浪漫月巴睇2000（106）
【二十年來為情所困的女主角們】

先旨聲明，我說的是愛情片中被描述的女主角，而不是女演員本人。

1.現在入戲院主要是浪漫地睇舊戲。有些舊片重溫，有意義，有一些，毫無意義，今時今日望見「交通燈」你仲笑得出？
2.《12夜》不同。就算你對當中兩位主角的花樣年華沒感受，但林愛華的確拍了一齣與別不同的香港愛情片——重點不在女性在愛情下的患得患失喊苦喊忽，而是女性對愛情的想法和抉擇。不需要講到甚麼為女性發聲咁誇張，卻的確站在女性角度去看。
3.《12夜》已經是2000年電影。2000年以前，香港一樣有愛情片，但當中的女主角只停留在被愛被飛被追被爭被冷落的功能，她們存在的意義，純粹建基於男主角的行動。她們是被動的。
4.在香港愛情片裡，女性似乎被注定為情所困。同樣是2000年上映的《孤男寡女》，一齣罕有地將Office這場所拍得有質感的愛情喜劇，而Kinki，是這個場所一個出晒名的小職員，出名在每逢遇到情傷（不論輕傷定重傷）都必定發癲。分叉的感情線安排她遇上華少，華少從旁教路，教Kinki初則試探繼而征服賤男友的身與心，例如撥弄秀髮搞搞條Bra帶，動用Sex Appeal去對付眼前這個賤男人。這一戰Kinki空前成功，而她之所以成功，全在於另一個男人的協助——即使Kinki本身就擁有這些特質，但也需透過華少的點化，才能凸顯。最後Kinki寧揀名聲欠佳的華少也不要身家厚人品好的Roger，除了是劇情所需的必然結果，某程度上也滿足了一般男人對自我形象的幻想：有冇錢有冇品都不是最重要，最重要是有能力令女方依然舂過頭埋嚟。
5.Kinki的形象純屬一次偶然。鄭秀文即使繼續拍愛情片，卻沒有被要求重複Kinki的形象（《嫁個有錢人》的阿Mi也面臨跟Kinki相同的抉擇，本質上跟Kinki是兩類人）。
6.真正被不斷複製的是方麗娟。她的生活，佔上最大部分的是愛情——而當一般愛情片女主角都將工作和愛情分開，方麗娟卻注定將兩者撈埋，我們看到方麗娟對愛的付出和執著，在愛情上她一直主動不受擺布，這種性格取向被延續在之後不少角色上，最恰到好處的是《乾柴烈火》的Alice和《千杯不醉》的小敏，但不論方麗娟、Alice抑或小敏，再獨立自主，她們人生中的最大苦惱，依然是愛情。
7.還有《獨家試愛》的阿寶。這一個更貼近民間氣質的平凡女仔，為情所困時，不會匿埋默默垂淚，反而會將感受大肆宣洩（好記得她赤腳在街上一路行一路崩潰的畫面），但她是不是一個100%純良的人？似乎不是——既然男人可以狡猾，（代表大部分女性的）阿寶一樣可以。愛情是一場男女雙方的角力，任何一方都應該實力均等。阿寶，肯定不是Kinki，不會改造自己去取悅變了心的男人。
8.或許是因為，阿寶還年輕，不像余春嬌，余春嬌旨在呈現女人最棹忌的年齡危機。事業？她不算有。愛情？她只能寄居在一個專橫男人的單位，唯一唞氣時間，是去煲煙。《志明與春嬌》借女老過男（而男方又被描寫成標準Kidult）的年齡差異，呈現一個仿童話的愛情故事，但余春嬌由頭到尾都是個可憐女子，可憐在自己明明已經是中女但因仲有（細過自己的）人愛而感到好彩。童話都偽善。
9.直至張莉芳出現。張莉芳，一個極度平凡的中女，平凡得只能在平凡的金都商場打一份平凡的工，住在金都樓上一個平凡單位，同一個平凡的裙腳仔Edward生活。如果結婚是女人最靚的一天（平凡女子最不平凡的一天），張莉芳等到了，她嫁得出了，但在世人的簇擁恭賀下，從不（覺得需要）自主的她，突然冒起一種自主意識：我真的想要這種生活？如果結婚注定剝奪僅有的自由，是否仲要舂個頭埋去？
10.黃綺琳筆下旳張莉芳是香港愛情片的一次突破。女性不一定只能為情所困，愛情更加不是只能將就的抉擇，而是有權乾脆不要。
（原文刊於am730）
#浪漫月巴睇2000

行錯山

話說嚟老撾最大嘅原因其實係因為想影呢張相。

當日，
我哋打算11點出發去view point,
行程來回50分鐘。
買好下晝 2點坐返小巴返luang Prabang。
出門嘅時候，
酒店職員驚我哋去錯地方，
用老撾文寫咗張紙仔比我地，
叫我地俾的士司機睇就無死。

心中懐住感動覺得佢好貼心，
的士司機好快咁樣車我哋到咗山底，
仲覺得兩個鐘，
一定夠行啦！

初頭行個5分鐘係有石屎地，
行行下山路嘅兩邊出現咗兩條繩索，
我都不以為然，
我心諗邊一個咁鬼死弱雞要用丫。
點知行行吓山，
變咗爬山🧗‍♀️，
原來嗰兩繩索係俾你爬上去用，
唔用根本上唔到。
因為雨季關係，
大部份山泥變到好似食咗十個火龍果既屎咁柔軟，
如果你要行上去，
你一定要踩住上，
先唔講有幾嘔心，
而係因為地面唔穩定都仆都仆左幾次。
冇泥地嘅路，
就係濕滑嘅石頭，
唔知係咪冇乜人行同長期雨水侵蝕關係，
石頭變得非常尖身，
係冇繩索嘅情況底下，
你要用手拉住石頭扯成個身上去，
差啲連隻手都損同流血。

過咗20分鐘之後，
出現咗一條分叉嘅感情線，
因為我行先嘅關係，
我轉左左手面，
我一直向前衝，
又心諗應該好快會到啦，
點知5分鐘又5分鐘，
每5分鐘，
我都會向後大叫：就到啦就到啦香港人加油！
前後40分鐘之後，
我終於上到山頂⛰️
View point！
我走哂全個山頭我見唔到架電單車🛵，
淨係見到支爛咗嘅國旗，
What the fuck????
唔通有人開走左架電單車碌咗落山？

最後連Phoebe都上到嚟，
滂沱大雨底下，
我哋兩個互望都知道賴嘢，
一定係行錯路，
仲未知道原來唔係行錯路咁簡單係行錯山。

沿途折返，
轉返右手邊，
上到一半又係死路一條，
Phoebe 仲要俾有刺植物吉到隻手流晒血，
血都未乾，
俾我拉住急速衝落山，
即刻走去搵司機，
問佢點解搵唔到個電單車，
司機大佬話：下？我跟住你俾我嗰張紙去嘅咋喎！
原來係我哋酒店職員嘅哥哥
寫錯咗地址，
因為呢度有好多個view point.
對一對錶，
已經去到一點幾，
如果我哋一定要去電單車嗰個view point,
我哋就一定趕唔到架巴士。

我問phoebe點？
Phoebe: 屌 我哋黎就係為咗影呢張相㗎嘛，唔係唔去呀麻？
我心裏面有啲滾動，
因為我諗冇人寧願miss左嫁巴士同我行兩座山，
為嘅係影一張相。
不過我搵到啦，
去到第二個山底，
又心諗，
啱啱咁難行都行到啦呢啲簡直濕濕碎，
開頭又笑鳩人哋行得慢，
我同phoebe雖然行左個幾鐘頭，
隻腳好鬼死軟
但係都打算跑上山，
結果都係一樣，
5分鐘之後收咗皮，
呢邊嘅山路，
唔要山路，係泥路。
詳情唔再講啦，
我哋由坐飛機果下開始已經開始拍片，
到時會出返一個vidéo,
你哋再睇下有幾險峻啦！

最後，
20分鐘後終於爬到上山頂⛰️
呢個view point 真係無得輸，
如果行一次真係幾抵，
兩個山頭就真係唔抵喇。
上到去嘅滿足感係無與倫比，
360度全景，
青綠色嘅梯田，
清爽嘅強風，
接住落嚟嘅係無限嘅拍攝，
其實上面都幾危險下，
我望住phoebe 做出無限個危險動作，
揸住個鏡頭，
差啲以為自己同佢影緊死亡直播，
麻煩大家去返去Instagram like下佢d相。

當然啦，
幾經波折，
萬水千山(總是情），
我哋成功落地。

換來嘅係中午多出來的時間，
坐係Phoebe隔離，
睇住佢撞人哋架車😂

旅行揀旅伴非常之重要，
由第一日開始，
其實所有嘅計劃都講唔上變化，
差啲俾人呃左錢，
差啲碌落山，
又趕唔上巴士🚌，
每日7點食完早餐之後因為計劃改變而去到夜晚6點先有得食飯，
可能好多人都會覺得好辛苦，
好唔好玩，
但係phoebe陪我一齊戇鳩一句怨言都無，
多謝你
@oonedwarf

Phoebe語錄：
1）呢條路仲難行過分叉的感情線
2）仆街，唔撚係呀麻？行錯山？ 🧗‍♀️ #travelphotography #hkig #hkiger #旅行日記 #hkiger #hkig #hktraveller #hongkongtravel #travelholic #旅行 #worldtraveler #ootd #travelrepost #worldnomads #coffeeshop #cafe #vintage #shorthairstyles #shorthairlove #hongkong #laos #老撾 #bluelagoon #Vangvieng #namxaytopview

到底我拍緊乜？

由相識、熱戀到分手，兩分鐘深入蝦條哥感情世界!

演出： 蝦條哥 / 米露迪 / Elke Tan 陳芷敏

---------------------------------------------
【熱烈加推】微電影創作筆記(平裝版)現正網上預購
https://bit.ly/2KYzLdo

產品詳情︰
l 《請勿超越黃線》微電影創作筆記壹本(平裝版)
l 超越黃線簽書見面會
l 隨機附送款明信片(a款及b款)*
*只限預售及香港書展期間購買
---------------------------------------------
#每日七點 #準時睇片

由相識、熱戀到分手，兩分鐘深入蝦條哥感情世界!

演出： 蝦條哥 / 米露迪 / Elke Tan 陳芷敏

---------------------------------------------
【熱烈加推】微電影創作筆記(平裝版)現正網上預購
https://bit.ly/2KYzLdo

產品詳情︰
l 《請勿超越黃線》微電影創作筆記壹本(平裝版)
l 超越黃線簽書見面會
l 隨機附送款明信片(a款及b款)*
*只限預售及香港書展期間購買
---------------------------------------------
#每日七點 #準時睇片