【 AGA重新演繹竹內瑪莉亞《Plastic Love》】 _ 置身閱後即焚的時代，海量訊息不停撲面湧來，再重要的事，在網上流傳的時間，最多也不過一兩天，嚴肅新聞如是，消閒娛樂話題的「壽命」更短，所以作為影視娛樂的創作者、表演者和幕後策劃者，都會用盡方法，希望自己的作品「生命」能夠在廣闊無垠的網絡大海裏多點時間「浮上水面」讓人看見。 _ 例子的確很多。除了近日紅到「爆廠」的 #MIRROR 與 #ERROR 之外，亦想起AGA。由她作曲、 #林若寧 填詞、 #波多野裕介 編曲、 #舒文 監製的單曲《City Pop》，早前派台後，先後獲得港台「中文歌曲龍虎榜」、ViuTV「Chill Club推介榜」和TVB「勁歌金榜」冠軍，商台「903專業推介」最高亦去到亞軍位置。 _ 成績那麼好，然後呢？還有然後嗎？就這樣「眼白白」看着這首新歌讓其他作品蓋過嗎？唱片公司環球唱片就想到不如推出另一首歌，延續《City Pop》的討論度。問題來了。臨時臨急，哪來新歌？今時今日唱Cover如此流行，重新演繹的舊歌，其實也可以當作新歌來聽，所以AGA聰明的選擇了近年備受追捧的「日系City Pop洗腦神曲」、竹內瑪莉亞（竹内まりや）於1984推出的《Plastic Love》。 _ 之前另一篇報道中已寫過，陳偉武執導的《City Pop》MV第53秒，清楚顯示霓虹招牌的「Plastic Love」和「突然のキスや 熱いまなざしで」（突然的Kiss、灼熱的眼神），其實是《Plastic Love》開首第一句歌詞，導演承認：「《Plastic Love》係City Pop文化嘅神曲，難得AGA同舒老闆（舒文）將呢個文化帶入香港主流樂壇，我好想借呢個機會向神曲致敬。」 _ 到底《Plastic Love》有幾神？這首歌由竹內的丈夫、日本City Pop其中一位靈魂人物山下達郎創作，收錄於大碟《VARIETY》裏，單曲當年推出只在「Oricon公信榜」獲得最高86位，未算標青。33年後，即2017年，一位名叫「Plastic Love」的YouTube用戶上載《Plastic Love》的原曲，配以一張竹內年輕時的黑白照片，意想不到的是，這首歌竟然在網上瘋傳，至今已累積接近6,400萬瀏覽率。及至2019年，唱片公司Warner Music Japan則在此曲面世35周年，推出短版MV，收錄於紀錄竹內出道40年的精選大碟《Turntable》，可見AGA今次選擇重新演繹《Plastic Love》並不是隨意選擇，而是呼應她的新歌。 _ Cover Version分為兩個部份，上半是日文原曲，下半是梅艷芳1987年推出、陳少琪填詞的改編版《尋愛》（《烈燄紅唇》大碟）。由於AGA新版是重新編曲，所以當代氣息更重，畢竟香港人唱日文怎也及不上日本人，所以個人觀感覺得AGA翻唱《尋愛》的部份較《Plastic Love》優勝。除了翻唱版本，AGA亦於日前推出《City Pop》的英文版，由AGA一人包辦曲詞，開首兩句歌詞：「I would never tell you if you’re way over the top／Love and hate this kind of citypop」正是廣東版的最後兩句，在盛夏不想外出的慵懶日子，若將兩者連同2018年台灣創作歌手 #9m88 的翻唱版接續收聽，說不定可以狂Loop大半天。 _ （23052021） _ #游大東影視筆記 #游大東 #AGA #CITYPOP #竹內まりや #plasticlove #梅艷芳 #山下達郎 #江海迦 @privatezoo @yamanyamo @momomomoc @9588hk #yautaitung #coversong #coverversion #23052021

【 日本著名作曲家菊池俊輔病逝 】 _ 你未必聽過菊池俊輔這個名字，但你一定聽過他的音樂作品：「人人期望可達到」的《叮噹》（即《多啦A夢》／《ドラえもん》／1979）、「靈感IQ稱得上十分之高超」的《IQ博士》（《Dr.スランプ》／1981），也可以是「龍咁威特種警衛」（原曲為《面影》／日劇《猛龍特警隊》第一集至第58集片尾曲／Gメン'75），還有《幪面超人》（仮面ライダー）那句「蛇麻Lu，Short㗎」，以及你甚至不知道作品名字，聽落卻相當耳熟的《龍珠》配樂，統統都是菊池俊輔的經典作品，可惜一切已成絕響。 _ 據日本傳媒報道，日本音樂著作權協會（日本音楽著作権協会／JASRAC）周三（28／4）在官網公布，指菊池俊輔於4月24日在東京一家療養院裹病逝，終年89歲，生前他因為吸入性肺炎已入院醫治多時，而葬禮僅安排家族成員出席，追思會安排則未有定案。 _ 菊池俊輔於1931年在日本青森縣弘前市出世，大學時代就讀日本大學藝術學部，主修作曲。1961年，即菊池俊輔30歲的時候，他以電影音樂作曲家的身份出道，主力負責東映的電影音樂，處男作是為佐藤肇導演的電影《第八位敵人》（八人目の敵）創作，及至1963年，他為劇集《野菊之墓》首次創作配樂。 _ 隨着1962年彩色電視機於日本普及，日本電視製作起飛，連帶菊池俊輔的音樂作品，包括主題曲和配樂，亦因為透過電視台播放連續劇、特攝片和卡通片，而漸漸成為極重要的日本流行文化產物，《虎面人》（タイガーマスク／1969）、《三一萬能俠》（ゲッターロボ／1974）、《沙漠神童》（即《巴比倫2世》／バビル2世／1973）、《忍者小靈精》（忍者ハットリくん／1981）、《Q太郎》（1985）、日劇《赤的疑惑》（1975）和日劇《赤的衝擊》（1976）等等，數之不盡。菊池從事作曲逾半世紀，1983年至2019年間，曾多次獲得日本音樂著作權協會表揚，2015年獲頒日本金唱片成就獎。 _ 對香港人而言，最熟悉的應該是《猛龍特警隊》和《叮噹》吧，前者是同名日劇的第一代片尾曲《面影》，原唱是島崎由理（しまざき由理），1977年因為無綫購入版權，順理成章推出廣東話版，由盧國沾填詞，曾經有汪明荃、石修，而徐小鳳在1976年已率先翻唱佐藤純彌作詞的原裝日文版，但令到新一代認識這首經典，不得不提2003年谷德昭執導的《龍咁威》，因為主角鄭中基翻唱此曲。至於《叮噹》的港版則由鄭國江填詞，第一代主唱是小太陽兒童合唱團，想當年真正做到全香港人人都識唱，後來陳慧琳亦重新演繹，但歌曲散發的味道已跟80年代的版本相差甚遠。 _ 圖片來源：twitter _ （01052021） _ #游大東 #游大東影視筆記 #菊池俊輔 #幪面超人 #叮噹 #多啦a夢 #龍珠 #IQ博士 #日劇 #猛龍特警隊 #龍咁威 #yautaitung #rip #01052021 #dwbf 日本

【關於《贈別》一詞的嚴正聲明】 最近半年，一直有人喺唔同社交媒體中抹黑我，話我筆下嘅《贈別》一詞係抄襲咗唔知內乜嘢郎。 創作《贈別》呢份詞，我只有聽過原曲同睇過日文原詞嘅中文翻譯，從來無睇過任何人填嘅粵語版本，甚至係喺遭到抹黑嘅時侯先知道原來有其他人填過。 對我而言，填詞呢件事好神聖。我根本唔會，亦不屑去「抄」任何人。而呢首《贈別》嘅方向係希望貼近原曲意思去做一首廣東話版。 日本原版歌詞入面有花瓣，有沙，有波浪，甚至連歌名譯返中文都係「雖然歌是無形的」。所以我份歌詞入面有花有沙有波浪，有「歌聲縱幻變無形」等等。 我唔相信呢個世界會有人無恥到認為自己用咗日文原曲本身有嘅字詞，就可以將堆字詞據為己有，見到其他人都用，就會自大到覺得其他人係抄佢，而唔係參考日文原曲，我諗一直抹黑同散播不實謠言嘅人，應該唔會係內乜嘢郎本人。 因為應該無人咁無恥嘅。應該無人咁自大嘅。 後來有人ＳＥＮＤ咗一段內乜嘢郎打嘅長篇大論比我。其中有一段係話，就算填果陣根本無睇過佢嘅詞，後尾見到自己嘅詞同佢有相似之處，都應該ＣＲＥＤＩＴ佢（？！） 哇，我當堂嚇咗一大跳，然後就笑唔出喇，我唔係遇上咗痴線佬吓話？我唔相信呢個世界會有人厚臉皮到呢個地步。我唔相信今時今日仲會見到古代山賊嘅「此路是我開，此樹是我栽」概念。 佢話似就係似，可以隨便人格謀殺他人？隨便分享人地嘅勞動成果？我諗打果段長篇大論嘅人，應該唔會係內乜嘢郎本人。 因為應該無人咁無恥嘅。應該無人咁自大嘅。 本身以為幻覺嚇我唔到，但係事實又唔到我唔信，因為我居然見到同我好似孖公仔咁嘅火土哥，居然都受到呢位內乜嘢郎嘅「被抄襲」。 果陣火土哥出咗首前前前世，有人放咗上大陸網，內乜嘢郎同佢嘅黨羽居然喺段片下面圍攻火土，一個又一個睇唔清係主觀定客觀嘅回覆，咬定火土係抄襲。火土有回應自己絕無抄襲，更表明自己無睇過內乜嘢郎嘅歌詞。但係雙拳難敵四手，雖然唔知四手係唔係影分身，最後果段影片下方加上咗一句抹煞咗火土努動成果嘅句子： 「原曲填詞: 內乜嘢郎」 雖然我對火土哥某種行徑深惡痛絕，但係睇完兩份詞，我係真心覺得火土哥根本無抄過內乜嘢郎。 果陣時只有一個諗法，會唔會係有人眼紅人地版本多人聽過自己版本，所以要靠屈人去拎個尾彩。不過應該無人人格會咁低劣掛？ 直到最近類似嘅事發生喺我身上，見到有人話我「拒認抄襲」。基本上望到「拒認」兩隻字已經見到司馬昭個小心肝。從來無做過嘅嘢，根本唔存在承唔承認，更唔存在拒絕唔拒絕。我唔相信乜嘢「拒認」會係內乜嘢郎本人打嘅，可能只係佢嘅ｆａｎｓ護偶像心切？ 因為應該無人咁無恥嘅。應該無人咁自大嘅。 我份人唔特別惹事，唔代表我好怕事。 含冤受屈唔適合我，你地搵錯對象。 I will reserve all my legal rights。