[gfmurmur9545] 我今年20歲而佢就細我少少，我地一齊左大概半年左右。 而我哋一齊得都幾開心，因為佢細過我嘅關係，當然佢收入亦唔多又或者可能冇，其實又真係冇乜所謂，話哂大家都差唔多年紀，我亦都唔會要求啲物質嘢，咁出街AA下又好，我比下又好，咁一齊開心咪得，我又唔會計較啲咩。 而係一齊左三個月之後我開始有啲攰同自卑，當男仔比女仔細嘅時候一定會比較幼稚，而我係一齊之前都有諗過呢個問題，先決定一唔一齊，但問題要嚟嘅始終要嚟，一個星期冇論大小事，佢起碼都會發四五次脾氣，而從來佢都冇諗過會氹我，如果係我自己錯嘅話，當然我會死狗，但佢就會好大男人主義，從來都覺得自己唔會有問題，咁一齊得又冇話男一定要讓女嘅，咁經過左一兩個月，我每次都氹佢，令到佢覺得係理所當然嘅時候，我開始有啲攰同自卑。 呢半年黎佢話一我都唔敢話二，而係平時，佢要求嘅打扮，同其他事，我都會盡力滿足佢嘅要求，達到佢心目中理想嘅女朋友，而係呢個時候，我覺得我已經變得唔似自己，而身邊嘅朋友都覺得佢唔值得你為佢咁做，咁係人都會犯賤，所以我亦都冇聽到，繼續一齊。 而我地係性方面，其實都幾夾，可能一星期都四五次，但係每次完事之後，佢都好似變咗另一個人咁，會對我呼呼喝喝，好似攞到佢想要嘅嘢就算咁，我覺得自己好冇用，亦每次都因為咁唔開心，但佢從來都唔會氹我一句。 作為女仔或者所有拍緊拖嘅人，都一定覺得對方嘅手機有啲咩秘密，而我都會咁覺得，但我會驚睇到嘅唔應該睇嘅嘢會唔開心，而我自己亦唔中意比人睇，因為大家都有私隱，而我哋都會尊重大家，唔去睇大家手機。 但就係近排，佢成日都收埋手機，去邊都要拎住，而我對呢段感情，越嚟越冇信心，我拎咗佢手機黎睇，我係佢相薄入面嘅已隱藏，見到佢同啲ex扑野嘅片同相，我驟眼睇都有幾十條片同幾十張相，我即刻呆左，咁其實係咩意思，我哋都一齊左半年，你想要嘅，我都盡力滿足你，但點解換黎咁嘅結果，我係度諗可能係你唔記得del...諗左好多個理由，但我都係過唔到自己個關。 而家我好迷惘，諗緊應該要同佢講事實，我睇晒啲相好，定係唔出聲當冇事？！😔 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶