想講嘅，當然係色色圓小學嘅「教師買蘋果被篤灰結果全日被停職事件」

拿同大家諗嘅唔同，呢度唔係特意想作出價值判斷（雖然都有），而係想感嘆一下，成件事就係一個社會嘅縮影。

事緣響618買爆蘋果日，色色圓小學有老師目義勇為買十份蘋果番去派比同事，然後有藍屍老師向校長打小報告；校長召見老師指控其違反「辦學團體不談政治，不帶政治入學校的規定」，要求回收報紙，否則會向辦學團體及校董會報告。

之後校長以「動機不良」為理由停職一日，並要求該老師回收報紙及選寫報告，老師拒絕收回報紙，然而本身收到蘋果的其他老師們，皆已自行退回報紙予派發者，事情似乎仍僵持落去，但涉事老師已在Facebook刪除相關貼文，反映本身已有大事化小傾向。

成件事所有角色幾乎都有人怪罪：企響黃絲一方，當然會指責教告密者卑鄙無恥、校長橫蠻無理；而藍絲老師則斥派發蘋果為「搞事者」為「痴漢」，話報警拉佢都好合理。然後仲有一班人則指責私底下交回蘋果予派發者嘅老師係「無種」、「軟弱」，延伸去到抗爭者承受被孤立嘅惡果。

而我會將我嘅感想綜合為以下幾點：

1.其實已唔止一次講過，基於畸型嘅權力分佈，以及封閉式、難以從外部監察嘅工作環境，一間間學校其實就係唔同嘅獨立王國；而由於小學入面嘅學生年紀較輕，更難就學校嘅不公提出質疑，結果小學「王國」往往係比中學更加黑暗、扭曲。

「極品」興德學校、李東海小學跳樓自殺，再去到今日派發蘋果遭停職，都只係冰山一角。

2.正如前面所講，校長響學校入面，就係絕對嘅暴君，唯一能夠對佢作出質疑嘅，就只有校董會同辦學團體。退一萬步而言，就當618當日派發蘋果係一件敏感話題，而家位老師係響同事之間派發，而唔係同學之間派發，對學生有咩影響？

但響色色圓呢個「小學王國」入面，校長就等同於習近平大權獨攬，佢話你有問題，就係有問題。當派蘋果咁小事都比人懲罰，我覺得呢間小學平時嘅迫害一定唔限於政治，仲有好多變態嘢。

3.至於退回報紙比派發者嘅其他老師，我覺得大家可以多啲理解一啲客觀條件：首先正如我之前所講，小學係一個「封閉嘅王國」，響入面你係唔會搵倒任何援手，如果係講緊係響抗爭現場，因為校長監管唔倒你、無人知你身份，保護自己得好的話亦唔會被秋後算帳；

但響學校其實嚴格黎講只係比監倉好少少，你一舉一動都會被校長爪牙監視，任何抗爭最尾都只會換黎更多嘅迫害，直至你辭職／被炒為止。

究竟呢班老師響退回蘋果日報之時嘅心態係點？現有嘅資料其實相當有限：佢地係可能出於關心派發者會被整治，因此交回報紙以希望幫佢大事化小，亦有可能因為派發者係Perm，而收報紙者卻係毫無保障嘅合約教師，所以響計算過後覺得因此無左份工覺得唔抵而退縮；

當然亦有可能係同大多數人猜測一樣，平時就講到自己點支持民主自由，一到危機來臨時就第一個怕死縮沙──但即使係咁，我地亦唔需要特別批評呢班教師，試問響香港絕大多數黃屍咪又係咁撚樣，真正願意冒風險撐抗爭嘅人，200萬+1入面我諗連十份一都無，我地又何必苛責呢班黃色經濟圈嘅縮影？

4. 反而有兩個次要人物我認為卻係更值得一講：一個係當色色圓學校果位董主任瘋狂向派發蘋果嘅老師攻擊之時，竟然會提到教協副會長葉建源「完全唔知呢條傻仔係乜人，就盲目撐佢……希望有人見到我呢個帖會勸下葉建源喇！」

然後你完全係Feel倒，班藍屍教師從來都當葉建源同教協係自己人。事實上教協葉建源響件事發生之後，只軟弱無力咁講咗句「學校唔應該小事化大」，而完全唔會強調單嘢根本係一場赤祼祼嘅政治迫害──講到尾，教協其實就不過係一個教師工會，仲要係一個立場保守連藍屍都當係自己人、無卵蛋毫無Bargaining Power嘅淺藍工會

另外要一提嘅，當然係有「女版黃世七」之稱嘅前教學助理，「香港思覺魯屍也移民」嘅版主啦。響佢身上你就好清楚睇倒呢班移民KOL究竟個心態係點：佢地就係做咗抗爭逃兵，然後為咗逃避比人指責，結果仲要反過來仲要惡人先告狀，將所有唔同意見嘅人視之為鬼（例如世七老屈坐監嘅椰子係共產黨嘅鬼，劉穎匡叫人唔好移民係比共產黨落藥），甚至乎會利用異見者支持抗爭呢個「弱點」，作為搞到人地無咗份工嘅武器。

即係呢個移民思覺老師已講到明「邊個老師有黃色成份我一定會舉報」，務求令所有仲堅持留響學校暗撐抗爭嘅老師趕盡殺絕，想問點解仲有黃屍會癲到走去繼續支持佢、認同佢？除咗人性嘅醜惡同愚昧，我諗唔倒其他理由；而佢同黃世七呢啲垃撚圾，同迫害抗爭者嘅藍屍，本質上真係無咩分別。

延伸閱讀：兩則教育界新聞有感：老師派發《蘋果》被停職反映每間小學都是一個極權／德信校長出事九成同政治無關
https://www.patreon.com/posts/liang-ze-jiao-yu-52701627

https://www.patreon.com/posts/52701627

兩則教育界新聞有感：老師派發《蘋果》被停職反映每間小學都是一個極權／德信校長出事九成同政治無關

想講嘅，當然係色色圓小學嘅「教師買蘋果被篤灰結果全日被停職事件」

拿同大家諗嘅唔同，呢度唔係特意想作出價值判斷（雖然都有），而係想感嘆一下，成件事就係一個社會嘅縮影。

事緣響618買爆蘋果日，色色圓小學有老師目義勇為買十份蘋果番去派比同事，然後有藍屍老師向校長打小報告；校長召見老師指控其違反「辦學團體不談政治，不帶政治入學校的規定」，要求回收報紙，否則會向辦學團體及校董會報告。

之後校長以「動機不良」為理由停職一日，並要求該老師回收報紙及選寫報告，老師拒絕收回報紙，然而本身收到蘋果的其他老師們，皆已自行退回報紙予派發者，事情似乎仍僵持落去，但涉事老師已在Facebook刪除相關貼文，反映本身已有大事化小傾向。

成件事所有角色幾乎都有人怪罪：企響黃絲一方，當然會指責教告密者卑鄙無恥、校長橫蠻無理；而藍絲老師則斥派發蘋果為「搞事者」為「痴漢」，話報警拉佢都好合理。然後仲有一班人則指責私底下交回蘋果予派發者嘅老師係「無種」、「軟弱」，延伸去到抗爭者承受被孤立嘅惡果。

而我會將我嘅感想綜合為以下幾點：

1.其實已唔止一次講過，基於畸型嘅權力分佈，以及封閉式、難以從外部監察嘅工作環境，一間間學校其實就係唔同嘅獨立王國；而由於小學入面嘅學生年紀較輕，更難就學校嘅不公提出質疑，結果小學「王國」往往係比中學更加黑暗、扭曲。

「極品」興德學校、李東海小學跳樓自殺，再去到今日派發蘋果遭停職，都只係冰山一角。

2.正如前面所講，校長響學校入面，就係絕對嘅暴君，唯一能夠對佢作出質疑嘅，就只有校董會同辦學團體。退一萬步而言，就當618當日派發蘋果係一件敏感話題，而家位老師係響同事之間派發，而唔係同學之間派發，對學生有咩影響？

但響色色圓呢個「小學王國」入面，校長就等同於習近平大權獨攬，佢話你有問題，就係有問題。當派蘋果咁小事都比人懲罰，我覺得呢間小學平時嘅迫害一定唔限於政治，仲有好多變態嘢。

3.至於退回報紙比派發者嘅其他老師，我覺得大家可以多啲理解一啲客觀條件：首先正如我之前所講，小學係一個「封閉嘅王國」，響入面你係唔會搵倒任何援手，如果係講緊係響抗爭現場，因為校長監管唔倒你、無人知你身份，保護自己得好的話亦唔會被秋後算帳；

但響學校其實嚴格黎講只係比監倉好少少，你一舉一動都會被校長爪牙監視，任何抗爭最尾都只會換黎更多嘅迫害，直至你辭職／被炒為止。

究竟呢班老師響退回蘋果日報之時嘅心態係點？現有嘅資料其實相當有限：佢地係可能出於關心派發者會被整治，因此交回報紙以希望幫佢大事化小，亦有可能因為派發者係Perm，而收報紙者卻係毫無保障嘅合約教師，所以響計算過後覺得因此無左份工覺得唔抵而退縮；

當然亦有可能係同大多數人猜測一樣，平時就講到自己點支持民主自由，一到危機來臨時就第一個怕死縮沙──但即使係咁，我地亦唔需要特別批評呢班教師，試問響香港絕大多數黃屍咪又係咁撚樣，真正願意冒風險撐抗爭嘅人，200萬+1入面我諗連十份一都無，我地又何必苛責呢班黃色經濟圈嘅縮影？

4. 反而有兩個次要人物我認為卻係更值得一講：一個係當色色圓學校果位董主任瘋狂向派發蘋果嘅老師攻擊之時，竟然會提到教協副會長葉建源「完全唔知呢條傻仔係乜人，就盲目撐佢……希望有人見到我呢個帖會勸下葉建源喇！」

然後你完全係Feel倒，班藍屍教師從來都當葉建源同教協係自己人。事實上教協葉建源響件事發生之後，只軟弱無力咁講咗句「學校唔應該小事化大」，而完全唔會強調單嘢根本係一場赤祼祼嘅政治迫害──講到尾，教協其實就不過係一個教師工會，仲要係一個立場保守連藍屍都當係自己人、無卵蛋毫無Bargaining Power嘅淺藍工會

另外要一提嘅，當然係有「女版黃世七」之稱嘅前教學助理，「香港思覺魯屍也移民」嘅版主啦。響佢身上你就好清楚睇倒呢班移民KOL究竟個心態係點：佢地就係做咗抗爭逃兵，然後為咗逃避比人指責，結果仲要反過來仲要惡人先告狀，將所有唔同意見嘅人視之為鬼（例如世七老屈坐監嘅椰子係共產黨嘅鬼，劉穎匡叫人唔好移民係比共產黨落藥），甚至乎會利用異見者支持抗爭呢個「弱點」，作為搞到人地無咗份工嘅武器。

即係呢個移民思覺老師已講到明「邊個老師有黃色成份我一定會舉報」，務求令所有仲堅持留響學校暗撐抗爭嘅老師趕盡殺絕，想問點解仲有黃屍會癲到走去繼續支持佢、認同佢？除咗人性嘅醜惡同愚昧，我諗唔倒其他理由；而佢同黃世七呢啲垃撚圾，同迫害抗爭者嘅藍屍，本質上真係無咩分別。

有兩單教育界新聞好想講一講：

第一單係德信校長突然停職一事。由於德信學校之前年年有搞六四集會，所以有好多黃絲好自然就會走去聯想呢個一定係政治迫害：但我當日就一如以往，查咗一啲基本資料後，就好小心咁保持距離避免炒車：

首先，呢位郭超群曾經獲頒教聯會嘅優秀教師獎（國情教育組）：教聯會簡單黎講就係土共搞嘅教協，郭校長竟然可以獲得當中嘅「國民教育組」殊榮：就算咁樣唔代表郭校長係藍，至少都係兩邊都撈得開。

然後德信學校嘅六四集會聽講響郭校長上任之前已舉行，郭校長最多只係延續呢種傳統；反而佢佢任內同時又有舉辦國家安全日、全民國家安全教育日、國家憲法日。

講咁多，並唔係要質疑郭校長嘅政治立場，而係至少佢係響處理政治問題上，並唔係一面倒偏向「黃絲」，所以我係好難相信如果要政治迫害的話，會搵佢黎祭旗。相反藍屍話佢係「黑暴」校長，亦都係完全唔查清楚佢背景之下嘅尻噏。

至於今次郭校長被控貪污案涉及將校內試卷洩漏比補習社，好多人都覺得匪夷所思：因為小學考試試卷其實價值有限，作為小學校長高薪厚祿，亦毋須要同補習社串通──講真，一間蚊型補習社，又可以比多幾多賄賂你？

但係單案係咪冤枉係一件事，係咪因為郭校長搞六四周會被老屈又係另一回事。首先今年德信學校已停辦六四週會（先唔好講政治壓力啦，而家武肺搞到學校一鑊粥，邊得閒搞呢啲嘢），其次校董會要迫走校長係有一萬種方法，最簡單唔同佢續約就得；搞到要同廉署夾計老屈佢實在太誇張，而且就算係老屈都未必一定同政治有關。

所以我都幾相信呢單嘢係政治迫害嘅人應該係炒車。希望唔會變成另一單林子健事件啦

延伸閱讀：究竟有幾多教師會移民？／香港教師唔聽話所以要輸入大陸教師？有無天真咗啲？
https://www.patreon.com/posts/52459091