睇女星，唔使等埋發叔～
####################
浪漫月巴睇女星（32）
搖啊搖，搖到綾瀨遙。
每逢看見綾瀨遙，我就不期然開心到兩頭搖。
1.人生在世，不過是求開心，偏偏，不開心的時候總比開心的多。回到2009年，是我成世人最不開心的一年（希望這紀錄在日後不會被打破），而就在最不...
睇女星，唔使等埋發叔～
####################
浪漫月巴睇女星（32）
搖啊搖，搖到綾瀨遙。
每逢看見綾瀨遙，我就不期然開心到兩頭搖。
1.人生在世，不過是求開心，偏偏，不開心的時候總比開心的多。回到2009年，是我成世人最不開心的一年（希望這紀錄在日後不會被打破），而就在最不開心到接近絕望的時候，多謝綾瀨遙，她讓我開心過來——即使只是短暫的一晚半晚。
2.因為她的《開心直航》和《巨乳排球》。冇錯，在很嚴格的影評人眼中這兩齣都不是甚麼非看不可的經典電影，但在既不嚴格也非影評人的月巴氏眼中，絕對是令我精神為之一振的正嘢。
3.綾瀨遙在兩齣電影中的角色設定基本上都差唔多：A.既純真又善良；B.天生一股無敵傻勁；C.儘管有時用錯方法但無非想盡力做好一件事——而當中又以《巨乳排球》的搣時被描寫得較深入。初出茅蘆的美香子，抱著一股無比教育熱情，為了激發排球隊那班（甩皮甩骨又鹹鹹濕濕的）男學生，竟然答應了他們要求：只要打贏比賽就讓他們欣賞自己的澎湃巨乳——WOW咁啱我中學時最熱愛以及玩得最好的球類運動正是volleyball啊！所以我看《巨乳排球》看得零舍投入，投入到不期然代入了那班男學生，無論如何一定要贏！
4.如果你有睇過《巨乳排球》你應該知道，這其實是一齣完全冇嘢睇的戲，那時候的綾瀨遙已經很錫身，不會再像從事水著女優時期般疏爽，但就憑這麼一個密不透風、造型有點古舊昭和味的綾瀨遙（電影的時代背景是1979年），令我在心情跌穿谷底直陷地心的晚上，笑得出。她給予了我活著的力量。
5.唔係呃你，自小我就冇乜迷戀水著女優（唔好問點解，因為我都唔知點解），但離奇在，當某些水著女優終於脫離了水著界，往往會突然間深深吸引我。像小池榮子。在她從事水著行業時我不但對佢零感覺，甚至覺得佢有點醜——但自從佢轉型做純粹女優，咦，OK喎——例如《Legal High》第一輯，她的神秘冶艷秘書角色其實純屬配角，但如果冇咗呢個配角，肯定令成齣劇爭咁啲嘢（事實是她的存在也令新垣結衣的角色形象更突出）。
6.所以在綾瀨遙擔任水著女優時，我冇留意過佢，甚至完全唔知有呢個人存在（講出來都冇人信）……直至她在電影電視劇的演出開始備受讚賞，後知後覺的我才知道，塵世間原來有這麼一個女子，這麼一個有趣的女子。
7.其中有趣的一點是：曾經擺明sell性感的綾瀨遙，竟然沒有演過甚麼性感尤物，令人最入心的演出，反而是喜怒哀樂全部表現晒出來的大情大性傻大姐，Yes，就像《螢之光》的雨宮螢，每一集都搞到一鑊粥，但因為她的傻勁和善良本質，令你覺得她實在好打耳……
8.不知你認同不認同。若細心看綾瀨遙的臉，獨立審視她的五官，其實，是OK怪的——尤其對眼，形狀堪稱怪異。但就是這麼一對怪異之眼，讓她單憑眼神已能演繹出多種情緒：淆底、愉快、哀傷、嬲爆爆……還有說不出的深沉。《白夜行》的唐澤雪穗絕對是綾瀨遙歷來所演過角色中難度最高的，難是因為東野圭吾對這悲劇角色實在有太詳細而又複雜的心理設定，她自小就將太多不幸收藏，並轉化成一股生存的強烈意志，而演繹的唯一方法就是：不能把真實情緒呈現出來，要把所有人都欺騙到底。所以我詫異會揀綾瀨遙去演，更詫異是她算是演到我心目中的唐澤雪穗。（講多句，《白夜行》絕對是東野圭吾最好的作品。）
9.但我最鍾意睇的始終是綾瀨遙式輕喜劇（《我的機械人女友》都好睇，但太慘，不忍翻炒）。真的，一見到佢做著那些搲頭或唔知點好的傻表情與動作，我就會好開心——她的搲頭，是我的心靈良藥。
10.當那麼多水著女優到最後不是被迫做奀星就是注定銷聲匿跡，綾瀨遙卻能夠創造奇蹟，真真正正做一個女優而且稱職兼受肯定，我真心戥佢高興。綾瀨遙，努力啊！
（原文刊於am730）
#浪漫月巴睇女星
戀講嘢奀星 在 君子馬蘭頭 - Ivan Li 李聲揚 Facebook 的最佳貼文
［假裝在河內之假裝在胡志明］事忙，寫下呢啲先。不過無論如何感激各位新Patreon。未join嘅快join （https://bit.ly/31QmYj7）
1. 實情我幾怕寫嘢食，除咗唔識寫外，仲有一個好大嘅問題：即係我埃汾唔係話好出名但有人識。至怕係寫完就好多人去—而我係最怕多人的。撇除我怕多人呢樣嘢，我亦見過無數咁多次，新開張好地地，到後來必然變劣食，好多店都係咁。咁但又因為食嘅人多咗，廚房出唔切，唯有啲嘢求其，可以預早整嘅整定，況且出咗名，好多客你畀屎佢佢都係咁食（另一方面你可以話香港啲客重感情，或者盲目，任你）。咁使乜做咁好？所以個茅盾就係：明知新開始排到仆街，但都係要趁早食！因為之後就走樣。（由呢個角度睇，其實啲消費者不知幾理性，Efficient Market呀）
2. 況且啲客又煩，一撚二撚個，都係唔屌唔鬆化，欺善怕惡。呢，在日本好地地，個個守規矩，人地叫你排兩個鐘隊你就唔夠出聲，講人地匠人精神。在香港？上菜耐啲又負評你，冇糖水送又叫你搵經理，一年食得一兩次嘅就扮熟客。咁你唔等得嘅，咪求其煮畀你咯。其實想快呢，去麥當勞啦。
3. 當然後來我發現在香港，呢種顧慮係多餘—寫唔寫都係咁多人去。我唔寫亦大把人寫，香港地邊L有隱世食肆架呢！間間都只係奀星扮素人，我見過有私房菜隱世小店在飲食男女賣晒廣告，情況同啲咩短期客串空姐／人妻秘撈但上晒141賣廣告差不多。
4. 而今次呢間主力做外賣，相對地冇咁大問題。雖然都可能多人食多低質素，但至少唔會影響到好唔好坐—反正就得一張枱。
5. 屯門開咗檔咁的嘢，相當不錯。真小店風情。真越南人開。個女仔一睇就知唔似華人（但識講識聽廣東話，雖然都係一聽就聽到唔係華人），但個男仔樣似華人，不過都係一開口就知係越南人。並非任何意見，只係講客觀觀察。呢間夠晒小店風味，舖頭名都冇，亦無招牌。個餐牌係就咁求其print出嚟放在門口的。但，好食！又平！
6. 實情呢，洋腸鍾意住南丫島，泰國人住九龍城，尼泊爾人住元朗（所以咁多乜乜咖啡屋），咁越南人就真係住屯門的。難民營嘛。「早前有單越南三角戀情殺就在呢度樓上」。當然而家已經冇難民營，但cluster嘅嘢，正如石崗啹喀營都冇咗好耐，但啹喀（都係叫 Gur架親切啲！）同啲後代依然住元朗。
7. 本人細個住兆康，對面就係虎地難民營（而家嶺南大學富泰村嗰頭），後來變開放營，我細細個就接觸啲越南人（主要係佬）。呢段故事在我01嘅文有寫（https://bityl.co/4H50）（呢篇文雖則有啲長同亂，但實在係我好鍾意嘅一篇）。當時啲越南佬就買晒啲啤酒（累我冇得買畀老豆，又，當年先唔理你夠唔夠十八），越南妹就…..12個蘋果。自己諗係乜，如是我聞。我後來在越南同啲後生越南人講起以上種種難民歷史，佢地完全不能相信—一方面越南強大，不能接受幾廿年前要偷渡嚟香港呢啲咁嘅地方，仲好似以為我借機踩低佢地國家。另一方面，越共洗腦好成功，學校唔會講呢啲。只得一兩個話我知屋企老嘢有講佢知。（但其實，舊年咪有單越南人偷渡去英國定歐洲焗死咯，越南一樣貧富不均，你去河內胡志明順化峴港會安，唔係農村嘛）
8. 講開呢個「品味」（Bahn Mi嘛），相當好食。賣廿幾蚊咋，真係唔知佢點維皮。不過主力做外賣啦，舖頭得一張枱咁大把。但亦都早收舖，八點半收。其實可以做夜啲。不過人各有志啦，可能人地又覺得你香港人咁辛苦為乜。
9. 味道係相當不錯嘅，Ngon！（＊）至少在香港好似我食過最好的（以前上環嗰間就不知所謂，搬咗Office先鬧）。隻煎蛋更加係冇得頂，不過越南當地反而好似少見整隻蛋。
10. 但當然廢話一句，都係同越南當地食爭一截。唔同嘅，成個配套，同埋心情（例如啲左右飛嘅摩托車）。越南我前後去咗三次，十分鐘意。平，嘢食好，女仔靚。仲想點？東盟十國，汶萊冇去過，菲律賓斷估你都唔會去。印尼有機會去下（朋友都係負評多，但我去睇婆羅浮屠同埋科莫多龍）。去過嘅七國中，就係最鍾意越南。
11. Oh by the way，見到越南人，唔好同佢講「不漏洞拉」。雖然呢句係香港四十歲以上人人都識嘅越南話，本身亦冇特別冒犯性（原意係「從今開始」），但嘛，冒唔冒犯呢啲嘢，係睇對象覺得的。你可以話Chinaman 「本身」都冇冒犯性架，但對方覺得有咪有。正如納粹敬禮「本身」都冇冒犯性，眾多反猶嘅字（唔敢寫，怕畀Facebook ban）「本身」都冇冒犯性的。正如黑人自己可以叫自己或自己同類做n，但你叫就係冒犯。正如Yid（呢隻字出得啦掛！），猶太人講就得，你講就唔得。聽講仲要分長短音先冒唔冒犯，我真是醉了。
（＊）Ngon，讀「安」，好食咁解。不過聽聞對住女仔講就變咗「你好索」，是相當不禮貌的，你可以試下問越南朋友。
-------------------------------------------------
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7
-------------------------------------------------
instagram @ivanliresearch．七成金融（短打）兩成嘢食一成其他嘢。
-------------------------------------------------
【李聲揚課程】題目:「美國大選全攻略」 影片/課程編號：CC011 費用: $400
由基本嘢講起，邊個會贏，民調準唔準，幾時有結果，冇乜時間嘅睇邊幾個洲。仲有邊個黨對股市好，侵侵連任股市又點，拜登上台又點。咩時間買。同埋最重要，買乜股。
出售平台(有埋影片簡介)：https://bityl.co/4FHC
付款及收看步驟：
1/點擊報名收看 [影片/課程編號：CC011
2/利用信用卡網上付款
3/及後有登入資料可以立即收看
查詢：whatsapp 63832145
戀講嘢奀星 在 君子馬蘭頭 - Ivan Li 李聲揚 Facebook 的最佳解答
［完了吧，如無意外］《我的筍盤男友》- 兼講葉念琛
1. 好，其實一路都想寫葉念琛，卒之有機會。今次細半講套戲，大半講葉念琛。可能更好，因為如果齋講葉念琛，可能就變咗流水帳由第一套講起，又長又悶。
2. 首先講結論，四大賀歲港片，黃子華葉念琛王晶黃百鳴，四套我都會睇。但寫呢篇文之時，只係睇咗黃子華葉念琛。但幾乎可以肯定，葉念琛呢套《我的筍盤男友》，係四套最正常嘅。留意我甚至唔講最好，我好難話你知呢套戲叫做好戲，甚至以葉念琛嘅戲本身都唔係（近年嘅全部唔係）。但只係鬥低，其他幾套更不堪。黃子華我寫咗 (http://bit.ly/3aRCMWC) ，王晶黃百鳴，怕且都唔使點講。但當然睇完先算。王晶黃百鳴即使畀人打入地獄後，其實都仲偶有OK的佳作。
3. 講返葉大導，我在好多地盤嘅個人介紹都提過鍾意佢。好多人都不能置信。雖然我唔係咩咁巴閉，但佢地都不能接受原來我係鍾意「MK活地亞倫」。我得承認，呢個半恥笑嘅花名，改得極好，唔知邊個發明。
4. 亦都有人懷疑我係扮鍾意葉大導，或者特登鍾意葉大導。好似own咗呢壇嘢咁，提起葉念琛就諗起我（佢未去到咁霉），又或者扮與眾不同。甚至係有啲自虐傾向，例如好多明知好爛嘅港片我都入去睇。當然唔只係為咗支持港片咁偉大，亦純粹係為放空。所以你明點解TVB劇咁受歡迎，因為好多人只係想放空
5.但我鍾意葉念琛，絶對係真心嘅。你問同我睇過葉念琛嘅女（都好多條，喂，佢拍咗好多戲，十幾年喎），應該feel 到，我係真心投入，甚至真心被感動嘅。
6. 喂大佬，我第一套睇嘅係2006年嘅《獨家試愛》，仲記得係在美孚影都戲院（但我明明唔係住美孚，又唔係嗰度返工，嗰時就係咁無聊）。唔可以話驚為天人，但真係深受打動。呢啲係就係拍畀我睇嘅！
7.《獨家試愛》係葉念琛嘅第二套戲。而之後咁多套，我全撚部都睇晒。咁我梗係講入場睇啦！幾時都係入場睇先計。《人約離婚後》我睇咗三次！（好八掛嘅應該發現，當時係我結婚前冇耐），《紀念日》我睇咗兩次。
8. 就連我在香港01嘅第一篇文，都係寫Stephy．篇文寫得唔好，費事貼（但要搵仲搵到）。重點係，我同01傾咗一排，但仲未嘔到文，就係到Stephy同万刀甲分手，先觸發到我覺得一定要寫啲嘢。某程度上係因為香港01我先真係變成一個「寫文」嘅人，亦都因為咁我先有個Facebook Page。而與其話我鍾意Stephy，不如話我係鍾意葉念琛鏡頭下呢個港女．
9. 所以你話影響大唔大？
10. 坊間對葉念琛好多批評好多恥笑，你一定聽過，我亦唔使一一駁斥或乜。我甚至覺得，我同葉大導合照時，佢都有啲懷疑我係想去抽水笑佢。（BTW，呢張相好經典，係我睇《獨家試愛》時捕獲佢影。你話，喂，又話在影都睇？呢張相點都唔係影都，況且2006年埃汾邊有咁老？答案係：張相係《獨家試愛》重映（！）嗰時影的，亦因為咁葉大導有出現）
11. 我只講兩樣嘢。第一，你話葉念琛啲戲凈係情情塔塔，係丫，「活地亞倫都係」。但情情塔塔咪就係嗰時嘅我生活嘅大部份。留意葉念琛拍嘅，一般唔係校園故事，又唔係豪門恩怨，就係普通職場男女嘅故事，你同（當年嘅）我。你話呵欠嘅，唔知有乜好睇嘅，我只能好武斷咁話：你根本唔識愛情。或者話：你愛情經驗唔夠。
12.同樣地，又話葉念琛啲戲全部都係偷食三角變—我想講，現實都係咁上下。你嘅現實唔係？恭喜你。咁你好幸福。但我嘅現實係。唔講太多自己嘢（唔係介意，係唔想失焦），但應該好多人知，當年我囡囡就係sort of （不知情嘅）小三，我背住當時正印女友偷食，後來仲有啲轉折，但最後我都係同囡囡結埋婚。呢個小三炮友（唔通一男一女去釣魚？）變埋正室嫁埋嘅故事，好多人都覺得好勵志，勵志過華潤勵致。你可以話因為我係啲咁嘅賤人所以我睇葉念琛，亦可以話因為我睇葉念琛所以我係咁嘅賤人（但明顯係前者居多）。但又係嗰句，唔好咁虛偽啦，你冇做過人第三者？冇搶過人男女朋友？你自己冇，朋友都有啦。我當都係冇，都總有其他人想嚟搞你或你另一半掛。根本現實就係咁，葉大導話齋，情場如戰場 要愛就要搶。你冇畀女人摑過，冇畀人狠狠咁恨過，可能代愛你根本冇真正戀愛過。正如冇跌親過即係你踩得唔夠快，冇飲過海水泳池水即係游得唔夠深（？）
13. 第二，我對葉大導嘅欽敬，正係在於佢啲戲咁多年都可以玩同一樣嘢（其實近年已經唔係）：男男女女，偷食，三角戀。One trick pony．喂，你估易？洛賓的軌蹟咁，係呀，一樓都係呢招架啦，入波呀，吹咩？
14. 李小龍除咗講be water 外，仲有講過，練一萬招嘅人佢唔驚，但佢驚一招練一萬次嘅人（所以唔好睇咁多四仔，專心練好啲傳教士啦）。葉念琛就係呢個一招玩一萬次嘅人。
15. 悶？睇你點睇。正如我一樣（！），其實咩安雅會談呀 (http://bit.ly/2TVopKJ) ，失身記呀(http://bit.ly/2R6wzwZ)，我在個人FB都講過好多次，現實生活更講過無數次。但我啲識咗廿幾三十年嘅朋友都係百聽不厭，因為好似次次都有新嘢—唔係我前言不對後語。而係可能手法唔同，舖排唔同，或者講返一啲我當時嘅諗法，或者一啲冇提嘅細節。
16. 同活地亞倫一樣（所以叫佢MK活地亞倫真係好正），葉念琛可能冇正版活地亞倫嘅智慧，但佢地有樣嘢好似，就係咁多年都係嗰啲主題！一招練一萬次。念念不忘，必有迴響。總好過啲學藝不精嘅人，行都未行好就學走。兩位活地亞倫都係，你擺明知佢會點，擺明係咁genre ，點丫？
17. 葉大導同正版仲有一個共通點，亦係我佩服佢嘅一點，覺得出面低估佢嘅原因：佢地，都係可以只係賣自己個名嘅編導！（另一個應該係彭浩翔）
18. 外國其實唔少見，但香港相對地幾少見。有邊個導編真係可以長期賣自己名？可能係杜琪峰，可能係王家衞嗰啲級數。但佢地都唔係拍死一個類型啦，係咪？
19. 更加堅嘅係，喂，杜琪峰唔多唔少都要靠劉青雲古天樂任達華，王家衞都係要靠梁朝偉。
20. 葉念琛呢？佢真係咩演員都唔使用！唔使特技，唔靠色情，唔使靠賣香港情懷（事實佢啲戲就最本土），甚至唔使點宣傳。難聽啲講你畀堆垃圾佢佢到交到嘢畀你。有金童玉女Stephy万刀甲固然好。但係咪冇咗佢地葉念琛就冇戲拍？唔係咯大佬。佢先係套戲嘅主角，男女主角呢啲只係過客。呢點好重要。佢係一個有好強勁個人風格，可以只賣自己招牌嘅導演。嘿。
21. 唔好恥笑或鬧，仲有一樣嘢。我地講緊商業片，係咪？我地唔係討論緊杜魯福小津安二郎下話？商業片最緊要係乜？賺錢。唔使套套大賺，甚至唔使套套賺，但最好封蝕本門，最好老細唔使輸到仆街。功夫嘅嘢，有票房咪叻仔，冇票房咪返去自己打文青飛機。
22. 葉念琛正係因為賣自己招牌（而我相信佢唔係拎好多錢），所以佢啲戲，全部都唔會高成本，我有理由相信多數都賺錢，至少唔會蝕。所以佢可以開戲長開長有。記唔記得舊文講過？只要不死，就是活著。你冇戲開，你有乜理想都係把撚。
23. 互為因果，葉念琛嘅戲，求其搵啲後生新人去拍就得，新人供應源源不絶，一定唔會貴，紅咗扭計嘅，貴嘅，咪換第個。再加埋班佢長期合作嘅綠葉班底（阿Bob，麥玲玲之類，唔係佢地做乜會上無線唱《好好戀愛》？）(http://bit.ly/2RK03AY) 。佢啲戲又唔使靚景，又唔使特技，仲可以搵贊助搞植入，封晒蝕本門，老細點會唔開心？
24. 仲有樣嘢，你班友成日強調港味嘛。葉念琛嘅戲正係好有港味（當然都用過台灣演員）。因為佢唔使點理大陸票房（雖然係有上的）。點解可以唔多理大陸票房？咪又係成本低，只做香港都夠。
25. 更加唔好講，因為葉念琛，製造咗幾多就業機會畀啲奀星。難聽講句，出面搵老細嫁才俊都靠呢啲叫高啲價。功德無量呀
________________________________________
26. 今次呢套《我的筍盤男友》，講真，冇乜好講。我話好好睇係講大話，你要講情節不合理係大把（但好似冇三角戀噃）。但我想講，至少係完完整整嘅一套戲。要求好低？你可以睇下其他幾套賀歲片。
27. 窮家女孩戀上富家子，屋企人反對，嘩，呢啲情節真係拍咗一百幾廿年。但至少在葉念琛手上都仲係正正常常（唔好咁高要求）。好彩冇出現吳家麗開張支票叫條女開個價嘅老撚土情節。「但食麵包（定鬆餅？）嗰下真係笑咗」。
28. 演員啲表現都算係恰如其份，綠葉配角嘅繼續綠葉配角，陳家樂個look就擺明係劉鳴煒個look，講嘢都差不多，有啲說服力的。
29. 然後到女主角，嗯，真係之前我都唔識，李靖筠Gladys。拿我是個膚淺嘅人，但我第一眼嘅感覺係：喂大佬，咁醜嘅女，還我Stephy呀。或者蔣家旻蘇麗珊都好丫。
30. OK，我知，唔好睇樣咁膚淺，身材都好重要。「但都好似冇」。OK，我明白，想睇女落夜總會嘛。人地係artist(e)，唔係賣樣。聽聞好似其實主力係唱歌，咁當然OK，況且而家好似鍾意呢啲文青女神系（咩係文青女神？冇胸咪文青女神）。同埋，聽聞，其實最後跑出反而可能係呢啲女仔，就係夠型格，唔會睇咗都唔記得。
31. 但我是死士，我寧願相信，葉念琛都一早知佢唔靚（你睇佢咁多年拍過幾多女明星？倪晨曦連詩雅周秀娜鍾嘉欣喎），但正係睇中佢呢點，搵佢演呢個窮家平凡女孩。就係搵個唔靚嘅。雖然現實上Stephy周秀娜都係窮家女孩（窮家女唔可以靚同大胸？姿色改變命運嘛）。
32. 仲有樣嘢，budget．都要講，葉念琛啲戲，卡士係越嚟越弱嘅。嗰時Stephy 万刀甲未算一線明星，但好多人都識，之後仲有佘詩曼周秀娜之類。但到近年就變咗蔣家旻蘇麗珊甚至今次呢位。
33. 但，市道唔好嘛，加上而家葉大導啲戲都冇當年咁收得（互為因果）。自然樣樣慳。你咪理，我覺得一個成功嘅工匠（你唔係當葉念琛係藝術家呀？）理應如此，我都係咁（？！）。老細畀三皮嘢筆直，我咪同你請三皮嘢之中比較好又啱用嘅人。你畀兩皮嘢，我咪同你搵兩皮嘢之中冇咁甩皮甩骨嘅。你畀一皮嘢，我咪搵件甩皮甩骨但至少唔係炸咗你間公司嘅友咯。睇送食飯嘛
34. 除咗影員，仲有好多位睇到筆直係有限的。劇組似乎搵唔到豪宅（但，喂，英皇喎），安排呀幾十億富豪才俊都只係serviced apartment，又算數。但大佬，名流女士佢老母搞生日會，在六公館搞？Seriously？另外，啲佈景版嘅女，亦未免太MK太大陸太O靚模，唔係咩上流party見到嘅女咯。
35. 但，正係限米煮限飯嘛，都係嗰句，不死就是活著，冇戲開我話知你天才橫溢。點先長玩長有？就係唔好蝕錢。蝕都唔好蝕到仆街。你估導演咁易做？咁易做你做咗啦。
36. BTW，當年我在01有篇文，講賀歲片咁多年嘅轉變，然後反映返社會。嗰篇文都幾多人睇，雖則有啲長。可以畀你回下帶 (http://bit.ly/2RMqplL)
戀講嘢奀星 在 李懂媽 Facebook 的最佳解答
《 騎馬過海之戀 》
因為睇咗任賢齊同舒淇响澎湖拍嗰套戲，藍天白雲海闊天空，真係好靚好寧靜，所以吸引咗我舊年真係去咗一趟澎湖，住咗三日兩夜民宿《海之戀》，仲買定好多當地特產黑糖糕，諗住返香港送畀人，點知原來黑糖糕唔可以放超過三日，最後全部報銷。
兩日前，台灣個朋友，佢個樣九成似柯俊雄（ 題外話，如果將柯俊雄同埋葛優兩張相畀人揀，就算從來唔睇戲，都會分得出柯俊雄係台灣影帝，葛優係大陸影帝）佢打電話畀我，話兩家人大少一共九個，出年想嚟香港玩幾日，聽講香港都有《海之戀》，問我九個人夠唔夠住。
我同佢講，香港嘅《海之戀》民宿，一晚可以住萬九幾人。
佢好嬲咁用台語鬧我： 「 嘩更呢公，平腰唔櫈奀理……」（ 佢以為我玩佢，意思即係「 我同你講，朋友唔好咁樣……）
莎士比亞話齋：「上有好者，下必有甚焉者矣」， 香港唔知行咗乜嘢衰運，出咗一個語言偽術特首，啲地產佬仲唔跟風咩。
家陣乜乜豪庭都唔夠照，轉行玩張小嫻徐志摩，唔使幾耐，慈雲山嗰啲叫做《山之戀》、聞到城門河嗰陣除嘅都叫做《河中愛》、 油麻地樓盤就索性叫做《地中情》，或者叫《地下情》都得，擔保大把明星排隊買，賣樓廣告我都諗埋，「 悄悄的我走了，正如我悄悄的來，分手就撚就，不帶走一片雲彩。」
香港做唔成中藥港，依家變咗寶藥港， 呢鋪真係台山佬口頭禪 ： 騎馬過海 ！