請大家花少少時間睇下 Reposted from @harrietlwl 🩸🩸🩸 我係劉韵琳，最近我突然放低曬所有工作去打大佬，呢個大佬有d棘手，好需要大家幫手打。🙇🏻‍♀️ 6年前既呢幾日，我被診斷患有CML「慢性骨髓性白血病」=血癌，呢幾年每日都食住標靶藥去控制，好慶幸真係控制得好好，好似正常人一樣生活。 今年7月尾，我突然發燒，由於過去幾次驗血白血球都好低（1.0），安全起見都係去睇急症。發燒留院通常都走唔甩，但真係估唔到今次一留就留到依家都未出……係醫院不停打抗生素、抽血、抽骨髓（呢d都係細佬），最後確診AML「急性骨髓性白血病」。初頭我以為係慢性轉左急性，但原來慢性一直都控制得好好，依家係CML+AML同時出現，醫生解釋係多左某幾組基因突變。 AML相對需要急切既治療，所以月中我就開始打化療，辛唔辛苦？只可以話一個星期瘦10磅不是夢～長期作嘔，要食嘢先嘔左上一餐既先，真係感覺到個胃底要翻出黎先開心，但重點係根本食唔到嘢，飲既水都嘔曬出黎，根本都唔敢食。第一輪化療7日完成左，休息～第8、9日唔作嘔就開始精神，以為都唔係真係咁難頂。第10日朝早發燒39.2度，然後一直燒左7、8日，中性白血球低到0左，抽血檢查發現係有菌入血，即刻做左個小手術將喉仔拆左（喉仔用黎打藥、輸血同抽血，減少日日比針吉）。頭4日發燒真係好辛苦，全部都係39度以上，打冷震到我全身好攰但係完全停唔到唔震，一震就維持兩三個鐘，真係意志力既考驗！另外，依家只要少少流血都會好緊張，因為根本癒合唔到，隔兩日就輸一次血。今日先稍微好似有上升，中性白血球有0.3。現階段只求唔好感染😣 我知道好突然，但阿琳真係好需要大家幫忙，想大家登記成為骨髓捐贈者，因為暫時都未搵到合適骨髓進行移植，所以醫生會嘗試係骨髓庫搵。我知道機會唔大，但都希望大家願意試一試，請大家幫幫我或者其他有需要既人，感激不盡！🙇🏻‍♀️🙇🏻‍♀️🙇🏻‍♀️ 登記成為骨髓捐贈者可以睇下香港紅十字會輸血服務中心資料： https://www5.ha.org.hk/rcbts/bm #CML#AML #血癌 #骨髓捐贈 #感激不盡 #🙇🏻‍♀️🙇🏻‍♀️🙇🏻‍♀️

#Repost @auyeungtk with @repostapp ・・・ 《豈能盡如人意，但求無愧於心》 兩個星期前，老豆（下稱大佬）證實患上急性骨髓性白血病，亦即係血癌嘅一種，醫生話如果做化療的話，可以延長性命，不過都係幾個月，但因為曾經做過心臟手術，所以手術成功機會好微，而如果唔做化療的話，可能只有幾個星期至三個月壽命。 聽到呢個消息後，一下子，我無辦法接受，喊到完全收唔到聲，但大佬成個過程都好冷靜，而且同我講，明明有事果個係佢，點解反而要安慰返我，佢話七年前做完心臟手術，出院之後開始做義工，幫獨居老人維修電器，送下麵包，又收集傢俬送比窮人，呢幾年每一日都過得好充實，其實已經算係賺咗，就算而家要離開，又有咩所謂，最緊要係走得無咩痛苦。 一直以來，喺我心目中，佢都係一個硬漢子，只係估唔到，面對死亡，不單止毫無畏懼感，而且可以潚灑豁達，作為佢個仔嘅我，都不自覺地堅強起來，決定同佢開心樂觀地過埋呢段日子。 呢個時候，腦海裡面第一時間諗到嘅就係影全家福，我同大佬講，我好想將來可以比你個孫睇到一家人整整齊齊嘅相，可以好自豪咁話比佢知，爺爺係一個好癲嘅人，而呢張相就係喺證實患血癌後第四日影。喺呢兩個幾星期，我地已經作好一切嘅準備，但同時亦都好樂觀地面對。 我地已經決定做化療，去打一場硬仗，但大佬堅持要睇埋我地演唱會之後先開始做，因為佢知道一旦化療，就會有好多未知之數，我問佢萬一呢段時間有事，可大可小，然後佢好認真地同我講：阿仔！如果個天要你走，你點都無得留低！我知道大佬心裡面好想睇到我喺台上表演，即使係再細嘅舞台，一樣會感到自豪，只不過佢從來都唔會講出口，所以我百份百支持佢嘅決定，以下嘅日子，就交比神去安排。 而家我先真正感受到，一切都係被安排得剛剛好。我地曾經因爲吵架，足足一年完全無聯絡對方，當時身邊有一位朋友嘅爸爸患癌，而且好快就離開咗，所以當時決定一定要同大佬修補關係，因為我好怕有一日後悔嘅時候已經太遲，估唔到一年之後，居然真係發生喺我地身上。聽落去呢個好似係一場噩夢，但其實對我地黎講，係上天送嘅一份禮物。我地兩父子從來都未試過咁親近，咁明白對方，亦都未試過咁掛住對方。當知道生命有限時，先會明白自己真正需要啲咩，好多原本擁有嘅，都可能係不必要。 生命可能好短，但絕對可以活得好精彩。豈能盡如人意，但求無愧於心，呢句說話大佬經常都掛在口邊，我覺得佢經已做到，而且有多了。 多謝喺呢段時間一直支持我地嘅朋友，請你們放心，痛，我地會盡情哭，快樂，我地會盡情笑，每一日都會過得痛痛快快。 今日係我二十七歲生日，亦即係識咗呢個大佬二十七年，多謝佢二十七年前帶我黎到呢個世界，比我嘅實在太多。呢段時間嘅經歷，已經係一份最大嘅生日禮物。

《豈能盡如人意，但求無愧於心》 兩個星期前，老豆（下稱大佬）證實患上急性骨髓性白血病，亦即係血癌嘅一種，醫生話如果做化療的話，可以延長性命，不過都係幾個月，但因為曾經做過心臟手術，所以手術成功機會好微，而如果唔做化療的話，可能只有幾個星期至三個月壽命。 聽到呢個消息後，一下子，我無辦法接受，喊到完全收唔到聲，但大佬成個過程都好冷靜，而且同我講，明明有事果個係佢，點解反而要安慰返我，佢話七年前做完心臟手術，出院之後開始做義工，幫獨居老人維修電器，送下麵包，又收集傢俬送比窮人，呢幾年每一日都過得好充實，其實已經算係賺咗，就算而家要離開，又有咩所謂，最緊要係走得無咩痛苦。 一直以來，喺我心目中，佢都係一個硬漢子，只係估唔到，面對死亡，不單止毫無畏懼感，而且可以潚灑豁達，作為佢個仔嘅我，都不自覺地堅強起來，決定同佢開心樂觀地過埋呢段日子。 呢個時候，腦海裡面第一時間諗到嘅就係影全家福，我同大佬講，我好想將來可以比你個孫睇到一家人整整齊齊嘅相，可以好自豪咁話比佢知，爺爺係一個好癲嘅人，而呢張相就係喺證實患血癌後第四日影。喺呢兩個幾星期，我地已經作好一切嘅準備，但同時亦都好樂觀地面對。 我地已經決定做化療，去打一場硬仗，但大佬堅持要睇埋我地演唱會之後先開始做，因為佢知道一旦化療，就會有好多未知之數，我問佢萬一呢段時間有事，可大可小，然後佢好認真地同我講：阿仔！如果個天要你走，你點都無得留低！我知道大佬心裡面好想睇到我喺台上表演，即使係再細嘅舞台，一樣會感到自豪，只不過佢從來都唔會講出口，所以我百份百支持佢嘅決定，以下嘅日子，就交比神去安排。 而家我先真正感受到，一切都係被安排得剛剛好。我地曾經因爲吵架，足足一年完全無聯絡對方，當時身邊有一位朋友嘅爸爸患癌，而且好快就離開咗，所以當時決定一定要同大佬修補關係，因為我好怕有一日後悔嘅時候已經太遲，估唔到一年之後，居然真係發生喺我地身上。聽落去呢個好似係一場噩夢，但其實對我地黎講，係上天送嘅一份禮物。我地兩父子從來都未試過咁親近，咁明白對方，亦都未試過咁掛住對方。當知道生命有限時，先會明白自己真正需要啲咩，好多原本擁有嘅，都可能係不必要。 生命可能好短，但絕對可以活得好精彩。豈能盡如人意，但求無愧於心，呢句說話大佬經常都掛在口邊，我覺得佢經已做到，而且有多了。 多謝喺呢段時間一直支持我地嘅朋友，請你們放心，痛，我地會盡情哭，快樂，我地會盡情笑，每一日都會過得痛痛快快。 今日係我二十七歲生日，亦即係識咗呢個大佬二十七年，多謝佢二十七年前帶我黎到呢個世界，比我嘅實在太多。呢段時間嘅經歷，已經係一份最大嘅生日禮物。