黃金冒險號 願你再啟航 自鑚石公主號事件，封港十八個月，電台公司和自己都認為：要放大假了。 秋天初抵牛津，悠閑中在橋頭畫畫，有一位巴基斯坦裔女攝影師走過，看我畫畫，拍了一張照。 她巡迴英國古鎮，拍街頭的人生動態，來此地幾天，想呈現一個21世紀不同的牛津。我也看了她的作品，她的照片有一張拍到一條巷邊一個咖啡座，有一個穿白襯衫紅背心的意大利老闆，桌邊一個女顧客，臉上和手臂照現着一缐金黃的陽光。我說：我喜歡這缐陽光，而這個景不像在牛津，拍攝的人是你，畫畫的人是我，像全球化的世界。 我說：在阿拉伯有很多女性有你這樣的才華，但困於那種制度，實令人窒息。我很高興你也來到英國，定居在自由的土壤，發揮你的個性，釋放想像。 我們談到了阿富汗和中東，以及那個世界的女性，巴基斯坦的貝娜齊爾布圖和她的父親，以及繪畫和攝影之間的相似與不同。由於交談的時間長，以致鉛筆的這張寫生筆觸略嫌濃密了一些，因為我捨不得結束，而她看着我畫完，輕快的道別。 在橋上的藝術偶遇，大焉者可以是但丁在翡冷翠見到年幼的比特麗絲；小如在牛津這流水的一角，一個提着畫板的香港人遇到一個拿着攝影機的伊斯蘭旅人。 在香港，有許多南亞裔人士，住在尖沙咀，長居重慶大廈，但「他們」是他們，「我們」活在另一個世界。但是在心情愉悅的土地上，簡單、純樸、沒有猜疑和計算、沒有激憤中的揣摸，沒有仇恨，一切原來可以融通。如果説偶然是一種緣，那麼流年裏所有的邂逅，都是生命中一路繽紛的無盡花開。一個回眸，一次駐足，一聲祝福，一份牽念，都是無意沾得的一灑芬芳。 這樣的感覺，很久沒有了。 計劃在英國放一下假，辦完一點事，應該會回來。日子很困難，在陰霾和幽雨的日子，願大家一起堅毅忍耐，願你的心田廣潤之處，阡陌花開。

📍 一門 係正銅鑼灣F出口隔離既一門 係一間裝修別緻既日式居酒屋🏮 有吧枱亦有卡位 空間幾大 座位都幾舒適👍🏻 menu 食物選擇仲要好多好豐富添😻 係店員介紹之下 我哋試左以下幾款食物👅 1. 厚燒玉子 不愧為呢度招牌菜式 睇老闆改良過下既玉子燒幼滑無比 蛋味香甜😍 兩個人食一件啱啱好 唔會覺得好膩👍🏻 2. 東洋卷 另一樣必點菜式😍 用pancake皮包住滿滿既蟹籽 鰻魚同牛油果🥑店員特別提我地一定要一啖食到所有嘢🤣 用上香甜嘅pancake皮包味道出奇嘅夾 蟹籽帶出口感 牛油果同鰻魚俾人一種好肥美嘅感覺 好好食😋 3. 吞拿魚溫泉玉子沙律 有非常多吞拿魚😍 賣相吸引 吞拿魚加上溫泉蛋 配上醬汁都幾好食👍🏻 4. 牛肉石頭燒飯 石頭鍋燒到好熱 上菜後店員會幫手撈均溫泉蛋同牛肉飯 底部食到飯焦👅 5. 海膽蟹肉牛油果卷 賣相吸引 飯卷入邊包裹住牛油果同淮山漬 口感爽脆 出面比較少見😆 鍾意食淮山嘅朋友可以試吓 6. 汁燒明太子日本魷魚 熱辣辣燒好嘅魷魚本身已經好吸引 再加上明太子沙律醬 真係好邪惡好正 送酒一流🍸 7. 巨峰乳酸梳打 無論配壽司定係串燒都一流 啱晒唔想飲酒嘅朋友就可以飲呢款梳打🥰 8. 荔枝西柚燒酎 想有少少酒精就一定要推薦飲佢哋嘅燒酎 飲落有少少荔枝嘅香甜味 又帶有酸酸甜甜嘅西柚味 好fresh🌟 價錢： 厚燒玉子 $60 東洋卷 $72 吞拿魚溫泉玉子沙律 $148 牛肉石頭燒飯 $88 海膽蟹肉牛油果卷 $180 汁燒明太子日本魷魚 $158 巨峰乳酸梳打 $42 荔枝西柚燒酎 $52 分數： 👦🏻: 7.5/10 👧🏻: 7/10 地址： 銅鑼灣軒尼詩道502號黃金廣場4樓 #followMSto銅鑼灣 #followmseat日本菜

呢間叫做春禧堂嘅台式餐廳今日正式開業，進駐尖沙咀中港城，小弟早前有幸獲邀出席佢哋嘅試業派對🥳率先試左佢哋多款的台式美食和飲品，等我同大家逐一介紹下啦😋 . 👉🏻紅燒腱心牛肉麵🍜 一上枱嘅時候俾佢個大碗震撼到，個碗真係超級大，入面嘅份量當然都唔少啦。首先第一時間試吓佢個湯，湯頭有好濃牛骨味但不會很俗，入口都好清好順，飲得出應該熬製咗好耐👍上面嘅牛肉都唔少，有啲似我哋平時食開嘅牛𦟌，仲有牛肋條同埋牛筋，超豐富，而且每一舊都炆得夠腍又好入味，正😋。麵底方面佢係用類似手工麵，煙韌得來比較掛湯，整體來講係一碗出色嘅牛肉麵，而且價錢都係介乎$6x至$7x蚊一碗，以佢嘅份量同埋質素黎講CP值高！ 👉🏻鹽酥雞扒滷肉飯🍛 除咗頭先嘅牛肉麵，佢呢一款飯都會配前菜，好有返左台灣嘅感覺😋佢的前菜分別係青瓜，茄子同埋小雲耳，三款都係微辣而且好開胃😋呢個鹽酥雞扒，真係不得了佢嘅外皮炸到夠晒酥脆，入面嘅雞扒又唔會好乾仲保持到肉汁，佢嘅炸物真係唔錯👍滷肉飯都好大碗，上面嘅滷肉都好多，出手絕對唔吝嗇，而且味道都做得好似台灣地道，係食完一口仲想再接一口嗰種，我同朋友好快就清晒🤣 👉🏻秋分鮮雞台式火鍋🍲 呢款係一人一鍋嘅台式火鍋，呢個鍋的材料包左鮮雞件，手工餃子，豆腐，雞髀菇，金針菇同娃娃菜，呢個火鍋相對地比較清淡，雞件都算新鮮同埋清甜，所以我哋就要點佢哋自己自家製隻辣椒油，佢個辣椒油又係好得，又辣又香，我同朋友問老闆有冇得賣，佢話遲啲係會有得賣，不過因為琴日係試業所以仲未有，下次我都會記住返嚟買佢嘅辣椒油㗎啦🤣 👉🏻台式小食🧆 我哋響等餐嘅過程都點左一啲唔同嘅台式小食一邊食住等，有古早味滷水雞翼，椒鹽花枝丸同埋炸地瓜條，個椒鹽花枝丸一定要試，出面佢係包左一啲好似瓜子等果仁嘅脆脆去炸，而且個火候控制得啱啱好，唔會覺得好油膩，超級好食😋 👉🏻喺呢度仲有好多特色嘅台式飲品，我點左一杯芝士奶蓋火龍果茶，角色係用紅肉火龍果所以好靚，飲落就比較清淡，芝士味都唔算好濃。朋友嗰杯係藍柑梳打，個樣都係好靚，佢話味道都唔錯😋 . 整體來講食完呢一餐台式晚餐感覺真係好似返咗台灣咁，夠晒地道可以一解我對台灣嘅思鄉之情，下次經開尖沙咀我都會返嚟解下鄉愁㗎😋 店名： 春禧堂 地址：尖沙咀廣東道33號中港城2座PL層3號舖（柯士甸站E出口 / 尖沙咀站A1出口） #春禧堂 #尖沙咀中港城 #台式餐廳 #台式美食 #眷村牛肉麵 #春禧牛肉鍋 #台式四季火鍋 #台式蚵仔酥 #芝士奶蓋火龍果茶 #藍柑梳打 #好掛住台灣