【 Live at Alberose 】
_
香港樂壇來到2021年繼續經歷新舊交替,就連新歌派台的宣傳方式亦要改變「玩法」,強如「皇上」張敬軒也要順應潮流,「今年對於我嚟講都係重新嚟過、重新學過,我同公司講,我當自己係新人,因為個世界真係變咗。」
_
為配合新碟《The Brightest Dar...
【 Live at Alberose 】
_
香港樂壇來到2021年繼續經歷新舊交替,就連新歌派台的宣傳方式亦要改變「玩法」,強如「皇上」張敬軒也要順應潮流,「今年對於我嚟講都係重新嚟過、重新學過,我同公司講,我當自己係新人,因為個世界真係變咗。」
_
為配合新碟《The Brightest Darkness》第二首派台歌《Sweet Escape》宣傳,張敬軒再為樂迷來一記出其不意,4月12日凌晨在IG開直播,當粉絲以為只是純粹「開Live」,殊不知他已拿起手機,悄悄走向自己位於薄扶林道的居所、百年大宅「The Alberose」,獻上一場網上音樂會《Live at Alberose》,更請來「雙謙」── 林家謙與馮允謙作客,以獨唱和合唱方式演繹《時光倒流一句話》、《無城有愛》等七首歌,歷時近50分鐘,教歌迷驚呼連連,然而記者看在眼裏,最感到好奇的是:支咪放咗喺邊?
_
張敬軒入行當歌手前,曾經從事幕後工作,任職音響工程師,所以今次他花了很多心思在器材運用之上,特別是三支「看不見的咪高峰」更大有學問。
_
「始終我將自己定位係一個做幕後出身嘅人,我本身都係一個Sound Engineer,其中一樣嘢要變革,就係Broadcasting的Quality,呢樣嘢好緊要,因為喺香港做Audio都入咗一個(固有)模式一段時間,所以由我做(雅旺)錄音室開始,我自己一路都嘗試改變緊,將一啲喺外國普遍用緊嘅Broadcasting方法帶入嚟香港,個Audio Quality做得好咗,受惠嘅都係觀眾同樂迷!」
_
今次《Live in Alberose》全部現場演奏、現場演繹、現場收音,而剛才提到的「看不見的咪高峰」,乾坤就在頭殼頂!「今次收音用咗以前做劇集收音時學番嚟嘅Technique,就係將支咪收埋喺頭髮入面,每個人都係搵前面嗰執陰冚住。」張敬軒說,這種咪高峰多數於歌劇界和電影界使用,方便演員自由走動。
_
張敬軒強調,雖然「咪在頭上」,但收音功能極為靈敏,「你帶耳機聽我地唱歌,啲唞氣聲、口水聲都係聽得清清楚楚。」今次錄製音樂會時,他們仨分別佩戴的是丹麥著名專業音響器材品牌「DPA」,張敬軒用的是4060 Series Subminiature Microphone,參考網上售價為459.95美元,折合約3,587港元,而林家謙和馮允謙佩戴的則是6060 Series Subminiature Microphone,售價為549.95美元,折合約4,290港元。「支咪貴又唔係貴,但佢好Rare(罕有),唔多人用喺Vocal上,所以我哋要特登喺做電影嘅收音師嗰邊租借返嚟,同埋佢唔係一般拍廣告講對白用嘅,係(拍)電影級數嘅收音咪,而且都已經去到『私家咪級數』。」
_
所謂「私家咪級數」,就為歌手度身訂造的意思,雖然是從外面租借得來,「但係佢哋(林家謙與馮允謙)嘅Channel都係我親手去幫佢哋Adjust(調整),包括家謙佢唔鍾意佢平時喺邊啲Frequency嘅聲音,馮允謙佢唔鍾意自己邊把聲,每支咪都係我同個Engineer調音,所以點解大家都係用嗰支咪,但出度嚟嘅聲會咁唔同呢?因為佢哋每個人嘅Spec(規格)都唔同。」
_
張敬軒又笑言,林家謙和馮允謙能夠百忙之中抽時間來到The Alberose一起獻唱,身為主人家當然要用「宴請朋友」的心態、以「最好的美食」來招呼他們。「我覺得有好嘅歌手、好嘅音樂,同樣地Equipment同樣重要,所以我哋今次成個Live,我哋用嘅Console,用嘅Mixer,同埋收音咪,全部都係紅館(騷)Standard,雖然啲配置細好多,但包括導演(莊少榮)、Engineer,仲有導演都係紅館騷(《盛樂》嘅班底,希望一係唔做,一係就做到自己能力範圍內嘅最好。」
_
但何解要放棄平日慣常使用的手持咪?「軒公」指今次將這座百年大宅變成舞台,歌者置身歷史之中,必定有一番感受,故嘗試「搣甩」「演出」兩個字,希望展現平時在紅館騷或其他舞台騷裏甚為少見到的生活感,希望透過今次「棄咪」,於「舞台」裏自由行走,讓大家都能夠在毫無拘束的狀態下唱歌,甚至加入演出元素,來一次演出實驗,讓業界知道,歌手開音樂會,作為音響工程,並非只得一種做法,他亦承認,今次對於音效上的追求如此揼本,乍看或者有點「戇居」,但總有人要踏出第一步。
_
「我唔想有嗰種好音樂會嘅感覺,大家揸住支咪,面對面嗰種感覺,反而好似大家朋友Hang Out,兩隻手可以free啲,成個肢體可以放鬆啲,我都要求兩位嘉賓可以有啲Acting,平時我哋揸住支咪,所以會有『台風』,而家冇『台風』,大家就可以用一個好Neutral嘅狀態去唱歌,我覺得家謙唔同咗,我哋每個人都唔同咗。」
_
張敬軒承認隨着近年人生觀有變,促成今次舉動,因為未來會怎樣,沒人說得準。「呢幾年我身邊真係走咗好多朋友呀,包括較早時間香港電台嘅閆擎(離世)。我哋今日可以喺個台度做呢個表演,聽日真係唔知發生咩事,咁樣諗唔係消極㗎,所以每次都當最尾一次嚟做,我之前開八場,每一晚都去盡,冇留聲,而我見到好多新一輩都係咁,每次Performance都係去盡,我覺得應該要有呢個精神,要把握好每一個當下,呢個好緊要。」
_
( #11052021 )
_
#游大東影視筆記 #張敬軒 #林家謙 #馮允謙
張敬軒林家謙 在 more Facebook 的最佳貼文
【#More熱話】聽覺同視覺享受,超正!小編Loop咗好多次~
影片授權:張敬軒 Hins Cheung
完整影片:https://youtu.be/_5EiSjvrH-c
Sweet Escape:https://youtu.be/Dwky4314-1I
#morehk #張敬軒 #林家謙 #馮允謙 #小編E
-------------------
💋 關注變靚資訊 👉🏻 sundaymore.app.link/K624FXtUCdb
張敬軒林家謙 在 谷Live Facebook 的精選貼文
【張敬軒深宵放毒】 張敬軒 Hins Cheung 全新廣東作品《Sweet Escape》今日推出,MV於昨晚十二時首播。為了宣傳新歌,軒仔於MV首播前十分鐘開IG Live,為新歌預熱兼與歌迷互動一番,隨後便齊齊欣賞MV。MV播完後,軒仔貫徹其「你估我唔到」的風格,再為歌迷送上驚喜,來一個無預警的線上音樂會《Live at Alberose》,更邀來 林家謙 Terence Lam 及 馮允謙 Jay Fung 合作。雖然深夜開Live,但觀看人數IG 及 Facebook 合共高達萬人,軒仔完成後表示已經26小時不眠不休,希望一眾歌迷會喜歡今次送上的驚喜禮物。
Live at Alberose
1. 《懷舊情人》張敬軒
2. 《無城有愛》張敬軒/馮允謙
3. 《遠在眼前》馮允謙
4. 《假以時日》林家謙
5. 《時光倒流一句話》張敬軒/林家謙
6. 《形影不離》張敬軒
7. 《Sweet Escape》張敬軒
#LiveatAlberose #張敬軒 #馮允謙 #林家謙
#香港製造 #MadeInHongKong #香港人撐香港音樂
----------------------------------------------
👍🏻 Facebook:https://bit.ly/2HZAgDL
♥️ IG:https://bit.ly/34PhuYx
⭕ YouTube:http://www.youtube.com/c/谷Live
📍 MEWE:https://mewe.com/p/谷live
🏆 谷撐音樂流行榜:https://bit.ly/3q6yB0l