［推你要在晚餐後］又即係，肚餓唔好買Bitcoin。大量粗口（主要係在remark），不喜勿入。

TLDR：醫生係人，法官係人，投資者都係人。唔好低估生理同心理狀況對你決策嘅影響。唔好高估啲人有幾「專業」，有幾「獨立思考」。接受呢啲缺憾，然後先可以避免畀佢拖累。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 想當年，廿年前，我都仲會睇啲「教你見工」嘅書。例如話你知HR唔會以貌取人呀，HR好專業唔會畀你啲把戲玩到呀，唔好諗住吹水過骨咁呀，難逃佢地法眼。

2. 後來我心諗，頂，啲書咪又係啲HR自己寫，唔通自己話自己唔專業？個個都話自己好專業啦，除咗有啲害群之馬。正如每一個藝人都話自己唔會腿張開靠上床上位，「不過我就聽聞有其他人咁做」「但我就絶對冇」。你上網都知，戲院傾計嘅，永遠都係其他人。每一場都有人，但一定係其他人。

3. 然後，仲有呀呃食飯之王阿Jens嘅故事（https://fbook.cc/3Snu），嘻，HR有幾專業？

4. 但講返，大個仔，有獨立思考，應該知道根本唔係咁。個個都話自己好專業，不偏不倚，唔會畀其他嘢影響自己決定。下話？幸好我地有大數據（！）。打從Freakonomics一書風行後，啲經濟學家就好鍾意做呢啲研究。「當然唔係為咗出位」「學者都係好專業的」。（而事實，呢啲研究幾好做）

5. 之前應該都有人研究過，邊個時段見工嘅人HR特別易請，考試（例如考口試考琴學車）咩時間最易拎高分。甚至我懷疑你條裙幾短 心口開幾大 本身咩上圍 都有影響（黑面神多數都係男人）。你可以拎去寫論文

6. 咁講真，如果有得揀嘅，例如人地公司肯就你時間見工嘅，真係留意下。Life Hack呀，你人生就係一連串嘅法定，分分幾個小決定就一世。唔信？你諗下剛好爭幾分讀唔到醫嘅人，剛好爭少少而入唔到大球會嘅球員。

7. 以前呢度我都寫過（https://fbook.cc/3Snv），醫生生日，病人特別易死（所以識玩記得約2月29號開刀），真係高一截的。仲有聖誕，週末都係。巧合？唔係啦，人地啲數字statistically significant。原因好多，可能心情興奮，約咗人食飯，或者走到好遠食，或者早早交畀副手做。醫生都係人，唔好咁駝鳥啦。

8. 正如舊文都提過，台灣啲友鬼月唔去開刀，驚死，根本就剛好掉轉。冇人鬼月開刀，醫生得閒，先冇咁易出錯。個個質晒之前之後開，醫生咁累，先易死人。

9. 我仲提過股災醫生會唔會開錯刀，球員生日會唔會特別易拎牌，犯規（史上得一個球員世界盃生日食紅牌，咁首先佢要夏天生日），射失十二碼等等假想。「唔去讀Econ真係嘥晒」

10. 咁另外，張相左邊，係我在Patreon寫過嘅。係丫，我係睇咗WSJ嘅文。但扯，WSJ咪又係摘錄Daniel Kahneman本書。

11. 篇文，講乳癌。醫生在臨收工前，或者放飯前，都係比較少叫病人去驗乳癌嘅。所以識揀就揀最早睇，好大機會醫生都會叫你check 下

12. Daniel Kahneman話呢啲就係Noise，同一個人，唔同時間唔同情況固然會有。亦都所以佢叫你肚餓唔好買Bitcoin唔好炒股票，心理生理因素好影響我地，唔好高估自己啲乜七自制力同獨立思考。

13. 你睇下球員射十二碼，法定時間同120分鐘後互射，入球率係爭一截的。一來身體累，二來心理壓力大。或者，你睇下Paper Trade同落場真炒，考mock同真係考試（本人分別不大），自己唱K同上台唱，你咪知有乜分別。

14. 仲有，唔同人之間，noise更加大。佢地做啲研究，即使同一個國家，同一個case畀啲法官睇量刑，判刑年期都可以爭三四年，財務顧問嘅，畀同一個客嘅資料佢，話風險承受能力好低至到好高都有，建議配置股票嘅百份比，由0-100%都有，「即係亂嚟」「明明話財務顧問好專業」「佢係專業，但唔係對你專業啫，邊個產品分佣分得多咪建議邊個畀你」

15. 右邊嗰篇，Economist，講Decision fatigue，亦係講肚餓或趕收工集中力下降。佢用個例子係批貸款重組。咁見到臨放飯或放工，批核率的確唔同。但畀你估下，臨放飯放工，會係批得鬆啲，定批得緊啲？都未必咁易估？到底肚餓時係宅心仁厚啲，定更加不近人情？

16. 答案：Decision fatigue之下，人係會啟動Default 模式！貸款重組嘅case，拉勻晒審批率係40%，所以default係唔批。亦見到趕放飯放工就會唔批嘅機會大好多

17. 法官呢？臨食飯原來易啲批假釋。醫生呢？越近放工越鍾意開抗生素（即使冇必要）。篇文冇講，但我assume 批假釋開抗生素就係default

18. 點避免呢啲情況害到你？首先個人層面，你係個用戶嘅（例如病人），除咗去game the system（做最早嘅病人）。仲可以：睇多幾個醫生，拎second opinion．

19. 仲有，文中有講，我地都係會先入為主嘅。所以有時你做決策時，可以整張Check list．例如請人，與其你畀佢天花龍鳳第一句就刷你鞋，不如整個check list喎，啱嘅先mark．唔怪得HR咁鍾意整份interview form畀 interviewer填。而埃汾就最憎，埃汾最憎填form。冇錯，我其實係個睇feel嘅人，歷任嚟見過工嘅事後都會知，我理得你講到天花龍鳳，我最關心係：我同呢條友夾唔夾到，會唔會日日想打七佢。咁當然，傾一陣未必知，所以早期我in係in好耐的。後期比較忙，就求鬼其。冇錯，decision fatigue，而我從冇話我係完美。（＊）

20. 又或者，休息下。真係十分重要。唔同嘅作家（！）有唔同嘅寫作方法，好古靈精怪都有。實不相瞞，我寫文冇靈感嗰時呢，知唔知會做乜？係去沖涼，一沖就好多靈感。

21. 仲有，你見我成日睇埋啲垃圾港產片，有啲真係唔睇都知垃圾，亦係為呢種作用，放空呀。同樣地，以前我去唱K呢，就真係完全專心唱歌，唔睇電話，亦唔講任何工作嘅嘢，亦都唔會講股票講市。

22. 最新嘅例子？而家呢篇文亦係。Andrew Wiles嘛，唔發現呢排我都好少在呢度寫股票？但事實Patreon先寫啦。Nvidia 愛馬士 日日新高 又話你知咩。仲畀你啲網友屌我唔識晶片添。係喎，我要識分啲袋先可以買愛馬士股票呀可。甘比發咗達未？（當然發咗！但佢係發咗先識分！唔好因果掉轉。即係咁講）

（＊）我耿耿於懷一件事。我在康宏時請個馬仔，咁原本都有個驚跌地我覺得OK。我老細亦都基本上信我，只係循例望左一望。點知去到HR，HR條女阻我。話條友英文唔得。我心諗，你戇鳩的嗎？我何來care佢英文得唔得？我老細都未出聲。況且，閣下咩position去話佢英文唔得？你英文好得？仲屎過我。不過當然講就天下無敵，我已經進入咗佛系mode，十幾年前可能我會嘈上去，而家嘛，「是但啦，請過個」。所以後來有位英文一樣都係媽媽地嘅小朋友執咗佢二攤，呢位小朋友都知呢個故事。呀小朋友都奇怪，做乜佢出身各樣嘢都麻麻地，成績又唔係好，我都請佢。答案，冇架，啱feel，加埋，夠平。因為我唔撚想又同HR解釋一大輪做乜鳩佢個「薪酬調查」（＊＊）話冇經験嘅應該咁多咁多人工，而我要畀多一兩千。

（＊＊）呢個真係屌開有條路，鬧多嘢。最撚好笑，佢地個乜柒「薪酬調查」。出嚟話呢個位，一年經験個人工應該20-22K（唔係實數，不重要）。話我畀23K佢多。OK，咁我當然知道呢啲都係佢地職責，或KPI，或刷存在感嘅方法。是但啦，關我春事，又唔係畀我。咁但，turn out 佢offer畀條友，係19K（留，係另一HR）。咁照計，關我春事，又唔係畀我。但我都要同個小朋友交代下嘛。我問返此HR，你老味我畀23K你又用你個「薪酬調查」大我，而家你又畀19K？即係你個「薪酬調查」把撚架啦。你估佢點答我？嘩我真係拍手呀，佢答我「我地公司有其他 benefit啦」。我屌你啦，你個「薪酬調查」其他公司肯定冇benefit架，其他公司冇大假架！冇Pantry呀！斟水要畀返錢公司呀可？當然我只係婉轉咁話佢知件事有幾好笑，而其實此人（另一個HR）冇乜嘢，都係跟規矩做嘢，所以冇必要搞到佢難做。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［理性邊緣的哲學］想討論，最好搞清定義，唔一定要讀字典，但大家有個共識先。同場加映：辯論比賽，浪費時間同社會資源。我知道已經太遲。不服來辯

1. 是咁的，原本我係想討論金融嘢，「近9成港人相信愈富有愈快樂　惟近8成人缺乏理財規劃」（https://bityl.co/45e4）。但最後寫咗5千字，頭半篇都係講哲學（！），所以分拆出嚟。

2. TLDR：記住，如果你只係想威，想贏，想攻擊人，想表現自己，咁好簡單。但如果你真心想交流，咁當你想討論咩係「近9成港人相信愈富有愈快樂　惟近8成人缺乏理財規劃」之前，唔該問下自己，咩叫「愈富有愈快樂」咩叫「理財規劃」，咩叫「缺乏」。答案人人唔同，如果定義近似當然好，但爭太遠嘅，就可能大家討論下個定義先，睇下會唔會說服到對方。否則你再講幾日都係浪費時間。

3. 雖然我唔係哲學L，但細個亦睇唔少哲學書。早兩日同讀者食飯亦有講起，「哲學是愛智慧」（拿，呢本都係哲學書，真係有睇的）（https://bityl.co/45YU）。哲學嘛，Philosophy，Philo 就係愛（＊），sophy就係智慧（＊＊）

4. 以我粗淺嘅理解，哲學是甚麼？哲學就係甚麼都不是，但亦甚麼都是。就係「所有問題嘅終極問題」，「所有事情嘅一種總的看法」。即係，你不停問落去，問到畀人小嗰時，就係哲學問題。

5. 你可以玩呢啲不停問落去嘅問題（tribute to 丘世文周日床上的顧西蒙）。點解要開Patreon？因為想讀者知多啲。咁玩FB Page得啦。因為要搵錢。點解要搵錢？因為想舒服啲。點解想舒服啲？因為舒服啲就爽啲，食得好啲訓得爽啲個腦開心啲。點解要自己爽啲？因為個身體同個腦係自己嘛。咁點解要自己爽，唔係幫人爽？因為人地嘅爽我感受唔到。咁點解只係顧住自己爽？因為你唔理自己冇人理你。咁點解自己要理自己？咩係自己？咩係理？

6. 係啦，問到冇答案，問到人地發火，就係哲學。咁你估到了，咩人最鍾意問呢啲嘢？就係小朋友。真的，小朋友都係哲學家。你地爭辯嘅好多問題，最後都係小學雞問題。「中國肺炎死咗幾億人呀」「你點證明冇？」—我記得細個表姐都話有月球外星人，作為科學能嘅我當然反駁，「NASA唔係咁講」，「但你點證明冇？」「有人探測過」「外星人點會畀你探測到，佢地識隱身術」「咁探測唔到點證明冇？」「證明唔到冇即係有」，之類。

7. 原諒我咁麻煩。以前細個我都覺得啲定義撚好撚煩，但而家發現係有必要的。當然前題係你真心想討論，唔係要拗贏人或辯論比賽（＊＊＊＊）。

8. 比賽或從政辯論呢啲，梗係為得勝不擇手段啦，唔使討論，人身攻擊，歪理，斷章取義，乜都得，好過MMA。「你見打MMA拳證叫分開你都停手啦，但侵侵繼續講架！」。或曰，「評判唔會畀你呃到，會扣分」。戇鳩啦，評判好撚醒咩，你睇下有幾多評判信曼德拉效應丫，有幾多係共濟會末日撚（＊＊＊＊＊）。不服來辯。

9. 但真心想求真理，或者想啟發自己思考嘅，應該知道，不以說服其他人為目的。事實我唔相信你有幾巴閉嘅argument 或幾多數據就可以令人改變想法。世界唔係咁運作，改變係慢慢，係由自己內心開始。我唔會同你食完餐飯就同意你，但可能之後我再同其他人食飯，再睇書，再加埋我身邊發生嘅事，我再諗，就會改變想法。

10. 所以，若果係想啟發自己思考嘅，真係應該做定義L。唔同觀點嘅人罵戰，大家各自抹黑自說自話扭曲對方，唔可惜，因為係自找的，拗嘢就係浪費時間，直接啲講句抵撚死，呢啲人嘅時間唔值錢。

11. 但如果大家都係想進步，然後講一大輪發現根本大家唔係講同一樣嘢，就好可惜的。所以，除非同已經有一定熟悉嘅人傾計，否則但凡討論，多數我三句唔埋就會問你「你指嘅XXX係乜？」「你認為XXX係乜？」．我不一定同意，但至少有個ground 去討論。

12. 特別係而家社會，情緒立場label 行先，事實本質放舊。只要你在佢過去1000個post搵到幾個可以證明佢係「左膠」「女權撚」「五毛」「奶共」「環保撚」「racist」「厭女」，往往可以「此post已完」，佢做任何嘢你都可以狂踩。

13. 下篇同你正式講，到底咩叫做「近9成港人相信愈富有愈快樂　惟近8成人缺乏理財規劃」。

---------------------------------------------------------------------------
（*）［劉家傑腔］扑細路，戀童癖就係Pedophilia，Pedo咪小朋友，兒科係Pediatrics。讀化學Hydrophilia就係親水性，hydro係水唔使講啦。相反嘅就係phobia，恐同係homophobia，homo就係「同」（as in homogenous）．

（＊＊）［再嚟劉家傑腔］有啲香港女仔，改名叫做Sophia（＊＊＊）。我成日都唔知應該個重音放邊，正如Janet Joan之類都係煩，叫「正叻（重音後面）」「做N」又畀（自以為）高端港女恥笑冇文化，叫返「Gen-net（重音前面）」「鍾」又畀港女覺得你扮撚晒嘢乜撚嘢呀讀港大好叻呀Warwick好叻呀CFA好叻呀我朱利亞尼PhD in 吹蕭MA in 坐蓮（佛教大學啩）呀。所以，都係唔好改呢啲名。正如之前有個女仔錯誤流出（似借刀），叫做「茜儀」—大家都知所有佢嘅男仔朋友都叫佢「西儀」。為人父母呢，除咗自己意願，都留意返其他人嘅語文水平。

（＊＊＊）［今次到陶傑腔］Sophia係智慧，應該去得幾次歐洲旅行都知。日本間上智大學（唔係石峽尾嗰間，又，上智啲女出名得，我講石峽尾嗰間），英文就叫Sophia University（日文呢？咪「上智大学」），係智慧女神，唔係蘇菲亞羅蘭。土耳其伊斯坦堡嘅Hagia Sophia，亦係呢個字，譯聖索菲亞大教堂已經怪怪地，何況唔係教堂。曾經係教堂，亦曾經係清真寺，又有時兩樣都唔係，視乎風方，水陸兩用，可翼可鋒。所以都係叫返Hagia Sophia好，Holy Wisdom。仲有保加利亞嘅首都索菲亞，Sofia，好靚的說，亦係呢隻字。其實個地名十分奇怪，因為保加利亞絶大多數地名（但，你講得出幾多個？）都係斯拉夫語源頭，唯獨係首都，name after個東正教教堂

（＊＊＊＊）作為一個辯論隊隊員，我真心覺得辯論比賽對人類文明利多於弊。「不服來辯」。辯論就辯論，比乜撚嘢賽？你學到嘅係，nothing．學論證？咁你應該寫文，或者上連登，或者去教會叫人信佛。學到有膽量講嘢？咁你應該去參加好戲量，或者從政。真的，辯論比賽對人類文明利多於弊，「不服來辯」。首先，根據牛津辭典呢，辯論，定義係乜乜乜。

（＊＊＊＊＊）其實我已經好克制，但都係忍唔住呢度講。我個人認為呢，耶撚係唔應該做辯論比賽評判嘅，甚至唔應該參加辯論隊—我不是杰丁，係斯維爾。正如耶和華見證人都唔輸血，亦都好似唔會做醫生（有錯指證）—咁即係呢，根本上，耶撚教義，同「理性辯論」，係抵觸嘅。「不服來辯」。

----------------------------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

----------------------------------------------
Instagram @ivanliresearch．七成金融（短打）兩成嘢食一成其他嘢。

----------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

［欣榮花園購物商場］這不是惡搞，這不是Fake news。大名鼎鼎 aka惡名昭彰嘅We Company，新一輪嘅重組，亦都有rebranding．新名叫做，WeWork！是真的

路透社原文：The We Company reverts to WeWork name to emphasize office-sharing roots（https://bityl.co/3xog）

TLDR：最正係，舊年年頭，公司先由WeWork改名做WeCompany．6百萬美金嘅問題：啲改名嘅錢，去咗邊個度？識玩梗係做Start Up CEO

1. 老實講，班友可以忍住唔撚笑講出嚟，就已經值回咁高人工。我就冇咁嘅修為啦。

2. 係喎，原本（即係，早兩日）間公司，係叫做We Company。WeWork係個產品　　/牌子/其中一部份啫。類似例子都唔少，都幾煩，因為記者次次寫都要講「XX母公司XXX」，十分浪費時間，但唔寫又有讀者找碴（呢個世界好多人係冇其他更有意義嘅嘢做的）。例子？「Google 母公司Alphabet」「Gucci母公司Kering」「Uniqlo母公司迅銷」「Zara母公司Inditex」，我甚至見過人寫「LV母公司LVMH」「聯交所母公司港交所」「香港上海匯豐銀行母公司匯控」（OK，呢個係我玩嘢寫嘅）。

3. 雖然我有時覺得，寫Inditex話唔明，要你講明係Zara母公司嘅，you are in the wrong class啦。又講返個舊例子，穿Prada的惡魔，呀大口姐姐（BTW，從來都唔覺得靚，而家啲批蕩甩晒，我好性）接電話，幫老細take message，問人地「Can you please spell Gabbana？」，對家就冚撚你線，知你唔撚係路啦！You are in the wrong class

4. 而仲有啲更衰嘅，你寫Gucci Google股價乜乜乜，要出嚟找碴更正話係Kering Alphabet嗰啲，更加不知所謂，應該go get a fucking life。

5. 不過Wework嘅例子更撚加好笑，亦都充份反映到呢間公司嘅企業文化，就係假大空，把撚，懶撚係嘢。

6. 好笑在乜？好笑在，根本WeCompany 呢個名，又係舊年年頭先改嘅！（https://bityl.co/3xo0）果然神又係你鬼又係你。當時係強調，拿，我地唔止得WeWork，仲有WeLive同WeGrow。我地唔係地產公司，係科技公司，共享經濟，改變世界，噢耶。

7. 當然可以自圓其說啦，凱恩斯話齋， 'When the facts change, I change my mind - what do you do, sir?'。「落後三球同領先三球都同樣打法咩戇鳩」「一月時未有肺炎啦，世界都唔同晒」。我都識講

8. 當然，以上我講呢啲就太低層次。高層次點講？睇下條印度仔CEO點講：

9. “We want to be strategic. We want to be innovative. We want to be impactful. We want to be WeWork”

10. 嘩，真係邱吉爾再生呀！果然識英文有襟蚊籮同啲！拿，咪就係咁樣，所以人地拎咁嘅人工，我就拎咁嘅人工！（兩個「咁嘅」又見到中文幾咁偉大）

11. 今次點解改名？因為公司又再想大家留意返，我地係地產公司嚟的。我屌，大師（即係我）一早已經話搵笨實（https://fbook.cc/3H8r），擺明就係劏房，high乜撚tech

12. BTW，仲有一大堆AI乜乜乜嘅，得閒我都寫下。最新有間新加坡智能咖啡機，咩呀，開返畀我去就唔使屌？（當然我會照去）。其實之前仲有好多呢啲公司，但部份啲創辦人或者入面嘅員工我識，咁就費事寫了。所以同我做朋友都係好好的！訂埋Patreon更好！（https://bit.ly/31QmYj7）。當然我唔會埋沒良心（屌你咩，一個月一舊水就買個良心？我良心好大的）幫你唱好，但至少我唔會踩多兩腳。

13. Anyway，WeWork Rebranding呢啲咁嘅鬧劇，最開心真係啲歐嘥打，幫佢地印嘢嗰啲，換logo嗰啲，話咁撚快又可以換過晒。

14. 然後話你知，好多普通人，根本係連公司改過名做We Company都唔知的。可能睇完我呢篇文，佢地先發現：下？原來改過名？以為一路都叫We Work喎。證明呢啲乜柒rebranding，十居其九都係管理層自high，同埋益朋友，二奶，或者自己。最好請多班consulting firm出嚟幾球嘢講下個brand awareness，然後十球八球嘢整個logo，再出一堆新嘅rebranding campaign

15. 真架，估下上次rebranding啲錢去咗邊？We Company個Trademark用咗幾錢？用咗600萬美金。問邊個買？Adam Neumann。個名咁熟嘅？正係公司嘅創辦人兼上手CEO．係喎，左手交右手，公司畀錢買返自己嘅嘢。你話，喂，關聯交易喎，交易所唔理？Sorry喎，私人公司，唔使益萬惡金融撚。唔鍾意嘅，quit WeWork咯。（而Adam Neumann就真係quit WeWork！再拎多咗幾舊大錢，而家可以日日隊草）

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7

——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

【獨家試唱】
️?琴日整咗段無人聲KTV大家都唔夠喉，今日就網友幫手唱咗出嚟??，連中文歌詞都有埋嘅MV，仲唔快啲聽下?？！

#片尾有彩蛋 #K房重開有冇得唱
#識唱嘅一齊唱 #話佢戇鳩驚佢嬲
#NoWonderCEisOn9 #拍定手先啦

原曲：《If You're Happy And You Know It?》
翻唱：懵盛盛 Lhs1020
改詞：Jackz / Duff Sego

英文歌詞：
If you're #冇腦 and you know it, clap your hands
(Clap, clap)
If you're #低B and you know it, clap your hands
(Clap, clap)
If you're on9 and you know it, then your face will surely show it
If you're on9 and you know it, clap your hands
(Clap, clap)

中文歌詞：
誰人智障個腦發臭就拍手 ????
誰人偏幫黑警徇私就拍手 ????
日日hea吓鳩噏大話
公帑幾千億揮霍吓
只懂加薪不理訴求無用怕 ????

FB上的諧星組：https://www.facebook.com/spstarplayers
IG上的諧星組：STARPLAYERS


係柒頭？係戇鳩？唔係
佢係助人為快樂之俠！