【別讓科系限制你未來的出路】#選系遇到困難嗎​
​
「選填大學科系」可說是人生重大抉擇之一，越重要的抉擇，身邊就越容易出現來自親朋好友的各式關（雜）心（音）。​
​
你心裡最嚮往就讀的科系，總是被「打槍」嗎？對於完成學業後的職涯發展，缺少具相關經驗的學長姐經歷提供你參考嗎？編輯部精選八類學系學長姊心得，如果你正好遇到類似的困難或疑問，讓這些聲音也成為你的參考之一！點開圖片看更多關聯閱讀，從學長姐的分享中，找到更多自信。​
​
▍換日線「學長姐現身說法」精華匯集專欄 >> bit.ly/3l7sEOS​
​
#廣告系 #法律系 #醫學系 #藥學系 #獸醫系 #企管系 #資管系 #中文系 #歷史系 #化粧品科學系 #化工系 #音樂系 #藝術管理 #工業設計系 #法文系 #阿拉伯語系 #西班牙文系​
​
如果以上沒有提到你的科系，而你也有話想說，歡迎來稿換日線——透過你的分享與經驗傳承，讓學弟妹對未來更有方向！​
​
#個人申請 #校系選填 #職涯考量

【人物篇(三)：認真對待1mm】

教育工作是什麼？Christo花了近十年的時間，徘徊於大學、大專、夜校和中學各處體驗，最近才終於感覺自己找到了答案。

她不是典型教院出身的老師，大學是讀理大設計系的。畢業後因為怕悶，一直以兼職維生；設計、廣告、媒體和研究工作都做過，也兼教過理大和坊間的設計學校。

留得最久的地方是IVE設計系(現轉型為HKDI，香港知專設計學院)，但她發現在那裡找不到滿足感，「對住學生的時間只有四成，六成都係出去派卡片。因為IVE的目標是職訓嘛，要為學生搵出路。佢請你是因為你有業界的人脈網絡，你要請嘉賓講talk啦，要不斷碌友情卡，我就覺得跟在商業世界工作無乜分別，唔想要這樣的生活，於是就辭職了。」

.
後來朋友介紹了她去新界一間傳統中學教初中視藝科。「係一間好正規的學校，同學又好乖啦，老師又好循規蹈矩。」Christo的出現，令這間學校亂了一陣。

第一堂她就發覺同學們都不喜歡這科，因為以為視藝就是畫畫，他們自覺畫得不漂亮，充滿挫敗感。為了打破同學對創作的成見，她就跟他們玩遊戲，要用最輕、最少和最環保的物料，設計一套保護雞蛋的包裝，令雞蛋從四樓視藝室掉落地面都完好無缺。

「學校知道就話『好危險喎，萬一擲到人點算呀？』我話已經有幾個同學在下面照應，而且係某個範圍之嘛，唔會掉到周圍都係。但佢地就好大陣仗，拉晒繩咁，又有人勸我，『Miss Lau呀，你啲嘢呢，好似啲同學都幾開心，但係可唔可以唔好咁刺激呢？』」

她又不肯著裙上班，「學校原本規定阿Sir要著恤衫西褲、戴皮帶，Miss就要著裙。咁我show比佢睇我著褲都可以好端莊囉，要formal唔一定要著裙架。」後來副校長讓步，說像Christo那樣穿都可以。「我諗係因為佢發現有啲Miss條裙好短，又see through咁，佢就意識到唔係著裙定著褲的問題。」

.
Christo覺得學校待她算包容，仍跟她續約，「我諗因為佢地見到有啲好曳的班級同我一齊又ok，都肯學嘢。」但第二年Christo卻為了保護一個學生而中途辭職。

「有個中一生，喺我堂上跟另一位同學爭執，擸起張櫈『你做咩呀！』好惡咁兇人。」Christo制止他後，和他談了一場，學生也跟同學道歉了，她以為事情了結。「但原來這個同學在其他堂都好唔合作，同老師的關係好差。其他老師就話佢有心想打人、用攻擊性武器，所以要記過，仲要我去做這件事。」

「我覺得無這個必要，小朋友發脾氣，settle咗就無事啦。我唔肯簽名記佢過，但多方面都要我咁做，於是就嘈到上校長度。我話個同學仲有偈傾，唔係惡劣到無得救，係咪咁樣懲罰就可以令佢改呢？」

但校長也不支持她，Christo唯有辭職。「因為這個地方唔適合我喇。講得難聽啲，原來你地要煮死個學生，會用盡辦法想佢唔喺度存在，我覺得這不是教育的宗旨。」

-

之後她又回復兼職生活，其中一份兼職是教創意書院。她對這間學校的第一印象就是「亂」，「好似樣樣嘢都得架喎，你諗到就可以做，無乜規限。同埋啲同學比較比較多variety，出面學校的同學你可以大致分成幾類，但這裡你好感覺到佢地唔想被倒模出來，入學半年後便越來越明顯，會搵返自己的identity。」

書院讓年輕人尋找自我、鼓勵個性發展；但Christo所見，規矩的不明確和執行不一致，也會令他們較難培養正面價值觀。比如同學不懂珍惜學校物資、又會隨手「借走」別人的物品來用，Christo借出工具時會特地提醒「要還架喎」，「若他意識不到有借有還的責任就好大鑊。點解學校咁多失竊？因為佢慣了嘛。我們這三年是培養緊佢的習慣，而這些習慣是會跟佢一世的。」

在一般學校顯得另類的Christo，去到創意書院反成為少數的嚴師。她總會在第一堂便說明課堂規則：玩電話會被沒收、不要在課堂期間自出自入，不要講粗口；但她會說明理由，「粗口都是生殖器官和性愛動作，有無必要用這樣的助語詞呢？我想佢地明白說話要謹慎，諗清楚用字的意思。」學生知道她的想法，亦很少會故意挑釁。

.
她在創意書院任教「空間研習」(Environmental and Spatial Studies)，即建築設計、環境創作等，是校本課程的其中一科。Christo期望這科可以培養學生對環境的敏感度、並尋求改善生活空間的方法。「而家個城市係好多屏風樓，總唔可以趕走晒啲人、拆晒佢再起過，但你點樣喺一個咁屏風的環境裡玩一啲野呢？我希望佢地可以多一份善良地改造世界的心。」

由於大學建築系門檻頗高，她的學生未必能成為建築師，但她認為更重要是他們面對工作和生活的態度。「 過了高中，人格便大致成型，佢係一個點嘅人，會決定了佢人生點走、佢未來的高度去到邊。揀咩工作都離不開這樣野。佢可以係一個好有責任心、好smart的sales，亦可以係一個好hea的sales。」

但憑空講人生道理，學生不會上心，創作練習是一個更好的媒介，「比如我要佢地切割一個25 x 25cm的正方形，差1mm都唔得。我話差1mm的模型，比例放大後可以是10米、20米，如果間屋多了一條10米的空隙，可以跌好多個人入去喇。咁佢會意識到，係喎，原來有些事情係要好認真對待的。」

.
上學年起她轉做全職，把一間課室佈置成空間研習科的Studio，自己在裡面做事，同學也可以進來做功課或聊天。「只要一有時間留喺位，就會有學生找你，傾人生問題、人際關係、成長、情緒，咩都有。雖然少了私人時間，但如果做老師是指『傳道、授業、解惑』，正正是這些空檔，最能做到解惑。」

「教大專的話，大學生普遍會認為自己知道如何解惑了。現在喺書院，如果每年可以影響到一個人，我都覺得係好成功嘅事。」

-

[圖：上年度中四空間研習的期末創作，要設計一套裝置，為社區提升正能量。有同學造了一套流動韆鞦，組裝容易，可以帶去不同地方玩，而且四角都有座位，讓人邊玩邊聊天。]