寫得好清楚

「健康碼」仲恐怖過《國安法》！
「健康碼」仲恐怖過《國安法》！
「健康碼」仲恐怖過《國安法》！

為左令大家迅速明白事態嚴重，必須重複三次。《國安法》最多只係極權打壓人民自由的法律工具，但「健康碼」係直接令你失去所有自由、私隱，從此依個社會上所有人都要活在科技極權監控之中。

《人類大歷史》作者 Yuval Noah Harari 講過，50 年前全球最高效率的情報機關前蘇聯「國家安全委員會」，其情報網絡再強大，亦無法每天追蹤全國 2.4 億人民，亦無可能有效處理收集到的所有信息，但現在有了無處不在的監控碼和強大的 AI 演算法，當年前蘇聯做唔到的極權願望而家已經可以簡單實現。

「健康碼」就係依個工具的先鋒。

▍無健康碼就無法出入商場、食肆，搭車，等同坐監禁足

我地而家討論既「健康碼」，早在今年 3 月中國杭州就率先推行，然後好快就係全國實施。

「健康碼」會收集你的名字、地址、身份證號碼、聯繫電話和最近出入的詳細資訊，然後生成「綠、黃、紅」三種顏色的二維碼。綠色代表不受限制活動，黃色需要在家隔離 7 天、紅色強制隔離 14 日。

係中國，如果你唔展示健康碼，就唔可以進入主要公共地方、無得搭任何公共交通工具，唔可以復工，等同失去幾乎所有日常活動。

依樣野係香港都會實現，建制派議員林健鋒就提到「主要公共地方、商場、食肆配合用港康碼，只要佩戴港康碼就可以出入這些地方，若沒有佩戴就請盡快申請。」換言之，你無健康碼，就無法出入商場、食肆，甚至搭車都唔得。極度恐怖。

▍「被不健康」的記者：「活在數據煉獄之中」

千其唔好以為健康就真係無事。外媒 WIRED 、Financial times 、紐約時報皆有報道，有中國人係 100% 健康，但健康碼顯示黃色，甚至紅色，於是被長期強制隔離，叫天不應叫地不聞。

最慘係健康碼的規則不透明不公開，當事人完全唔知自己點解係「紅色」，亦唔知自己點樣可以轉返「綠色」，投訴無門，長期被禁足，極為無助。

香港端傳媒就有報道，身在湖北的一名市民被困在家中一個月，因為健康碼一直顯示紅色，「好不容易…紅碼變黃了，睡了一覺醒來發現又紅了」，於是佢申請覆核信息，社區中心卻回覆：「我們也沒有任何辦法，你只能繼續打卡，等它自己變綠」。

你永遠無法知道「健康碼」點定義所謂「健康」。你問政府，政府可能會同你講係用 AI 大數據分析「詳情唔清楚、會改進」，或者話「絕對可信，但細節不便透露」。就算政府真係肯透露部分內容，有無潛規則都唔知。

Financial times 就報道有記者的健康碼無故變「黃色」，於是長期離開唔到旅館房間做唔到訪問；就算做左病毒測試和 14 天檢疫證明肯定係健康，但都係被要求係屋企隔離。被「囚禁」記者形容為「活在數據煉獄之中」。

▍中國被踢爆「健康碼」與警方系統連接

即使「健康碼」真係對防疫有效，民主自由社會都相當抗拒，因為依種操作係會完全顛覆整個城市的生活秩序，等同將自己社會與極權劃上等號。

今日政府話會保障私隱，但無人知最後自己的個人數據會比左邊個。紐時就報道，中國被爆踢有用戶的個人數據被連接去警察部門，只要當事人一用「健康碼」，其位置、個人資料、過去出入紀錄就會送去警方的伺服器，而應用程式係從來無向用戶提過依件事。

換言之，你有無幫襯過黃店、你生活習慣係點、平時去開邊度，同咩人傾計食飯、你有幾多朋友，任何個人社交活動都可以通過數據分析得出答案。而依啲數據遲啲係警方可以掌握到。

另外好多人無注意到執行上，其實係一定會同城管、警察配合先可能更有效執行。譬如你被發現係「紅色」，就會被「執法者」拒絕入商場，嚴重的甚至押解返屋企或拘捕。所以，執法者遲早都會被「合法地」派上用場，到時林鄭就會開記招大義懍然「笑住」咁同大家講：「為左防疫咁係必須。」假如有日將你的個人數據上繳中央，林鄭亦可以「笑住」講成係：「國家的數據分析更為有效，有賴於國家協助先可以有效實現健康碼防疫，大家應該感謝國家。」

▍健康碼本意用作取代舊信用系統，監控系統更嚴密

全世界都擔心疫情下公權力擴大的「例外狀態」，會係疫情後變成「日常秩序」。五十年前極權政府想做但做唔到的大監控，今日完全做到。到時你想出境離開香港都可以因為唔係「綠色」而被拒出境。

人權觀察組織(Human Rights Watch) 的中國研究員就提到：「冠狀病毒爆發將會成為中國開展大規模監控的歷史里程碑。」（提外話，人權觀察組織執行長早兩日被中國「反制美國」制裁）

中國過去一直執行的信用系統，係疫情下做唔到嚴密監控，所以被批評為「有漏網之魚」。今次發展出黎既健康碼，正正係為左監控更嚴密而設計。換言之，其監控的嚴密程度（=侵犯私隱的程度）比舊有信用系統更強大。

▍坐監唔需要再係牢獄之中，你自己屋企就係監獄

今日收集你健康信息、出入紀錄、個人資料。他日收集你生物數據 (DNA、指紋、人臉、聲紋等，中國已做緊)、網上對話內容等更多重要私隱，絕對唔係天荒夜譚。有左健康碼，以後坐監唔需要再係牢獄之中，你自己屋企就係監獄，仲要審都唔駛審。

「想出門？唔得，顯示紅色！」
「想搭車？唔得，顯示紅色！」
「想入店鋪買野？唔得，顯示紅色！」

比起「健康碼」，《國安法》簡直濕濕碎。

【可以點抵抗？】詳情請看：https://bit.ly/3kMR0wE

#健康碼 #被不健康
#信用系統 #真極權
@書生百用 @書生百用2.0
==============
【經營困難，和手足一起贊助書生100蚊】
銀行戶口：783-279938-668，香港恆生銀行， PangChit
PayMe : D232548655/ QRCode: https://goo.gl/jMm6pw
PayPal：paypal.me/bacchuspang
轉數快ID: 4225793

一日連執兩間網上旅行社（Wefly + GoGoGo），導致大批苦主不知所措。

感謝友台 Flyday.hk 低成本旅遊情報網 火速列出下一步行動方法，大家可以睇睇：

----------最新消息
民主黨接獲最少85位市民關於一間旅行社機票退款的投訴，總金額超過68萬。明天苦主們及跟多位進個案的議員講述事件及行動。

日期﹕2020年3月23日(星期一)
時間﹕15:00
地點﹕九龍長沙灣道932號興迅廣場地下對出行人路 (旅行社辦公室樓下)
傳媒聯絡﹕
消委會委員、深水埗區議員 袁海文

苦主登記表：https://docs.google.com/forms/d/e/1FAIpQLSft-kKTqkxwp3P6_v8iMUe-m8EZttjVO_W_5rKLv6nINng6Ow/viewform

---------------銀行charge back
具體追討方法：
首先可以嘗試打去銀行做charge back 查單先

香港金融管理局 - 信用卡退款保障
https://www.hkma.gov.hk/chi/news-and-media/insight/2017/06/20170619/

聯交所清盤資料：
https://www1.hkexnews.hk/listedco/listconews/sehk/2020/0320/2020032001583_c.pdf

Chargeback 相關新聞：
消委會稱信用卡退款機制不一-加州健身結業-僅1人成功獲退款
https://www.hk01.com/社會新聞/89750/消委會稱信用卡退款機制不一-加州健身結業-僅1人成功獲退款

根據其他人既報料，銀行既追索期如下，資料未必正確，實際上請直接打返去搵銀行。

銀行charge back 追索期
恆生 60 日
DBS 540日
東亞 120日
HSBC 60日
Citibank 90日
渣打 60日

大致流程：打去card center 同佢講個情況 佢會將你轉比查單部 隔三至四天工作天就會有人同你開file 比個file number你，你就要14日內比啲文件佢地 佢地之後就會幫你代追 但唔承諾可以追得返同埋都要60-90日時間 (大概係咁~)

------------------旅議會及消委會
同時向旅議會及消委會投訴
旅議會投訴詳情：http://www.tichk.org/public/website/b5/forms/eform_complain_outbound_intro.html

電郵：
SSP@consumer.org.hk
crd@tichk.org

愛飛旅遊有限公司
牌照號碼 354028
營業名稱 愛飛
地址 九龍長沙灣道932號興迅廣場26樓A室
電話 27707768
傳真 27700662
所屬屬會 FHCTA
會籍類別 基本會員

-----------小額錢債
然後再入紙去小額錢債追，一定要親身去西九龍法院大樓遞交，可以打電話問問程序上係點做。聽落去好似司法程序好複雜，但係其實只係交少少資料，去填張form就可以開到file，再排期上庭。

根據Flyday 小編之前追zuji 經驗，呢個方法最有效，上次出左上庭傳票之後兩星期左右就收到退款。

地址：長沙灣通州街501號號西九龍法院大樓B座
電話： 2877 4068

表格：https://www.judiciary.hk/zh/court_services_facilities/scf.html

公司查冊資料：(填表格既時侯會需要用到)
Wefly
https://drive.google.com/open?id=1lV9YCrdzW0vvRIjfI2tsMD-pu1XLjkrj

Gogogo
https://drive.google.com/open?id=17yPGgknP934XaqDAHtd0PH37kYxQpEqu

《同HR拍拖的4個注意事項》

最近同位朋友食飯，佢食食下豆腐火腩飯，突然嗱起塊面，狀甚痛苦，當我以為佢即將被豆腐骾死之際，原來佢諗起上次同做HR嘅女朋友食茶記嘅經歷，話要同我分享下。

為免佢骾死，我即管聽下佢訴苦

「嗰次同佢去茶記食飯，佢望住個餐牌十分鐘，以為佢諗緊食乜啦，點知佢竟然話：「張餐牌好多錯別字！」嗚哇⋯姐姐其實我都係想食飯啫⋯⋯」

聽完之後我除咗表示同情之外就只能夠表示深切嘅慰問，其實我好明白佢女朋友點解會攪成咁⋯⋯最後我同佢講咗句：

「同HR拍拖，帶點HR色彩，是相當合理的。」

1.請容忍他們的強逼症

HR其中一種職業病係完美主義強逼症候群。平時見到唔整齊、錯別字都睇唔順眼，唔搵出嚟會周身唔安樂。如果收到銀行啲信左右冇拍齊，會好想打去客戶服務熱線投訴。想佢地冇強逼症？只能夠叫佢退休養佢一世。

2.諗嘢諗得比較specific

佢約你去街可能會約得比較specific，例如「旺角港鐵站恆生銀行左手邊第二部櫃員機對出圍欄前嘅第二格階磚等」如果你去到唔係企喺指定嘅階磚，睇怕你嗰日都冇運行。唔好怪佢地諗嘢太specific，因為佢地平時做嘢真係要諗得好鬼specific，唔係是會死得好specific。

3.有時唔係好想講嘢

唔好以為HR係internal部門唔駛講好多嘢，做interview由朝講到晚，做training日日去演講，連坐喺位做payroll嘅都係咁接電話。因為返工已經講得太多，放工之後有時唔係好講嘢，你唔好怪佢。

4.塊面好似向西

佢地interview時經常畀人話西口西面冇笑容。一日見咁多人，有時真係會講到塊面都西埋。其實佢地冇惡意，可能係見得太多見工奇行種所致。放工佢未tune得返塊西北偏西面，唔好兜巴車返正佢塊面，畀少少愛心佢差差電。

#HR式戀愛
#請specific地愛
#同HR拍拖的4個注意事項

----------------------------------------------
睇多幾篇：

《6件HR很想要的法寶》
http://www.mashedpatata.com/sixhrgadgets/

《枱上信一封，枱下十年功》

http://www.mashedpatata.com/hrletter/

《做HR的男生其實很吸引》

http://www.mashedpatata.com/attractivehrguy/

《見工試下先，好易係咁仙》

http://www.mashedpatata.com/pleasedonottry/

----------------------------------------------

HR小薯蓉blog: http://www.mashedpatata.com/
IG：hrpotato

👍🏻想執靚份CV? 小薯蓉CV專業撰寫服務: https://wp.me/P8QRCn-48u

🔥薯蓉面試教室:
👉🏼http://www.mashedpatata.com/mashed_patata_training/

#我係邪惡HR現已於各大書店有售
----------------------------------------------
緊貼 #HR小薯蓉 Facebook專頁更新，設定HR小薯蓉為搶先看優先!
設定方法：設定 > 動態消息偏好設定 > 預定搶先看的優先次序 > 選擇HR小薯蓉

Copyright © HR小薯蓉. All rights reserved.