大半年前拍 econ 的時間，睇過有 AL 的題目講一人經濟 當中提過魯賓遜呢個名字 我上網 search 過，佢應該係講緊魯賓遜漂流記 呢本兩百年前出的小說，我記憶中睇過兒童超濃縮版 內容係非常簡略，有一個人去左荒島，幾十年後佢脫險 當中講述如何一個人在荒島，如何做到一人經濟全部都無講 近排突然心血來潮，去 google play 圖書搵翻本黎睇 我搵個本有朗讀功能的書 所以可以當故事咁聽 我睇曬成本，故事上幾好睇 唯一唔中意係佢帶有好濃厚的傳教意識 當中描述一個人於荒島所面對的情況 我覺得比電影劫後重生講得更深入 而睇呢本書，佢有好多幕都好令我反思 例如魯賓遜去到荒島後，從船上找到一大袋銀幣 對於一個人的島上，錢已經沒有意義 好多本來好有價值的野會因為環境變了而改變 又例如魯賓遜於島上獵殺左牲畜或者摘到葡萄後，自己食飽就算 唔好諗住攞更多，因為根本保存唔到亦賣唔到俾第二個 (當然，後期佢識得將葡萄變成葡萄乾後就會有儲藏) 魯賓遜每天搵夠自己食後就會做一些佢想要的工具 字裡行間魯賓遜好似唔介意花好長時間做一樣野 魯賓遜可以用好幾個月做左一條獨木舟， 後期會因為自己無法夠力將獨木舟由島上推到水裡而白費了多個月的努力 魯賓遜亦可以用好幾個月做一個洞穴， 後來又會因一次小型的地震而所做的又白費 魯賓遜好有毅力，可能係因為求生的意志，所以對所有事都好堅持 魯賓遜第一年只能食海龜和羊肉 要用好幾年的時間先食到面包 小說好細緻講述魯賓遜如何利用船上剩低的穀物 由第一次 "負碌" 播種成功， 到第二次失敗，到第三次再成功 到魯賓遜想做麵包，如果諗到要做容器 又如何發現自己唔夠資源做一個木桶 而開頭利用船上的火藥獵殺島上的羊 到諗到用完火藥後可能無法獵羊 所以決定圈養羊群， 如何設陷阱、如何捉到頭一批羊、 如何養及取羊奶、整個過程要一步一步去完成 相比於魯賓遜，今天我做的工作已經容易得好多倍 魯賓遜個每一件事，都會因工具有限而要做好耐先可以完成 一個人的毅力要有多大先至能夠做得到 呢本小說令我諗起之前睇的另一本書 德川家康 德川家康係一個忍者，所以對所有的成果的等候時間都有極高的忍耐力 德川家康一生坎坷，自少就做人質、後期又被當為爛頭卒 中間又因局勢的問題，連自己的親生仔都要殺死 但他的忍耐到最後晚年大器晚成統一日本 好多本書都帶出同一個宗旨 成功唔係運氣、要係有規劃及堅持去進行一件事 人始終有軟弱的時間，如果大家做緊的事都係好艱難 可以睇下呢2本書，您可能從中會得到動力 繼續完成不可能的任務，加油 ^^

耻辱係所有美德既土壤，係武士黎講，以榮譽為名既一切行為都無需辨護。有時，武士與其他人根本上係屬於正常既交流，只係武士自己認為受到羞辱，就已經拔刀相向，令好多無辜者喪命。然後，如果武士因為輕微挑釁就動怒，亦會被笑做脾氣暴躁。諺語”忍所不能忍，為真忍”、德川家康講到”人生如負重遠行。”講到忍耐、反思既重要。如果其他人誣蔑自己，自己忍耐同時亦要反省自己既不足之處。 對羞辱所取既態度，或者每個人都唔同。而事實上，榮譽亦由自己恪守既職責而生。離鄉年輕人參與戰事為左贏得榮譽、衣錦還鄉，甘願受盡苦痛，身心折磨。如果取得戰功就可以得到榮譽、名望，咁生命亦無分輕重。 論語入面有句 ”見義不為，無勇也”比左武士對勇既解釋。 但係，武士們對勇有唔同見解，如果對某事作出無用之勇，得不到成效而枉死，咁會被當做”犬死” 因此， 真正有勇氣的人會當機立斷，應該將自己有既資源、能力發揮到極致，作最有效率既行動。例如報復(之後再講) 就如浪人四十七忍辱負重，為死去既主公報仇一樣。但係， 葉隱聞書既作者山本常朝就認為咁樣算盡設計報復唔係正直所為， 佢認為如果要報復就應該即時性去行動， 就算最後結果可能失敗，都要正當咁去做，因為咁先算係一個武士，不辱自尊。