【到底《#浪跡天地》可以有幾好睇 ？】 #到底可以有幾好睇系列

#長文慎入

當《浪跡天地》已經推到係年度神作，拎硬最佳電影、最佳導演時，真心個人就覺得有少少誇張，套戲係好睇，又未好到去「最佳」果隻，反而係睇共鳴嘅戲，我自己就好鍾意。

或者呢段短評我想有少少唔同方式咁寫，分享自己經歷。

《浪跡天地》喺歐美可以爆好評唔出奇，相信好多人都經歷過／經歷緊，但對悲到震嘅亞洲人嚟講，大家唔會覺得有咩共鳴，尤其悲到極點嘅香港人，在場反應有人覺得搵戲嚟做、到底有冇可能發生，就算覺得好睇，都會話趙婷為咗美國市場刻意咁拍法，更有人話套戲好左膠。

大家井底之蛙，請唔好覺得世界冇可能咁發生。

事實上，我開 有故事的旅人 （澳洲首都不是悉尼） 呢個Page，「有故事的旅人」唔單止係指我，都係指我喺旅途上遇到嘅有故事的旅人，而喺呢啲人入面，最有故事嘅人，往往都係呢班「Nomad」，都係我想講佢哋嘅故事。

無論你喺Hostel喺Campsite喺Caravan park，總會遇到好多呢啲無所事事嘅人，喺香港人眼中，佢哋都係廢青／廢中／廢老，最初我都以為佢哋係咁「廢」，甚至都傳統香港人上身，對佢哋好抗拒，總覺得佢哋唔知想點。當然，當中係有唔少真係無所事事、撩事鬥非，好多都心地善良，就好似戲入面班Nomad咁。我喺Caravan Park就曾經遇到一個好似女主角咁，朝朝煮咖啡俾我飲嘅伯伯，初時我都覺得佢唔知想點，但其實佢冇唔知想點，係純粹想開心Share、骨子裡都係個好友善嘅鄰居，都喺我最孤獨最寂寞嘅時候，陪伴我度過唔少日子。

喺戲入面，女主角長期過住Nomad生活，我遇過好多人，都同樣長期過住咁樣生活，但一定活得比你同我滿足。喺香港，你CV gap一個月已經俾人話你不務正業、gap三個月基本上已經冇乜公司理你、gap足一年，係死罪，你從此玩完。我喺澳洲酒店工作時，帶我果個嬸嬸今年六十幾歲，由二十幾歲開始，從未有過一份正式嘅工、一個穩定嘅家，佢同佢老公就係揸住架露營車，喺澳洲同紐西蘭四圍咁搵嘢做，從冇停過落嚟。對於香港人嚟講，或者會好Proud of自己一畢業就同一間公司做足十年嘢，但對佢哋嚟講，居無定所生活先至俾佢見識到世界。果時每一日同佢拍檔，都可以聽到好多好得意故事、唔同生活小智慧，可能收入唔多，就活得好滿足好快樂。喺香港人眼中，呢班人「廢」足一世，但佢哋所得到嘅快樂，「成功人士」一生都得唔到。

戲入面可能美化咗少少呢種Nomad生活（冇講好L多蚊、落大雨你就仆街、「冬涼夏暖」等等），但有時諗返我經歷過呢種生活，識到咁多呢啲人，正正係「唔知做乜」，先至係最難忘。一班人圍住火爐吹水、夜晚用有限資源整餐嘢食，望住抬頭滿天星放空、成班人邊度有工就去邊度、冇工就喺Caravan Park等工，你果陣諗落覺得好無聊，依家諗返不知幾回味。

既然叫得Nomad（佢哋都係叫自己Nomad，唔係套戲作出嚟），就註定係緣來緣去，今日唔知聽日事。我好鍾意套戲不斷重申，大家唔會講再見，只會講「See you down the road」成日都話，笑著面對別離，係我哋窮一生要學會，而又學唔識嘅事。我哋深知轉身一別可能就係永別，但我哋總會深信有朝一日，喺世界某個角落再度重遇。其後，你可能真係會喺世界某個角落重聚，往往喺你無家可歸果陣，幫到你一把。

喺資本主義社會入面，正常人會同你講，年青要努力打工、要儲錢，老咗有積蓄就自自然然可以環遊世界，咪傻啦，就好似女主角突然爆咗咁，叫你買樓然後欠下一生都還唔到嘅債，為乜？戲入面女主角遇到一個Nomad鄰居，自知大限將至，辛辛苦苦一生都從冇見識過呢個世界，結果咁就一世，遇上絕症。套戲去到呢個moment，冇任何煽情畫面，就係一段獨白，講佢路上遇到嘅美好事物，好多好細微嘅事已經一生難忘。

正好似《靈魂奇遇記》果幕人生美好小事物咁，只有對白同簡單對白，你腦海畫面已經逐格流動，眼淚係咁流落嚟。喺傳統香港人眼中，可能我係一個廢到無倫嘅垃圾，已經唔會再有咩前途可言，但我曾經有過呢啲咁美好嘅生活、咁難忘嘅回憶，其實都已經好好喇。疫情加埋社運後，大概我哋都深知世事無常，世界唔會有咩係永恆，不如好好活在當下。一個唔好彩有咩事，至少你都擁有呢啲回憶。當你曾經長期經歷過呢種生活，自然知道點樣好好珍惜大自然每個Magical moment，你嘅人生唔應該係喺公司電腦面前打打打就一世，而係應該有咁嘅記憶，而呢套戲最呈現到嘅係，解釋到香港人最悲哀嘅思維：你成日周圍去，一定好有錢啦。其實，可以用得比你更少錢，甚至，根本冇錢。

的確，你可以話套戲毫無內容可言，但我會覺得係「睇共鳴」嘅戲，而套戲都拍得出果種好貼地嘅寫實感，經歷過、有共鳴，堅係會感動到毛骨悚然，咩回憶都返曬嚟。點樣面對生命無常、點樣排解一個人嘅寂寞、點樣運用自己生活智慧等等... 將呢班人故事寫得咁平實，而唔係求其搵個人故事拍成一套長片，或者正正係套戲想呈現，一班人交雜嘅眾生相。我哋唔會知道對方好仔細背景、一生人嘅故事，就係喺果一刻燃亮到嘅火花，先至係最值得講嘅故事。

相信，趙婷唔係自己親身經歷過，就係做咗好詳盡資料搜集，唔係好難拍到咁細膩嘅戲出嚟。

真心，戴頭盔先，《浪跡天地》唔係人人接受到，亦講真未必好到去「最佳電影」級數，但我好鍾意。

Dedicated to the ones who had to depart, see you down the road.

多謝趙婷，將大家嘅故事拍出嚟，仲要拍得出果種感覺。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【開埋MeWe喇，但我兩邊都會update嘅｜Digital marketer有感而發篇】

如常我又長篇大論想分享少少。

呢半個月大家係咁叫我開，但講真我唔係唔想開，都唔係唔想課金－－MeWe一開波就要碌你US$1.99，純粹係不斷咁轉來轉去呢，有時都真係會累嘅。講真，我將舊Sina文章搬返曬落依家Wordpress度，用咗幾鬼多時間，都係冇一年前嘅事，依家又嚟？

世界冇嘢係永恆，你睇Twitter由難得清泉秒速變成過街老鼠就知道。MeWe點解可以冇廣告呢，因為佢收咗我哋Page owner錢，同埋即使你個人account都有容量限制，得果8GB（仲要連埋Page），之後，你都係要俾錢。但係，如果俾完錢之後又淪為Facebook咁shit嘅服務，咁就俾嚟都多鬼餘。

當然啦，我喺Facebook落一日廣告都唔止US$1.99，呢筆錢又係抵俾嘅，如果佢真係做到服務承諾的話。

喺轉場（或者講加新場）前都想講少少感想。坦白講，我唔係擦鞋，但冇Facebook，真係冇今日嘅我。由Facebook仲未「壓Reach」前，輕輕鬆鬆靠大家Organic reach谷到我有今日嘅人流，果時百花齊放，都好易識到其他同行，冇Facebook單靠Blog，我諗都冇今日嘅人氣，而隨後嘅賣書、搞活動、接Job、包場等等，都全靠有Facebook先推到有咁樣人次，呢一點，係呢幾年不可分割一部份。

正正因為Facebook run page run到都叫做有啲成績，我可以落埋Portfolio，正職事業都可以轉行做埋Digital marketing，甚至近年（疫情前）有做埋少少Consultant工作，教人點喺Facebook落廣告、點樣run page，漸漸成為咗我收入主要，甚至唯一來源。雖然搵得唔係多，但最少喺香港地，唔係單靠「文妓」生活；冇Facebook，單寫字我六七年前已經要乞食，喺香港的話。

不過咁，我近呢一兩年都開始懷疑人生，甚至係有少少厭惡，點解我要幫Facebook打工、跟Facebook（仲有Google）搵食？點解我要跟住Facebook玩法去砌個post、點解我乜叉嘢都要正方形、點解我要諗無聊嘢去呃like令人睇到、點解我要俾錢你先令我啲嘢有人睇到，甚至俾完錢都睇唔到？當我返正職、接Freelance job，總會有老細覺得，喂點解我俾咗錢先升得冇十個like，係咪你冇料到？其實唔係我冇料到，因為阿老細同阿客Budget一日得十蚊。我因為Facebook有工開，同時都因為Facebook搞到我冇工開，理由都係嚟不開呢啲原因。佢覺得你冇料，其實係Facebook「唔覺意加價」。

以前有一個老細，好大想頭，諗住要打低Facebook同Google，自己用一個平台去落廣告，Facebook都或者可以甩到，Google你肯定可以？冇咗Gmail、Google Drive同Google map－－係，我明有好多其他嘢代替，但係世界最主流嘅嘢，你一個人唔用而全世界都用緊時，你又撐到幾耐？最終，老細呢個咁崇高想法都作罷，繼續用返Facebook同Google。

呢兩星期都有同行家、舊同事討論呢個問題，我哋本身已經失緊業，如果MeWe真係起到、聲稱100% post都睇到，我哋係咪真正變成永久失業？從而，都衍生另一個問題，當我哋習慣咗「落ad」，而MeWe聲稱冇得俾你落廣告時，作為Digital marketer，又要花幾多倍心力去諗Engaging post、吸引人share去增加engagement？我哋都覺得，冇咗「落ad」呢件事，終會變成另一個問題，相信好快會浮面。

曾幾何時，我哋都好努力去增Like，Facebook, IG都好，但落幾多錢廣告，到頭來一次搬家，一切都變得再無意義。

雖然俾咗錢MeWe，但我叫做做咗呢行咁多年，見識到網上世界咁多仆街陰質嘢，我又唔信MeWe唔會唔拎你資料、最後唔諗辦法掠你水，反而重點係Facebook Page寫完冇人睇到，又實在太多人退場，更驚唔知邊日突然收咗皮－－如我早幾日所講，同大家聯絡斷曬，就當個後備啦。

暫時我會兩邊都Post、獨家分析文章如常會放Patreon，而暫時冇乜旅遊嘢，我會將呢度同 有故事的旅人 （澳洲首都不是悉尼） 嘅文合拼，睇吓未來用順咗或者有返旅行去，先拆唔拆啦。

到底未來一年，Social media同Digital Marketing會唔會有翻天覆地變化，定還是一陣熱潮，講完就算－－你睇當日Telegram最終有幾多人轉到，拭目以待。

廢話講完，大家有MeWe就Follow啦：https://mewe.com/p/travelerwithmovie

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

真心冇諗過，有朝一日竟然 有故事的旅人 （澳洲首都不是悉尼） 竟然仲多嘢寫過呢邊，冇戲睇變咗幾乎日日去行山；冇旅行去原來香港都有好多靚景，喺冇戲post嘅日子，轉載部份行山文啦。

呢條由石壁水塘行去大澳嘅路，相連鳳凰徑同分流分遊徑，雖然長就係長，但唔算特別難行，都係我呢段行山日子裡面，最靚最鍾意路段之一，呢個weekend如果好天的話，不妨去打個round！

👇🏻第7屆晞。觀影記事讀者電影投選仲未投票嘅你，快啲去投啦！👇🏻
🏆投票傳送門在此：http://bit.ly/392BwQ2

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

*内有字幕！
SYDNEY悉尼/雪梨一定要做的5樣事情! | 【CINEMATIC VLOG】5 BEST THING TO DO IN SYDNEY TRIP EP2

這裏我就不多説了，還沒去SYDNEY？沒關係！我帶你！走~

KKDAY Sydney Attraction 入門票鏈接：

1. 【雪梨經典】藍山國家公園、景觀世界纜車、Featherdale 野生動物園一日遊

Blue Mountain Day Tour: Scenic World and The Three Sisters

https://www.kkday.com/en/product/8163?cid=9094



2. 【保證目睹】季節限定雪梨賞鯨遊船（環形碼頭、情人港碼頭出發）

Sydney Harbour Whale Watching Cruise (Depart from Darling Harbour Aquarium Wharf / Circular Quay )

https://www.kkday.com/en/product/6632?cid=9094



3. 【雪梨景點套票】雪梨塔＋雪梨水族館＋雪梨杜莎夫人蠟像館＋雪梨野生動物世界門票

Sydney Wild Life Zoo, Madame Tussauds, Sea Life Sydney Aquarium, and Sydney Tower Eye Tickets

https://www.kkday.com/en/product/19102?cid=9094



*Apply【SINYEE5】during check out on KKday to discount RM 5 for anything, the promo code can be repeat use!

*用【SINYEE5】購買可享有RM5的折扣，不限次數哦!



----------------------------------------------------------------------------------



►更多Sinyee搞麼嘢：

➪ Facebook : http://bit.ly/3229DTG

➪ Instagram：http://bit.ly/35j3Zib

➪ 合作邀約：sinyeewonderland@gmail.com



喜歡健談，可以給個讚，
比喜歡更喜歡，可以按分享，
超級無敵喜歡健談，可以告訴親朋好友！

每周都会更新视频，新来的朋友們记得点訂閲關注唄!

BGM
Song: Jarico - Landscape (Vlog No Copyright Music)
Music promoted by Vlog No Copyright Music.

Video Link: https://youtu.be/EwRdKJURDHw

♥關於 Jen is Jen♥ About Me♥
Just a Taiwanese girl working her way through highschool in Sydney. I’m not that kind of person to write on pen and paper so Youtube will become my Diary :).

You’ll see me eat, have fun, travel, taste-test and much more :)

我是Jen！來自台灣，住在悉尼 我的YouTube會紀錄我的日常看我探索生活，大吃大喝吧
歡迎訂閱我，陪我一起吃喝玩樂到處去玩。

日常分享。開箱。美食。美妝。旅行。網美探店

♥聯絡♥ Contact Me
・E-mail: jennilife886@gmail.com
・Instagram：jenni_life886
https://www.instagram.com/jenni_life886/
・ 看我吃美食: @jenni_eat886
https://www.instagram.com/jenni_eat886/


Music

https://www.luxing.im/m/song?id=504264248

#開箱 #試吃 #美食 #悉尼 #網美 #vlog #探店 #大胃王

上集就去完 #悉尼 玩，但去得澳洲又點少得 #墨爾本 呢？ 今集 #澳洲FunUp兩分鐘 帶你去玩盡 #墨爾本！

?食：South Melbourne Market有眾多美食?，包括澳洲最正嘅生蠔！食完仲可以去天台吧Naked to Satan飲酒?！
?玩：Brighton Beach彩虹小屋?、蒸氣火車Puffing Billy?、南半球最大摩天輪Melbourne Star?，一片全睇！
?買：去南半球最大購物中心Chadstone瘋狂shopping！?️?️?️

❤️?片入面仲有啲 #慳錢貼士，咁就可以慳住遊啦！即 #Tag朋友一齊睇啦！?❤️

節目重溫：
第一集：https://youtu.be/KkQjZIlgMr8
第二集：https://youtu.be/DudS5KRElZ8
第三集：https://youtu.be/GJkiDTlxCgg
第四集：https://youtu.be/qny1OMrOGbM

#又飛啦TV