呢度真係食一次就驚喜一次😭性價比高到不得了！亦好有日本居酒屋氣氛🥳 之前黎已經覺得好高質，今次叫d新野又再有驚喜😍 圖1：鵝肝多士真係好好食好大份👍🏻甜甜酸酸既醋同焦糖蘋果🍏真係帶起晒成個油香！多士脆得黎又唔會乾到界口。 圖2：又係驚喜既焦糖玉子鰻魚串🤤本身玉子就係甜既，配燒到脆卜卜既焦糖就完全無違和感，有創意呀！ 圖3：牛舌同和牛繼續保持油香非常充沛😋燒得又夠火喉😌 圖4：又到驚喜位！我要講聲「唔好意思🙇🏻‍♀️」，因為我以小人之心 度君子之腹😅以為佢地既墨魚餅係現成貨細細塊嗰d🥲點知黎到大到成塊扒咁😱入面仲有真墨魚肉！彈牙幼滑到極點🏅🏅面頭仲配左好邪惡既鹹蛋黃醬☺️真係必食！ 圖5：又係我睇小左人哋🙈無估到芝士燒元貝係咁新鮮既元貝😍而且真係超多芝士，多到好似芝士唔洗錢咁🤣 圖7-8：分別係蟹膏同明太子燒飯團🍙成舊都係燒到勁香口既飯焦😝鐘意食飯焦真係必食呀！ 另外佢哋仲有燒雞皮墨魚滑、豚肉荔枝卷、黑糖燒菠蘿🍍都係好正！ 呢間真係絕對會再有下次下下次下下下次！ 芝士燒元貝 $48 蟹膏燒飯團 $38 厚切鹽燒牛舌腩 $48 焦糖鰻魚玉子燒 $28 焦糖青蘋果鵝肝多士 $78 燒烤堂 尖沙咀厚福街12號藍馬商業大廈5樓 #hkfoodtalk尖沙咀 #hkfoodtalk日式

[gfmurmur9629] 我26，佢35歲，結咗婚啱啱兩年，3月有咗BB。佢同前妻離婚，個女今年6歲同我哋一起生活。結婚之前好多人勸我，唔明點解我要嫁比佢即使做後母。可能真係因為愛同感覺。我當佢個女係親生，我哋感情都一路好好，佢已經習慣叫我媽咪。點知嗰日我收工返到屋企，我老公已經喺屋企等我(平時佢夜收工過我)。跟住佢前妻著住睡衫喺個女間房行出嚟，我以為佢係嚟探個女，但係都呆咗。 我老公同我講佢生cancer，啱啱做完手術，喺香港冇親戚得個女，所以嚟投靠個女，喺度住一段日子修養。我簡直晴天霹靂，個女得6歲有咩值得佢投靠？投靠個前夫就真。 因為我自己做護士，容易心軟，見到啲人因為病無依無靠硬係開唔到口叫佢走。加上佢都住咗入嚟，又的確係個女嘅親生媽媽，我一時唔知應該點做。當時嘅我又係天真，以為佢哋之前離過婚，應該唔會再有啲咩。 好記得嗰晚食飯，平時都係我煮飯，今日我老公難得入嚟幫手，擺低個前妻同個女係出邊，仲不斷同我傾計，令我有返啲安全感。食飯嘅時候個女人仲讚我好手勢，難怪個老公同個女都肥咗。我一方面覺得佢好似同我示威嘅感覺，另一方面又鬧自己小人之心。之後一段日子，我大住個肚，一收工就去買餸煮飯煲湯比老公嘅前妻，聽落係唔係好諷刺？我而家先4個月，仲要輪更，我老公有日同我講有時我返工冇人煮飯俾個女人食，叫外賣又唔健康。咁我話一係夜晚我煮多啲，日頭佢想食就用微波爐叮熱。佢又話隔夜對病人唔好。我嬲嬲哋咁問究竟想點，我老公竟然話不如叫埋我阿媽嚟服侍佢。我阿媽都差唔多60，加上叫我阿媽嚟服侍老公嘅前妻，我講唔出都做唔出，最後不了了之。 嗰個女人成日對我唔該前唔該後，搞到我覺得係唔係自己諗多咗。加上我老公都做咗好多俾到安全感我嘅嘢，例如從來唔會同嗰個女人單獨係屋企或者係廳，我煮飯佢就入嚟陪我等等。但係個女人因為自己病人嘅身份，成日叫我哋幫手做呢樣做嗰樣，我老公見我大住個肚，加上呢件事本身佢就理虧，所以唔會叫我去幫手，唯有自己去幫。嗰日個女人係浴室跌親，大叫一聲。我就敲門問佢咩事，佢打開門，我見到佢著住浴袍訓喺地下，但係我大住肚，浴室又濕，我唯有叫我老公嚟扶佢。浴室好窄，我唯有退出嚟俾我老公入去。點知之後我老公就抱住個女人出嚟，件浴袍跌咗一半落嚟，個胸同下面都就快睇到。 之後我老公好似好避嫌咁樣，叫我幫佢消毒佢整親隻腳。但係我仍然覺得好似有啲唔舒服但係又講唔出嘅感覺。夜晚我老公同我講佢因為當時危急，佢乜都冇睇到，叫我唔好嬲。然後我就講咗句反正你以前又唔係未睇過。講完我又覺得自己mean咗啲。我老公對住一個病人同個女嘅媽媽佢都好難做。 我老公都話等佢好返小小就會叫佢走。但係邊個知幾時好得返？再黑心啲講句復發點算？ 唔通遲啲BB出世，屋企仲要養住前妻？我自己都好矛盾，係唔係我小人之心度君子之腹？但係同前妻一齊住我真係覺得有條刺。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

自古以來，都是忠誠者勝 對自己的國家忠誠、事業忠誠，才會有人對我們忠誠，一個人如果真的想要力爭上游，連基本的忠誠都無法做到，那他只能贏得小小成就，因為這樣的人是無法帶領團隊，更別說是經營企業了！ 無私無悔的培養所有身邊的人 不求多 只求別以小人之心 度君子之腹 #可妮絲