【@girlstyle.mag 】網民集合Angelababy 5.0變樣過程！
.
15歲就以模特兒出道的 Angelababy（楊穎），無論是婚前、婚後的樣貌變化都受到相當大的爭議，不少粉絲從她箍牙時期就開始見證她愈變愈靚，由平凡女生蛻變為女神的過程當然惹來不少熱議的聲音，當中也多次傳出她疑似整...
【@girlstyle.mag 】網民集合Angelababy 5.0變樣過程！
.
15歲就以模特兒出道的 Angelababy（楊穎），無論是婚前、婚後的樣貌變化都受到相當大的爭議，不少粉絲從她箍牙時期就開始見證她愈變愈靚，由平凡女生蛻變為女神的過程當然惹來不少熱議的聲音，當中也多次傳出她疑似整容的傳聞！近日內地就有網民指 baby 的樣貌又再次進化？快看下去吧！
.
變靚全因箍牙？北京醫生力證純天然！
當年不少網民都翻出 Baby 年輕時所拍下的 model 照與現況作比對，的確能夠看到以前的 Baby 最突出的是嘴部輪廓，牙齒看起來也有輕微外哨，而眼睛和鼻子則沒有太大的變化。由於整容的傳聞實在太過沸騰，Baby為了力證自己清白，2015時更特別找來北京整形專家祁佐良鑑定，證明她的雙眼皮、眼角和口腔部分均無切口痕跡，擊破整容的指控！
.
連內地網民都頂唔順？玩抖音濾鏡被指再進化！
不過疑似整容的傳聞絕對無阻 Angelababy 在內地的發展，以標緻面孔被內地網民力封為一線女神的她，無論是代言、廣告或是出演的綜藝節目都大受歡迎，2019年更於福布斯中國名人榜排行第 14 名，全國上下幾乎無人不曉 Angelababy 這個大名！不過最近 Baby 玩抖音濾鏡時，竟然連一向力撐她的內地網民都忍不住吐糟？
.
在濾鏡下變得有點像外星人的Baby，早前就試玩了名為「在逃公主」的抖音濾鏡，特效會將人變成大眼尖面的童話公主，本來平凡人使用效果原是美化，但本身已經是大眼V面的Baby使用，就令「整容」效果變得幾何級誇張，不少網民都說看上去相當詭異，更說Baby神撞臉蛇精男，看來 Baby 原來已經夠天生麗質，根本不需要濾鏡加持了吧！
.
節目翻出變樣過程？被指似泰國人、臉容緊繃！
由於不少明星們在社交媒體都只會發佈精修圖，或是經過美肌修飾的照片，唯一能夠看出端倪的就是沒法修飾的節目動圖！大家更開始以 hashtag 「# angelababy的臉怎麼了」紛紛討論Baby 的美貌！
.
網友搜羅了 Baby 近月來出演《奔跑吧兄弟》、 《王牌對王牌》及《巧手神探》的截圖，指出她容貌有點趨向「泰國化」，眼睛不但不合比例的渾圓，雙眼皮也有愈來愈明顯的趨勢，而鼻子跟下巴亦變得愈來愈緊實不自然，大家又有甚麼看法呢？
.
忠粉護航！指是角度和妝容問題？
雖然 Baby 的樣貌一直是不少網民熱議的話題，有人認為她有整容，但也有忠粉為她護航：「作為女生就會知道，有時候拍照角度稍有不同，整個樣就變了」、「妝容風格改變了吧，淡妝看起來還是差不多。」
.
大家又覺得 baby 的樣貌有沒有改變呢？
.
#女生Gossip熱話
.
鍾嘉欣「關關難過 關關過」
Cover story vol.10 👉 link in bio 👈
.
FB: GirlStyle 女生日常
『 💌如果妳都有打卡靚相／情侶甜蜜照想同讀者分享 📷即刻 #girlstyleGirlStyle 女生日常 或tag我哋或inbox比小編！ 我哋會係女生日常嘅IG同大家分享💕 』
.
#hkig #hkgirls #beauty #lyrics #hkiger #love#sisters #lovemygirls #hklife #hkboy#hkgirl #hkboys #hkgirls #852 #hkcouples#hkstore #hkonlineshop #hklover#mygirls
張靚穎現況 在 離奇家遮 Facebook 的最讚貼文
（六十七.上）念念不忘
洛太結婚後無幾耐，老公就因病而離開咗，剩低佢同個三歲大嘅女兒穎恩。堅強嘅洛太獨自養大囡囡，終捱過最黑暗時光。
都差唔多十年喇，囡囡都大，但呀囡仍然好記掛爸爸，佢對爸爸嘅印象好模糊近乎零，只係每年掃墓嗰陣望住老豆張相先至有少少回憶。
自幼缺乏父愛嘅心路歷程，唔係一般朋友所能去理解去安慰。
伴隨成長嘅好幾年間，穎恩都成日會夢到一個男人嘅背影，佢追上去，努力咁跑呀跑，但係，佢同個背影嘅距離絲毫沒變。
因為有呢d童年，穎恩經常會去主動接觸靈界嘢，問米啦、扶乩啦、靈媒啦、夜晚乜乜拎蘋果照鏡啦，等等，務求有一絲半點希望見到…
佢走咗嘅爹地。
結果，佢終於如願以償。
就喺一次佢同同學喺學校玩碟仙之後...
都唔知由邊個發起，總之興之所致，四個女仔放學後就留低喺美勞室，圍住張長枱就開始黎喇。
「碟仙碟仙你喺唔喺到呀？碟仙碟仙我吔誠心請你上黎…」
話分兩頭，中學個美勞室真係好恐佈，唔知大家有無試過自己一個行返去攞嘢。一個人，間房又大，黑媽媽，仲成日有d黑布遮住d物件咁，成間房d畫好似識得望住你咁，d雕塑又成日營住佢會郁咁，細嗰有次上完美勞堂先發覺漏底咗張畫作喺樓上，自己一個折返返去拎，四周圍靜得交關，眼尾都唔敢亂稍，半秒即走，真係諗落都寒寒地。
穎恩佢地為求效果，當時就係特登要搵呢d不見天日之地黎玩。
四隻手指聚精會神，大約過咗十零分鐘到，佢地先係聽到從隔離課室傳黎嘅一聲極大關門巨響。
「嘭！」
四女你眼望我眼，大家都不其然感到一陣冷風由背脊吹上後腦。雖然係驚，但貪玩嘅佢地仍然感到雀躍。
然後隻碟開始郁，好慢好慢咁郁。
同學A：「呃…你地係咪有人推郁吖？咪玩好喎！」
同學B：「無呀！嗱，肯定唔係我用力！」
同學C：「我都無吖！」
同學C：「喂，咁點算呀？」
同學B：「問…問d嘢啦…」
同學A：「碟仙碟仙…請問你而家係咪係呢度…」
然後，隻碟慢慢咁移向一邊，四人手指跟隨。
「在」
碟上的箭咀指住一個字。
四個女仔不禁倒吞一吞口水，你眼望我眼。
「碟仙碟仙…呃，請問你見唔見到我地有幾多人晌到？」
碟再度移動。
「肆」「呂」
「嘩！」同學B見狀不禁嚷了一句。
同學C半信半疑，再問：
「請問你知唔知我對面個女仔叫咩名？」
對面呀穎恩一聽到佢呢條問題，即刻對佢使咗個眼色，內容大概意思就係：「頂你個制咩，攞我黎試！」
雖然係咁講，但大家都無出聲，亦唔敢出聲打擾，隻碟一直停留喺原位，在場四人都屏聲靜氣，一面受現場詭異氣氛壓迫之餘，一面其實大家心裡都好想知道，係咪真係會答到答案…
隻碟郁喇。
好慢好慢，比起頭先更慢。
「落」…
「泳」…
「因」…
每停一個字，大家個心就愈跳得快，當喺第三個字停低嘅時候，四個女仔都感到不寒而慄，心諗：「唔係化，咁都中？」
「點解…會真係講得出我個名…」穎思驚嘆。
由驚恐到雀躍，由蠢蠢欲試到肆無忌諱。
幾個女仔乜都問下：
「碟仙碟仙…我第時老公靚唔靚仔架？」
「陳sir係咪同關翠絲有嘢？」
「我大過會做咩職業？」
等等等等。
「我地學校夜晚係咪真係好多鬼架？」
「女」「子」「夕」「夕」
佢地不約而同咁發現，面前碟仙的確能說出現況上的種種東西，甚至能說出自己家中物件的擺放位置。但係對於未發生嘅事件，通常都沒有答覆或給予模凌兩可的答案。
當大家正打算收壇，請返碟仙歸位回去中間靈位嘅時候，穎恩問咗一句：
「可唔可以請到我爹地上黎？」
現場一片肅靜。
「我爹地叫洛xx，佢喺晌xx年x月x日…我誠心希望你幫到我，請我爹地上黎。」
四隻中指指住嘅碟喺靈紙上緩緩打轉，就好似人猶豫不決時嘅模樣。
然後，碟停咗落黎。
朋友A：「你就幫下穎恩啦，畀佢同佢老豆講兩句。」
穎恩：「最多我燒返多d嘢落黎畀你...」
突然，碟，高速移向一個字。
大家都畀呢下突如奇來嚇一嚇，差d就鬆開咗手。
然後大家都一齊望向嗰個字。
...
...
各位，你地又估唔估到，穎恩佢地眼前見到嘅係...邊個字？
大家估估。
Like = 「靈」
心心 =「洛」
慘慘 =「刑」
哈哈 =「在」
嬲嬲 =「亡」
老規矩，tag定朋友齊齊估齊齊等下集一齊聽一齊驚。特別share畀嗰d同你經歷過生死關頭，一齊搞到腎上腺超標嘅frd子入。
PS. 真係唔好玩碟仙
IG : donotsayhello
#真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #口耳相傳 #文字 #學校