【 #愛情冷知識 - 對愛人愈專一智商愈高 】 英國心理學家（懷疑受過情傷）：出軌嘅人都係弱智（？） . 根據《每日郵報》報導，倫敦政治經濟學院心理學教授金澤所做嘅研究指出，原來對伴侶嘅忠誠度係同智商有關！研究分析咗七千名男性嘅愛情價值觀同智商，發現對愛人專一嘅男性平均智商為103，而認為出軌問題唔大、有背叛愛人傾向嘅平均智商只得97。除此之外，研究仲發現智商較低嘅人，更傾向於喺一段感情中講大話呃對方！ . 教授就解釋話，從進化學角度嚟講，人喺進化過程中智商會不斷提高，同時增加自控力，亦比以往人類擁有更長久嘅注意力，可以發展出專屬型嘅性關係，抵抗誘惑。（10條囡囡喺我面前除衫，我眼都唔眨！） 而智商較低的男性因為缺乏自控力、同理心等心理質素，談戀愛感受到嘅愉悅感較弱，容易背叛另一半，有智慧退化傾向...... . 今次唔係我講，但阿教授好似暗示：會出軌嘅人，係因為未進化，真.IQ都唔使check！如果另一半份人好專一，快啲tag佢入嚟讚佢智商200啦～ . #出軌衰咩 #原來唔是衰咸濕 #係衰蠢 #sorly我要陪女朋友 #係唔會受你溝 #我仲要返去睇埋本相對論 #走先 #情侶 #愛 #愛情 #語錄 #拍拖 #香港 #研究 #金句 #meme #智商 . 火速加入 港式情侶 HKstyleCouple【24小時營業】Telegram心事台❤️： https://t.me/hkgfonly （女友姨姨哦哦） https://t.me/hkbfonly （男友圍爐） . IG : https://instagram.com/hkstylecouple 歡迎Dm投稿戀愛趣事，我哋等緊你㗎😙！

不是所有愛情都有完美的結局，一對情侶分開有著各種原因，但背叛可能是最令人難受的一種。如果你的另一半出軌，你又會怎麼辦呢？美國一名女生因為不滿男朋友不承受出軌，結果就把她搜羅的證據貼滿對方臥室的牆壁，來了一場大報復。 . 美國女生Emely Zambrano以前就已經懷疑男友出軌，因為在交往期間，男友不允許她追蹤前女友的臉書、常常聽到男友手機傳來訊息提示，螢幕上卻從來沒有顯示任何訊息。男友種種行為都讓她產生懷疑，但對方每次都否認出軌，並稱她為偏執狂。有一次，她終在男友的手機發現他和3名女生的暖昧訊息，還向前任求復合。 . Emely決定死心，並決定來一場大報復。她打印了所有聊天記錄，並購買了超強膠水，並將所有證據貼在男友臥室牆壁上。 . 由於數量巨大，Emely花了大約2個小時才將它們全貼在牆上，連全身鏡也被她「封印」，她指「反正他應該也沒臉再看清自己了」。 . 之後就在通往房間路上佈置氣球和指示牌，並通知男友自己有「天大的驚喜」，然後就立即封鎖了他。儘管男友事後用盡各種方式和不同號碼試圖聯絡她，但Emely也不為所動。Emely拍下了整個復仇過程，並上傳到Tiktok，已經吸引過百萬點擊率。不過，她的行為引起網民的熱烈討論。有人認為這大快人心，但亦有人反對這個做法。 . ❤Follow @be_hk 再Like埋BeautyExchange FB專頁睇更多最新美妝、吃喝玩樂情報 💛想搵返同類型情報👉🏻 #be_hklove

【情人節特獻】我要睇男朋友部手機（上） . 好多人都話，一段感情裡面，「信任」係好重要嘅。 . 但如果對方嘅表現有好多疑點，咁仲應該盲目信任佢咩？ . 我諗，任何一個愛對方嘅女人，都會想知道真相。 . ， 我從來都唔會偷睇另一半嘅手機，但我男朋友阿傑真係好可疑。 . 無論沖涼定去廁所，佢都機不離身。 . 佢喺我隔離用手機嗰陣，總係會打側少少，令我望唔到個Mon。 . ， 有一次，我哋用佢部手機叫外賣，我伸個頭埋去睇菜單。 . 呢個時候，部手機震一震，收到新訊息，第一句係：「你仲愛唔愛我？」 . 阿傑好慌張咁拎番部手機，好驚俾我睇到。 . ， 我委婉咁同阿傑提過，話有啲情侶會交換手機嚟睇。 . 佢皺晒眉：「私隱嚟㗎嘛，點解個個女人都想偷睇人哋部手機？」 . 「好多女人想睇你部手機咩？」我問。 . 阿傑話：「我前女友婷婷囉……趁我瞓著就想偷部手機嚟睇，成個賊咁。」 . 「咁你有咩反應？」我又問。 . 阿傑答：「屢勸不改，咪分手囉，信任好緊要㗎，我根本就唔係會出軌嗰啲人。」 . ， 呢段對話之後，我都嘗試唔去懷疑佢。 . 但有一晚，我同阿傑過夜，瞓到半夜醒咗，阿傑唔見咗。 . 我見廁所開咗燈、關咗門，我躡手躡腳咁行到門邊。 . 我聽到阿傑同人講緊電話，隱約聽到「婷婷」、「唔好咁夜打畀我」、「大把時間傾」…… . ， 第二日，我試探阿傑，問佢仲有冇同婷婷聯絡。 . 阿傑斬釘截鐵咁話：「冇。」 . 我有諗過，尋晚嗰個「婷婷」未必係佢嘅前女友，可能係另一個同名嘅女仔。 . 但一個男人瞞住女朋友，半夜三更同另一個女仔傾電話，點都有秘密。 . ， 我決定，我要偷睇阿傑部手機！ . 有一晚，阿傑同朋友出去飲酒，返到嚟好快就瞓著咗，部手機就咁擺咗喺枱面。 . 佢set咗密碼，我尋日有留意佢輸入密碼嘅手勢，估咗個密碼。 . 「密碼錯誤。」係我估錯？定阿傑日日都轉手機密碼？ . ， 我猶豫緊唔知點算，呢個時候，屏幕上彈出一條新訊息：「我哋都叫拍過拖、相愛過，你點解唔可以放過我？」 . 放過？我以為，就算阿傑有同婷婷聯絡，都係婷婷糾纏阿傑多啲。 . 所以婷婷先會問：「你仲愛唔愛我」，先會半夜打嚟騷擾阿傑。 . 但從呢條訊息嚟睇，唔通阿傑都有纏住婷婷？佢哋到底係咩關係？ . 未等我諗清楚，阿傑跌跌撞撞咁行出嚟，一手將部手機拎番入房。 . ， 阿傑死都唔認，或者，我應該直接問婷婷。 . 以前阿傑有畀我睇過婷婷張相，所以，我喺阿傑嘅IG追蹤者中，逐個逐個搵，冇幾耐就搵到婷婷嘅IG。 . 原來婷婷都算係半個IG女神，成日出Post，有幾多Fans。 . 奇怪嘅係，佢上一個Post係一年前。 . ， 之前佢幾乎日日出Post，但一年前，佢突然間冇再出Post，冇道別、冇刪ac，就咁突然消失。 . 一年前嘅最後一個Post，下面有好多留言，大家都問：「婷婷，你去咗邊？」 . 我仔細睇晒每一個留言，有個人留言：「阿妹，我哋全家都好掛住你。」 . ， 我嘗試聯繫嗰個人，係婷婷嘅親生阿哥，佢話婷婷一年前突然失蹤，報咗警都搵唔番。 . 佢好心急咁問我，係咪有婷婷嘅消息。 . 一年前……照阿傑所講，佢同婷婷就係一年前分手嘅。 . 唔知點解，我有啲心寒。 . ， 我用類似嘅方法，搵到阿傑嘅初戀女友。 . 呢個女仔都失咗蹤，而失蹤嘅時間，都係佢同阿傑「分手」嘅時間。 . 呢一刻，我懷疑嘅唔再係「阿傑出軌」，而係「嗰兩個女仔去咗邊」。 . 再聯想婷婷問「你點解唔可以放過我」，會唔會係阿傑禁錮咗婷婷？ . 但如果婷婷被禁錮，佢點會仲用到電話，可以打電話、發訊息畀阿傑？佢早就求救啦。 . 待續... . Patreon訂閱即時睇下集，快人一步：https://www.patreon.com/tomato28 . #短故 #短篇 #小說 #陳美濤 #廣東話 #粵語 #tomatochan #我要睇男朋友部手機 #情人節