#榮記名物 #蠔王 #唔係蠔油嚟㗎 慈雲山榮記嘅煲仔沙嗲牛肉麵、煲仔飯好食到街知巷聞，最近仲進駐埋旺角想食更方便 😋 其實榮記除咗煲仔，仲有支 #榮記蠔王 都係名物‼️ 我哋屋企就常備一支，因為佢唔係蠔油，而係「#蠔汁」，蠔嘅鮮味比蠔油出好多倍‼️睇返成份好天然，只有蠔、鹽、水呢三樣嘢，隻味梗係蠔啦，個人認為真係仲蠔過蠔油，食過返唔到轉頭。 平時就咁點嚟食、撈吓菜食都已經好鮮、好好味，想再惹味啲就加啲蒜蓉同辣椒，最近我幾鍾意烚啲墨魚條配清菜，墨魚條本身口感彈牙有咬口，撈埋榮記支蠔王食一流，越簡單越滋味 😋😋 無論本身鍾唔鍾意食蠔油，都推介要試吓支蠔汁，好食過蠔油㗎～ 除咗榮記，HKTVmall都有得賣： https://bit.ly/OysterSaucehktvmall #慈雲山榮記茶餐室 @bojaiwingkee @twswingkee

【香港】慈雲山名物登陸旺角喇🥳⁠ 極濃沙嗲煲仔牛肉麵一定要試✌️⁠ 新店仲有蘭王窩蛋牛肉飯、虎蝦Come撈汁冰煲冷麵🦐⁠ ⁠ 👆🏻想知詳情，去我哋Profile睇吓條link啦⁠～⁠ ⁠ (由於優惠眾多，入到條link之後要耐心搵下🙏🏻)⁠ ⁠ 或 瀏覽：：https://opentour.com.hk/?p=106325⁠ ⁠ #旺角美食 #小店 #沙嗲牛肉麵關注組

【煲仔沙爹牛肉沾麵🍜】 #阿祖食盡旺角 位於慈雲山、喺 #香港沙爹牛肉麵關注組 備受注目嘅 #榮記茶餐室 ，前幾日喺旺角開咗新店✨阿祖特別去實測一下！店舖頭頂極大個港式花牌，唔講以為去咗元朗圍村🤣平日夜晚7:30都要等20張枱45分鐘，感覺上客人流動比較慢。店內同樣設置港式花牌裝飾，但坐位有啲似日式拉麵店，挺有特色同時尚🍜 。 💛 #香港人在心中推薦 💁🏻‍♀️ #阿祖_港式 。 與慈雲山總店一樣，餐廳主打煲仔沙爹牛肉麵及煲仔飯，但價錢都幾貴！煲仔飯有啲要百幾蚊💸幸好新張期內汽水、紙包飲品任飲。點餐後等咗差不多40分鐘先有嘢食😢煲仔麵分湯麵/沾麵兩款，自配湯底(沙爹/麻辣/蕃茄 配 雞湯/龍蝦湯)，餸同公仔麵/粉絲 。 💕煲仔沙爹滑牛肉雞湯沾麵 $78 竟然有沙爹牛沾麵，梗係要試試🐮上枱同期望有啲出入，煲仔唔係傳統港式瓦煲，而且唔係滾住上，同慈雲山店不同。先試試沙爹沾醬，質感超級杰身，濃郁夠香口有不少花生粒粒🥜👍可惜煲仔唔夠熱，好易同日式沾麵出現同一問題－湯好易凍。同埋千祈唔好貪快成個麵扔入去、一來會太鹹、二來會索曬水變撈麵😣滑牛肉就分開上，算幾多片同嫩滑，公仔麵麵質就普通 。 💕煲仔蕃茄龍蝦湯豬肉餅湯麵 $78 一上枱成碗拉麵咁🤣湯底望落挺深紅，飲落蕃茄味頗濃，尚算自然唔太重茄膏味，帶少許茄蓉🍅但龍蝦湯味就比蕃茄遮蓋咗，較為薄弱，煲仔同樣唔係新鮮滾熱辣送上。配菜豬肉餅好實同好乾，完全不推介 。 💕茶走奶凍 $20 比起麵食，全晚最正係個甜品😋！上枱時有煙霧效果，上層有煉奶比較甜，但港式奶茶奶凍香滑重茶香，甚有驚喜🍮 。 總括而言沙爹汁保持到總店水準，但其他食物普通、送餐奇慢，煲仔不夠熱失去特有風味。餐廳嘗試upgrade變得更fusion創新，但老實說沙爹牛肉麵重點在於味道及港式情懷，應先注重食物質素才能有回頭客。 。 📍煲仔榮記 旺角花園街1號鴻禧大廈地下K號舖 ⭐️人均消費：$80-$100 。 #joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hkig #hkfood #hkgirl #香港美食 #旺角美食 #旺角黃店 #黃店 #阿祖黃店地圖 #煲仔榮記 #沙爹牛肉麵關注組 #沙爹牛肉麵