何韻詩好波🔊 by @hoccgoomusic "請記得，在一切法律，修訂，所謂的道德觀念的爭辯背後，我們在談論的，不只是「個案」，而是一個一個有血有肉的「人」。當我們真的用心去理解過他們所經歷的，也許就能從偏見，私慾與歧視中，尋回那久被遺忘的同理心。 Remember, we are all human beings. （圖片來源：主場新聞） 公聽會發言原文： 「我係一位同志，但係今日我係為一班比同志更被邊緣化嘅朋友，跨性別人士發言。 我知道社會上有好多人，對於同性戀以及性別認同呢兩件事依然會感到混熬。就上年，W小姐案件宣判後，我竟然被一名記者問到：「變性人而家可以結婚wor，咁妳會不會考慮去變性？」我當時好詫異，點解我地嘅社會走到嚟今日，仍然可以對性小眾存在咁大嘅誤解呢？ W小姐案件上訴成功，本來係香港社會喺性小眾權益上嘅一小勝利，但而家政府意圖將整個修訂過程簡單化，將變性定義收窄為「完成整項變性手術」，然後認為 將呢個定義寫入婚姻條例 就可以草草了事，係不負責任嘅做法。 其實 性別重置手術 過程相當複雜，每個個案都不一樣。有D人的身體狀況唔適合做整個手術；有D就算完成手術，亦要承受身體上永久嘅折磨。變性手術對身體傷害性極大，所以有好多跨性別人士亦選擇唔去完成每一個步驟。咁呢d人係咪就應該被放置喺社會嘅邊緣，無性別無身份，亦永遠無結婚同組織家庭的權利呢？ 終審法院建議政府 參考英國嘅「性別承認條例」，正正係因為變性過程比一般人認知複雜，並唔係簡單一兩段修訂就可以概括。但現在政府呢個草案，既落實唔到終審法院嘅判決精神，亦非常不人道。 喺香港，同志嘅路難行，跨性別人士嘅路更難行。多謝願意公開自己變性人身份嘅朋友，如我身邊嘅Joanne，喺飽受身心折磨的同時，佢地仍然揾到站出來面對世界嘅勇氣。 好多歧視正正係嚟自唔理解，見到一D同 自己唔一樣嘅人，我地會劃分為「異類」，「怪物」。W小姐案件中多次被引用嘅"corbett”案例，案中嘅變性人April Ashley，曾經o係一個訪問中剖白，佢話：“In fact, what i really wanted, was to be “normal”, whether it be a boy or a girl.” 講到底，無論我們有乜野宗教背景，性取向，乜野性別，當撇除呢d種種嘅外在差異，我地其實都係一個人，都希望被社會接納，享有一個人應有嘅權利同尊嚴。 就算你幾守舊，你都必須明白，我地今日嘅世界就係咁多元，性別本來亦係咁多元。你唔認同，唔代表他們不存在；你唔接納，唔代表你可以奪取他們的權利。法律本來就係為左確保每個人都享有相同嘅保障，如果事事都必須得到大多數人的認可，小眾永遠都唔可能被顧及。 大愛同盟促請政府儘快訂立「性別承認條例」，令各界跨性別人士得回他們生活上應有的尊重。 我地認為政府對於保障每個市民的權益，責無旁貸，亦應該一視同仁，不能推卸。」" via @PhotoRepost_app

請記得，在一切法律，修訂，所謂的道德觀念的爭辯背後，我們在談論的，不只是「個案」，而是一個一個有血有肉的「人」。當我們真的用心去理解過他們所經歷的，也許就能從偏見，私慾與歧視中，尋回那久被遺忘的同理心。 Remember, we are all human beings. （圖片來源：主場新聞） 公聽會發言原文： 「我係一位同志，但係今日我係為一班比同志更被邊緣化嘅朋友，跨性別人士發言。 我知道社會上有好多人，對於同性戀以及性別認同呢兩件事依然會感到混熬。就上年，W小姐案件宣判後，我竟然被一名記者問到：「變性人而家可以結婚wor，咁妳會不會考慮去變性？」我當時好詫異，點解我地嘅社會走到嚟今日，仍然可以對性小眾存在咁大嘅誤解呢？ W小姐案件上訴成功，本來係香港社會喺性小眾權益上嘅一小勝利，但而家政府意圖將整個修訂過程簡單化，將變性定義收窄為「完成整項變性手術」，然後認為 將呢個定義寫入婚姻條例 就可以草草了事，係不負責任嘅做法。 其實 性別重置手術 過程相當複雜，每個個案都不一樣。有D人的身體狀況唔適合做整個手術；有D就算完成手術，亦要承受身體上永久嘅折磨。變性手術對身體傷害性極大，所以有好多跨性別人士亦選擇唔去完成每一個步驟。咁呢d人係咪就應該被放置喺社會嘅邊緣，無性別無身份，亦永遠無結婚同組織家庭的權利呢？ 終審法院建議政府 參考英國嘅「性別承認條例」，正正係因為變性過程比一般人認知複雜，並唔係簡單一兩段修訂就可以概括。但現在政府呢個草案，既落實唔到終審法院嘅判決精神，亦非常不人道。 喺香港，同志嘅路難行，跨性別人士嘅路更難行。多謝願意公開自己變性人身份嘅朋友，如我身邊嘅Joanne，喺飽受身心折磨的同時，佢地仍然揾到站出來面對世界嘅勇氣。 好多歧視正正係嚟自唔理解，見到一D同 自己唔一樣嘅人，我地會劃分為「異類」，「怪物」。W小姐案件中多次被引用嘅"corbett”案例，案中嘅變性人April Ashley，曾經o係一個訪問中剖白，佢話：“In fact, what i really wanted, was to be “normal”, whether it be a boy or a girl.” 講到底，無論我們有乜野宗教背景，性取向，乜野性別，當撇除呢d種種嘅外在差異，我地其實都係一個人，都希望被社會接納，享有一個人應有嘅權利同尊嚴。 就算你幾守舊，你都必須明白，我地今日嘅世界就係咁多元，性別本來亦係咁多元。你唔認同，唔代表他們不存在；你唔接納，唔代表你可以奪取他們的權利。法律本來就係為左確保每個人都享有相同嘅保障，如果事事都必須得到大多數人的認可，小眾永遠都唔可能被顧及。 大愛同盟促請政府儘快訂立「性別承認條例」，令各界跨性別人士得回他們生活上應有的尊重。 我地認為政府對於保障每個市民的權益，責無旁貸，亦應該一視同仁，不能推卸。」