#和聯興 同#龍星 今晚正面交鋒，大打出手👊 四個新仔收#馬王 警告信？✉️ 咁緊張你點可以唔睇？ • 📣記得今晚9:30 ViuTV 99台睇《地產仔》🏘 一齊撐#地產仔 撐#阿鹿 • Source: @viutv @stanleysc_ #邱士縉 #stanleysc_ #stanleyyau #mirrorweare #teamstanley #徐遇安 #徐梓耀導演 #吳肇軒 #胡子彤 #鄭浩南 #麥子樂 #徐浩昌 #張文傑 #余香凝 #朱慧敏 #廖子妤 #陳穎欣 #強尼 #鄒凱光 #張達明 #193 #鄭雪兒

《地產仔》 踏入第二星期喇！🎉 想睇#和聯興 班新仔點樣喺#魚哥 帶領下同#龍星 鬥🏘 又想睇Stanley 如何演技大爆發💪 咁就一定要繼續追睇《地產仔》 • 逢星期一至五晚上9:30 ViuTV 99台📺 #[email protected] ・・・ 圖一：你上星期無睇《地產仔》？嬲呀！ 圖二：你要撐阿鹿，唔係嘅話⋯佢會好灰呀😢 圖三：你要應承我今個星期繼續追！唔係嬲呀！ #viutv原創劇 #地產仔 @stanleysc_ @viutv @mirror.weare #邱士縉 #stanleysc_ #stanleyyau #mirrorweare #teamstanley #徐遇安 #徐梓耀導演 #吳肇軒 #胡子彤 #鄭浩南 #麥子樂 #徐浩昌 #張文傑 #余香凝 #朱慧敏 #廖子妤 #陳穎欣 #阿鹿 #狐飛 #盲雞 #肥龜

浪漫月巴睇2000（109） 【我為何選擇《地產仔》 】 在《地產仔》與《殺手》之間，我選擇了《地產仔》。 1.試問在香港這麼一個高度安全繁榮穩定的地方，點會有殺手？就算殺，都一定是合情合理合法。 2. 《地產仔》不同。 3.無論香港樓宇單位大定細，都一定會有地產仔。 4.以地產業 / 地產從業員做題材的香港電視劇，我想到的有：1998年的《緣來沒法擋》、橫跨世紀末與千禧的《創世紀》、2005年的《樓住有情人》——應該仲有，只是一時間想不到。秉承大台港劇傳統，無論用甚麼行業做題材，最後都只會化約為一連串恩怨情仇和恩怨情仇。 5.《地產仔》似乎不同——說似乎，是因為截至交稿為止只播了三集，我亦只看了三集；主橋固然有，但現時所見，更偏向描寫當中每個有意或無意投身地產行業浮世男女的小故事。 6.例如吳肇軒的狐飛，本身，一個好人，同舅父相依為命，對地產行業沒有甚麼（或宏大或卑微的）概念，沒有那種人生在世一定要買樓的覺悟，入行，是為了在職業上身份上貼近他不期而遇的心儀女仔欣豬——Yes，即是為了溝女。例如胡子彤的盲雞，本身，有錢仔，但他這個「有錢仔」身份，是被真正有錢的親生媽咪所賦予，當被禠奪，就淪落為一個連肚痛想屙篤屎都找不到地方屙的後生仔。例如邱士縉的阿鹿，本身是羽毛球運動員——嚴格來說是攞不到金牌的羽毛球運動員，一個沒有金牌的運動員，代表不具備經濟效益，亦即甚麼都不是。又例如徐浩昌的肥龜，月巴仔一名，（不知幸或不幸地）有一個（不斷在金錢上剝削他的）女友，拍拖紀念日，去食日本嘢（港女只會去食日本嘢），他Order淨烏冬，女友就嗌刺身嗌兩板海膽和飛魚籽軍艦；飽暖思淫慾（但其實他未飽），想話去開房乜乜，女友斷然拒絕，話嘥錢。至於他們的阿頭余韻，一個女扮男裝的地產經紀，同樣背負一段委屈與悲痛的過去。 7.劇集，以一種有時浮誇方式進行，突顯那種黑色幽默感，間中又會配上一些很跳Tone的聲效，問心，我有點頂唔順；但同時，又會安排角色去說一些擺明呼應香港現實的對白，作為Statement，例如與狐飛同屋、趙永洪演的中坑租客便同另一名老坑講：邊個炒到樓市咁貴？你都炒到負資產啦，而家香港一Pat屎，我同你嗰代都有份搞。鄭浩南演的富豪馬王，又會對一班新入職地產仔曉以大義：投資炒賣嗰啲叫做「單位」，有人情味嗰個先係「屋企」。於是他創辦的「和聯興地產」只做街坊生意，得三間分店，及不上死對頭「龍星置業」。 8.浮誇的表現方式與嚴肅的回應態度，形成了一種尷尬，但尷尬極，都及不上看《殺手》主題曲畫面時看到那種仿《Sin City》的視覺美學尷尬，亦肯定不會像望見江美儀扮小丑女直情尷尬到想代佢搵窿捐——係囉，點解係我要搵窿捐？ 9.我會繼續睇《地產仔》。未必是甚麼鋤強扶弱，主要原因是為了看一班我喜歡的演員：廖子妤、岑珈其（可惜少戲）、麥子樂、鄭浩南、朱慧敏（估唔到咁好睇！）、余香凝（不過未出場），還有肥腸——暫時睇，他是頭三集最具存在感的，而給予我這種感覺的還有徐頴堃。 10.睇戲睇劇，自然是睇自己真心想睇的，不需要講甚麼良心。我曾經可以義無反顧去睇《殺手再培訓》的黎耀祥，但肯定不會睇《殺手》的黎耀祥。或許我就是他口中那種冇良心的人。 （原文刊於am730） #浪漫月巴睇2000 #地產仔