[1230隔夜超短劇評] **歡迎留言討論但唔好劇透** **留言請明示你係講緊邊套劇** -------------------------------------------------- [無綫][超時空男臣 第22集] [讚] 冇。 [彈] Samuel一路迫大妹，我一路就覺得好戇居。當日要大妹相信佢哋三個係喺明朝嚟到都鋪排咗咁耐，依家Samuel一吓就相信咗，太兒嬉喇啩。就算大軍識得飛天有埋片，佢講出嚟管理層冇人企佢嗰邊都要講，戇居程度又加強。識飛又點呢？段片係公司cctv拍到，即係公司資產，Samuel一發布，天朝咁大權力，大石砸死蟹有乜咁難？話佢傻咗又得，話佢偷咗公司資產轉移視線又得，大把嘢可以對付佢啦。好喇，就當大妹乜都唔識，咁嬌姨識喇啩，再唔係就問左光斗大學士，依家全部人企埋一陣線，反而戰爭力升咗嘅係Samuel？ 全劇唯一比較講得通嘅，係Samuel拎住小冬個太監身分迫小冬。但都唔合理啦，話就話中國冇咗太監100年啫，但佢憑咩話小冬係太監呢？偷影佢？唔係唔得，但好牽強喎。小冬同天朝死口唔認，佢又耐得佢咩何？都係嗰句啦，Samuel爆佢哋係明朝人，就屈佢係傻嘅，搞掂。 [演員表] 蕭正楠 飾 袁崇煥、大軍 / 曹永廉 飾 左光斗、一波 / 何廣沛 飾 李進忠、小冬 / 王君馨 飾 太子妃、Sandy/ 田蕊妮 飾 方惠芝 / 朱晨麗 飾 方惠玲 / 韋家雄 飾 溫偉泰 / 姜大偉 飾 方天 / 簡慕華 飾 余綺虹 / 蓋世寶 飾 方玉芬 / 姚嘉妮 飾 嬌姨 / 吳業坤 飾 Ivan / 李國麟 飾 大富貴 / 徐榮 飾 Samuel / -------------------------------------------------- [ViuTV][瑪嘉烈與大衛系列 前度 第22集] [讚] 終於講清楚維珍、淑華、在山嘅關係。維珍原來唔係小三，在山係得不到的戀人。佢同大衛飲醉過咗一晚我覺得可以理解，可能維珍代入咗浩然個角色，兩個人都係鍾意一個唔會鍾意自己嘅人。大衛喺維珍眼中就變成咗在山。 [彈] 始終都係對白主導，夠膽死全集換個場景一直講講講，呢個就要靠演員對於對白嘅節奏拿握。夏文汐呢方面真係失色，全部講嘢節奏係一樣樣，有時仲聽唔到佢講乜。劉俊謙到依家都好似投入唔到個角色咁，但仲有8集就大結局喇喎…在山對於維珍嗰段對白又係好突然，在山一直都係咁強勢，無啦啦求維珍做嘢，好尷尬。 [演員表] 劉俊謙 飾 大衛 / 杜小喬 飾 美玉 / 袁澧林 飾 瑪嘉烈 / 馬志威 飾 大輝 / 廖碧兒 飾 維珍 / 夏文汐 飾 淑華 / 黃秋生 飾 在山 / 恭碩良 飾 Johnny -------------------------------------------------- [無綫][同盟 第7集] [讚] 冇。 [彈] 到底我睇緊啲乜？阿欣扮狗乸去引狗公，同埋喺個麵度落藥大家讓嚟讓去就似周星馳。阿杰畀狗交穿條褲，大班街坊圍住佢笑同影相就似王晶。衝入貨櫃場救忠叔，G Force 畀人用電槍電pat pat，再跌落嚟喺地自己震就似成龍。我明佢哋三個風格都有捧場客，但依家溝埋一齊做唔到瀨尿牛丸，不倫不類。我真係替幾位主角慘，又要親身去打，又要跑嚟跑去，但係拍出嚟就搞成咁。 有冇人睇睇吓棄咗劇？ [演員表] 鮑起靜 飾 令熊、薇姨 / 陳展鵬 飾 杰仔 / 胡定欣 飾 阿欣 / 陳山聰 飾 Kent / 郭峰 飾 韋爺 / 姚子羚 飾 Kate / 梁烈唯 飾 G Force / -------------------------------------------------- #1230隔夜超短劇評 #無綫 #TVB #超時空男臣 #蕭正楠 #曹永廉 #何廣沛 #王君馨 #田蕊妮 #韋家雄 #簡慕華 #蓋世寶 #姜大偉 #朱晨麗 #ViuTV #瑪嘉烈與大衛系列前度 #劉俊謙 #袁澧林 #馬志威 #杜小喬 #廖碧兒 #黃秋生 #夏文汐 #許志安 #姚嘉妮 #同盟 #鮑起靜 #胡定欣 #陳展鵬 #陳山聰

Friendly staring in my good friend's micro-movie. Let's watch n share! http://www.microfilm-music.hk/video/microfilm-2016-14/ 老友丫Fred再次邀請我友情客串佢嘅微電影，多謝他令我再次發揮我少見嘅講笑本色，仲同小喬有段可歌可泣嘅...友情，其實個劇係想話我地有嘢...可能係。睇完一定要幫手share同投票丫！ 主演：張子丰/董敏莉/杜小喬/馬嘉均；導演 : 阮浚德 李安曾說： 「每個人心裏都有一座斷背山，只是你沒有上去而已。」 這座山埋藏著一些不可告人的秘密，可能是同性戀，也可能是一段暖昧關係、一個心結，不敢觸踫卻縈繞心頭⋯⋯ 歌手Fred演藝事業未見起色，經理人Kim靈機一觸想到借出櫃宣言，假扮同志搏出位，Fred卻不甘被擺佈與Kim發生衝突⋯⋯ 請投我們創加作比賽作品《拗攣新星》一票！ #阮浚德 #張子丰 #董敏莉 #杜小喬 #馬嘉均 #微電影 #拗攣新星 #comedy #micromovie #movie #film #staring #acting #actor #actress #比賽 #投票 #音樂編 @chzfung @monietung @tosiukiu @rockmasonma