2020，時窮節乃現。
2021，係一個更加大嘅考驗。

Reflection呢啲嘢唔係寫俾人睇，係寫比自己睇，幫自己做一個思想記錄。

我唔係一個鍾意寫回顧的人，曾經以為自己覺悟大家到唔需要同人交代人生，不過2020年實在太特別，要破例講。蘋果講過幾句，而家講長少少

整體來講，這10年我的人生過得非常精彩，起跌無常，亦有好多古怪嘅經歷，識埋好多古怪嘅人。以我這樣普通出生的階層是不應有這樣的認知圖像和人生軌跡，不過Anyway，我實在太幸運了......假如30歲前不幸急病埋單落地獄，也不枉，由進入大學，到畢業出來工作，冇一天白過。是的，我隨時可以去死，只要唔痛的話

我日常嘅工作係包括寫稿，玩社交媒體、炒股票、管下公司一啲行政瑣碎野、見人會客、睇吓自己啲項目、撩人傾偈、發下牛痘，睇吓書，總之就係個Slash。間中都會有啲突發情況，就以今日為例......

今朝我收到個電話。曾經我撮合了一個合作。本來以為自己做咗件好事，點知合作雙方有一啲不愉快嘅事件，最尾驚動到要搵社團人士，然後，我就要排難解紛。

本來個合作都幾好，佢哋都搵咗過千萬，明明贏錢應該開心，但係分贓永遠有拗撬，反面好簡單，商業世界就係咁脆弱。佢哋會搵我，證明我喺江湖上面都有少少信用，出嚟行都要講吓道義嘅，有時。

下晝冇食飯，同一個大型基金經理傾美國SPAC。

佢哋好有遠見，喺香港最早一批去美國搞SPAC借殼上市的團隊。唔使理係啲咩，唔重要，係一啲最新金融工具，佔咗美國IPO四成，不過香港金融機構比較濕鳩，啲商業機會流晒去美國。總之，我嘅下晝就咁過

中間搭車時間我就覆緊WhatsApp，搞下公司野，出下稿，睇吓社交媒體，落盤睇吓股票咁

今晚七點我一個讀撚book咗酒店staycation，叫room service食今日第一餐飯，然後開始處理今個學期碩士要做嘅paper。攰左成日，而家一個人係間房浸緊浴，寫緊呢篇野

呢一年我嘅人生大致就係咁，比起一年前更忙碌，更商業，趁個人體力應付得到，記憶力同學習能力未大幅下滑嘅時候，好貪心想成就一啲野，好貪心想學多一啲野

呢兩年如果你個人有良心有少少良知，好難過得快樂。擺脫心理壓力同精神抑鬱嘅最佳方法，就係令自己更加忙，更加沉醉喺金錢，用盡自己嘅體力心神。

同埋，我想做一個實驗，證明唔需要奶，唔需要放棄良心價值，人都可以活得好好，成就到一啲嘢出嚟

呢兩年我書讀得唔係咁好，冇乜心神去鑽研學問，因為亂世修行嘅得着，比起我神交古人得着更多。

以前我覺得意識形態係一啲政治立場嘅延伸，例如你係黃色，佢係藍色；你係民主，佢係極權；你支持自由市場，佢支持中央集權；你係左，佢係右

我覺得more than that，因為人嘅心理認知應該有重機制，會令到我哋自圓其說，自我肯定。意識形態嘅組成係有呢個部份。正如有啲人會覺得嗰班曱甴暴徒一定係人生失敗者，買唔到樓，上唔到位，所以先至反政府擲汽油彈。我唔同意，但係佢哋睇唔到另一啲原因，受制於自己嘅認知圖像。

又例如，會有啲人覺得個「政府好衰，咁你可以做啲咩啫，你只能夠服從」佢哋係認知到現實係出現咗一啲唔公平嘅狀況，例如721 ，但係佢哋選擇拒絕接受現實，嘗試搵個方法接受犬儒，認命，合理化自己。

我要繼續活得好，成就一啲野。除咗心態之外，亦係想證明唔需要放棄人生價值，放棄良知，依然生存到。嗱，當然唔會搵到大錢，好似我咁，做金融一定係要親建制先至可以搵到大錢，但係起碼我養得起自己，活得有尊嚴；開始有啲人會覺得，我係一個有趣、值得認識交朋友嘅人物，唔係路人甲。我未到30歲，睇住好多同輩朋友賴共暗共，做警察加入建制，但係暫時呢一刻，我諗我活得比好多奶共嘅90後更加精彩，更加有自尊，但又餓唔死

以前啲人成日話歷史係由勝利者書寫，時代改變了，檔案記錄方式係進步咗，有啲嘢係一世都唔會磨滅到。對錯嘅詮釋權不在於得勢的一方，亦都唔需要在乎勝利者點樣蓋棺定論我哋。我哋呢一刻做我自己，堅持信仰嘅價值，咁就ok了。

呢兩年我嘅名多咗喺媒體出現，對於作家嘅我來講，當然係好事。盧斯達嘅訪問將我寫得好好，文人馮睎乾、李怡文字提及過我，呢啲都值得攞嚟打飛機。

今年我俾人認知到嘅事大體有三樣，買壹傳媒嘅股票買到外國媒體都報道，丁葉劉，同埋玩Mewe玩到上國際傳媒

呢三樣嘢都有啲九唔搭八同我本身嘅專業毫不相干，不過既然人生咁有趣，做作家唔介意多啲人認識，嘻嘻

好多人將公開讚葉劉睇成娛樂效果，其實冇你諗到咁簡單，雖然童心未泯，但畢竟人成熟咗少少，做事會諗多幾步。港台同葉劉關係不特別好，葉劉下屬曾經公開叫人寄信批鬥利君雅，間接令到佢延長試用期。如果我當時唔咁做，港台分分鐘又中多一次核彈，雖然我成為笑話，但亦spin走一個潛在大危機。過程中，我了解自己更多，原來我都可以諗到呢一啲細節，有深謀遠慮，亦都懂得臨時應變

事業上都唔錯。今年股票回報幾好，正如大部份人嘅回報都非常之好，其中有一隻小基金贏咗超過一倍。我亦都想將而家自己嘅工作再規模化多啲，接近私募基金結構，而家努力當中。

自己曾經投資嘅業務都搵到融資窗口，我亦替佢哋高興。逆境下搵到錢，亦順利做到部份轉型，我自己退居了，減少參與管理

時窮節乃現，如果我好似周柏豪咁變節，分分鐘榮華富貴享之不盡。小確幸是好東西，唔需要追求太多物質慾望，好簡單越快樂就可以細水長流。正如我同我契女玩，老點佢搣爛本書，原來都係一件幾開心幾簡單嘅事。錢真係唔需要搵太多，追求卓越成就更加啱我而家呢種心境。最文藝嘅人我認識，政治人社會賢達我都認識，萬億身家嘅老闆係我讀者，咁又點？

有閑錢餘力，不如幫多啲身邊嘅人，我成立嘅自由人獎學金已經派咗30幾萬，下一年都會繼續幫有需要嘅中大同學仔。我係呢一世都唔會再相信任何慈善機構，時窮節乃現，上年香港出現人道危機嘅時候，佢哋袖手旁觀。經濟比較差，小弟有餘力已經盡量聘請大學同路part-time intern。做呢啲小恩小惠都改變唔到我係一個仆街冚家剷嘅本質，死咗我一定落地獄，唯有盡量令自己良心好過少少，做一個善良啲啲嘅仆街冚家剷。

我人際關係亦都好撲朔迷離，整體來講都算幾多朋友，大家唔會覺得認識我係一個包袱負累，多咗人用「渾水嘅朋友」來做自我介紹

鍾意我嘅人都幾鍾意我，憎我嘅人都幾憎我，有時都憎得幾無厘頭，例如恨屋及烏，即係我識某啲人，所以佢憎我啲朋友嘅時候都會憎埋我一份。呢啲真係唔講道理，好在都係佔少數。朋友太多，呢啲我處理唔到。始終係商業世界生存，我有少少世界仔，公害唔怕講，但係私事處理盡量世故，減少參與別人恩怨。教主黃毓民食飯都咁講我：「兆祺，你搵到錢，唔好咁小寶」唔關心人哋爭執嘅來龍去脈，係保存友誼嘅最佳方法，何況我咁Q忙，都有50幾人跟我搵食，自顧不暇。能力範圍做到，我會繼續對朋友好啲。

呢一年，我更加認識我自己，搵返我自己，同埋了解我自己。

下一年，想認真做多啲運動，同埋睇返多啲書，再讀多個學位，趁我40歲移民台灣之前，盡量將香港最好嘅東西學晒過嚟。事業上繼續平穩發展，慢慢諗多啲新計劃。成日都滿腹大計，但有時未必做到，我好高騖遠，有啲計劃淨係做到一半都已經唔錯，所以有時定計劃都不妨定得比較誇張啲

2021年一定比今年更加難過，要學習愛自己多啲，唔好介意中二病，多點欣賞自己，獎勵自己

寫咗咁多嘢，係時候學下蕭若元，賣下廣告。請支持訂閱，最近我不停改進我嘅產品，新加咗好多服務，多謝貨金。我睇唔明情感消費，我淨係識商業運作，做好自己嘅產品，就係對顧客最好嘅責任

對抗霸權，比自己一個更自由嘅選擇，立即加入Mewe一齊傾偈。

Muddy Water渾水財經Channel
https://mewe.com/p/%25E6%25B8%25BE%25E6%25B0%25B4%25E8%25B2%25A1%25E7%25B6%2593channel

渾水財經Channel x Fortune Insight 獨家眾籌出版《港斃。港完：國際金融中心崩壞史》率先網上預訂：https://muddywater.fortuneinsight.com/web/

你的支持，將會在香港金融史上烙下痕跡。

至於想知多點制裁對國際金融、香港個市的影響，可以訂閱我《金融經濟精神食糧》逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署和每日金融財經Podcast，幫你補補腦

https://prime.fortuneinsight.com/web/muddydirtywater

每日金融Podcast、深度金融文章、外聘國際關係專家文章內容、特選國際刊物分析、每月閲讀企劃、平民化A I大數據分析和自己人群組互動，盡在Patreon:

https://www.patreon.com/muddywaterfinance

係，我係幫左哥哥畫蘋果廣告既插圖。

原因好簡單，佢對我有不亞於父親既養育之恩。但當然我唔會盲目報恩。
「又打溫情牌呀？嘔唔嘔心？」。聽埋我講先。

今次真係Literally兄弟爬山。我既唔想同佢割蓆，亦都唔想包庇佢。我唔會無視佢喺呢件事上既不妥當。

當花生一出我先知佢呢單野。但作為細佬，我都係付出耐性，俾左個機會聽佢解釋（詳情睇佢個道歉post喇）。而我亦很真誠地向佢講出我對事件既睇法，佢既不妥之處，同埋佢可以改善既地方，而佢都有虛心地聽。（以我對佢性格既理解，佢肯虛心聽，我認為佢真係有反省。）

最後佢決定全數自己俾曬廣告錢、退錢俾學生、唔會署名自己學校或自己名，只係想我畫三隻野，辯識度唔會高。此前題下，佢問我可唔可以幫手畫幅野，我真係唔想托手踭。在公，係贊同佢金錢支持蘋果既行為（我同佢在政見及行動力上不見得完全相同），在私，我覺得呀哥既調整及反思，值得我俾一次機會。而且，我覺得，拒絕等同決裂，如果咁就兩兄弟鬧不和，加上一諗起佢以前生活上照顧過既我畫面，我會好撚睇唔起我自己。坦白講，如果唔係本身份親情，如果係隔離一個我唔識既日文學校校長咁樣，採佢都傻。係，我大細超。睇在親情份上，都係幫左佢畫。其實要我扮一個大家認唔到既畫風畫畫，好容易。但我都係用返最易認嗰隻畫法。我唔想閃閃縮縮。

一直以來，我地唔多打擾彼此既事業/創作發展，除非有難。
就好似（上年11月）佢經營有難嗰次，我幫過佢賣廣告。佢轉型做網上教學，我都有。
我當時（包括今日）既然幫得佢賣免費廣告，叫得大家愛屋及烏支持佢，我今日亦會欣然接受由佢嗰邊傳來的「恨屋及烏」。即使可能因為今次我又幫佢而被大家視為共犯，我依然唔想離棄佢。

不過呢。黃色經濟圈建基於自由經濟既概念，大家信任既話就繼續幫襯，唔信任既就唔使幫襯。當然消費者亦有自由講出消費既感受，無論好壞。

我知，愛屋及烏、打溫情牌、苦肉計係有Quota既。
我諗我今次係我開page以黎第四次打出既溫情牌。
整副啤牌得四張同樣既牌，希望仲係合理範圍內喇。

唉，佢係遲熟的技安。

By the way，我無連登account，我無俾過負皮。有account都唔會俾。

歡迎同我傾計。

正是如此，我可憐40歲人還要以靠網絡和製造敵人擦存在感。即使他冇證據誣蔑我，因為我的朋友「恨」屋及烏抹黑我，我也不多理會，我亦不認識他

今次他做騙子呃了廣大市民，訂口罩唔退貨唔退錢仲要公開客人資料報復，本來我也想繼續無視，只係佢對我死纏爛打，營造自己被迫害，事件已經去到公共層面。我覺得好可憐

大師傅教我，如果一個人不斷找人吵架，他的情況應該相當不好。所以世澤這些年來久不久就提我，我都包容他，我憐憫弱者。

今天繼續帶來「Ratchet & Clank Future」的實況囉:3
塔丘大帝把子午城攻陷後, 下個目標就是快閃星
Ratchet 得知後當然立即開飛船趕過去

‧「Ratchet & Clank - Tools Of Destruction」播放清單: https://www.youtube.com/playlist?list=PLBkpWP0CL2Qm2IdDNLn_iuUwTA0i-PElj

‧「Ratchet & Clank」播放清單: https://www.youtube.com/playlist?list=PLBkpWP0CL2QmX0yz0TspW1npLSzHMXl8a

‧「Ratchet & Clank 3」播放清單: https://www.youtube.com/playlist?list=PLBkpWP0CL2Qk2t4faMWA2qF8CobjuvAOX

如果你喜歡我們的影片
歡迎訂閱我們的頻道和留下你的評論
你們的建議很重要的哦~
感謝大家收看:3

==========================================

♥ 粉絲專頁: https://www.facebook.com/rpgstudiohk
♥ Twitter: https://twitter.com/rpgstudiohk

==========================================

喜歡這遊戲的朋友可以到下列網址瀏覽:
https://www.playstation.com/en-us/games/ratchet-and-clank-future-tools-of-destruction-ps3/



© 2015 Insomniac Games, Inc.
http://www.insomniacgames.com/