【 港味自慢 ── 世界養生組織 】
_
先旨聲明，今次文章的標題擺明玩食字 ── 「自慢」是日文「じまん」，跟「慢」完全無關，意思是自己讚自己，賣花讚花香，值得驕傲，假如出街食飯見到日式料理餐廳，招牌寫有「味自慢」，就是老闆都於店內推出的菜式信心滿滿。那麼「港味自慢」又是怎箇一回事？其實解作「香港人細味獨自慢活」的意思，那是myTV SUPER全新原創節目《世界養生組織》的中心思想，是繼《超齡打工假期》（2014）、兩輯《Do姐去Shopping》（2015／2017）、《晚間看地球》（2019）和《Testing Menu》（2021）後，監製周子妮的最新作品，旨在帶出身處「無法出走」的疫情時空裏，香港人怎樣可以找到療癒的方法？
_
老實講，好多人都以為最出名的「Made in Hong Kong土產」是樓貴，人多，不不不！是單字一個「快」，此字並非單純形容對於所有事情從開始到結束的推進速度，還帶有「不能慢」的潛台詞。不是嗎？香港人彷彿就是一班永遠不能夠「慢」的族群，與其說「不能慢」，更準確是「冇資格慢」！因為你慢了，就趕不上社會步伐，行路要快、做嘢要快、食飯要快、睇劇要快，就連借錢都要「特快批核」，真係反晒白眼：唔該唔好咁黐綫啦！
_
所以《世界養生組織》的製作團隊想嘗試在講求「黐鬼綫速度」的電視業界裏，推出一個「慢到冇朋友」的節目，還要找陳自瑤和黃翠如主持，帶住觀眾在港九新界尋找養生之道，從內到外增強抵抗力。兩位主持首集去到大埔慈山寺體驗山林療癒、行禪、茶襌，感受生活中應有的「慢活」，透過五感活在當下，視、聽、觸、嗅、味，最直接自然的感受，卻是都巿人最常忽略的環節。
_
且慢，翠如加YoYo？慢活？養生？非常沒說服力吧？！黃翠如自從由有線電視轉投大台之後，最初主力與洪永城複製舊東家招數 ── 環遊世界拍攝旅遊節目，足跡遍佈全球，到後來主力拍劇，女一作品接二連三，「0628｣（清晨6時至翌日凌晨4時）通告習以為常，手停口就停，怎可以慢？Yoyo又如何？自從《那些我愛過的人》（2020）後演技開始受人注意，加上《萬千星輝頒獎典禮》的「黑面事件」成為網絡熱話，緊接在《好聲好戲》及《識貨》又獲冠軍，令入行20年的她再度人氣急升，另一方面她又積極經營個人YouTube頻道，工作量之大可想而知，花無白日紅，怎能夠慢？興許如此，監製決定邀請同樣患有「不能慢重症」的雙姝上陣，透過節目，促使她們學習放慢腳步感受人生，嘗試引起觀眾共鳴。
_
其中一幕，由山林療癒陪伴員 ＃歐仲南 陪伴下，翠如跟Yoyo學習行路……「行禪」才對。
_
「平時如果喺街度咁行路，畀人鬧呀！」陳自瑤說。「行禪」就感受自己步伐，由提腿到向前踏步，一字記之若「慢」，對香港人而言，難度有十粒星。相信搭港鐵或行商場的朋友都一定試過，只要唔覺意進入扶手電梯左邊，莫講話企定定，只要你行慢些少，恭喜您獲得連串「嘖」聲，繼而就會抵受不住後方的壓力而飛快向前行。（利申：本人確實會嫌別人行路太慢，朋友則投訴我行路太快。）
_
周三（9月15日）凌晨，＃蘋果公司（Apple Inc.）主席Tim Cook在新產品發布會上，對於應用程式「Apple Fitness+」著墨不少，將運動課程、時間表、身心狀況等資料變成數據，希望方便繁忙的都市人更有效率地做運動。作為其中一家全球重要巨企，Apple此舉說明「保健」和「養生」乃世界潮流，因為有利可圖，產品才推陳出新，但問心這些不是能夠從大自然唾手可得嗎？真的需要花錢擁有？
_
說穿了，那是另一種的「活受罪」。香港人有句俗語 ── 「慘過死」，說出口的通常都是四肢健全，沒病沒痛，甚至頗有經濟能力、生活富足的人，事關忙著搵錢工作、「辛苦得嚟為供樓」而每天要營營役役的「不能慢重症病人」，什麼視、聽、觸、嗅、味覺早已淪為「急促」的附屬品，享受生活？講笑咩！所以節目中提及的「活在當下」才是香港人最需要學習和掌握的事，懂得在適當的時候放慢腳步。回歸自然，那種療效只有親身體驗過的人才會明白，幾年前我的情緒曾經出現問題，需要看心理輔導，而其中一個救活我的，就是大自然，無論去行山、露營，這位從來神隱的「山先生」總是不介意接收我散發出來的負能量，而且不收分毫，過程中你只能集中精神享受當下環境、應付眼前的難關，如果嫌這些都太過Hardcore，也可以像翠如和Yoyo那樣，簡單的熊抱大樹或者赤腳在草地上走，作為上一步的喘息，亦為迎接下一步作準備。
_
當然，養生是一回事，拍節目介紹養生又是另一回事，《世界養生組織》意念雖新，但執行上似乎充滿旅遊綜藝節目的影子，無法成功透過畫面帶出安靜的感覺（幾年前 #香港電台 的《 #好想藝術 》做得到），結果有些時候Yoyo太似背稿，顯得不自然，我會懷疑，到底拍攝時Yoyo有沒有用心感受？有些部份則太拖拉，塞車開Tab睇真係會瞓著。今時今日拍節目真的要求做足功課，瞓身投入，如果要讓觀眾看得舒服，有想「Join埋一份」的衝動，台前幕後先要理解養生的獨有節奏和氣息，「搣甩」拍緊節目的意識，才能夠吸引觀眾有動力追看下去。
_
＊《世界養生組織》共13集，逢周二更新，第一集免費試睇：https://bit.ly/394aJTZ
_
（18092021）
_
＃游大東 ＃游大東影視筆記 ＃世界養生組織 ＃黃翠如 ＃陳自瑤 myTV SUPER 黃翠如 Priscilla Wong 陳自瑤yoyo 做乜膠睇電視 慈山寺 Tsz Shan Monastery 黃翠如 Priscilla Wong

我從來都無好詳細咁公開講過，其實生完BB之後，我係有患上某程度上嘅產後抑鬱，當然無正式被確診過，但我心裡係清楚知道我經歷緊嘅係抑鬱。一開始我都唔知道呢種情緒到底係乜嘢，就係覺得自己點解長時間都會唔開心，明明我由細到大係一個好開朗嘅人，但就每日都想留係屋企，唔想見人，唔想旭，唔想做野，對生活不感興趣，最嚴重嘅時候，有啲晚上我甚至諗過不如死咗去算... 當然都只係念頭，而從來無實行過...

我諗呢個狀態經過咗年幾兩年，我先開始意識到有啲唔對路，於是走去上下正念課程，因為聽人講 mindfulness 可能有幫助，一開始只係諗試吓新嘢可能個人就會開心啲，完全唔明白正念到底係乜嘢一回事。幸運地係導師嘅帶領之下，我人生第一次真正擁抱不同嘅情緒，開始明白到「我唔只係我嘅情緒」呢句說話嘅意思。

完成咗個課程之後，我走去報讀港大嘅佛學輔導碩士課程。面試時老師問點解我想讀，我好簡單咁答因為我想幫自己，如果將來我有能力，我都想幫同路人。就係咁開始咗我積極去面對產後抑鬱嘅旅程...

除咗上堂之外，呢兩年間我都有去慈山寺佛法輔導中心搵輔導員。當然上完堂、見完輔導員、聽完老師開示，唔代表人生從此就唔再抑鬱，咁係無可能，因為我哋都係人，總會有唔同嘅情緒生起，只係當抑鬱黎嘅時候，我哋選擇用乜嘢方法去面對。學習兩年，我都仍然會有出街笑面迎人，工作時瘋狂 chur 準自己，然後返到屋企就抑鬱發作嘅時候。

但而家我嘅覺察力高咗，每當我留意到自己身體嘅反應，意識到心身都開始隨著抑鬱呢個浪係度波動時，我就會走出去曬下太陽，係屋企跳下彈床，同埋做吓我自創嘅紙鷂禪 😅（即係摺紙鷂）來幫自己，讓自己可以定落嚟，無咁易被抑鬱呢個浪帶走～

最近朋友問「幾時有新片？」「點解 update 得咁慢？」「再唔做多啲片，啲人就唔會記得你！」睇住其他人嘅 channel 出片密度愈來愈高，發展速度愈來愈快，的確令我有啲自責。作為一個「content creator」我的確望落好似好懶，有時我甚至會選擇係社交媒體上消失幾多日。

消失嘅原因有時因為工作上有其他需要我花精力嘅地方，但有時係因為我對於社交媒體都有啲恐懼，我諗個重點係我仲未拿捏到點樣出片出Post出Story，而又同時捍衛到我嘅身心😅。所以暫時都仲未有一個突然可以增加產量嘅方法，雖然望落好懶，好似愈行愈慢，但我心裡知道其實我每日都努力地為著自己嘅情緒健康而向前行。❤️

#mentalhealthawarenessmonth #精神健康意識月

【慈山寺遇見方力申 （万刀甲先生🤣）】
感恩吸引喜悅。感恩今日同 第一屆 #瑜伽導師課程 學生 （永遠既師姐屆）一齊去慈山寺郊遊。變咗朋友，好感恩妳哋🙏🏼

見到一個非常欣賞既專業運動員icon #方力申 ，因為佢好勤力日以繼夜夜以繼日游水同有緊持毅力，厲害。(好值得我學習）

非常推薦郊遊 #慈山寺，定係你哋已經黎過呢？
=======================
#瑜伽 #印度傳統身心靈瑜伽 #身心靈 #修身 #放鬆 #減壓 #yogahk #yoga #瑜伽尖沙咀 #空中瑜伽 #瑜伽導師課程 #ttc200 #200小時瑜伽導師課程 #印度政府永久認證 #erikayogahk