大家好，唔知你仲記唔記得一個追左我四年既故事

《弊傢伙，我女朋友有咗》

上年出完實體書，今日我將正文放返上黎，比有追故既朋友睇埋個結尾佢，原諒我咁遲先放，因為我之前想保障返支持我實體書既朋友

但最近我諗通左，反正實體書有額外內容，以後我Post正文就可以，將延續既故事留返比支持既朋友

其他朋友，我都會提供一個完整故事比大家，答謝大家支持

首先！！！

應該唔記得自己睇到邊吧……

不如，我地重頭黎過！！

－－－－－－－－－－－－－－－－－－－

第一回－阿鋒

我中學阿Sir講過，有好多嘢，先後次序調轉咗，就會好事變壞事，其中一樣就係生仔，有小朋友絕對係好事，但未結婚就有小朋友……我唔敢講係好事定壞事，之不過肯定有麻煩，仲要係大麻煩。

我叫阿鋒，剛剛大學畢業，有一個拍咗唔長，亦唔算短嘅女朋友，叫阿儀，我二十四歲嗰年，喺譚仔食緊雞肉墨丸小辣走腐皮嘅時候，當我夾起第三粒墨丸嘅時候……我聽到一個改變我一生嘅消息。

「阿鋒啊……我仲未嚟……」阿儀面色唔太好咁講。

「係囉，我都就食完喇，你個米線仲未到！阿姐！！！差碗嘢！！」我催咗催阿姐，順便吹咗吹粒墨丸。

「唔係啊……我話我仲未嚟M啊……」其實呢一句講得好細聲，我亦屬於耳嗚嗰一類人，但耳仔好似怕我聽唔清，特別開行Turbo咁等我聽得清楚，直情係有震撼嘅感覺。

男人思維，通常係第一時間尋找問題，我好仔細咁諗，唔通係上次？飲咗少少酒，未戴就放咗入去幾吓，喂，幾吓咋喎，阿Sir，比次機會啦！

定係另一次紅燈嗰陣挺而走險，大哥，咁條路無車，唔通唔過咩？

咦，唔係喎……上個月安全期……

「你有冇聽我講嘢㗎？喂……喂……阿鋒……喂……」阿儀嘅聲音將我扯返現實。

「睇住啊，畜牲勿演酸柴清湯！」遲遲未上嘅米線終於到。

我望一望米線，然後用好冷靜嘅聲線同阿姐講：「其實呢……我哋就無叫酸菜，你失驚無神比個酸菜過嚟，我好難食㗎喎，同埋問題唔係我哋鍾唔鍾意食酸菜，而係我哋無叫到嘛，退一萬步就算我鍾意食，你送到上嚟，我呢個Moment唔想食，咁算點先？」

「痴孖根，幫你夾走佢啦！講咁多做乜！」阿姐懶得理我，一句一手將米線拎返走。

阿儀好深沉咁啤住我，我用第三粒墨丸將就快想嘔出嚟嘅兩粒墨丸壓住，然後好平靜咁講：「不如我哋去驗下啦，唔好估估下，有就有，無就無。」

離開譚仔，我行入轉角嘅萬寧，拎起二十八個九嘅驗孕棒，好記得收銀姐姐淡然問：「有冇積分咭。」「無。」「比八達通？」「係。」「要唔要膠袋？」「唔駛。」「多謝支持環保。」

支持環保？無錯……之前我就係為地球出咗一分力，支持環保，所以依家要嚟消費，可以比我揀多次嘅話，我發誓會戴返個套，慳返支驗孕棒，兩害取其輕，前者明顯再環保少少。

喺海港城嘅廁所外面等嘅時候，我打咗比我一個死黨兼好友－肥仔。

「鋒哥？好日唔搵我？你轉行做保險啊？我爛命一條，唔需要喎！」肥仔劈頭一句就將我沉重情緒拉開，證明我打比佢係無錯嘅……

「有樣嘢我唔知同邊個講好，但係我想搵人傾訴，我條女遲咗嚟……」人生中有好多事唔知點開口，而呢樣係其中一樣。

「OMG！Happy Father’s Day！Happy Father to you, Happy Father to you, Happy Father to you, Happy Father to you！」呢一刻，我有種自己係亞視嘅感覺，即係點？即係死咗佢好過囉！

「其實呢……我打嚟想你安慰吓我，你唔安慰都算喇，都唔駛潤我嘛……算喇，唔同你講，下次見獲打獲！」憤怒地掛線之際，仲好清晰聽到肥仔大叫：「爸爸，爸爸，唔好唔要我啊！爸爸……」

咁多人死唔見你個肥仔死，我都唔明點解自己會同一個咁口臭嘅人做兄弟，更加唔知點解鬼掩眼呢個時間打比佢！

利申，我唔係教徒，阿儀都唔係，呢一刻，我好理智咁諗，有咗咁點？

「落咗去！阿仔落咗下層喇。」商場有個男人同佢老婆講。

落咗佢……

我二十四歲，剛剛有份一萬二千八百蚊嘅工，住緊公屋，有三萬八Grant Loan仲未還，部iPhone供緊無耐，下個月嘅情人節禮物我仲煩惱緊……

綜合一切，好似……我未適合做爸爸……

阿儀神色沉重咁走出嚟，我深呼吸咗一口氣等佢宣告自己命運……

「阿鋒啊……你可唔可以認真咁答我一個問題啊？」
「好啊，你問嘅我一向都好認真咁答。」
「如果……我有咗，你會點？」
「呃……有咗……我覺得可以生出嚟嘅……不過……依家我哋事業先剛剛發展，又無樓又未結婚，如果……如果呢一刻我哋……」

「我有咗啊。」

好似粵語殘片咁一道旱天雷打落個頭一樣，我完全無晒意識，阿儀繼續問：「我有咗，所以我哋唔好太多廢話，一句講晒你要定唔要？」

「我……我……」

後來聽阿儀講返，我講「我……」長達五分鐘，而我自己係唔覺嘅……

突然阿儀笑笑口咁講：「我呃你咋！傻瓜！睇吓你，咁驚青，真係有嘅話點做人爸爸啊？」

聽到呢一句嘅我終於醒返，心入面一啖氣呼咗出嚟。

真係要唱返句「來回地獄又折返人間！」

－－－－－－－－－－－－－－－－－－－－－－－－－－

接下來，因為Facebook有字數限制，所以請到Google Doc入面觀看：

http://bit.ly/2MXiCDt

睇到尾，再返黎呢度睇最終回吧

－－－－－－－－－－－－－－－－－－－－－－－－－－

第三十五回－－承諾

大婚當日，最終Kitty都有出現，仲係伴娘，呢段日子我對佢已經無再嬲佢，即使佢係針對我，莫芷盈同我講，對付針對你嘅人，你唯一辦法就係做好自己，拗？有乜用，佢針對你你又點會拗得贏佢呢，要令佢哋失望，就係你活得比佢好。

兄弟到齊時，阿Kent佢拎咗條Banner出嚟，上面寫住立即開門，否則發射卸妝水，仲有幾支裝有不明物體嘅水槍……標叔叔就帶咗一堆破門工程用品，話有乜事就破門而入……肥仔佢話，拎咗個直升機公司電話，後悔的話可以直飛澳門，佢包。

而呢一切，都俾攝影師完全拍低，有時我哋會拎返出嚟睇，阿儀當然睇一次嬲一次話你班咩朋友啊！

最後，動用咗幾多人力物力嘅器材一樣都無用到，大家笑完爽完就正經返，接新娘了。

開門利是，其實流程好一致，一封大，再加一封細，除返開每人一千左右都已經收貨，但都要形式上留難一下大家，添少少再開門，咁先顯得有戰鬥過嘛。

但我嘅開門利是，除咗錢之外，早兩日我問咗阿儀，你班姐妹鍾意咩，最後我每個姐妹都買咗份禮物，有香水、有唇膏等等，俾利是佢哋之餘，我話：「多謝你哋咁多年都照顧住阿儀，陪伴佢成長，作為佢老公，我好想感謝你哋，雖然平時同你哋唔算熟，我相信你哋對我印象都唔會好得去邊，所以我希望你哋可以原諒我，以後大家一齊令阿儀更幸福。」

姐妹們都幾驚訝，對我班兄弟都好似無咁大敵意，果然，雞髀打人牙骹軟。

幾個環節過後，去到最老套嘅愛的宣言，一大篇不平等條約係我面前，我笑咗笑問佢哋：「仲有冇嘢要加？係就一次過喇。」俾著以前，我會好認真咁計較，但依家只係一笑置之。

隔住道門，司儀問有冇嘢想係見新娘子之前講，我話，我想唱一首歌。

雖然，我對周柏豪無乜好感，亦唔喜歡陳詠謙，但呢兩個人嘅《我的宣言》，真係呢個時間我最想唱嘅歌。

阿儀知我鐘意唱歌，佢話夜晚人多，你千祈唔好唱，要唱就朝早唱好喇，當我接到阿儀之後，佢真係好靚，果然一個要萬八一日嘅化妝師唔係惹少，將阿儀嘅美放大好多倍，我望住阿儀，無出聲，只係不停傻笑。

佢問我笑乜，我話，無，覺得你好靚，覺得我執到，覺得你唔好彩，哈哈。

跟住我再問佢，頭先首歌唱成點，佢話：「化妝姐姐話聽過咁多新郎唱歌，你算唱得好。」

我笑住咁拖實佢，開始敬茶。

中段時間無乜特別，都係影相，影到個人笑到好奇怪，阿Kent係我身邊不斷提我，笑啊，笑啊！
笑，其實結婚當日真係幾開心，但真心係攰，原來做主角，每分每秒都為你而生真係好大壓力，加上我一直都好緊張一陣要講嘅嘢，唔知其他人結婚會唔會特別開心，但我肯定係特別攰，終於明洞房花燭夜於現代社會唔存在。

一路影相、迎賓、握手、祝福、感謝，我唔知將來仲會唔會睇返呢張相，亦唔知對方會唔會睇返，但相只係留念，人到就已經好有心了。

律師上場，終於到咗準備證婚嘅環節，我已經知會咗律師將會講少少嘢先證婚，經佢介紹之下，我踏上呢個台，拎起咗一支咪。

「喺證婚之前，我有少少說話想同我未來老婆，以及大家講，相信熟悉我同阿儀嘅朋友都已經知道，我哋係奉子成婚，亦即係之前我哋仲未有結婚打算，直到我哋之間突然出現一個生命，我哋先做呢個決定。

二十四歲呢個年紀，算相當早婚，而且未有經濟基礎之下，呢場婚禮對我哋相當困難，過程之中，我哋都有爭執過，有卻步過，有猶豫過。

婚姻，我覺得係戀愛嘅墳墓，放心，唔係貶義，而係戀愛嘅終結，我哋以另一個形式一齊生活。

我，程日鋒，唔係一個咩絕世好男人，超級荀盤，有阿儀一個咁好嘅女仔肯嫁俾我，係我嘅福氣，係呢段時間入面，我做過好多事令佢傷心難過，唔似得其他新人一樣，大家上嚟讚吓對方感謝一吓，我希望俾到一個最真實嘅自己我老婆。

點解兩個人要結婚？係咪因為佢已經搵到心目中完美嘅另一半？知道對方係樣靚身材正，高富帥，溫柔體貼，無微不至？現實唔會有呢種完美情侶。

我曾經問過阿儀佢點解會肯同我結婚，我相信一定唔係有咗我嘅骨肉，而係，佢明知我有千樣萬樣唔好，佢清清楚楚，而且接受並同意咁做，唔似得大家從未睇過就click嘅條款及細則，阿儀佢每一件事都親身經歷，笑過喊過，但佢都願意接受我呢個人，呢個唔爭氣嘅程日鋒。

婚姻係一場修行，每日都見，會有開心事，但亦會有傷痛，兩個人，係完全獨立，大家唔同背景、文化、性格、習慣，邊個敢肯定自己另一半係Perfect Match？以後嘅日子，我唔敢講一定會令阿儀每日都開心快樂，但我希望無論面對任何事，我哋都可以一齊面對，一齊渡過，一齊解決。

我問過我老豆點樣會令一段婚姻更好，佢話我已經做咗，諗咗好耐我終於明，只要你一直問自己點去令呢段婚姻更好，你已經係做緊。

愛情又好，婚姻又好，無所謂完美，因為人隨時會變，只要佢唔再愛你，再完美嘅人都會離開，結婚從來都唔係終點，律師都唔會保證兩人將來唔會分開，而踏上呢種婚姻嘅賽道上，思考點去令兩個人更好，先係唯一嘅方法。

張佩儀，我應承你，一直都會努力令我哋更幸福，無論咩事都好，我都會對你不離不棄。」

阿儀無出聲望住我講完一切，我再次單膝跪低：「你願唔願意成為我嘅合法妻子啊？」

阿儀示意律師俾支咪佢：「問問問，唔願意仲會係度聽你講咁耐啊！程日鋒，我依家要在座咁多位見証，佢，程日鋒將會一生一世對我張佩儀不離不棄，會好好反省有咩不足，會一直進步，而我張佩儀會一直陪住佢，依靠佢，有咩事都會支持佢，鼓勵佢。

如果你清楚明白並接受的話，你就可以成為我嘅合法丈夫。」

「清楚明白接受！」
「我願意。」

律師佢接返支咪：「好，見証過咁多新人，我都係第一次見咁自動波，雖然佢哋兩人嘅誓辭同普遍唔同，但我相信咁多位來賓都感受到佢哋濃濃嘅愛，亦作出比誓辭更緊密嘅承諾，我在此宣佈兩人，成為合法夫妻。」

終於，我結婚了，終於，這個關於結婚的故事，完結了。

－－－－－－－－－－－－－－－－－－－－－－－

感謝你看了這個長達八萬字的故事

陪伴程日鋒一起成長，見証了一對小情侶在現實之下的掙扎

如果你喜歡這個故事，可以留言購買實體書

實體書會比網上版多了以下內容：

1）莫芷盈
2）五年後的程日鋒
3）蔣薇後記

另外會附送兩個網上故事《商戰》《方舟》，每本正價88元正，留言及分享可獲10元折扣，每本書也會有簽名

想購買的朋友，請留言查詢

亦歡迎大家說說看畢整個故事的感想

如果你是新讀者，可以看看我另一篇長故《老婆最後的十二個難題》

第一回連結如下：
http://bit.ly/37UXIw5

再次感謝，謝謝你花時間看我的文字

【melody 60秒旅晨】江之島 一日遊

日本東京近郊有唔少好舒服悠閒既景點，尼個星期同你分享鎌倉同江之島一日遊既行程。尼個地方我去過兩次，都覺得係放鬆心情既好地方。

當然第一步就係要買交通券！皆因我一早已經買左tokyo wide pass3日券，所以就用張pass由東京市區直去大船站，都要成粒鐘架！之後係大船站你就可以選擇買屬於鎌倉同江之島既無限搭daypass，有兩款：

1:600yen，但只限於用在江之島電車線路
2:700yen，包括江之島電車線路同另一個叫湘南單軌電車線路，我就比較推薦買尼個，因為可以試尼款倒掛式既單軌電車，而且由大船站前往江之島站既風景亦好靚兼时间短D。

江之島旅遊區其實好細，大致分幾part。抵達江之島站之後就步行橫跨大橋大概十分鐘進入江之島。今次相當好運因為步行路上竟然睇到遠處既富士山全景啊！仲要係戴帽富士山，山頂舖滿雪！期待再近d距离富士山，迟d再分享富士山之行。

步行抵达江之岛既入口处，有个大大个青铜色既鸟居作为标志性建筑。就会见到好热闹既商店美食街！尼度仲有间温泉旅馆架，有时间可以去浸个温泉足浴。餐厅方面大部分都系打住新鲜海产为主，价位就稍微贵咗少少，而小朋友系会被一间大大劲cute既hello kitty专卖店所吸引，里面除咗有大量限量版商品之外，仲有间kitty餐馆同kitty甜品屋！kawaii ler

穿過商店街後，可以看到江島神社的巨大紅色鳥居，左手邊是「江之島ESCAR」售票處。腳骨力麻麻既朋友又想睇靚景可以搭「江之島ESCAR」20分鐘既樓梯路程只需4分鐘！

「江之島ESCAR」只有單程往上，分成3個區間，共4台手扶梯，全程約4分鐘即可到達山頂，比起徒步上山要花20分鐘左右，整個輕鬆很多呀～[門票]全區:成人360日圓／兒童180日圓。來到了1區的江島神社邊津宮，在右手邊可以看到洗錢白龍池與龍神，江島神社與龍神的關係匪淺，相傳五頭龍以前在鎌倉地區不斷作亂，直到戀上了仙女，下定決心改頭換面後，終於與仙女結為連理，又據說仙女就是江島神社所祀奉的弁財天，因此這裡便成為了祈求姻緣的熱門地點之一！

稍微往前走，有一棵分成兩樹幹的御神木「結緣樹」，傳說可以招來良緣，結緣樹前掛上了許許多多寫進戀愛心願的「結緣繪馬」

接著前往展望燈塔「江之島海蠟燭」（成人300日圓、小學生150日圓）會經過一個大花園。花卉種類眾多。瞭望塔擁有360度的寬廣視野，美景一網打盡！先從一樓搭電梯上室內展望室，接著爬上樓梯來到室外，放眼望去，藍色天空與大海，搭配綠色江之島，是不是超美的！戶外的風雖大，還是想多花點時間留在這裡，將整片美景記入腦子裡～

尼度有間露天花園餐廳，可以享用一個下午茶再繼續往龍宮出發！

參觀完瞭望台之後就係要往下前往海傍龍宮！從這裡開始要挑戰階梯和斜坡上上下下的路囉，加油吧！1994（平成6）年建造的龍宮，龍神鎮坐上方，像是在保護什麼似的，對周圍充滿著警戒，再往住奧津宮方向回去，就可以看到海，平時浪蠻高，直走就到了江之島岩屋，被海浪長久侵蝕下形成的岩屋，由第一岩屋與第二岩屋組合而成，需買票（成人500yen）可惜当年去尼个龙宫d相系舊手機唔見曬！臨海非常舒服既一個地方，當然都行好多路架！之後就回程番江之島商店街向下一站進發！

melody60秒旅晨-鎌倉kamakura仲有咩睇

日本東京近郊鎌倉kamakura係一個神秘國度，尼度有濃厚既日本文化遺產景點，亦流傳唔少神怪傳奇故事！有興趣了解既朋友其實可以睇睇一部日本電影叫“鎌倉物語”架，裡面就係實地取景拍攝，好靚！

其實遊玩過江之島就必然要到鎌倉其他景點行下！因為。。。順路吖嘛！尤其你已經購買鎌倉江之島一日遊電鐵卷更不能錯過吖！日本既公共交通尤其火車、地鐵、電車尼款鐵路體驗已經成為受旅客歡迎既其中一種旅程體驗！日本東京近郊最有名既電鐵體驗就係江之島電鐵啦！最主要係江之島電鐵係沿著海岸線行駛，舊式造型電鐵配搭沿路海景兼穿梭於民宅之中既體驗真系好正架！由江之島站上車前往鎌倉大站，途中有兩個站你一定要到訪！就係鎌倉高校前站同長谷站！

日本江之島電車人氣爆燈車站- 鎌倉高校前站

由江之島出發前往鎌倉大站有兩個站一定要到訪既，第一個《鎌倉高校前站》

喜歡動漫既朋友應該有睇過日本動漫神作《籃灌高手》！無錯，動漫裡面有幾幕經典既情境就係係尼度取景作藍本架！一出鎌倉高校前站就會見到頗多遊客係鐵路交界處聚集，個度就係灌籃高手片頭曲最經典一幕- 櫻木花道同晴子相隔尼條江之島電鐵路既相望畫面啦！尤其鏡頭由櫻木花道背後影起望到對面晴子同班friend有講有笑而晴子既背景就係接近黃昏既無敵靚海景，電鐵划過之後，晴子用迷死人既笑容同櫻木花道招手！真系80後既共同回憶吖

當然特別留意返，回憶歸回憶，但因為個處係一個電鐵同普通車輛交接既十字路，普通車輛拍曬隊等電鐵經過之後開閘就駕駛入大路或大路有車輛入小路，所以奉勸各位千祈唔好為左影相打卡就阻塞當地交通擾民！！遊客唔係大曬架。

好啦，親眼睇過兒時回憶之後繼續搭江之島電鐵前往下一站-長谷！

日本鎌倉既青銅大佛

鎌倉最有名既地標文物就係鎌倉大佛！乘搭江之島電鐵抵達長谷站再行大概十分鐘就會抵達！

長谷車站出站後往高德院或長谷觀音寺方向步行，因為時間有限，所以高德院既鎌倉大佛同長谷觀音寺我就唯有二揀一去參觀啦！因為都係同樣路線，如果你時間允許都可以到訪既！好啦，離開長谷車站之後你就會經過一d餐廳同伴手禮商店街，可以邊走邊逛仲可以食下雪糕、當季特色甜點，不過溫馨提醒，日本人係唔會邊行邊食嘢架。

抵達高德院就需要買入場券，大人200yen。經過小庭院就會見到大大個既鎌倉大佛啦！尼個係西元1252年開建造既高13.35公尺青銅製如來佛像，為高德院所供奉的神像本尊，也被稱為「長谷大佛」。1958年被認證為日本國寶，而銅像內部係可以進入參觀。尼度地方好細架咋，我唸加影相再慢慢欣賞都係一粒鐘搞掂！所以就建議係參觀完江之島、灌籃高手景點再回程東京市區之前黎參觀，最好就4pm前抵達鎌倉大佛，因為5點半就關門咯。而每年3~7月係超旺季！因為大佛周圍會圍繞著盛開既櫻花同紫陽花，勁有意境！

好啦，下集回程東京市區！

做情侶嘅一大挑戰，就係要好了解對方鍾意乜。

唔係話生活上鍾意食乜、去邊、行街買乜等等，而係存在喺心底裡嗰樣喜好。

會沉迷多年、會瘋狂追求。可能係Hello Kitty精品、可能係攝影器材，可能係唔同種類嘅花。

以我嚟講，係墨水筆。我會收集唔同款式嘅墨水筆，漸漸地女朋友就變成墨水筆專家。

因為佢要偷偷哋買畀我、因為想了解我鍾意嘅嘢、因為想踏進我嘅世界。

普通一件物品，透過女朋友嘅手送畀我，多咗一層意義，變得唔再普通。因為有「心思」注入，即刻矜貴晒，值得珍惜。

「咁你知唔知我鍾意啲咩先！」女朋友反問。

「知！」但我有小小心虛：「妳鍾意⋯花吖嘛」。

唔知，死；知，都會死，因為佢會話：「等咗你咁多年都冇表示！我都係自己送畀自己算喇⋯⋯」

除咗為對方收集喜歡嘅物品，後來，女朋友更鍾意咗儲「情侶嘢」，衫、褲、鞋，要穿差不多款，已經係例行公事。

「我以為妳唔啱呢啲嘢，會覺得老套。」

「咪傻啦！有邊個女仔會唔鍾意！」

回憶難得，一件小事件，分分鍾記一世。每次望到嗰件物品，就會諗返昔日嘅片段，「原來我哋都曾經擁有過呢一樣嘢！」

女朋友唔單止鍾意情侶物品，仲會愈嚟愈想要更多，連手機都要同一款。

未拍拖前，我好討厭情侶物品，使唔使搞咁多嘢證明自己恩愛呀？

但依家呢一刻，我明白原來真係屬於兩個人嘅甜蜜，並唔係為咗晒命。

每件物品，雖然零碎，但組合起嚟就係幸福嘅記憶。

(想多一份幸福，即入：http://bit.ly/2gLmhzv)

【後記】介紹返，手機殼都係情侶間不可缺少嘅物件，想整一個真正屬於二人獨有回憶嘅手機殼？呢個聖誕機會嚟喇！自訂手機殼送畀另一半，有心思之餘，又可以盡情咁放閃。即上 Casetify 攞你嘅相自製手機殼啦！

（PS：用PayPal畀錢更加有8折！整多兩Set輪流換都冇難度！有問題PayPal仲會幫你俾退貨運費。）
------------------------
***最新出版：小說《初戀，是不可挽回的追悔》各大書局有售
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar