒的地方，開出最潔淨的蓮花。

#沙中線 #FCC #廿三條

2018年8月14日星期二下午5:00
你的收看、訂閱、讚好便是對「易經講堂」的支持，謝謝。

#FCC陳浩天 #沙中線 #廿三條立法

訪問原文: http://bit.ly/2d04Mx0
08-10-2016
近年唔少名人身體抱恙，新世界創辦人鄭裕彤辭世、賭王何鴻燊用輪椅代步、大劉劉鑾雄因腎衰竭暴瘦，有錢人就話請個私家看護專門照顧，普通人又請得起嗎？

港大護理系畢業，身為註冊護士的阿拉就形容私家看護似「高薪看更」，假設公立醫院註冊護士同私家看護，每月返20日工，每日返8小時，私家看護的薪金達$26000，而公立醫院註冊護士起薪點是$28040，按年加薪。

阿拉說：「私家看護的大部分時間都是照顧病人，每次朝8晚8，多數病人都是長期病患，幫他們篤手指、量血壓，做基本護理，不會有太大的體力勞動。」

根據卓健護理介紹所總監陳司徒玲指出，「私家看護嘅定義好廣泛，註冊護士、登記護士、保健員及起居照顧員都可列入私家看護類別。病人可以透過護理介紹所轉介去找合適看護。以卓健為例，由起居照顧員至註冊護士12小時的工作收費由900至2600元不等，按照看護的資歷條件而定。」

撰文: 葉浩婷
攝影: 廖健昌

訂閱拉UP ▶ http://bit.ly/laisubscribe

港大畢業生》唔做護士 做私家看護兼拍旅遊節目仲開心:
https://youtu.be/SEzi_uDFVqA

考考你》護士術語你識幾多？醫院廿四味咪亂飲:
https://youtu.be/W_nXNaxFCGI

拉的自我介紹
你好啊！我叫拉，是香港人啊！我是個在香港土生土長的男生，接受香港教育和香港文化。我想向喜歡香港旅遊的朋友介紹不同的香港文化。

由於我超喜歡旅行！最近我開始為香港拍攝旅遊短片。希望你能更了解香港的美啊！

Lai's Self Introduction:
Hello! I'm Lai from Hong Kong. I'm just a normal Hong Kong boy being raised in Hong Kong, having local Hong Kong education and Hong Kong culture. Lai in Hong Kong would like to introduce different culture from Hong Kong to Hong Kong lovers.

Since I like travelling so much, recently I started making travelling videos for the sake of Hong Kong. Hope that you can know more about the beauty of Hong Kong.

Related videos:

【醫院故事18+】插尿管時伯伯的小鳥竟然變大鳥！？ -《拉姑娘醫院日常》
https://youtu.be/vAS7Vy3H2uY

在香港醫院職員餐廳吃甚麼？私家醫院竟然比公立醫院更難吃？！-《拉姑娘醫院日常》
https://youtu.be/1tgO_hYCNRk

為甚麼讀Nursing? -《HKU拉》
https://youtu.be/VilvDpk3JYc

Lai Facebook: http://facebook.com/jackylaiyc
Lai Instagram: http://instagram.com/jackylaiyc
Telegram 吹水 Group: https://t.me/laiup
Telegram 收風 Channel: https://t.me/laichannel
合作查詢: jackylaiyc@gmail.com