.
牛の廚師發辦🧑🏻‍🍳
🎏五道菜牛之廚師發辦 $529/位，另外加＄199仲可以任飲紅白酒同意大利氣泡酒🥂
🎏日式生牛肉他他
選用優質澳洲牛翼板肉製成配鮮蛋黃
餐廳好細心如果唔想食生牛肉就可以同店員講整熟
🎏澳洲封門柳沙律
牛封門柳超有牛肉味而且份量好多
🎏任食薯條
有6款醬料：蜂蜜芥末醬、美式煙燻蕃茄
醬、黑松露蛋黃醬、是拉差辣酱、辣味千島醬同川味蛋黃醬
🎏炭爐自助燒牛肉
有3款牛肉分別左韓國 Sirloin、澳洲留Eye Round 同美國Shoulder Chuck
仲有六款鹽調味（西班牙黑松露海鹽、夏威夷黑海鹽、挪威煙燻鹽、海鹽、喜馬拉雅山岩鹽同美國蒜頭海鹽）超有心思
🎏青檸雪葩
食左咁多牛肉最後黎個青檸雪葩好舒服，酸酸甜甜
🎏而家經@togetda 預訂享優惠價$499一位，真超抵😍😍
🎏🎏🎏🎏🎏🎏🎏🎏🎏🎏🎏🎏
陳家廚房 (灣仔)
灣仔灣仔道209-210號銅鑼灣利景酒店地庫1樓
#hkfoodieslife🎏 #hkfoodieslife銅鑼灣🎏
#hkfood #hkig
#TheCharterhouse Causeway Bay #陳家廚房 #廚師發辦#和牛#STEAKINESS #銅鑼灣#酒店優惠＃周末美食#打卡#fusion#銅鑼灣美食 #steak

【龔成問答信箱】（Q21581-Q21600）

Q21581：

你好，龔sir ,有啲迷惘，想請教下；由於疫情持續、生意收入大減一半、現在每個月收入勉強只能養活一家四口、已經沒有額外金錢作投資...

手頭上有三份保險，大人那兩份供了10年及小朋友的只供了兩年....

我諗緊應唔應該cut 左份保單....用來供股又好、其他投資也好....

現在保險變成好似每個月的消耗品、好大負擔⋯⋯兩公婆以前沒有考慮周長便買左，一供便供了10 年....

小朋友成長，開去只會越來越多，生意不滯下、開始愈來愈擔心

希望老師能夠比小小意見或方向，屋企得我一個人搵錢。開始感到有壓力

龔成老師︰

其實"保險"主要係用來防守，透過當中保障，去將你的人生風險分左比保險公司。因此，保險你係要買的，但只要買足夠保障就可以。

儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。但用來做財富增值，效率就不算太理想。

你要先了解翻，你保險係保障，還是儲蓄類。如果係保障，我建議保留。因為你取消左，唔一定可以用以往條件買翻。

如果係儲蓄類，又就供完，我建議你供埋佢較好。

若你覺得保險供款，對你造成好大壓力。你可以了解翻你持有保單，有無短期停供的方法。如果有，你可以考慮短期停供，去減輕你生活壓力，詳細你可以向保險公司了解。

另外，你要記住我地投資，永遠都係先做好防守，才會去進攻。

記住，成個財富增值，係一個全面和長線計劃，當中包括考慮你家庭開支、生意、和其他投資項目等。

現時你收入受疫情影響，資金應優先處理好日常生活部份，再預留半年開支，作應急錢。

你唔好急住去投資，要先處理好家庭。之後，就係你生意部份。最後再有餘力，才用優質股去增值。總之，你唔好操之過急。

你要明白，一盤生意做得好，回報係會比投資優質股大。所以，我會建議將生意，放在較前位置去考慮。

現時疫情造成的經濟問題，相信只會係中短期，長線會重回正軌。只要你保持正面心態，事情就會自然變好，加油。

------------------------------------------------

Q21582：

老師早晨！我是投資新手，2月頭開始接觸股票。入手了1137（$15），0175（$25）和3690

（$396）。不幸地入手不久後就開始跌。由於第一次接觸股票即失利，心情十分徬徨！

究竟應該止蝕離場還是堅守？而它們的前景又如何？求老師你為我指點指點。

龔成老師︰

投資前，做好估值去避免買貴貨，係重要。

但當你已入貨（不論買平左，定貴左），其實你都唔應該太睇重"買入價"。因為當你買入一隻股票之後，你是否繼續持有，關鍵位應該係企業質素、前景。買入價，已變成一個心理因素。

這3隻股票都有質素，有長線投資價值。吉利（0175）無問題，但美團（3690）架業務係較新，不確定性都高，持有無問題，但不建議太多，同時要明白股價上落較大。

而香港電視（1137）則有兩點都存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

另外，這企業現時搞網購，有增長力的，但同時存有一定的未知數。。

佢多年來不斷在燒銀紙，雖然佢的業務的確增長中，並初見盈利，但長線能否維持，還需觀察。

所以，這2隻股票不宜太大注。如果佢地只佔你組合很少比重，長線持有係無問題。

------------------------------------------------

Q21583：

龔成老師，你好，我今年33歲，搵$22000一個月，我之前有短炒港股，但計返玩左咁耐，無乜點贏，宜家買左你本股票勝經，想學多啲投資知識

我有買美股作長遠投資，每月會買3-4股，因為美股可一股一股買，成本低，可輕易設組合，等同月供股票咁。

以下組合唯獨百度高位入左，現在跌左近30%，未知要唔要調一調倉，同埋我個組合新舊經濟都有，唔知啱唔啱，麻煩老師比少少意見，感謝感謝。

股票如下；

百度265 入
嗶哩嗶哩 110 入
愛奇藝 16.7 入
ARKK 123.99入
AMC 9.69 入

台積電 118.55 入
美國運通147 入
卡夫亨氏 38.9入
可口可樂 51.9 入

龔成老師︰

我想你先清晰2個概念，首先，我地投資股票，係希望買入一些優質企業，透過佢自然增長，達至財富增值目的。

重點係長線持有隻優質股﹐唔係去做短炒，因為中短期走勢無人知。但長線持有，企業質素一定會反映在股價當中。

第二，唔好覺得買入一隻股票入場費低，就係抵。我地是否買一隻股票，要從質素作考量，而唔係買入成本。

若你買的是優質股，可能1手要5萬蚊，入場費係貴，但因為有質素，所以可以再升。相反，如果係劣質股，就算入場費只要$100，都可以再跌。

所以，我地重點應放係「質素」上。

我唔係話你1股股買美股，當係做月供儲貨的方法有問題。只係想提提你，唔好用買入成本多少，去判斷投資價值，而是要以「質素」來作判斷。

你組合中股票，大致上都係有質素，可以長線持有，不過科技相關股的持股比例開始有少少多，你要注意會否出現集中風險。

另外，有以下3隻，想你留意翻。

愛奇藝(IQ)有質素，但現時尚在未有盈利階段，不確定性較大，不宜持有太多。

AMC Entertainment Holdings(AMC.NYSE)業務主要是經營劇院，市場包括美國、多個歐洲國家、沙特阿拉伯等。

質素都算有，但唔係好高。近年受疫情影響，2020年出現大幅度虧損，出現破產風險。

此股有一定風險存在，投資與否，你要自己衡量。同時，你預佢中短期都會較波動，長線才會慢慢轉好。整體而言，此股只宜小注投資。

百度（9888）有質素，有獨特性，長遠發展不差。

佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。

業務上，佢擁有好強大互聯網基礎的領先AI公司。自2010年起一直投資AI以提升搜索及變現能力，並使用核心AI技術引擎「百度大腦」開發新AI業務。

我睇翻一些報告：

1. 佢擁有中國最多的AI專利數量以及AI專利申請數量。

2. 按累計拉取請求計，百度的深度學習框架飛槳居中國深度學習框架榜首，全球排名第二，僅次於Facebook Pytorch。

3. 按開發者數目計，百度開放式AI平台擁有超過數百萬名開發者，係中國最大的開放式AI平台。

4.按開發者數目計，係百度雲基礎設施上運行的Baidu OSChina是中國最大的開源活動開發平台，全球排名第三。

百度核心業務（唔包括愛奇藝）由AI驅動，為其貢獻超過70%的總收入，主要提供基於搜索、信息流及其他在線營銷服務，以及來自AI新領域的產品及服務。

並廣泛使用AI技術開發創新營銷服務（例如動態廣告），為各搜索用戶推薦最適合的營銷客戶產品。

現時佢坐擁不少資訊和客戶群，就可以利用佢地去發展很多不同業務，可以話係一個好大的優勢。佢收入不差，長遠有發展，但由於本身有相當規模，因此，未必是高速增長型。

百度在規模和質素上，一定係有。但近期科網股波動，風險高左。

雖然你係高位入左貨，但此股長線有增長力，只要唔係佔你組合太高比重，持有係無問題。若佔比重偏高，就最好沽少少，去平衡下個風險。

------------------------------------------------

Q21584：

Hello ar sir！剛剛完成了你的8堂基礎班，坦白講，放工後再上3至4個鍾堂真係幾攰，不過8堂我都非常專心，至少比我以往讀書專心，哈哈。

首先課程係自己揀，我亦知道內容甚至影響一生。

黎緊呢個月要再重溫整合你的筆記，謝謝你既分享。雖然我唔敢講課程能夠令我馬上致富，但以下幾點對我最大影響：

1. 你個句“要將數字意義化”，我覺得係精粹，意義化即係分析，分析不單能夠解讀過去，甚至預判將來。不只股票投資，工作生活等事情上同樣有幫助。

2. 分散投資，考慮風險再考慮回報。

3. 耐性同堅持。等機會入巿，等企業成長，有耐性同堅持既人比較大機會成功。

4. 我喜歡你的正面思想及不斷吸收別人的長處為已用。我跟你一樣公屋出身，我的親友都係基層巿民，我細個就發現我d親友一d都唔蠢，

至少係賭錢同出古滑上佢地係高手，但佢哋不敢訂立大目標，沒有偉大的理想，結果貧窮限制他們的發展。

我覺得除了理財的書籍，我覺得你亦十分適合寫勵志書或舉辦人生規劃課程。城市生活令人壓抑，不少人多多少少都有d情緒病，精神健康欠佳或缺乏人生方向。

相信你能幫到這些人。

希望以上既回饋，可以比到你參考，繼續在課程內容或者你既教學範疇上更進一步。

龔成老師︰

無錯，就算係日常生活，好多事情我地都唔好只睇表面。要認真了解眼前資訊，在背後所代表的意義。

其實好多人都有目標，知道未來想自己變成一個怎樣的人。但實行上，未必用對正確方法。

特別係投資範疇，好多人希望透過投資股票致富，但認知上，都停留係大部份散戶，那種「一般人」的思維。

因此，希望透過課程，灌輸一些經驗、正確投資理念和知識。希望可以幫助佢地，從「一般人」思維，跳進「有錢人」思維，從而增高成功致富機會。

我好多謝你寶貴的意見，但因時間關係，相信未來一段時間內，我都會先以投資理財作主導。希望先從我專業範疇，去幫助有需要的人。

但你的建議好有意思，我會認真考慮，謝謝你。

加油，記得多溫書，保持進步！

------------------------------------------------

Q21585：

你好 龔老師，之前有睇開你的理財真人SHOW，直至今年2月先開始投資股票。我經富途牛牛買股票，想學習老師講嘅長線投資 ，應該放邊幾隻或增持邊幾隻。

我的資產分佈及投資未來方向可以點改善。謝謝老師

25歲

港股:
6690.HK: 1000股 $32.86 (想沽)
6993.HK: 2000股 $11.08 (想沽)
2382.HK: 100股 $160.40
3067.HK: 600股 $17.58

美股:
AAPL.US: 10股 $134.30
DIS.US: 5股 $188
JNJ.US: 5股 $162
TME.US: 40股 $19.575 (想沽)
ARKX.US: 30股 $20.875 (想沽)

另打算增加個別港美股
1177.HK
1810.HK
BRK.B.US

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時25歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你應以增值為主，可以用一些「平穏增長股」和「潛力股」作目標。

你現時持有股票，都係有質素，建議你長線持有。至於3隻新增目標，都可以考慮。

但留意，ARK Space Exploration & Innovation ETF(ARKX)不確定較大，不宜持有太多。

另外，藍月亮集團（6993）、海爾智家（6690）其實都有質素的，你都可以長線持有，只要貨不過多就得。在你衡量是否持有一隻股票時，不要著重短期的股價表現，要睇翻長期的企業價值。

由於你無太多投資經驗，未必對平貴估值方法，有太深了解。建議你先用月供，去儲優質股，這樣有助你降低買貴貨風險。

你每月先用5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

增長力較強的，可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）。但佢地波動性和風險會較高，你要自己平衡。

你現時投資經驗不多，可以先集中係平穏增長股，甚至盈富(2800)。到你有一定投資經驗﹐才慢慢加大潛力股比重，最多佔組合3-5成，視乎你當時投資經驗和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q21586：

老師你好,本人現年33歲 有兩子 想用他們的利是錢投資 (約30000)應該買那隻長線股好？

另外正在開始月供股票 (2000盈富) 尚有1000元可用 但銀行無3067月供。

龔成老師︰

小朋友儲錢方面，你可以儲盈富(2800)，佢係包括55間質素不錯上市公司股票的組合，有一定增長力。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

基本上，以你小朋友年紀計，持有以上股票都係可以，但你明白當中風險。

現價計3067無得月供，你可以每2個月自行買1手，都可以做到月供效果。

但緊記，現時大市只在合理區，每月儲蓄不要盡用。要儲起部份，等大跌市時才出手。

------------------------------------------------

Q21587：

早晨，龔sir 請問2158應現在放嗎?

係64蚊買完話跌到32，今日升返上45應該止蝕嗎

龔成老師︰

唔好太睇重"買入價"，因為當你購入一隻股票後，你是否繼續持有，關鍵位是企業質素、前景。買入價，只係一個心理因素。

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

若你現時持貨不多，無問題，作長線投資就可以。但如果佔比重較高，最好沽少少，去平衡翻個風險。

------------------------------------------------

Q21588：

龔sir，你好!Follow咗你個page好耐，學咗好多野同埋亦深受你的鼓勵，今次係第一次pm你。

我想問吓你對VR產業未來嘅睇法係點? 我認為佢嘅發展不會差於電動車，雖然現在大多只用於娛樂，但係未來在教育，醫療層面的使用相信也不少。

但是距離技術成熟還有一段路。請問阿SIR如果我看好這個產業，會推薦投資哪一間公司?

謝謝!

龔成老師︰

其實現時虛擬實境(VR)產業，除了娛樂，已應用在不少行業上，例如建設、設計、教育等方面。

這種技術可塑性好高，相信不久將來，會有更多不同行業和場景，會應用到VR技術，前景是正面的。

暫時我未有特別研究，唔清楚邊間企業，會較直接受惠。

但你可以從不同行業，特別係已應用VR技術的行業中找尋。有邊D企業或行業，會因為VR技術，令佢本身價值或者成個營運效益有較大提升。

你可以進一步研究，了解佢是否有投資價值。

------------------------------------------------

Q21589：

龔大哥，求教 493 同9997點玩好 兩隻都炒落咁款 我想玩反彈岩唔岩？

龔成老師︰

我地投資股票，係希望買入一些優質企業，透過佢自然增長，達至財富增值目的。

重點係長線持有優質股﹐唔係去做短炒。我地唔會去估走勢，因為中短期走勢好難估。佢可以受好多因素影響，好似資金流向、市場氣氛等等。

但長線持有，企業質素一定會反映在股價當中。

國美零售（0493），從過往分析，質素只是一般。

企業連續出現虧損，品牌價值遠不及從前，優勢不強，雖然正加強網上網售網絡。

唯一的賣點是創始人黃光裕回歸，可能帶公司變強，但發展仍有未知數，如果以這刻的業務、發展、現價，整體的投資價值唔算高。

當然黃生可能帶領公司變到好唔同，但這點真的無得計。

此股不宜持有太多，若你持股較多，應先沽出部份。餘下的持股，可以守。

康基醫療（9997）睇翻佢的資料，佢係中國最大的國內微創外科手術器械及配件(MISIA)平台。

根據資料，按銷售收入計，2019年中國MISIA市場規模達到人民幣185億元，集團在國內廠商中排名第 一，在所有廠商（包括國際和國內廠商）中排名第四，所佔市場份額為2.7%。

根據資料，2019年銷量計，集團在中MISIA市場的多個細分領域，包括一次性套 管穿刺器、高分子結紮夾、第三類一次性電凝鉗以及重複性套管穿刺器和鉗中亦排名 第一。

佢不是無質素，現時回調，主要係因為上市定價唔平，現時只係回調至較合理水平，但都仲有少少貴。

若你持貨不多，可以守。但持貨較多的話，建議你沽出部份，去平衡個風險。

------------------------------------------------

Q21590：

龔sir，你好。今年30，月入35000，得我一人收入，有两個小朋。

太太就間唔中就買下，手上都有隻2186綠葉制藥6000幾股。

佢之前放咗幾隻唔知咩股蝕咗4萬幾

而我自己就冇乜投資經驗，但都會睇你facebook同下財經新聞以及同聽身邊啲人取下經

因為以前又冇乜點理財同儲錢習慣，宜家我哋就開始想學習你嘅長遠投資組合當儲蓄。 希望學習到同得到一個好嘅理財習慣。

常見龔sir你都推介2800盈富基金，3067安碩恆生，1177中國生物做月供

而我都有幾隻想請教阿sir你提議下可否做月供?

1308海豐國際
2269 藥明生物
1810小米
5滙豐控股

2800盈富基金
3067安碩恆生
1177中國生物

請阿sir指教月供邊隻好，月供咩組合好?

同月供每隻供嘅資金分布係幾多，每月應該可抽$8000月供。

最後一問太太隻2186可以放出。

龔成老師︰

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

由於你無投資經驗，用月供會以避免左買貴貨的風險。只要你月供組合，係選對一些優質，而又適合你的股票，其實成個增值效果，已經會係唔錯。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主。你所講的月供股票，都有質素。但匯控(0005)只係收息股，增長力唔高，唔建議你用。

而你組合當中，不少係潛力股類別(2269, 1810, 3067, 1177)。佢地增長力高，但同樣波動性都好大，你投資經驗不多，不宜太大注。

月供配置上，你可以先用$4000供盈富(2800)，用佢作主力。再月供$1000海豐國際(1308)和其中3隻潛力股。

現時大市只在合理區，除了月供$8000外，你都要額外預留一些資金，等出現大跌市時，可以動用來買平貨。

至於綠葉製藥（2186），都有質素。佢主要銷售腫瘤科、心血管系統以及消化與代謝三個領域的新藥品，基本上都係有市場的，其實長遠又不是太差，只是市場有時對佢的增長力會有不同。

但近年佢質素的確有少少轉弱，但相信最差時間已過，這股本身的風險較高，唔建議投資得太多。

若你持股佔組合比例唔多，你可以長線持有。如果佔比重較大，就最好沽少少，去平衡個組合風險。

------------------------------------------------

Q21591：

你好！我們一家四口，現金有$100萬，沒有自住物業。

現在有2難，應否拿100萬作首期買樓？

但用了便沒有餘錢投資。

如果月供股票，那隻較好？

龔成老師︰

每個人都有自住需要，長遠最好都有一個自住居所，以免承受租金波動的影響。

但由於你現時資金不多，如果買樓後，完全不能維持投資增值，就唔係咁理想。

我建議你先用優質股，去累積一筆資金。之後，再去考慮買自住居所，咁會較好。(詳細方法，你可以睇我本"5年買樓4步曲")

月供方面，你可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於「潛力股」係需要一定經驗，如果你經驗較淺或較年長，只宜小注，大約3成左右。若你係較年青，而且已有一定經驗，你可以投資到約5成比重。

餘下現金，我地就是等大跌市時，才出手掃平貨。

------------------------------------------------

Q21592：

我每月可以儲$8500，比例上咁安排適合嗎

3067，$5000
2800，$2000
現金，$1500
每月月供

因為我本身係中銀月供，但中銀冇3067可月供

頭先上網search過有間XX證券行有3067可月供，免存倉費，佣金收0.0675%，比其他證券行平

Sir，唔好意思比較多問題，頭先上網睇過證券行同銀行比較月供股票，如果係證券行月供股票，會有風險，有機會倒閉。

但銀行又月供唔到3067，只可一手手買，但銀行買，手續費貴。可否比d建議如果想供3067應該點做。

龔成老師︰

其實香港對金融機構監管係唔錯，證券行出問題機會，唔算好大，可以用佢作投資渠道。

如果你都係覺得銀行穏陣D，安碩恒生科技（3067）你每月直接一手手買就可以，都做到月供效果。

至於你資金分配上，有少少進取。以你近30歲年紀，安碩恒生科技（3067）這類潛力股，最多佔5成左右好了。

若你自問投資經驗較一般，最好再調低多少少(至3-4成)，到你有經驗才重新調高。

因為潛力股增長力係有，但風險同樣高，故不建議初階投資者持有過多。

而預留現金比例，都可以調高翻少少。因為大市未算開始平，只係合理水平，不宜投入過大資金比重。

------------------------------------------------

Q21593：

我用咗幾萬元買咗1653 Mos House，當初係喺1.13買入，但現時價位已跌到0.41！

1. 請問呢隻股穩陣的嗎？

2.你覺得是否老仟股？

3.我現時已蝕了幾萬元，請問我現正是否應該放嗎？還是放住喺度先？

龔成老師：

MOS HOUSE（1653）於香港銷售及供應外國製瓷磚，即石英、陶質及馬賽克瓷磚。此外，亦銷售衛浴潔具（浴缸、臉盆及其他配件）。產品均由意大利及西班牙進口。

企業無乜獨特性，加上近年出現虧損，而佢過往一直都唔太賺錢，整體的投資價值不高。

你的買入價明顯只炒作的價，佢根本唔會值該價，現時的股價算是合理價，你等佢有反彈宜減持部分，之後再等機會賣晒。這股長線持有的價值不高。

------------------------------------------------

Q21594：

龔成老師，上年我買左掃管笏Oma by the sea 一個471尺兩房的單位，584萬，老師覺得嗰區發展如何?

會唔會有機會升到$17000，一尺?

我諗住長線投資的，謝謝老師的分析和建議！

龔成老師︰

屯門是大型的住宅區，商業活動少。始終離市區較遠，因此樓價與市區有距離。

但隨屯門港鐵通車，屯門區交通變得便利。

但始終屯門跟市區有一定隔離，而掃管笏雖在屯門﹐但隔離港鐵站較遠，未能明顯受惠。

因此，掃管笏升值潛力有少少，但唔會話好高。因為所有的利好因素其實已經反映左，而掃管笏各方的配套都唔會再有明顯改善。

------------------------------------------------

Q21595：

Sir,還有一個買賣問題想請教下，如果一隻股票賺了錢，賣取一部分獲利，一部分持有，這是容易做到的。但相反買入一隻股票賠了錢，應該要怎樣做

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業，重點永遠都係企業質素。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

------------------------------------------------

Q21596：

龔sir 你好。有個疑問想問,本人現時已月供股票$4000 領展同盈富

如果每個月還有$6000剩。咁月供日本樓收租好還是加碼月供股票好呢？thx

龔成老師︰

日本樓，我無特別研究，你可以從佢租金回報率和對日本樓認知度，去決定是否投資。

而日本樓認知度，會是你投資的其中一個關鍵，到底你有多認識這項目?「不認識就不投資」，如果你真的已了解當地的物業市場、租務市場、法例、經濟發展，那可說是過了第一關。

土地是有限資源，所以長期一定上升，但你都要分析這地方的長期土地供應。另外就是匯價如何，就算物業有穩定租金，以及樓價上升，但若然匯價不穩，都會對你的投資造成打擊，這方面不能忽視。

你應該了解當地貨幣過去的變化，以及將來的強弱分析。

如果你對日本樓唔係咁了解，或者回報唔算高的話，你$6000用來月供股票會較好。

現時大市在合理區，每月儲蓄唔好盡用。這$6000中的$4000，建議先儲起，用來等大跌市機會。

而餘下$2000，你可以因應你年紀，去決定加入邊隻股票去月供。

若你係年青人，可加入一隻潛力股。如果你中年至退休人士，或者你投資取態較保守，你可以加一隻平穏增長股。

------------------------------------------------

Q21597：

龔成老師，有一些問題很急切的想請教您：

我好朋友的父親，在十幾年前某些原因，所以將部分資金轉移到他的妹妹（中銀），即我朋友姑姐的戶口。

但存摺和提款卡和密碼，以及買賣股票的密碼都在她父親手上，所以十幾年來都能賣買，但她爸爸幾個月前突然離世，搞父親的遺產需要一段時間。

現在已知的是父親有一個股票戶口（中銀），另外幾個儲蓄戶口，和大陸有一個定期戶口。

現在能動用的資金可能就是她姑姐戶口的股票，不過，這十多年來，世伯已買入不少股票，而她初步問過銀行，整個股票戶口不能直接轉名。

世伯離世後，她姑姐有說過可以繼續用她戶口買賣，但伯母對錢很擔心，很想轉回戶口的股票，又不知能否全部轉名，或者是先賣出一些比較不優質的，

然後再轉名，而她們對這些又不太熟悉，又不知該問誰，所以，很想請教一下您的意見。

以下是她"爸爸"這十多年來買的股票，以及買入價：

0123 越秀 40000股 買入價：20000股1.67、20000股0.99
0386 中國石油化工股份 2600股 買入價；2000股7..19
0536 貿易通 30000股 買入價：1.96
0579 京能清潔能源 4000股。買入價：3.42
0732 信利國際 6000股 買入價：3.69
1171 兗州煤業 6000股 買入價：2000股11.86、4000股13.62
1415 高偉電子 10000股 買入價：2.1
1418盛諾集團 20000股 買入價：1.23
1508 中國再保險 3000股 買入價：2000股2.51、1000股2.49
1569民生教育 10000股 買入價：1.8
1618中國中治 3000股 買入價：2.3
2038 富智康集團 6000股 買入價：1.42
2369酷派集團 16000股 買入價：8000股3.79，另外8000唔知買入價
2638 港燈-SS 1000股 買入價：5.23

由於她爸爸之前一直都是賣出一些賺錢的股票來維持生計，而她看過以上的股票大部分都未到買入價，帳面已蝕十幾萬，

想問問老師以上那些股票可賣出吐現、止賺、止蝕。以及那些是優質股票，那些值得保留，以及轉名等等。

還是她可以以現價賣出，然後再用另一戶口以現價買入，這樣會不會蝕很多？她們現在很惆悵，真的很需要老師的意見，懇請老師幫忙。

另外，以下是她"媽媽"股票戶口的股票，也是世伯幫她買的，想問問老師那些可以賣出止蝕，以及保留一些優質的股票：

0005 匯豐控股 713股 買入價：買了多年，我找不到買入價
0718 莎莎國際 6000股 買入價：1.73
0347 鞍鋼股份 5200股 買入價：8.93
0476 中國動力控股 10000股 買入價：找不到買入價
0536 貿易通6000股 買入價：2.030
0732 信利國際 4000股 買入價：3.69
1398工商銀行 6000股 買入價：6.15
1415高偉電子 10000股 買入價：4000股3.74、6000股2.99
1638 中國中治 4000股 買入價：2.3
1638佳兆業集團 2111股 買入價：3.45
1898中媒能源 6000股 買入價：3.25
2362 金川國際 6000股 買入價：1.23
2800盈富基金 2500股 買入價：28.1
2845 GX中國電車 50股 買入價：123.8
3067 安碩恆生科技 200股 買入價： 19.26
3338中國龍工 5000股 買入價：4.49

她這幾個月實在很徬徨無助，所以，盼望老師能幫忙。

謝謝老師。

龔成老師︰

全部轉名到你朋友媽媽戶口，係可以。一般用這個方法，費用會較平。但你要問翻中銀，因為每間銀行和證券行收費，都不一樣。

若你打算用同時間一買一賣，去變相轉戶，都係一個方法。但變相要支付雙倍經紀佣金，而且可能買入和賣出價未必一致，會有價格波動的風險。

另外，你要緊記一個投資重點。我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

唔係因為佢帳面賺，就覺得佢長線一定好。唔好因為而一刻帳面蝕，就覺得此股無投資價值。記住我地係睇質素，唔係睇價位去做決定。

先講你朋友"爸爸"戶口︰

京能清潔能源（0579）、信利國際（00732）、兗州煤業股份(1171)、高偉電子（1415）、中國中冶（1618）、富智康集團（2038）質素較一般或者波動性偏高，都不宜持有太多，建議最少要減持部份。

盛諾集團(1418)投資價值不高，換至其他優質股，長線會較理想。

酷派集團（2369）在幾年前我已經有點怕佢，第一，玩財技，第二，2016年核數師意見為「不表示意見」，2017年為「保留意見」，反映核數師對盤數有問題，第三，非常多散戶炒這股，而散戶永遠是輸的一方，因此我對這股一直有保留，就算數年前有讀者問我都是。

佢之前仲要停過牌，其中一個原因，是由於賬目問題，我見佢2018年度的核數師部分，出現「修定報告」，反映盤數有可能有小小古怪，投資價值不算高，建議沽出較好。

你朋友"媽媽"戶口︰

鞍鋼股份(0347)、信利國際（00732）、高偉電子（1415）、中國中冶（1618）、佳兆業集團(1638)、中煤能源（1898）、金川國際（2362）、中國龍工(3339)質素較一般或者波動性偏高，都不宜持有太多，建議最少要減持部份。

中國動力控股(0476)佢營業額好細，而且一直處嚴重虧損狀態，暫時唔見有明顯投資價值。

其餘無提及的股票，都有質素，她長線持有就可以。當中絕大部份，都係提供現金流的收息股。

由於持有目的係收息，所以佢不需要太在意帳面賺蝕，只要長線持有收息，就可以了。

------------------------------------------------

Q21598：

其實我都唔明，你隻1211，自己都計到股價貴，點解你之前唔放大部份？

龔成老師：

因為無人能預期股價升跌，如果我賣出，而佢股價一直唔跌，當企業價值不斷向上，我就會買唔翻，佢會由貴去翻合理。

我擔心買唔翻的風險，多過股價跌的風險，我著重資產，不著重短期股價。記住，現金不是真財富，資產才是。

------------------------------------------------

Q21599：

龔sir,請問我地應該點樣解讀股東增持，同減持嘅動作？
同睇好/吾睇好企業有冇關？

龔成老師：

如果股東增持或減持的%好少，就不用理會，佢可能自己都要取現金，或現金多想投資。

但如果%較大，就反映佢都睇好/睇淡公司，或反映現價處平/貴。

這些動作，參考下好了。我地一定以「企業」作為分析的核心。

------------------------------------------------

Q21600：

成哥，第一次膽粗粗傳訊息俾你，我只有26歲，今年我快29歲了。咁就3年，時間真不留人。

當年26歲，戶口只有10萬現金，一份供梗既儲蓄保，0股票。今日，我快29歲了，戶口中有38萬現金，18萬左右港股，5萬8左右美股，總資產為60多萬港元。

儲蓄保險亦供完，當然並不是一個咩大數，或者一件咩值得驕傲既事，只係隨住時月，我除左老左之外，戶口都叫隨年漸長，都係一件值得安慰既事。

多謝你當年啟發左我，3年來我都係用月供股票既方式買入股票，不論港股或美股，由買入果一刻開始就無放過。

結果，感恩既係我付出既時間好少，甚至我一個月先打開個股票戶口睇一次，但每次睇都會見到有賺。

反而身邊短線投資既朋友，會跟住個市場買入GME丫，晚晚睇住個市，但都仲蝕梗本金。就好似我一年前既訊息所言﹕「身邊聲音煩擾，但我步伐仍舊」。

講講下，好似打日記咁，多謝你繼續睇到呢度。

我想問下下一步我應該點樣做，或者除左股票以外，我仲可以投資D咩去令我既資產平穩增值？

收入﹕4萬多
支出﹕15000
港股(月供金額)﹕盈富($4000)、煤氣($1500)、港交所($1500)、領展($1500)
美股(每月手動買一手，約$9000多)﹕VOO、QQQ、ARKK、SQ、MCD

成哥，我相信好人有好報，多謝你詳細解答陌生人既問題。衷心祝你身體健康，生活幸福美滿。

龔成老師︰

我教的理財知識，只係為你提供一個指引和方向。最終能變成點樣，其實很大程度，係睇你本身所付出的努力，我純粹係助你一把。

我經常講，投資一定係做長線，但其實好多人會唔明白，唔相信。因為佢地依然停留係賺差價的思維。

你身體力行，去證明左長線投資價值，才是最有效的財富增值方法。

希望你保持學習，令自己一直進步之餘，都用你的故事，去感染依然短炒中的朋友，幫佢地重回正軌。

你現時投資組合，係可以。但緊記現時只係合理區，每月資金唔好盡用，要儲起部份。連同現有資金，一齊等大跌市機會出現，才入市掃平貨。

而我地成個財富配置，係講求增長力就餘，都要有平衡性。除了優質股外，都要加入一些其他不同資產，如物業類。

但由於你現時資金不多，可先用優質股增值住先。到有較多資金，可以考慮買較小型物業作跳板，最後買大屋。

我本<5年買樓4步曲>，會有較詳細解釋，你可以買黎睇下。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

又到咗二人世界時間😂今晚嘅晚餐我哋去咗圓方呢間食意大利菜嘅JOIA餐廳, 之前朋友話呢間好食，所以我哋揀咗今日嚟食😋

🎀呢度環境好靚好舒服，可以坐出外面嘆下啤酒都幾正😄我哋叫咗三樣菜式😋

🎀香烤芝士伴時令蔬菜蔬菜，菇類面層芝士好香芝士味，南瓜烤得好入味😋

🎀焗原條鱸魚配烤時菜，鱸魚外層脆卜卜包住嚟焗，魚肉熟度岩岩好，襯熱食好好味😋

🎀美國黑安格斯肉眼，7成熟岩岩好，肉質好新鮮，少許肥，配埋特製紅酒汁好惹味😋

Joia
#JOIA #意大利菜 #圓方 #鐵板牛扒 #牛扒餐 #飲食分享 #foodiehk #飲食 #hkfood #写真 #ファッション #pink #japan #街拍 #攝影 #ランチ #写真撮ってる人と繋がりたい #ファインダー越しの私の世界 #かわいい #写真好きな人と繋がりたい #ootd

尖沙咀,厚福街,美食戰場
不時都會有新既美食小店登場
今次要介紹既係經朋友推薦既外賣專門店
識食一定係食佢既牛角酥同意粉,仲有炸雞脾
店家係有多年西廚經驗既大廚
用料講究,用心製作,食物有高水準
食過就會變佢既忠實追隨者
款式多樣化,更加有定額套餐,岩曬而家節日預訂


做外賣店,無返幾款小吃點得呢
供應多款炸物小吃,都是即炸,非預炸
即炸香芋地瓜丸$18
鐵板肥牛炒腸粉$42
雙拼即炸雲吞水餃 $18
即炸雞髀(大/中/小辣/原味)$30

雲吞水餃,飽滿餡料豐富,最緊要夠脆口
仲可以配埋個特製柚子沙律醬食
另外仲有椒鹽雞翼尖同鐵板炒腸粉,肥牛卷等等

講到招牌,呢隻可能食過既炸脾中數1數2咁好食
雞脾尺寸巨大,肉多皮脆,用上高溫生炸
做到真正既外皮香脆,肉汁仍然非常豐富
咬起黎真係好有肉汁,雞脾肉仍好嫩滑
可辣可唔辣,識食要食辣,辣度勁,又夠香氣



卡邦尼慢煮温泉蛋雞肉炒意粉$54
拿破崙腸片炒意粉$48

卡邦尼慢煮温泉蛋雞肉炒意粉$54
意粉可以話係佢地既招牌之一
慢煮溫泉蛋,將之拌勻令意粉食起黎更香濃
用料豐富之餘,醬汁亦係靈魂所在,香而不油膩

拿破崙腸片炒意粉$48
同卡邦尼完全唔同風味既意粉
用上意大利去皮番茄做醬汁,味道特別濃郁
食起黎同平時只用番茄醬番茄膏炒出黎既完全唔同風味,味道更自然,帶點微辣,個人更加喜歡這一款番茄味道既意粉
提提你,今個星期19,20號,全日買意粉滿$50
即送炸脾一隻,價值$30!!


龍蝦汁海鮮焗飯$55

見到呢個龍蝦汁焗飯,一於就落單試埋啦
呢個焗飯非常有內餡,首先,飯底係炒過既,我食到有蛋碎,加上特製既龍蝦汁再加芝士焗香
入面有帶子,青口,魚扒,蔬菜等食材
做到香而不膩之餘,食完唔會口乾
如果女仔食仲可能食唔曬添
份量與味道絕對超值

煙三文魚蛋沙律牛角包$32
照燒汁香煎雞扒牛角包$33



牛角酥係同專供酒店既供應商取貨
落單後即點即烘熱再夾上食材
雞扒牛角酥,雞扒煎得香,雞扒肉嫩,夾埋生菜食
夾咩餡都唔夠個牛角包本身既香味突出,成個麵包先係靈魂之所在
見到個包身有巢型紋理,已知係靚貨
另外一口咬下,食到油香,夠酥脆夠薄身見到層層分明,過江龍個D都唔夠黎
老細呢個招牌牛角包認真有水準
味道有:煙三文魚蛋沙律
吉列魚柳,黑松露蛋沙律
京蔥肥牛

Ricco
地址: 尖沙咀厚福街9A號地舖

https://www.mrlamsan.com/2019/11/Paradise.html
搵食攻略
杏花村換了不少餐廳
今次選了這間西餐
門外見到造型有如一隻旋轉木馬
重本裝修吸引食客
有意粉,意大利飯,快餐,西餐
也有新潮熱石板牛扒 最便宜一款只賣$78!

先點了一客黑椒芝士雞肉飯
上菜時鐵板燒得火紅熱辣,倒入黑椒汁再拌炒
將飯同汁拌勻一起吃
但最後發現佢比少左芝士我
難怪食到尾好似缺少一些什麼~
雞脾肉煎過特別香口,脆口
黑椒汁唔多,辣度岩岩好!
加$15就有小吃+可樂一杯
咖哩雞翼,炸得脆口,但有少少焦香,咖哩味OK
熱石牛扒 $78 200克一件
加錢升級套餐
包括了湯,沙律,飲品,甜品
牛肉只會煎一成上菜,由食客自行決定熟度
沙律加左芝麻醬
湯係洋蔥湯,
原來配埋一份薯角,份量十足,絕對夠飽
另附2種汁配埋牛扒食
熱石板熱力勁到爆炸,食到出汗
仲會煎得出焦既效果,有驚喜
牛肉少油脂,肉感重,味道濃,肉質有彈性爽口
凍檸茶一杯,茶味都夠,糖水自己加
最後送上甜品一杯
杏花邨盛泰道100號杏花新城地下G53A號舖
#杏花新城 #杏花村 #杏花村OUTLET #西餐

十大最特別的辦公室，Google排第幾？HenHenTV奇異世界
各位大家好，歡迎收看HenHenTV的奇異世界，我是Tommy！
推薦影片：
十大最長壽的動物：https://www.youtube.com/watch?v=Cqwk3gXwmT8
十大童話背後的變態故事：https://www.youtube.com/watch?v=AE4evcXqXPo
十大最賺錢Youtuber：https://www.youtube.com/watch?v=_Ypf1iyUbFQ
在我們人生當中，除了在床上，我們度過最長的時間就是辦公室。
如果辦公室的設計像就四面牆，或者是很狹小的空間，那是比坐牢沒什麼兩樣。
今天就和大家介紹十大最特別的辦公室，如果我可以在任何以下的公司上班，我的工作效率會非常的高吧～

如果你是第一次看我的影片，我的頻道都是以奇異，稀奇古怪的題材為主，如果你也喜歡這些題材，記得訂閱HenHenTV。
好吧！我們開始吧～
10. Comvert ，米蘭，意大利
Comvert是一家意大利滑板服飾公司，
用一間廢棄的電影院改裝成一個新的辦公室，
倉庫上面做一個室內滑板場，
非常很有設計感的辦公室
9. Zappos，拉斯維加斯，美國
Zappos是一家美国卖鞋的B2C网站，
自1999年开站来，如今已成长为网上卖鞋的最大网站，超过了Amazon。
他讓他們的員工自行設計自己的辦公室，有些加玩偶或飾品來佈置自己的辦公室桌子
8. Think Garden，米蘭，意大利
這家在米蘭的公司，由三大設計師聯合設計，
將戶外搬進室內，把植物融合在辦公環境裡
看了這些那麼療愈的辦公室，工作效率應該會高數倍！
7.Facebook臉書，紐約，美國
大家對臉書並不陌生，
但是應該不知道它的辦公室原來是長這個樣子的
也是像其他出名的辦公室一樣
以開放式的設計加上玩耍的環境
有時不知道他們去玩還是去上班
6. Corus entertainment，加拿大
是加拿大一间媒体及广播公司
很明顯的它在它的大廳建設了一個滑水道
把辦公室打造成一個成人的遊樂場
用上最鮮豔的顏色設計
結合創意加愉悅的室内设计可是屡获殊荣，
展现了Corus公司的创新精神、创造力。
5.Inventionland，匹兹堡，美國
聽名字已經知道這家公司以創意為主
這。。。。不就是海盜船嗎？
還有糖果屋，裡面用很多不同童話的元素來設計
那是不是想小飛俠裡面說得：
永遠不捨得離開辦公室呢？
4.Youtube，加利福利亞，美國
在它的大廳就可以看到一個大大的Play 按鈕
也是走開放式的辦公環境，
沒有限制你需要在那裡工作
而且還有游泳池。。。。
你們是去上班還是去玩啊？
3.Google，加利福利亞，美國
不用多說，大家都知道google 辦公室以舒適創意為主
很多人都夢寐以求要到google 上班
這並不是一間辦公室，而是一個大型遊樂場
你可以在食堂裡吃到不同國家的美食，而且還是免費的
2.Selgas cano，西班牙
這是一家工程公司，位於在西班牙的一個森林裡面
它的辦公室已經是最好的宣傳了
以透明落地玻璃設計，還可以透過窗口看到外面的景色
秋天的時候更是美不勝收
1.Bahnhof，瑞典
Bahnhof 是一家瑞典的網絡供應商，
他們用來以前的防空洞來設立辦公室
在地下的100尺以下，看似好像蝙蝠俠的洞穴一樣
牆壁就是不折不扣的花崗岩
每天上班猶如像James Bond一樣。
據說裡面藏了最神秘的維基解密中所有的機密文件都存放在此
不知道有沒有外星人的資料呢？
辦公室是在我們生命中度過最長時間的地方，如果可以在這些辦公室上班
那很多人願意加班哦～
好了，今天的影片就到這裡，如果喜歡就按讚和分享出去
也記得訂閱我的頻道，我是狐狸尾巴
我們下個十大影片見咯～
再見
狐狸尾巴頻道介紹：
各位大家好，我是狐狸尾巴，頻道以十大影片為主，為大家探索世界上千奇古怪的事件和東西，我會每逢星期一和星期五定期上傳影片，希望大家會喜歡和訂閱我的頻道。
我是狐狸尾巴，我們下個影片見！