［當維他奶遇上三SPRIT？！］梗係唔係咁簡單！雖則三SPRIT連頭駛都有得剪，但唔會剪到一半畀支維他奶你飲。呢篇冒死寫呀下，錯咗唔好鬧。

信報原文（https://bit.ly/2Zd2DUR）
明報原文（https://bit.ly/3feqKIp）

TL：DR - 「維他奶後人」非重點，「莊友堅老婆」先係。忽然間買到變大股東，多過邢李㷧三個女，你話想點？唔緊要，老豆大把錢。

1. 講明先，完全唔熟，有可能錯。加上會涉及唔少有勢力人士。如有寫錯如有得罪就刪post，我冇乜骨氣的。

2. 遲咗啲寫，思捷停埋牌，但應該好快復返，甚至你見到呢篇文時已知咩事。我係星期四晚寫的。

3. 故事，表面就唔係好複雜，咪就係信報即時新聞咁寫，維他奶後人增持思捷變大股東咯。你見都有人研究到底維他奶同思捷有乜仙甩治。但當然原全係miss the point

4. 因為羅琪茵，雖則係維他奶後人。但in this context （同埋好多其他context），重要嘅唔係呢個身份，而係另一個身份。

5. 佢係莊友堅老婆嘛！

6. 至於莊友堅是誰，有幾堅，呢啲就自己google啦。但莊太出現，都唔止第一次，例如上次嘅渝港國際（613）（https://bit.ly/2OgllEN），有興趣研究下，冇亦不影響本文。

7. 好，講返思捷，大家都知爆咗煲（都算係啦？）好耐，股價100蚊跌到1蚊有找，而家17億市值。即係幾多？即係，一間騰訊等於超過3000間思捷咯。人做藍籌你做藍籌（＊）。相比之下，你見早幾年踢出藍籌嘅國泰搞到咁大鑊又供股又乜機都停晒，都仲近300億市值，17間思捷。

8. 另外，就要講個股權。咁諗起間公司，除咗諗起軟硬天師玩電話（其實我細個都以為係三SPRIT），就當然係邢李㷧。先娶張天愛，再娶林青霞，巴閉，乜女佢食晒。聞說佢好早就立志要娶大明星。其實我都係，不過我娶唔到。

9. 但邢李㷧，已經一早退咗場。呢單嘢之前，思捷大股東，係佢三個女（大女同張天愛，細嗰兩個同林青霞，應該係）（＊＊）。原本就渣11.2%．第二係Marathon Asset Management 11.0%，正經而且幾大嘅基金公司，專買中港消費品股，都唔記得幾時買落，但早幾年七八蚊仲買緊。早排試過沽到低過11%，但咁大手貨沽到幾時？

10. 咁今次，忽然間爆出嚟嘅莊太，忽然間渣多咗1.5億股（其實只係用咗1.2億港紙）持股量由4.9%一下升到12.9%。呢度講少少，管理層呀董事之外嘅人，5%以下持股，一般唔使申報。換言之好多人係慢慢儲到4.9%，但又唔現身。咁超過5%嘅，每到啲整數位，6%，7%就要報。咁當然你可以一下跳到12.9%啦。

11. 好啦，問題嚟啦喎，意欲何為呢？點解忽然間跳到12.9%？咁大家當然發現，莊太個持股量，就忽然多過刑家三姐妹，變咗大股東。完全就係迪路菲奧，爆佢。

12. 另一個問題，可能你都諗到，點會忽然在街掃到咁多？我當你真係4.9%隱身，一下跳到12.9%，一日買起8%間公司喎。固然都話呢度只係1.2億港紙，濕濕碎（對莊太嚟講）。但，點會唔掃到個股價狂升？

13. 咁其實真係睇下圖睇下紀錄都知，思捷之前都係一日一兩百萬港紙成交，邊Q有得畀佢掃到咁多？當然就係場外，有人沽畀佢。完全係合情合理合法嘅。

14. 咁所以又一問題，啲貨在邊度嚟（呢段有啲technical，又悶，冇耐性可跳）？就梗係其他股東。明報篇文有講，中南金融其實原本渣住13%（＊＊＊），好可能係代某啲人，但亦可能自己—早排就見搬走晒，似乎啲貨就係嗰度走出嚟嘅。中南金融是乜東東？之唔係莊友堅嘅公司。唔止，明報有講，同佢友好嘅結好證券，同埋意馬國際（585）旗下的Imagi Brokerage Limited（＊＊＊＊）。都渣住唔少貨。

15. 睇到呢度，覺得係乜呢？迷失嘅，回多次帶，莊太忽然間殺出，之前原來已經佔到4.9%，忽然在場外唔知問咩人買埋，忽然升到12.9%，超過埋刑家三姐妹。

16. 就表面畀人覺得，係狙擊緊間公司啦。成間買起。甚至要家三姐妹買返手貨佢，否則間嘢就落入「外人」之手。同大劉N年前狙擊乜乜半島酒店，最後嘉道理家族要買返，可能差不多。反正刑生大把錢。

17. 但當然，呢個係最表面嘅睇法。實情係友係敵，我地呢啲外人窮撚都未必知。你見明報有講，「關係密切」。講2012思捷供股，中南就係咁增持。另外亦講
18. 近年入咗思嘅柯清輝，一路同莊友堅好多來往。係搵朋友定一早裏應外合定乜，真係唔知。睇其他人分析。

19. 最後，每次講思捷，都要講多次（https://fbook.cc/3BuL）。真係漂亮，天才，香港人式嘅優雅，唔係大陸佬炒漢能咁。思捷股價由10蚊玩到上100蚊，點樣成為香港甚至歐洲傳奇，大藍籌，令市場比個極高估值佢（拿，德國人呀下），點樣次次都交到數，令到啲基金貼貼服服，呢下都未係最難。

20. 炒上去唔係最難，咁咩最難？係甩身！刑李㷧渣住咁Q多貨，但佢可以一路一路減持，係咁沽落嚟，而個股價可以唔跌，等佢走晒後先暴跌，呢個修為真係一流！刑李㷧沽落嚟，套現超過200億港紙！

21. 做事呀，做人呀，都係咁。其實上位，都唔係最難。最難係落台落得優雅。

星期五 9:30 更新： 思捷公布，羅琪茵要求召開股東特別大會，罷免現任行政總裁Anders Kristiansen及財務總裁Johannes Georg Schmidt-Schultes的職務，另外委任Marc Andreas TSCHIRNER、邱素怡及黃鴻威為執行董事。（https://bit.ly/2W2kw79） - 同我估計差不多，趕現任管理層了。咁現任管理層當然係舊股東提名/默許的

（＊）思捷呢個故事，同八號仔電訊盈科，經常畀人（特別係教你短炒或者買細價股價嘅人）拎嚟做例子，話大藍籌又點呀？一樣輸死你。同樣地，又係鄧小平式謬論。係呀鄧小平煙鏟都好長命，但騰訊又升幾多倍先？我中一隻夠輸幾多隻？你邊隻濕鳩微信女股升到幾百倍？況且，你玩揀股就梗係咁。唔想出事咪買指數買盈富基金—咁你又話升得慢嘛。即係最好又升得快又穩陣入場費又低你買完兩星期升一百個開然後你沽完即爆煲最好仲有廿厘息派嘛。明嘅。

（＊＊）江湖傳聞佢仲有個私生子，你可以上網Google下。正如都有人出嚟話何鴻燊個女，等我都同人講我係何鴻燊秘密私生仔何鴻聲。正如李嘉誠都有第三個仔李澤叻Lukchard

（＊＊＊）金融101。留意中南金融係券商，好大可能只係代客泊車，nominee是也。即係你去匯豐開戶口買幾手思捷，咁在個名冊上，唔係你個名，係匯豐個名。所以你見好多時啲名冊都係呢啲匯豐中銀花旗或者高盛之類嘅名，並唔係佢地掃晒全香港所有公司。

（＊＊＊＊）呢間意媽芝仲巴閉，當時本土CG公司，忍者龜嘛，好勁的說。而家當然都係渣鑊鏟，香港四大產業之一（有機會介紹埋其他產業）

——————————————————————
收費短片第三擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。

今次內容簡介，可以睇呢度（https://bit.ly/3iGuMeP），或者睇置頂post（https://fbook.cc/3BqP）。
i. 首先係講，2020年，好可能係同2009年走勢相似，會話你知點解。
ii. 仲有講我對移民嘅睇法，點解多人話移民但唔會令樓市跌。
iii. 仲有之前講過Facebook，結果爆鑊，同你分析之後又點。
iv. 最後同你回顧返第二季表現，如果錯過咗嘅之後點好。

以下係報名方法：
【最新李聲揚收費影片】題目:「回顧第二季，有咩啟示？」。
影片下方會有內容撮要，唔想睇片可以睇字
影片/課程編號：CC004
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC004 ]
2/利用信用卡網上付款
3/及後有登入資料可以立即收看
查詢：whatsapp 63832145

「中南網絡」的多間友好券商持有港通近四成股權，其中結好證券（1469）持有13.18%；中南金融持有11.48%；由中南金融最大持倉的意馬國際（585）擁有之Imagi Brokerage Limited則有4.79%。加上張松橋持有22.69%股權，擁有港通近六成股權。

我和Tinbot Lock的"港故仔"。

#2.07 #香港重機 #葉偉青

#港故仔 #2.07 #香港重機 #五片藝術雲彩(2)

由港故仔 #083 主角 Lock Lai（影片重溫：https://bit.ly/2P1kdEs）
介紹的新港故仔主角：葉偉青 香港重機

葉偉青（https://www.facebook.com/felixipart/），香港著名創作及藝術及漫畫家，曾任職意馬工作室創作總監（意馬國際控股有限公司（Imagi International Holdings Limited，港交所：0585）是一間於香港交易所主板上市的香港動畫公司）創作總監，作品包括：《忍者龜》、《阿童木（小飛俠）》、《時空冒險記》等…漫畫作品有《武道狂之詩》（香港著名作家喬靖夫暢銷小說），近年成為城中熱話的是《香港重機》，葉氏將不同富有香港特色的交通工具和物品，用他獨有的創作和筆觸，把它們變成栩栩如生的重型機械人，既富有特色之餘，又顯然出強烈的機械感，深受一班喜愛動漫玩具的香港人支持！

撐更多不同香港人故仔，記得 LIKE & SHARE 呀～感謝。
—————————————————————
港故仔(2)
#01 五個少年英雄(1) - 毒L汽球 (https://bit.ly/2MDyTba)
#02 五種運動光芒(1) - 凝動樂 (https://bit.ly/2MfwtT8)
#03 五名黑暗變光(1) - 二次戰隊 (https://bit.ly/2B1M8B1)
#04 五片藝術雲彩(1) - 萌牙 (https://bit.ly/2MbraoG)
#05 五次會考零分(1) - 創業 爽 (https://bit.ly/2KJFlM8)
#06 五味苦澀動人(1) - 無味廚師 (https://bit.ly/2P1c16Y)

想睇更多香港人故仔？一百集 Facebook 港故仔係呢度： https://goo.gl/vgCnLs；YouTube 港故仔係呢度： youtube.com/c/港故仔KongStories（睇完Subscribed (訂閱) 埋我地頻道啦！）
想有新一集港故仔即時在Facebook 睇到？在港故仔專頁：按『Following（追蹤）』按鈕然後選擇『See First（搶先看）』，得左。
—————————————————————
Follow Our Instagram!
→　　https://www.instagram.com/kongstories
Subscribe to our YouTube Channel!
→　　youtube.com/c/港故仔KongStories
—————————————————————
如有興趣投稿或介紹訪問，歡迎傳送到 info@kongstories.com 留下聯絡資料，簡介內容100字，之後會有專人聯絡。
—————————————————————
希望可以呃到您既LIKE & SHARE, 港故仔未曾收過任何人一分一毫作拍攝或訪問，您的LIKE & SHARE 就是對這份熱情最大的支持，感謝。

#香港人故仔
#發放正面積極力量
#香港人加油
#漫畫家
#藝術家
#創作總監
#機械人
#香港特色
#超正
#玩具

[本台抄返黎o既資訊]
意馬國際(585)宣布撤回對旗下從事動畫電影數碼制作的部門IPL作出的財務資助，並將申請清盤。

意馬國際(00585)2月9日發布公告稱，公司已撤回對從事動畫電影數碼制作的部門Imagi Production Limited(IPL)作出的財務資助，IPL合共聘用約250名僱員，除將留聘若干具備動畫制作過程所必須的系統知識及經驗的專家外，其他員工將不再獲集團聘用。因此，IPL將向香港法院申請委任臨時清盤人。

意馬曾幾何時以忍者龜風光過……

結果小飛俠就搞到傳聞蝕左3600萬.....幾乎連一注中o既六合彩都填唔到條數咁滯

而家神勇飛鷹俠就變左硬飛鷹……飛唔起喇

Homeblogger人氣博客聶Sir，於《經濟一週》欄目「細價股狙擊」中，透過­手機Apps Periscope分享投資細價股心得！

每逢星期三下午3時開始，透過手機直播程式Periscope，聶Sir會分享投資細­價股心得 ，期間觀眾可發問問題，聶Sir會即時回應，與大家作即時交流。