久不久會有人向小弟求助，懷疑自己或身邊朋友患上 PTSD 等情緒病、精神病，需要轉介可靠、可信任嘅專業義診。

佢哋有時可能只係搭車經過某地方，就會感到呼吸困難、標冷汗，有人甚至會自動從腦海中完全刪除某時某地嘅記憶。

「佔領立法會」、「理大圍城」以及其他事件，差佬仍在調查及追捕相關人士，甚至有相關案件已在法庭排期審訊。

小弟「掹車邊」係「理大圍城」事件被捕人士，沒有亦不會觀看此紀錄片。

希望所有人，懂得在適當時候，做適當的事。

之前已唔止一次咁表達過，我對所謂「本土電影」近乎露骨嘅反感：本土個賣點從來應該只係拍出一啲外國電影睇唔倒嘅內容，而唔係作為「個個去哂睇西片」而賣小強嘅藉口：更加唔會因為一套電影嘅所謂本土元素重唔重，而影響一套戲好唔好睇。

點解我好不齒於《十年》一堆咁粗糙嘅作品竟然可以攞倒香港金像獎最佳電影、《逆流大叔》明明作為電影有大量缺憾竟然被人捧到上天，就係因為「本土」兩個字係完全扭曲咗作為電影嘅評鑑標準。所以當坊間有好多人都猛烈吹捧《幻愛》之時，本身我係非常抗拒入場的；奈何武肺之下幾乎無戲可揀，《天能》又要去到9月10日先有得睇，唯有冒險試下啦。

點知係出乎意料地好睇喎。下面感想有劇透，唔想知到結局唔好睇最後一段。

先從缺點開始講起。同《一念無明》一樣，《幻愛》都係以精神病作為成套戲嘅主題，所以令我難免會將兩者作比較。如果單純講製作水平，個人覺得《一念無明》始終高出一線：唔單止劏房佈局係好有心思，《一念無明》教會講余文樂前妻信教上身果幕亦係表達得非常自然。

相反《幻愛》類似一幕場景，最初講思覺失調病人圍埋分享，然後阿玲中途闖入一幕，就拍得好舞台劇Feel：正常你傾傾下計中途有個識得嘅人撞咗入黎，點會突然全場靜哂、個個定哂格咁望住條友架？點都係竊竊私語、各自有唔同反應架啦。另外曾志偉同余文樂呢對組合，演技亦明顯係比劉俊謙蔡思韵高出一班：劉俊謙似乎有啲覺得保持「發呆狀態」就等如演緊一個精神病人，結果覺得就係非常刻意，余文樂響正常同發病之間嘅演繹轉換上面，就明顯做倒收放自如。

不過《幻愛》嘅問題並無損佢嘅可觀性，因為個故仔實在寫得有趣，而且真正將果種本土味融入電影之中。我見倒羅永聰大讚電影入面拍得屯門好靚、好有本土氣息，其實我偏偏就係最怕呢啲嘢：而家就係人人覺得拎住個Cam拍下街景就叫本土，搞到呢兩個字勁廉價。真正嘅本土，應該係拍得出我地日常生活成日觸碰倒嘅嘢。

例如蔡思韵飾演嘅葉嵐，為咗利益不惜出賣色相換取各種好處，放出Signal收兵之餘，又會突然間反面不認人，呢種女仔你點都可能遇上幾個。入面有一幕講佢勾引教授換取RA工作，老實講作為一個教授收入唔低，直接拎筆錢包養佢又有幾難？但同教授維持良好關係可以帶來唔少好處（例如收風、建立人脈）、同埋可以說服自己其實都仲係靠自己勞力換取收入而唔係直接做雞，保持最低限度嘅尊嚴，呢種勢利現實嘅考慮，正正就係香港人嘅特徵。

頭先講到演技無特別批評蔡思韵，點解呢？佢做嘅「心理輔導員」的確係幾矯揉造作，呢個可能真係演技青澀嘅問題；但咁啱得咁橋嘅卻係，我平時因工作關係遇到唔少嘅「心理輔導員」、甚至同輔導相關嘅教授，有唔少都係呢副假樣，所以出奇地同現實吻合。不過要覺得佢同劉俊謙演技發揮最出色果幾幕，當然就係作為情侶交流果幾場戲，完全係表達倒情侶果種甜蜜感覺，後面先知原來佢地響現實真係情侶，咁就唔怪之得啦。

覺得《幻愛》好睇，係因為好多地方都講得好中。好多人成日以為大學學術界班人講幾句英文、開口埋口掛幾個學術名詞就好撚巴閉，其實呢班友同普通人一樣，都會唯利是圖、以權謀取各種好處、死跟規條而唔係真心為咗幫人。唯一超現實嘅地方，就係鮑起靜飾演大學教授實在太Over，其實作為一個輔導相關嘅教授係唔會好似成個鄧碧雲咁架，況且唔係睇化哂個世界，城府深藏喜怒不形於色，點可能響學術權鬥之中屹立不倒呀？潘燦良做果個人渣教授就比較貼近現實勒！

有人話《幻愛》劇情去得太快，兩人戀情唔夠說服力，但既然蔡思韵本身對於愛情感覺都係來得快去得快，所以突然同劉俊謙成為情侶亦唔出奇。不過另一個我唔鍾意嘅Setting就係講女主角蔡思為鍾意咗劉俊謙而變番純愛少女──雖然咁係最切合大眾口味嘅童話式設定，問題現實世界卻係江山易改本性難移，無乜可能因為一段感情就可以扭轉哂一個人根深蒂固幾十年嘅愛情觀……

但始終《幻愛》個主體係精神病嘅愛情，而呢一點係寫得最到肉嘅地方。好多人有個誤解係，同有情緒病／精神病嘅人相處、拍拖，最重要係付出無比耐性同愛，但現實卻係，無論係付出幾多都好，一樣可以等同於倒入大海，無影無蹤。個問題唔單止在愛情付出唔一定有所回報，更加係因為情緒病／精神病患者有時根本唔能夠用理性角度同你溝通，所以男女主角響圖書館嘅一幕寫得真係好：

女主角話：「你知道我係鍾意你，而你又係鍾意我架，係咪？」

然後只換黎男主角不可理喻一句：「你唔好呃自己啦，我地以後唔會再見」

愛情唔理性，但響精神病／情緒病嘅陰影之下更係極端唔理性。

最後我係非常意外，有觀眾竟然會走去問究竟個結局係真定假：我先唔好講個導演其實係想詮釋，但如果個結局係真，我會感到極端失望。因為成套電影係由女主角出於自私拯救男主角嘅病作開端，最後卻因為無私犧牲得唔倒回報而崩潰，結果連自己都成為患者之一──再無結局寫得比呢個Setting更完美了，唔撚通套套戲都要睇tvb式跳起Yeah你先接受得到咩。

基本上全片我會比7.5分，甚至比《一念無明》7分更高，原因有1分就係比咗個結局。

最近被問到
怎麼看繁華VS冷清
.
凡夫俗子如我
只能憑活過走過的真實感覺
去解讀這一題
繁榮鬧市我欣賞過
那時所想所講都如自由的風
人與人之間沒太多顧慮禁忌
社會上凝聚着不同的力量與聲音
大家不愁衣食不怕沒有機會
忙碌得負能量三個字
從來不是熱搜關鍵字
如今孤清落寞的景象
其實都只是因為我們都病了
憂鬱症又好燥郁症也罷
支柱崩壞了靠山倒塌了
一群又一群的迷途羔羊
從不安到惶恐
從焦慮到麻木
每一隻都得了情緒病精神病
我站在中央環顧四周
看到身邊不是戴着口罩
就是變了啞巴
反正尚有呼吸便是活着阿
.
其實
我們都一樣矛盾死了吧
覺得一切好荒謬
可是沒有最荒謬只有更荒謬
然而在對所有荒謬事早己見怪不怪後
每當看到燈火欄柵處
內心還是不免
被觸動
眼淚掉得亂七八糟吧
.
深愛過
就明白

CHAT TIME | 你問我答 | 我們的少女時代？情緒病？焦慮症？| 兩個完全不同的天秤座⚖️ | Kylah Chan


Thanks Rachel for shooting this with me!

Facebook: Rachel Wai
Instagram: @rachelwtc
YouTube: Rachel Wai


This is not a sponsored video. Enjoy!

-------------------------------------------------

Kylah Chan

Makeup Artist | Blogger
-
Facebook: Kylah Chan Makeup and Art
https://goo.gl/dr69fe

Instagram: kylahchan
https://goo.gl/GiBoU2

-
For job contact:
kylahchananlam@gmail.com
+852 97500286

「朱古力起初帶苦味，食起來慢慢變甘，我覺得好似一個盼望，睇到出路。」於是，這名八十後女生就告訴別人她自己叫「朱古力」。

自小患有弱聽的朱古力非常自卑，認為自己不夠別人好，再加上讀書壓力，令情緒漸漸變得波動：「因為我讀高級文憑，需要追GPA去上大學，一直都追得好辛苦，好想喊同逃避。」

耳邊傳來聲音　曾現自殺念頭

突然有一天，朱古力留意到耳邊開始傳來幾把聲音，困擾著她的生活，她把那些聲音稱作「喇叭」：「『喇叭』會講一啲貶低我嘅負面說話，話我無用，不值得被愛。」朱古力覺得很煩擾、很嘈吵，情緒開始不受控制。

「最壞嘅情況，係我控制唔到唔去傷害自己。」朱古力後來意識到，負面念頭的出現原來已經是一種警號，在朋友的鼓勵下她勇敢求醫。

學習接納自己　與人分享過去經歷

見精神科醫生、社工、輔導員，以及食藥，甚至住院都試過後，朱古力慢慢找到最適合自己的處理方式：選擇去接納「喇叭」，更要接納不完美的自己。

「與其標籤自己，倒不如去認識自己多啲，接受『喇叭』同情緒困擾就係我嘅一部分，與自己並存也未嘗不可。」

任何人都會有情緒低落的時候，於是朱古力在兩年前成為「說書人」，在網上和活動中向大眾分享自己的故事，推廣精神健康。

「我好想話畀人聽，我可能要帶住『喇叭』一世，或者其他人要帶住其他唔完美嘅嘢，但要學習呢個就係原原本本嘅自己。」

今集《港。故》由一個過來人講自己如何走出抑鬱，請花約5分鐘收看，可能會令你明白到，精神病並不如你所想般可怕。

-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb

《我只想身體健康》

每星期邀請不同的嘉賓及專家，分享各種都市病的資訊及健康貼士。

今集《我只想身體健康》，請嚟一位情緒病過來人Julian，佢初初有自殺傾向，接受情緒輔導之後好快就有明顯好轉，仲創立咗個人嘅插畫品牌，重新建立新生活。只要懂得求助，情緒病並不可怕。

第7集
主持：陳杰屏
嘉賓：香港心理健康協會創辦人 - 蔡穎妍小姐
個案方享 - Julian