終於可以post 33合照喇~🤩 差不多2個月吖 為咗見 @deniskwok193 🤪 我先會上 #戀講嘢 呢個節目 多謝 @viutv 同導演比機會我🙇🏻‍♀️ 好多fd睇完都話 全香港🇭🇰都知我鐘意靚仔😍 咁上得去就梗係講真心話啦 多謝 @ashinaaa @helentam_donggu @wayii 幫我開口叫33影合照🥰 我響化妝間坐響33隔離 我都唔敢同33講吖！陰公🥺 最初以為33講嘢會好鋒利 緊張左幾個星期 點知nice到爆炸💥 好彩無被人串到我口窒🤣 當日隱瞞男朋友上呢個節目 對唔住🧎‍♀️ @angus.chann 我驚你呷3爺醋唔比我錄影 所以呃你話我參加全民造星 其實我哋錄左成個鐘 重要唔夠時間講吖 希望有機會再上去講埋 今集講唔曬嘅嘢啦⋯⋯ 重溫viutv 戀講嘢: https://viu.tv/encore/talker-what-love-you-say/talker--what-love-you-saye4lung-hung-fuk-sau-gei #晚吹 #晚吹戀講嘢 #viutv #193 #郭嘉駿 #郭奕芯 #浩南 #譚凱倫 #Naomi #naomifung #tvshow #追星 #知我咩料啦

. [ViuTV][晚吹 - 戀講嘢] 193 今晚有新節目，做主持，仲要一夫當關一拖三，拍住啱啱畀 #七仙羽 淨化完兼做埋徒弟嘅「八鮮乳」郭奕芯、 譚凱倫 Helen、仲有口罩小姐冠軍「浩南」鄭伊琪。 1+3主持《戀講嘢》會講愛情嘢，第一集請到A0上嚟同大家傾吓第一次戀愛。33會親身示範壁咚~~~ 到底冇咗三個兄弟口水多過浪花嘅chit-chat，193又會點發揮呢？ 📺《晚吹 - 戀講嘢》99台 ViuTV 逢周二 2330~2400 #ViuTV #晚吹 #戀講嘢 #郭嘉駿 #郭奕芯 #譚凱倫 #鄭伊琪

- 《鬼網》影評 「何為鬼網：網不困人人自困」 兼談作品對香港電影發展的啟示 （含劇透，一套出色的電影，慎讀！） — — — — — 話說鬼網今日（11月23日）正式上映，本身個檔期係十一月頭，所以全部宣傳都推到好前去做，而我亦早喺萬聖節當日就睇咗呢套戲。 — 入場前都知道套戲分幾個單元故事去做，如果當《陰陽路》咁去睇就fit曬。而同《陰》一樣，我一路睇套戲一路係度諗，點解套戲叫《鬼網》呢？直到完整睇完三個故事之後，我終於搵到我嘅答案。 — 三個故事分別係《好鄰居》、《二重身》同埋《冤有頭》。《好鄰居》表面上講緊郭奕芯住百二呎劏房，隔離屋係非法嘅骨灰場，所以不斷受到鬼魂滋擾嘅故事。從而帶出「無屋住仲慘過見鬼」嘅諷刺。而更加諷刺嘅就係故事嘅結局，原來鮑康兒都係鬼，佢親近郭只係想搵佢做替身，而「搵替身」呢樣嘢都係要爭，鬼都要爭上車。 — 而《二重身》就係一個比較純粹嘅愛情故事，一方面講許雅婷走去紋「愛的紋身」，想留住變咗心嘅麥子樂，而原來呢個係張建聲同蔣祖曼吸收無知少女靈魂嘅陷阱，張建聲想永續死去老婆嘅生命。 — 《冤有頭》故事就更簡單，一堆網絡靈探KOL夜闖鬼屋，點知玩出禍，各個人得到自己應得嘅懲罰，善有善報，惡有惡報，若然未報，時辰未到，係真正嘅「冤有頭 債有主」。 — 咁三個故事究竟同「鬼網」有咩關係？我嘅解讀係，網就係作為纏住同捉住我哋嘅一啲工具，而三個單元分別就透視咗香港人生活喺當今社會入面需要面對嘅三種「網」。 — 第一種「網」就係「土地問題」，住屋基本上已經成為咗個個香港人都需要面對嘅一個大難題，我哋唔係攤大手板等政府養，就例如故事主角陳慧其實都自力更生架，之不過屋企唔歡迎佢，出面租房又好貴，甚至比成堆鬼日日夜夜咁恐嚇你，跌啲爛橙落嚟，擺幾對鞋喺門外面迫你搬走。喺今日嘅香港，年青人無寸進之路，為咗一個一百二十呎嘅「小天堂」就要供到上天堂，公平咩？ — 第二種「網」我會解讀為舊日美好嘅時光。其實許雅婷同張建聲都係因為眷戀舊日嘅風光愈做咗啲唔應該做嘅事，例如明明同麥子樂嘅感情已經一去不復還，許仲偏偏要信邪術，相信紋身可以令一個人回心轉意。而張建聲就違反自然，唔比自己嘅老婆離開世界，不斷以紋身勾魂嘅方法幫愛人續命，唔肯放手。呢樣嘢亦令我諗起幾多香港人眷戀舊日美好嘅時光，不斷食老本行歪路而唔肯放低執著，就例如喺香港電影低迷之下仲不斷翻拍舊有嘅類型片，而呂夠膽去創新，就係因為呢種執著同迷戀，困住咗好多香港人。 — 第三種「網」就係「名利」，靈探們因為錢同名聲先會去做出呢啲咁大膽嘅事，包括夜闖鬼屋，去人哋喪禮果度搞事，玩筆仙等等，因為佢哋做嘅嘢愈偏鋒，就會得到愈多人嘅「讚好」，從來獲得相關利益，「有出息」。故事入面嘅陳嘉樂其實都算係一個立體嘅人物，為名為利嘅背後，其實佢係唔想比前女友趙詠瑤睇唔起佢係廢物港男，而點解港女會睇鍾意「有出色」嘅伴侶？其實又係因為社會風氣使然，有錢就有地位，地位喺香港係極其重要嘅事，你喺香港做個清道夫同做個醫生，分別已經差天共地。最後各人得到自己應得嘅報應，撩鬼攞命，皆因名利。 — 喺《鬼網》嘅三個故事入面，我哋可以見到編導們對於香港社會現況一啲好深刻嘅批判，我睇完套戲之後就話呢種做法甚至係香港電影未來發展嘅一個楷模，即使電影唔係盡善盡美，但做法就絕對值得參考。 — 個做法就係，既唔似《十年》咁類似一個「紀錄片」嘅形式去拍故事，扼殺觀眾想像嘅空間；但又唔似《空手道》咁引起觀眾太多嘅聯想，講啲唔講啲，帶比人「曲高和寡」嘅感覺。《鬼網》用宣傳開宗明義咁話比你聽，「可能生活在香港本身就是一部恐怖片」，但睇戲果時又唔覺得編劇過度穿鑿，每個單元結構完整，講少少香港，講多多故事，能夠兼顧作品喺虛構同埋現實當中嘅平衡。 — 喺今時今日嘅香港，你覺得你可以離開政治？你唔可以，但同時政治亦無必要成為你全部嘅生命，《鬼網》就係一個極好嘅例子。