睇英文書真係會進步？ 相信唔少同學都聽過，英文要進步就一定要睇多啲英文書。考試技巧的確可以幫你升到一至兩個grade，例如知道點樣可以快啲喺文章搵到答案、唔同題型嘅應對方法、撞答案skills等等，但係如果你個底太差，有幾多考試技巧都係徒勞無功。 講返我自己嘅背景先。大家而家見到我有教DSE英文同IELTS，一定覺得我由細到大英文都好好。但係其實我父母由細到大都冇逼我上任何嘅補習，亦都冇話細細個屋企就播英文頻道。我好記得我啱啱入小學嘅頭三個月，英文科老師係外籍人士，而由於我係讀係屋企附近嘅街坊幼稚園，而身邊好多同學以前都係讀國際幼稚園，所以我可以話係全班英文幾乎最差嘅一個，甚至頭三個月係完全聽唔明老師上堂講咩。 我可以幾肯定咁講，我個英文底好多都係靠睇課外書浸返嚟嘅。但係點解人哋睇英文書好似可以進步得好快，而自己就原地踏步，搞到冇動力堅持落去？ 首先，一定要揀返同自己程度相似嘅英文閱讀材料，唔好話迫自己一步登天。我小學嗰陣頭幾個月係堅持每個週末都去圖書館借書黎睇，每本都唔超過30個字，全部都係圖畫書，本身應該係設計比三至四歲嘅小朋友睇，但當時我已經六至七歲。我覺得好多人一開始睇書就迫自己要睇啲好難嘅嘢，唔係咩The Economist、Wall Street Journal就唔睇，覺得一定係睇啲好深嘅嘢先學到英文。但係其實咁樣做一來會令自己好快冇動力睇落去，二來你就算明點解都形容唔番出嚟，下次見到又會唔記得點解，寫作文嘅時候亦都應用唔到出嚟。學英文依樣野唔係做樣俾人睇，而係為咗自己，所以就算一開始係睇啲程度比較淺嘅讀物都唔使怕羞，總有一日慢慢進步你就會睇得明以前覺得好深嘅英文。 第二，就係睇英文書嘅心態。有好多同學對於睇書有過高嘅期望，亦都變得好急功近利，譬如迫自己一個月來睇50本英文書，就覺得自己英文會進步神速。咁樣唔係話唔得得，但係好難堅持落去，一過咗三分鐘熱度英文就會繼續停滯不前。要保持到睇書嘅動力，就係要將睇英文書變成自己嘅興趣。所以心態上一定係要好似跑馬拉松咁，寧願每個月精讀一至兩本英文書，慢慢養成閱讀嘅習慣。另外當然就係要揀返自己真係有興趣嘅題材嚟睇，譬如當年我身邊嘅人都會話淨係睇小說可能會唔識實用英文，但係我當年就好鍾意睇小說，所以就係咪都大量閱讀左小說先。到我已經唔抗拒閱讀英文，去到中學我就開始睇多咗英文報紙同社評，咁就可以學到多啲實用英文。所以一開始真係唔好迫自己一次過要睇好多書，亦都唔好強求自己睇一啲自己完全冇興趣嘅嘢，最重要係令自己變得唔懼怕閱讀英文，之後做所有嘢都會容易好多。 第三，就係擴闊詞彙量方面。相信好多同學睇書都係為咗學多啲英文生字，於是一見到自己唔識嘅字就停落嚟去查字典。其實咁樣唔單止影響閱讀體驗，我覺得亦都唔係最有效率嘅進步方法。啱啱都講過，要挑選同自己程度相符嘅書本去睇，咁如果程度係啱，按道理就唔會有好多字係你唔識嘅，可能每一段最多有兩至三個生字。呢個時候我覺得比較有效嘅方法，反而係唔好查字典住，嘗試從前文後理睇吓推唔推斷到完整句子嘅意思。因為又用返考試導向啲嘅角度去諗，喺做閱讀卷嘅時候，你都要有心理準備會遇到自己唔識嘅字。如果係平時閱讀已經習慣推斷前文後理，對於做卷係有好大嘅幫助。當然，如果有時間，事後都可以利用一個比較系統性嘅方法去學生字。切記淨係抄低個生字同埋中文意思，一定要知埋例句同埋點樣喺句子入邊運用嗰個字，咁樣就唔單止幫到閱讀卷，喺寫作嘅時候亦都可以用返個字出嚟，一舉兩得。 英文底子固然非常重要，平時日積月累學生詞打好基本功係必須嘅，但底子同考試技巧其實缺一不可！Melody 已經推出《HKDSE英文：Reading全方位神技精讀》及《IELTS Reading: 全方位精讀攻略》，為同學系統性分析常見的閱讀題型，無論底子好、底子差，都必定在這些精讀找到有用的地方！另外亦會提醒同學做卷前的必知事項，講述找答案的基本原則，減少同學在準備過程中所走的冤枉路，更附送像真度極高的模擬試卷，分別參照多年DSE及IELTS歷屆試題精心炮製，讓同學有實戰經驗之餘亦能從實例題目明白技巧，不同於坊間許多線上課程只會空談技巧而忽略實用性！
-
全港唯一雙料狀元線上補習平台 – 免費試讀！
www.mteducationhk.com/ www.mteducationielts.com
1) 5**濃縮精華筆記：狀元Melody Tam親撰濃縮精華筆記，絕對不拖時間，真正去蕪存菁，適合想於短時間內升Grade的你
2) 30年操卷祕技傾囊相授：Melody Tam應考前曾多次操練各科30年的Past Paper，將心得精華、試題備註傾囊相授，伏位、失分位一應俱全
3) 無限次重溫教學：安坐家中便能無限次重溫高質素教學影片，隨時隨地學習狀元考試秘技—— 你還願意到大型補習社上video class嗎？
-
早註冊 = 早享受
一站式平台比過往自動化好多，唯一須人手審批嘅步驟就係註冊（因為我地採用實名登記，所以會喺72小時內處理），之後就可以即買即睇！註冊後更加可以觀看所有免費課程同下載筆記（比免費資源下載頁內容更多！），免費資源不斷更新中，大家早註冊早享受～