八九月份敗家合集✨ . 1. Dual Flow 輪廻 / Mixture Tribal Ring 今年突然拎返隻戒指出嚟戴，都諗咗好耐想加多隻，響開投票時有人同我講小朋友才做選擇，最後決定買晒兩隻lol 介紹返呢個係來自日本杉山孝博個人品牌，比起西方嘅銀器明顯細緻好多，仲有獨特技法令銀器有種霧化嘅表層好有質感（不過一路戴會慢慢變返普通銀器嘅光滑感，所以一日未影相一日都唔戴住）而我比較鐘意佢早期偏日本傳統加民族風嘅風格，近年佢變咗侏羅紀公園fans，就好似今年個戒指座都變埋恐龍皮（上年係圈圈款好襯我嗰隻的） . 2. MALIN+GOETZ 日間／夜間嘅暗瘡精華 用咗一萬年嘅日本暗瘡膏終於用哂，而家又冇得飛去日本買，而香港donki亦冇日本暗瘡膏賣，最後朋友介紹呢隻紐約品牌，價錢都唔平但係用天然成份，分別買咗係日間同夜間暗瘡精華，前者啫喱狀後者則係粉液狀，後者係玻璃樽然後上面有層透明水隔住下面啲粉，搖勻咗隔日就會沉澱返感覺好Pro咁，至於效用就要用落先知 . 3. Stüssy & Birkenstock Boston Clog 響近十年前有期成日著Birkenstock然後著到腳臭就戒咗，一路都想買返對但平時又唔係成日著拖鞋，不過見到呢對即刻心心眼。記得發賣當日好癲咁較鬧鐘朝早出去買，去到都只係開咗舖十五分鐘左右，最注目嘅粉紅色已經冇哂大碼，其次嘅卡其色都冇哂我碼（到底有幾少貨喲）最後見係拖鞋就買咗大一個碼算，今次店員姐姐幾好人肯俾有著襪嘅試穿，當年同Nike聯乘隻拖鞋唔俾試，買咗兩對都係細得滯唔啱著。其實佢去到發售前一日都係冇公布到價錢，而我未太醒時碌卡返到屋企先知成千六蚊，當堂肉赤咗，而家唔捨得著囉（笑 . 4. Billingham Hadley Pro 一路就想買返個斜孭袋但搵極都唔啱心水，就連上年個wotancraft用咗一排嫌佢重就冇乜點用，到最近拎返個超殘嘅Billingham出嚟用。用用下發現其實都幾好，有間隔又夠輕，雖然真係用得幾殘下，但應該冇乜人估到個袋已經買咗十二年。英國製1973年老字號，同而家啲made in Dongguan差十條街，當然我冇用足十二年咁誇張，有唔少日子都係放過響櫃入面，不過咁耐都冇甩皮甩骨真係幾襟，最後決定買個新色好了。話說佢哋上年推出咗新版，最大分別係個肩帶接駁位變成扣狀同可拆式，不過我都係鐘意舊版縫製式而且輕啲，價錢仲平足一半咁滯，最後一個綠色都俾我買咗了 . 5. Ermenegildo Zegna Acetate Sunglasses 識人破天荒95%off超低價入手！不過最近拎咗去配有度數鏡片所以都算係新嘢，作為屋企唯一一副太陽眼鏡，因為收埋咗響角落近幾次去曬太陽都係冇戴到出去（笑 . 6. SAVEWO 3DMASK KURO Collection 城堡灰 好似好耐冇買過口罩，前排有朋友好有愛咁送咗疊綠色俾我用咗好耐，其實佢隻灰色同綠色都好靚，重點係佢有大size，之前試過用raze嘅立體口罩，size太細下巴成日甩同勾到耳仔好痛，而呢隻就冇問題，罩內空間仲好大冇咁侷促，對於我呢啲皮膚差用外科口罩會磨到成咀都係暗瘡，呢隻口罩簡直係福音，除返平均都係$6.3可接受，過百蚊免運費直接順豐上門係幾抵玩 . 7. Godox V1c / X2T / AK-R1 / Nissin LS-55C / Phottix Softbox Umbrella 呢一切都由支閃光燈壞咗開始。其實套架生由正職用到而家全部都五勞七傷，遲早都要換，支燈用返Godox，平過原版嗰支五六倍價錢，有埋造型光同藍芽接收唔洗自己再加嘢，完全感受到科技進步，而且燈頭位置有磁石可以上唔同嘅cover效果，一set有齊咁多個頭都抵玩。燈腳就買咗日本出嘅碳纖燈腳，超輕又伸到兩米高仲好穩陣，雖然係貴咗啲但真心正，香港得一間代理仲唔係成日入貨，買埋佢最後兩支堅幸運。反光遮最初買咗最新要加罩版本，但好重同埋加罩步驟好麻煩，最後搵返停產咗嘅一開即用版，但舖頭全線得最後一把，官網賣嘅係響個白面中間有個黑位好白痴，唯有搵人上強國買 . 8. Gitzo Légende (GK 1545T-RTI) 前排陪朋友買腳架先驚嘆原來而家啲腳架又短又高又輕，反觀自己嗰支又重又矮拎得好辛苦，就決定買支新，本身想買同款嘅，但係本身嗰枝都用差唔多十年，而佢支中價品牌特價都二千中，索性買支貴啲，記得細個都幾憧憬有如腳架界法拉利嘅gitzo，價錢亦遙不可及，今次就說服自己話呢支會用三十年（其實真係用到咁耐）加上意大利出產品質一定高，配色方面呢支係帶點復古味加埋條皮製背帶，當堂唔捨得用 . 9. Peak Design Slide Lite / Cuff 最後係胡亂揮霍嘅頸帶同手帶，其實玩咁多年相機，覺得唔掛任何野響部機度係最方便同最free，好多時右條帶分分鐘仲多意外。而購買原因係買咗兩把反光遮唔啱用想換款，但佢已經冇入我想要嗰款，雖然可以俾我換返其他嘢但要即場揀冇得後數，亦都冇想買嘅燈同袋，結果求其換兩條帶。佢個招牌卡卡扣係幾方便，但唔用帶就更方便lol 其實手帶出街時都可以用下，頸帶就要去旅行先大作用啲，但而家都冇得去旅行得物冇所用就是 . 📷 RP + EF 2470 F2.8L / EF 100 F2.8L #馬高敗家博物館

📢📢📢 Marc Mirren 品牌嘅Pärlan 系列 「破曉耳環」同「HALO 戒指」 除咗可以襯到休閒服式 配搭莊重衣著都一樣無問題👌🏿👌🏿👌🏿 💍戒指可以揀自己嘅size 唔怕到貨唔啱戴👍🏿 鍾意簡約風嘅你 記得唔好錯過佢哋呢個 「Singles Day x Black Friday 官網限時折扣」 喺11月30號前 除咗可以享有全館 8 折優惠 同時可以用 「Vicky5 」優惠號碼 額外 再多95 折 仲要係免運費 加 30日免費退換㗎！ （包括香港、澳門、馬來西亞、新加坡） https://marcmirren.com/hk/ #MarcMirren #DetailsByMM #MM瑞典首飾 sponsored by @marcmirren @marcmirren_hk

/ 💎My Recent Favourite Accessoriessss 終於有機會同大家分享下平日戴開啲咩飾物啦 至上次講完戒指大家嘅反應好熱烈之後 決定同大家講下我最近戴緊乜😬 我係一個唔戴飾物周身唔聚財嘅人 所以飾物係我人生不能決少嘅一部分黎🙊 - ✨Marc Mirren - Dawn Hoops 破曉耳環 (HKD$385)(gifted) 喺官網見到呢對耳環 見到model戴得好靚 唔知點解就一眼睇中咗佢 到手嘅時候比想像中細圈啲 不過反而啱啱好 戴上耳唔覺重 有細細粒嘅珍珠圍住 唔太誇張又有野睇 幾好幾好～🥰 - ✨Salvatore Ferragamo - Small Gancini Crystal Earrings (Gold) (HKD$1100) 之前都好少留意Ferragamo嘅飾物 點知因為times square嘅coupon🤣我有一日走入去睇 竟然俾我發現咗佢 低調啱哂我返工🤩 佢係經典嘅馬蹄扣logo 呢隻係細size 大size都靚 不過本身買黎係諗住for返工戴 另外仲有珍珠款 但我覺得佢閃閃地 我中意佢多啲🥰 重點係 佢價錢唔貴 喺times嗰陣仲有得用coupon 更抵！ - ✨Cartier - Love Necklace (Rose gold) (HKD$16,700) 之前一直掙扎買佢定bvlgari定dior好 最後揀咗佢☺️ ⼀直想買返條長戴嘅頸鏈 覺得自己無揀錯 點解最後揀佢係因為覺得佢百搭啲 無論我casual 斯文look戴住佢都襯到 佢用咗18K玫瑰金 加上Cartier好signature嘅Love系列 見到佢又真係好心動😳 本身條鏈比較長 我之後都去咗專門店改短咗條鏈 去到鎖骨對上少少嘅凹位 剛剛好～😌 - ✨Salvatore Ferragamo - Fantasia Hairclip With Crystal logo (Gold) (HKD$2200) 最後呢半年突然中意戴髮夾😳戴下戴下自我感覺良好 所以一直就物色緊啲靚嘅髮夾 呢個Ferragamo嘅閃石髮夾真係不得了 超靚 金色髮喺我頭髮上面係好bling bling😍 呢個真係好推薦俾大家！同埋佢都夾得幾多頭髮 唔會好容易跣落黎 佢另外仲有銀色款 不過我覺得金色出好多😬 - ✨Marc Mirren - Halo Bracelet (Gold) (HKD$299) (gifted) 簡單 有珍珠嘅幼鏈款完全合哂我心意👍🏻 佢嘅金色幼鏈戴上去幾顯白 仔細望落去連接住珍珠位置嘅造工都唔會馬虎 加上珍珠望落去唔似平價膠珠 最近都好中意戴佢出街😚 如果大家未諗到買咩手鏈我相信呢款大部分人都會中意！性價比很高！ - 🛍如果大家對 @marcmirren @marcmirren_hk嘅產品有興趣嘅話 而家係時候要入手啦😳 － 於 10月30日 至 11月30日 期間 － 🌟 全館 8 折優惠，可同時與優惠碼使用 🌟 額外 95 折優惠碼「rachelys5」(non affiliated) 🌟 免運費 ＆ 30天免費退換 （包括香港、澳門、馬來西亞、新加坡） - @marcmirren @marcmirren_hk @cartier @ferragamo - #MarcMirren #DetailsByMM #MM瑞典首飾#hkblogger #hkbeauty #hkbeautyblogger #hkbeautyreview #hkbeautyshare #makeuphaul #cosmetic #好物分享 #好物推介 #beautysharing #beautysharinghk