//退庭時，數名親屬走近被告欄，接過三人隨身物品，首被告周雅桐即抓緊親友的手不放大哭，眼淚滴濕口罩，眼鏡亦泛霧氣，親友同緊握被告的手。數排旁聽人士一同激動揮手，高呼「好好保重自己」、「照顧好自己」。庭外有多人拭淚，有旁聽人士嘆「班十幾歲後生仔喺入面（被告欄），睇見好心噏」。//

阿富汗既事，唔想評啦。我真係冇咩情緒，食住omakase 討論以巴戰火又真係好牽強。阿富汗既人既生生死死，對大部份人，尤其係香港人黎講，都應該只係七師傅林作家事，周末有太陽去boat trip 著咩泳褲，呢排夏天d腹肌出返黎未之類級數的「話題」。只是一個娛樂課題。就算是自命正經的討論，也只會流傳在華文社會的like 或share。對世道的影響，應近乎是0。

係慘架啦。真係好慘。畫面係最慘，影像係最慘，但都係果一句，睇到畫面影像覺得心噏既讀友們，我地最後都係要睇下d字講咩先會明點解搞成咁。

你鬥慘咩？真係唔係辦法。你一邊出一個post話阿富汗女人慘，馬拉拉話國際線要所有國家收留阿富汗難民，英美傳媒開始出故仔話「我個仔去當兵畀人炸走左三肢，四肢得返一肢。個仔個戰友係佢面前炸死，阿富汗人，關我叉事？而家佢地d 女人畀人搞英國就要有個仔畀人炸三肢？咩玩法？咩概念？」之類的「報道」就出現。

看在眼內，我既感覺係，當政權要做一件事之時，你就會發現在傳媒幫忙高唱那件事是有「正當性」或是「合理性」。而果種合理性，唔一定出自以前想像的「世界大同」，「人類大愛」。你話你慘，佢就比你更慘。全球鬥慘大會正式開始。世界一片左膠大愛熱潮的「風氣」好像走到鐘擺既另一個極端，極想找一個「反撲點」去宣洩過去一年新冠疫情對個人的影響。

特朗普走了，但 American First 既概念好像散落各地。本土優先既概念萌芽滋長，而左膠既應付方式，就係極權的方式－－收你聲。「解決提出問題的人」。噤聲。

不論係集體投訴（風師兄，焦腫，鄭立），抑或是ai式既 ＃掃雷。總之，不許你說。又或者3，你要講，就要你承擔收聲風險。

若當很多人喺現實世界既金源（如過氣議員都要靠fb 維持熱度人氣刷存在感）都被社交網路既發言權左右，有些所謂心中所思所想就會受到極高規格既審查先可以被大家看見。

朋友講過，fb呢套咁既ai系統有d似「小學訓導主任」，你講一句「食c啦」都會被訓導主任記過再罰企。而世界其他國家既人既選擇我不敢評定，至少trump都開左個sns又唔係好見香港人話要去玩下。但觀乎香港人喺過去半年自稱移民mewe但人人最後都是回來面書就可見。大家都樂於在某種程度上的「潔淨環境」下生存。

寫了這麼一大篇，當然最後都只是想大家去patreon 及買沐浴露，若然責倉，成本就會提高，這個實驗就走不下去了。

就這樣。

新聞source：https://www.bbc.com/news/uk-england-suffolk-58233260

浪漫月巴睇2000（162）
【在不晴朗的一天也要出發】

因為看見盧覓雪在FB專頁分享Fans送贈的禮物盒，才驚覺，原來不知不覺，她已重返《晴朗》一周年，而我也連續聽了《晴朗》一年有多。

1.唔好問點解，因為我都唔知點解，從來沒有聽電台的習慣和癮——其實連網台也沒有聽，尤其怕聽那些（已經不在香港的）KOL對香港指點江山。當然，這只是我個人問題。
2.直到去年年中，一個偶然，竟然開始做電台節目，我即刻知驚——為了改善連自己也不察覺的懶音問題，為了學習怎樣用說話表達自己（平時的我可以成日不出半粒聲），為了學習更流暢更漂亮更不著痕跡地開展話題（我向來有「話題Terminator」的美譽），開始收聽叱咤903《在晴朗的一天出發》。
3.撇除某幾日實在太攰晏了起身，估不到大部分日子都很神心，每朝早搭正八點鐘就起身——嚴格來說是八點九、十分左右，因為節目不是搭正八點開波，之前會播一節新聞，還有交通消息等等。
4.過去一年有多的周一至周五，我的朝早就是如此度過。
5.當然知道節目最初定位是時事評論節目，但不像881那一個，903這一個，是以搞笑方式進行，嬉笑怒罵，與時並咀——其實嬉笑佔主導，怒，收藏在嬉笑中；只是今時今日香港，已進入一個Very嚴肅的時代，很多事都不容許貿貿然被拎來當玩笑去笑，基本上，社會已經好到冇乜好講。
6.但節目還在，還是要講。講甚麼？講日常生活，講疫情下的生活，講疫情下的香港生活，講生活思維和習慣改變後的新形態生活中的苦——嗱，不是沒有樂，像早前奧運，香港運動員勇奪一金二銀三銅歷史佳績，便是近一年最快樂時刻，那種快樂，不只個人，更感染到大部分香港人，在已經冇乜好講的日子，難得有了一個令普眾大眾都快樂的安全主題，那兩星期節目，便集中講奧運，而且聽得出，林海峰阮子健盧覓雪以及偶然報道戰況的張部長都快樂。
7.但奧運始終會閉幕，香港運動員始終都要回港（鬥快Book按摩師）。8月9日星期一，天陰，《晴朗》第一節，順理成章，由奧運閉幕開始講，講到閉幕一開始時播放的《Sukiyaki》，林海峰說，這首老歌是在上世紀60年代、日本一個艱難時刻創作，真正歌名其實是《昂首向前走》，喻意是鼓勵國民，奇怪在，歌詞最強調的其實是那句突顯孤單的「一人ぽっちの夜」，一首打氣歌，竟有著如此一句悲涼的話語，期間他更忍不住把這一句哼了好幾次；這首歌，後來被改編成廣東歌，杜麗莎的《眉頭不再猛皺》，歌詞由林振強所寫，我記得呢個地球，最初只似石頭……說到這裡，林海峰不忘感謝強伯。還未完，他還提到原唱者坂本九，說他好得意，每逢出鏡或表演都必定笑臉迎人，偏偏到最後，有一個令人笑不出的下場：他死於空難，而且並非發生於剎那，飛機在空中徘徊了好長時間，長到足以讓每一個乘客拎住紙筆，好好思考怎樣去寫自己封遺書。
8.我似乎聽到一種悲和心噏。而他說時的腔調，其實就像平日做節目或做是但噏。當然，不排除我聽錯，也不排我本身就心噏，心噏的人，自然聽乜都噏。
9.聽了一年《晴朗》有多，我的懶音還是沒有改善，還是不太懂得用說話表達自己，還是Keep住「話題Terminator」美譽。卻真的習慣了聽，冇聽，一整天就會周身不聚財，即使那一天外面明明好晴朗——天氣只是自然現象，懶理塵世光明黑暗快樂不快樂，很多陽光燦爛日光滿地的日子，偏偏發生最黑暗令人最不快的事。
10.但就算在最不晴朗的一天，都只能昂首向前走，咁囉。
（原文刊於am730）
#浪漫月巴睇2000

【可恥】曾喊話入籍台灣省!黃秋生秘密返港播獨?I高Sir正能量23082020

YT技術限流和自動退粉，離封台不遠，請幫忙高Sir正能量?訂閱?分享影片救亡:https://www.youtube.com/jackyko1109kosir?sub_confirmation=1

————————————————————

1.曾喊話入籍台灣省! 黃秋生秘密返港播獨?
秋生嘲香港政府實施的限聚令，「3人食飯就會傳染，2人就唔會，病毒夜晚6點後就傳播，朝早就唔會，真係笑話」。他感慨香港作為國際大都會搞到千瘡百孔，真是奇蹟，他說︰「香港本來係A班，現在變成F班，那麼美麗的地方搞到千瘡百孔，真是難以置信，將國際金融中心的地位拱手讓給周邊的地方。我在香港生活了幾十年，睇到都好心噏！」

2. 高Sir給他一個忠誠建議

#小市民憑良心
#做實事講真相
#支持國安法
#男人幫大聯盟
#KOL100
#青年快閃社區清潔大行動
#人間記者會
#青年護旗手

——————————————————
五星正能量? 真係爆哂燈?

高Sir疑遭技術限流，請大家幫幫手：

1. 訂閱「高松傑 - 高Sir正能量」youtube 頻道 (訂閱係免費架) https://www.youtube.com/jackyko1109kosir?sub_confirmation=1 /高Sir第二頻道 https://www.youtube.com/channel/UC4bhcFYIoJl06PM1xzTg-QQ?sub_confirmation=1 ；
2. 撳?搶先睇；
3. 贊好並留言支持；
4. 將影片分享開去；
5. 贊好高Sir微博: https://weibo.com/jackyko1109。

在剛過去的星期日晚(21日)元朗發生暴力事件，數十名市民被白衣人襲擊而受傷，之後又傳出黑幫會再引發暴力事件，令市民人心惶惶，有在元朗紮根超過半世紀的街坊更是感到痛心。

現年五十多歲的王先生在元朗土生土長，父親更是早在上世紀五十年代，就在元朗經營文具店生意，自己也在九十年代子承父業。在元朗生活幾十年，見到剛發生的暴力事件難免感到傷心和感觸，「好唔開心，好心噏，成條街舖頭都閂晒門，死城一樣，未見過。」

民風純樸　治安良好

見證元朗半世紀的成長，王先生認為當區的治安其實一直都不是太差，也有其可愛之處，民風純樸和諧，「元朗市中心以前本身唔係好多樓，係周邊啲村多，呢幾年有西鐵、三號幹線，好多嘢都令我哋元朗居民好方便，呢樣變化最大。」雖然外來人口多了，但王先生指很多元朗舊街坊仍在這裏，只是搬到附近的新屋苑，在他眼中，元朗仍是和諧的好社區。

與顧客情如朋友

經營的文具店在元朗立足幾十年，王先生的顧客很多都是區內街坊，也有附近的學校和工廠，多年來與街坊建立的關係，令他對元朗充滿感情之餘，生活也是離不開社區，「最開心就係同啲客有傾有講，好開心嘅，日日都OK。」他又指有一起成長的老街坊，更會帶同孫兒一同來購物，形容彼此的關係已是朋友，「嘻嘻哈哈，有講有笑咁。」

最大心願：社會和諧

王先生對元朗的感情如斯濃厚，自己的家經歷暴力事件，切膚之痛可以理解，旁人卻是難以想像。社會經歷動盪，王先生覺得成因複雜，希望社會各方面都有反思，如年青人要多思考，「唔好盲中中」，政府也要聽取民意，推出方案時不宜太快。而他作為升斗市民，只祈盼和平，「無啦，而家淨係想和諧，社會和諧就最好。」

今集《港故mini》用大約3分鐘，帶你走進元朗，聽聽當區老街坊的心聲。

-------------
《港。故mini》：東網為你送上，香港各階層的小故事。
Fb：http://bit.ly/oncckonggu_Fb　
IG：http://bit.ly/oncckonggu_IG　
Youtube：http://bit.ly/oncckonggu_Youtube

最近連登睇左篇野睇到幾心噏，個故事唔長不過……嗚嗚嗚
Credit返個來源連登先~ 純粹肥仔改篇版本
原版︰
『原本約咗佢食飯，佢嚟接我，但忽然要開ot，因為出咗問題好緊急同埋自己一直跟開冇得拒絕，同佢講完要開ot後佢話約朋友行一陣啦，我就收工call佢先嚟接我收工再食嘢。

隔咗一個鐘，落樓下七仔買啲嘢飲，點知見到佢一個人坐咗係附近公園，我打比佢問，佢話係某某地方同朋友行緊街，叫我唔洗理佢，專心做嘢先。

收線之後，離遠見到佢孤零零一個帶返個耳機聽歌玩電話。

我冇踢爆佢，唔想佢尷尬，唯有加快手腳做嘢快啲走，返上公司有個窗口位望到個公園，望住佢一個人咁等我個心好痛，諗起其實佢冇乜朋友，唔想我做嘢分心，所以先咁講，唉…?

啱啱ot完，我落樓下打比佢同佢講15分鐘後收工，佢問我飲唔飲珍珠奶茶，佢話企咗係間鋪門口，我知我公司附近係有，但要行多幾條街先到，我話唔洗，佢話15分鐘後到，我望到佢收線個下個笑容，令我更加心噏。

女朋友，我愛你?』

●來源Credit：性感神秘人
#女朋友 #OT #感人 #LIHKG


【YOUTUBE】︰ https://youtu.be/G47BYtadqcI

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

如果大家唔開心既時候想笑下不妨一睇﹗
大家記得比個LIKE同SUBSCRIBE 我喇﹗

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Facebook fatty ho

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Youtube Channel︰fatty ho

♥♥♥♥♥♥♥♥♥♥♥♥♥♥♥♥♥♥♥♥♥♥♥

Instagram︰fattyartsaga

♥♥♥♥♥♥♥♥♥♥♥♥♥♥♥♥♥♥♥♥♥♥