雖然這篇廣東愛情故事粵語鄉民發文沒有被收入到精華區：在廣東愛情故事粵語這個話題中，我們另外找到其它相關的精選爆讚文章
在 廣東愛情故事粵語產品中有38篇Facebook貼文，粉絲數超過0的網紅，也在其Facebook貼文中提到， 書生捕獵團（上） 落魄嘅書生，路過一個小鎮。 佢遇上一個富家小姐，欣賞佢嘅才華，以身相許，兩個人私訂終身。 小姐仲畀晒自己嘅私房錢，畀書生做盤纏。 書生得到愛情同金錢嘅鼓勵，信心滿滿咁上京趕考，順利考到狀元。 赴過瓊林宴，打馬御街前。 書生不忘舊情，大紅花轎迎接小姐。 小姐成...
同時也有2部Youtube影片，追蹤數超過6萬的網紅高松傑高Sir正能量，也在其Youtube影片中提到，《港青以行動助祖國 捐贈高科技消毒方案協助湖北及廣東前綫》 為了展示香港青年一代對祖國的關愛，由一班青年領袖代表組成的「香港青年抗疫行動」，及香港陽江青年總會主辦，陽江市僑界青年聯合會及香港菁英會合辦"香港青年抗疫行動之［高科技消毒方案協助湖北及廣東抗疫前綫］"之活活動，由發起人庄守堃和高松傑向...
廣東愛情故事粵語 在 游大東 Instagram 的最讚貼文
2021-06-21 11:41:08
【 莫文蔚20年後推出《婦女新知》續集 】 _ 將於周五晚（11/6）在紅館舉行的《絕色莫文蔚世界巡迴演唱會香港站2021》，莫文蔚（Karen）早前在邵氏影城綵排時已預告，會為香港觀眾度身訂造不一樣的「終極歌單」，「今次返香港，好多之前冇機會唱嘅廣東歌都會擺入去今次呢個騷，所以Rundown會有好...
廣東愛情故事粵語 在 陳美濤Tomato Chan Instagram 的最讚貼文
2021-04-30 10:01:22
我同家姐個名一樣（上） . 我叫明秀，名字表達咗父母對子女嘅期望，阿媽希望我聰明同優秀，所以叫我做明秀。 . 有趣嘅係，我家姐都叫明秀，我諗冇邊個家庭，會有一對同名嘅姐妹。 . 嚴格嚟講，我都唔可以話，我同家姐同名。 . 因為由始至終，只有一個明秀。 . ， 簡單啲講，我同家姐係雙胞胎，生得一...
廣東愛情故事粵語 在 陳美濤Tomato Chan Instagram 的最佳解答
2021-02-02 00:32:12
孔雀開屏記（上） . 孔雀開屏，係為咗求偶。 . 但用得個「求」字，就會有「求不得」；用得個「溝」字，就會有「溝唔到」。 . ， 作為一隻雄性孔雀，我嘅尾羽生得唔靚，我都知道，自己求偶冇咁易成功。 . 但係真係被心儀嘅雌孔雀拒絕嗰陣，我依然好傷心。 . 我同好兄弟阿龍傾計：「你話，點先可以令...
-
廣東愛情故事粵語 在 高松傑高Sir正能量 Youtube 的最佳解答
2020-03-17 00:11:01《港青以行動助祖國 捐贈高科技消毒方案協助湖北及廣東前綫》
為了展示香港青年一代對祖國的關愛，由一班青年領袖代表組成的「香港青年抗疫行動」，及香港陽江青年總會主辦，陽江市僑界青年聯合會及香港菁英會合辦"香港青年抗疫行動之［高科技消毒方案協助湖北及廣東抗疫前綫］"之活活動，由發起人庄守堃和高松傑向香港青年籌集，並獲愛⼼機構"匯誠創科有限公司"捐贈高科技消毒物資 ，捐出2台消毒效果達到99.9999%的99T 消毒機 及36支消毒藥⽔ ，總值超過35万港元 ，捐贈予武漢亞⼼總醫院（港資醫院）及廣州醫科大學第二附屬醫院。
捐贈儀式於今日16/3/2020 在武漢亞⼼總醫院（港資醫院）的辦公室舉行捐贈儀式，由愛⼼機構"誠創科有限公司負責人陳志邦及其代表、發起人莊守堃、曾鳳珠、高松傑、林偉文，及捐贈者陳美賢出席向武漢亞⼼總醫院代表陳文偉總經理捐贈及問候。21/3/2020發起人莊守堃會親身到廣州醫科大學第二附屬醫院進行捐贈。
發起人莊守堃表示: 我們與祖國血濃於水，身為香港的青年領袖應作出榜樣，希望鼓勵更多香港青年用行動支持組國同胞，感謝愛⼼機構誠創科有限公司陳志邦先生熱心贊助。
發起人高松傑表示:香港青年富活力和創意，所以今次活動以科技力量希望幫助祖國在抗疫行動中發揮助力。
直播片段影片:https://youtu.be/zwpxY0P02Cc
#男人幫大聯盟 #華記 #黑超哥 #Man哥 #暴龍 #大衛Sir #冲san #馬池 #高Sir
#青年快閃社區清潔大行動
#人間記者會
#青年護旗手
——————————————————
五星正能量? 真係爆哂燈?
請大家幫幫手：
1. 訂閱「高松傑 - 小小人物做小事Jacky」youtube 頻道 (訂閱係免費架) https://youtube.com/jackyko1109 ；
2. 贊好並留言支持；
3. 將影片分享開去。![post-title]()
-
廣東愛情故事粵語 在 高松傑高Sir正能量 Youtube 的精選貼文
2020-03-16 15:27:10希望大家可以幫手：
1. 訂閱「高松傑 - 小小人物做小事Jacky」youtube 頻道 (訂閱係免費架)；
2. 贊好並留言支持；
3. 將此影片分享開去；
4. 或成為高SIR正能量會員 (https://www.youtube.com/channel/UCnFK08kffRihclBZHWgfbXQ/join )。![post-title]()
廣東愛情故事粵語 在 Facebook 的最讚貼文
書生捕獵團（上）
落魄嘅書生，路過一個小鎮。
佢遇上一個富家小姐，欣賞佢嘅才華，以身相許，兩個人私訂終身。
小姐仲畀晒自己嘅私房錢，畀書生做盤纏。
書生得到愛情同金錢嘅鼓勵，信心滿滿咁上京趕考，順利考到狀元。
赴過瓊林宴，打馬御街前。
書生不忘舊情，大紅花轎迎接小姐。
小姐成為官夫人，人人艷羨，兩個人幸福快樂咁生活落去。
耶！
嗱，呢個就係「書生與小姐」嘅理想故事。
呢個故事我已經聽咗一百次，但故事依然未實現。
自我介紹一下，我叫露珠，係一個丫環，我自細就同小姐一齊長大。
小姐自然係富家小姐，靚女一名，老爺係做生意嘅，都算有錢。
老爺點樣有錢都好，佢始終係商人。
係呢個年代，商人就係俾人睇唔起嘅，滿身銅臭。
所以，小姐自細嘅心願，就係嫁畀一個做官嘅男人，成為眾人艷羨嘅官夫人。
小姐長大後，先發現呢個心願有幾難。
官員之間會聯姻，大家都要面子，根本唔會娶一個富商嘅女。
就算有啲官員等錢洗，大把巨富之家嘅千金，等住嫁去做官夫人。
相比之下，以老爺副身家，真係排隊都輪唔到。
所以，小姐嘅計劃都有所變動。
既然冇可能嫁畀「已經做官嘅男人」，唯有喺男人未做官前，趁低吸納，建立感情。
換句話講，即係要溝考中科舉嘅男人，狀元榜眼探花嗰啲。
小姐嘅「書生捕獵計劃」正式開始。
小姐吩咐我收集資料，了解路過呢個鎮，上京趕考嘅書生。
要了解佢哋嘅年紀、屋企有冇老婆、性格、愛好，最緊要係成績好，有潛質考中科舉。
有錢洗得鬼推磨，我哋好快就整理咗一本「書生記事錄」，仲不定期更新。
小姐嘅目標，就係年輕單身、成績優異嘅書生，實現「書生與小姐」嘅美好未來。
計劃嘅第一步「勾引書生」，往往係成功嘅。
想像吓，當你一貧如洗，寒窗苦讀嗰陣，突然有個美麗嘅富家小姐，話仰慕你嘅才華，願意以身相許。
十個男人，九個都唔會拒絕。
到目前為止，小姐已經成功勾引咗十八個書生，送埋盤纏畀佢哋上京趕考。
但問題係，到目前為止，仲未有一個書生考中科舉，返嚟娶小姐。
應該話，都有三、四個書生考中咗，但佢哋全部都唔認數，仲有人喺京城娶咗大官嘅女。
當小姐託人寄信去京城，要佢哋兌現承諾，勿忘白頭之約。
嗯，每一封信都石沉大海。
有一次，小姐唔服氣，仲千里迢迢去咗京城，拎住訂情信物，搵中咗舉嘅書生。
但嗰個書生居然唔認數，話唔識小姐，激到小姐爭啲嘔血。
唉，冇良心嘅人實在太多啦。
小姐好困擾，突然有一日，小姐問我：「露珠，你話我係咪應該……生個小朋友呢？」
一直以嚟，小姐雖然對唔同人以身相許，但自己都有小心避孕。
小姐嘅意思係，佢唔再避孕，咁書生中舉後，就可以抱住個小朋友，去逼書生認數。
「小姐，如果你生咗，但個書生冇中舉呢？個個都知你做咗阿媽，你點樣去識下一個書生？」
我一連拋出幾個問題，小姐啞口無言。
呢啲道理小姐都明白，只係佢年紀愈嚟愈大，仲未搵到書生埋單，開始慌張。
我同小姐情同姐妹，見住佢勾引一個又一個嘅書生，一次又一次咁失望，我都好心痛。
我終於忍唔住講：「小姐，不如放棄啦。」
做官夫人雖然威風，但做唔到丫嘛。
下集：https://bit.ly/3nXfac7
Patreon訂閱即時睇下集，快人一步：https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #書生捕獵團
廣東愛情故事粵語 在 Facebook 的最佳貼文
我嘅職業係：製作虛擬女友（下）
上集：https://bit.ly/3iF2K62
直到有一日，我睇到一單新聞，一單轟動全港嘅殺妻案。
殺老婆嘅，係阿傑。
阿傑嘅老婆患上怪病，連基本嘅自理能力都冇，記憶力同智力都受到影響。
阿傑試過請看護，但一來自己人工唔高，請唔到最好嘅看護；二來連續請咗幾個看護，都冇好妥善咁照顧老婆，至少阿傑唔滿意。
所以，阿傑辭咗職，全職照顧老婆。
所有人都話，阿傑係難得嘅好男人，但阿傑當時都估唔到，全職照顧一個病人嘅壓力有幾大。
老婆嘅血液循環唔暢通，每三個鐘就要翻一次身，再用手按摩全身，一次就要成廿分鐘。
如果遲咗翻身，老婆嘅身體就會出密密麻麻嘅瘡，啲瘡仲會好快流膿，皮膚會慢慢裂開，紅嘅血、黃嘅膿混為一體……
有一次，阿傑實在太攰，瞓過龍。
醒番嗰陣，床單已經被膿血覆蓋，老婆又痛又痕，流晒冷汗。
阿傑問老婆做咩唔叫醒佢，老婆答：「你咁攰，我想你瞓吓。」
佢哋兩個一齊攬住喊。
為咗照顧老婆，阿傑只可以靠接Freelance維持生計。
老婆精神啲嗰陣，阿傑都試過推輪椅帶佢出去玩。
但大多數都係以老婆突然病發，又或者要應付某啲生理狀況，只可以狼狽咁離開。
阿傑嘅事業好難再發展，生活亦冇任何樂趣。
終於有一日，阿傑不勝其煩，喺老婆睡夢中，捏死咗佢。
阿傑話，即使佢殺咗老婆，佢最愛都係老婆。
我一聽到佢咁講，就嗤之以鼻。
阿傑最愛明明係初戀小琳，就算捉襟見肘，都專門嚟訂造虛擬女友。
話唔定，阿傑仲諗住偷偷殺咗老婆之後，可以同小琳舊情復熾添。
我覺得，係依加殺妻單嘢穿咗，阿傑冇得揀，先扮晒深情之嘛。
但當我上網搵呢單案嘅更多資料，我見到阿傑老婆病之前嘅相……同小琳一模一樣，連個名都係叫小琳。
阿傑嘅朋友上網講起佢哋嘅愛情故事，雙方都係初戀，拍咗好多年拖，結婚。
雖然經濟條件唔係特別好，但兩個人好相愛，好似天生一對咁，係所有朋友羨慕嘅對象。
直到，小琳身患怪病。
我呆咗。
我諗番起，阿傑訂造虛擬女友嗰陣，佢嘅急切同深情。
由始至終，佢愛嘅都係小琳。
只不過，佢最愛嘅，係當年健康活潑嘅小琳。
面對久病在床，摧毀自己生活嘅小琳，阿傑終於忍唔住，殺咗佢。
到底愛，係愛一個人，
定係愛一個人帶畀自己嘅美好生活？
—完—
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我嘅職業係製作虛擬女友
廣東愛情故事粵語 在 Facebook 的最佳解答
巨龍娶咗老婆後（下）
上集：https://bit.ly/3fVAyIW
之後，所有村民走晒，得番小美同我，你眼望我一眼。
小美「嘩」一聲喊咗出嚟：「就係因為你，我無家可歸啦。」
「呢度就係你屋企，你就係女主人，我都聽晒你話，你話乜我都話好，我會愛你一生一世……」我千方百計咁哄小美，好不容易先令佢唔再喊。
小美半信半疑咁問：「你真係會聽晒我話？」
「會，女人就係要嚟錫㗎嘛。」我點頭如搗蒜。
小美又問：「你唔會逼我嫁畀你？」
「唔會，我都期待心心相許嘅愛情，逼番嚟嘅嘢有乜意思。」我答得爽快。
小美沉默咗一陣，突然問：「咁你唔覺得，人同龍好唔平等㗎咩？」
「吓？」我終於呆咗。
跟住，我哋就展開咗一場激烈嘅辯論。
小美問：「我係一個人權主義者，點解人要將靚女送畀龍做『龍妻』，唔係將龍送出嚟做『人妻』？」
「因為龍冇雌性。」我下意識答。
小美又問：「咁點解唔可以係龍主動追女仔，自由戀愛，莫道你在選擇人，人亦能選擇你？」
「因為龍唔可以離開龍洞。」我答。
小美問：「離開咗會點？」
「龍始終係氣運所在，祖宗擔心，如果龍頻繁同外人交往，最終會俾人利用。所以限制龍唔可以離開守龍村，連龍洞都少出。」
我再答：「等龍留低後代，修練得道，先可以飛升成仙。總之人間嘅龍一定要留喺守龍村，守龍村亦至少要有一條龍。」
小美再問：「你唔悶咩？」
我答：「所有龍都係咁㗎啦，守龍村會送食物玩具，大把嘢玩，畀你睇我部新PSP……」
小美打斷我嘅說話：「咁咪即係廢柴囉。」
我完全唔明，佢點解會得出呢個結論。
小美大聲問：「你享受龍嘅身份，根本冇自己奮鬥過，就係等守龍村提供所有嘢，連老婆都畀埋你，你唔覺得羞恥咩？」
「但我真係龍，人間唯一嘅龍，龍享受龍嘅身份，有咩問題？」我完全唔明。
小美強調：「我唔希望將來我個仔，係恃住龍嘅身份去享受，我希望佢自己去奮鬥。」
「咁我要點做？」我愈聽愈迷茫。
小美答：「你要離開守龍村，放低龍嘅身份，同其他人公平競爭，先係我心目中嘅強者！我先會嫁畀你！」
吓，我哋龍族已經喺守龍村住咗二千幾年，祖祖輩輩都冇走，突然要我打破傳統？
我冇即刻應承，但小美成日講：「做龍妻唔係一個童話故事，係悲慘地失去咗自由同自我認同。」
「我從來都唔知龍係點㗎，我雖然住喺守龍村，以前從來冇search過龍。」
「做龍妻真係令我想自殺，我覺得好羞恥。」
我真係好愛小美，最終我下定決心，帶佢離開守龍村。
我唔知自己要做啲咩，唔知要去邊度，總之我化為原形，揹住小美，飛向天際。
下一秒，守龍村化為灰燼。
我呆咗，小美都呆咗。
小美口都震埋：「點解會咁嘅？」
「守龍村嘅存在，就係為咗守龍。可能祖龍設咗禁制，只要村裡面唔再有龍，就……」
我都係估㗎咋，兩千年嚟都冇龍咁樣離開過，我點知啫。
「我嘅父母、我嘅朋友……」小美泣不成聲。
可惜，我哋已經返唔到去。
好多人都要奮鬥，好多人透過奮鬥都有更好嘅未來，但唔代表每個人都適合奮鬥。
有啲人嘅身份，注定佢哋唔鬥好過鬥。
同埋，千祈唔好女人話點你就點啊！
—完—
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #巨龍娶咗老婆後