#蓋瑞【不乖要打針】
.
在醫院待個幾年大概都知道，醫生常常幫家長背黑鍋，在小孩的世界裡扮演黑臉。
.
「猴 ~ 你太吵了！醫生叔叔來了唷！」
「醫生叔叔要帶你去打針了喔！」
.
在大多數的情況，我們和被威脅的兒童根本素不相識，在電梯裡或者排隊買東西的短短幾分鐘，我們就被塑造成了十惡不赦的反派，我能想到同樣悲情的職業大概就是警察。
.
「你再一直亂吐口水！猴！警察叔叔要來把你抓走囉！」
.
醫警一家親，哪個警察黍叔會沒事外帶個亂吐口水的小鬼走咧？
.
.
--
最常要醫生幫忙背黑鍋的，非阿公阿嬤莫屬，基本上，他們對於祖孫的互動都期望能走含飴弄孫style，在孫子的童年中扮演最慈祥、最天使的阿公阿嬤，壞人都給別人當就對了。
.
我以前在小兒科實習時，就遇過幾次這樣的場景，有一次，一個小弟意外被發現心律不整，在給予治療並且病情穩定後，某一天早上，他的阿嬤主動來護理站要求我們幫他孫子追蹤心電圖。
.
「拜託你們幫我們家小恩再看看一下心電圖有沒有什麼問題好不好？」
.
心電圖這種東西沒什麼大不了的，在胸口四肢貼幾張貼紙或者用個導極，觀察一下心臟跳動的波形，五分鐘以內解決，完全不侵入也不會痛，是說，如果病患胸毛很多，貼紙貼在毛上面的話，拔下來可能會有點痛就是了。總之，這是個簡單快速的檢查，如果病患強烈要求並且在當下沒有其他要緊的事，幫忙做個檢查並不會造成太大的困擾。
.
面對小恩這個5歲多的小弟，我決定以和善、有耐心的親子電視台葛格形象來攻略他，用燦爛的笑容和青春洋溢的問候開場，想必會馬到成功。
.
「弟弟 ~ 早阿~ 哇今天你這麼乖阿！」
.
一問候完，夭壽，馬失前蹄，弟弟開始爆哭，哭到面紅耳赤，拳打腳踢大力跺腳。
.
.
--
「哎唷弟弟怎麼哭了？葛格都還沒開始做心電圖耶？」
「那不然阿嬤，我等弟弟冷靜下來再來做好了？」看著浮誇的演著戲的弟弟，菜逼巴如我也知道在當下做出來的心電圖大概是歪七扭八，心跳加速的波型。
.
本來以為弟弟演技那麼破，他阿嬤一定不會買單，想不到卻不是如此，無論我如何解釋，她堅持要我當下做完心電圖。
.
「我告訴你啦，你待會再來他也是會這樣哭啦！不如我先幫你安撫他，快速了結這件事吧！」
「好吧那我現在做。」
.
理論上5分鐘可以解決的心電圖，在小恩身上做起來遙遙無期，胸口一共要貼6張貼紙，每貼一張小恩就撕一張。
.
「阿嬤，幫我讓小恩別一直撕貼紙，貼紙都要不黏啦！」
「哎唷哎唷小恩手手別抓！」
.
基本上阿嬤的安撫都是在喊口號居多，她並沒有實質的控制住孫子的手，說好的先幫我安撫，說穿了只不過是精神支持法。
.
.
--
到最後，小恩演太久入戲太深，開始喊著他好痛。
.
「哎唷阿嬤秀秀，黍叔讓你痛痛，黍叔壞壞！黍叔不乖！」
「欸阿嬤他現在身上連貼紙都沒有耶！」
.
在當下，我對於答應幫忙做心電圖後悔莫及，明明就是阿嬤來要求的，卻要葛格我背所有的黑鍋，並且全程都叫當時25歲不到的我黍叔，心如刀割阿！
.
「哎唷小恩不哭不哭，黍叔醜八怪！阿嬤幫你打黍叔！」語畢，阿嬤拿起她家小恩的手作勢要拍我。
.
學長曾經滿意的看著我說，身材圓滾滾的人在小兒科，都會很受歡迎的，歡迎你來走小兒科。
.
可惡，學長唬爛我。
.
.
#非醫德大師蓋瑞
#身心受創
#佩服走小兒科的同仁
#佩服幼稚園老師

<給10年前的你>

給 老師:

你好嗎？
現在的你對教育充滿期望對嗎？
已過了一年學習的過程，感覺還良好是嗎？
出了實習又接觸過小朋友，感覺幸福對吧？
小朋友一句一句的老師，成就感大吧？
很渴望有自己一班小朋友一手一腳教出來對吧？

宜家你對教案班務有點了解，
你眼見有啲老師卻有點老態，
明明有意見佢又唔表達，
佢淨係叫你唔好多事，
再一句阿頭話事。
你唔明佢地點解會咁樣？
你發誓你唔會同佢地一樣！

咁我可以話過你知，
呢10年我點樣過。

到左10年後呢一日，
每朝起身返工再返返屋企，
每日要做既事情就係無得抖氣，
因為好多野會令你喘晒氣。

加上我話你知呢10年，
你變得圓滑無所謂兼且無言，
你不滿嗰時，
你唔再西面，
因為你會覺得，
你明知做嘜都無意義。

A同事B同事CDEX個同事，
職場總會有朋友，
不過你唔好太天真一開始當人地朋友！
朋友朋友貧友貧友，
朋友係當你落難仲喺你身邊，
你做得唔好，佢為你幫補，
有困難一齊解決佢，
唔係一手將你推出去。
所以你要識得分！

到左10年後呢一日，
你會問自己為嘜？
每日每刻喺度做做做，
家人朋友又去晒邊度？

返八半放五半其實你走已經十點半，
你用搭車既時間企喺度放鬆，
但係返到屋企又要衝衝衝！
開門坐低打開個電腦做做做，
教案、活動計劃仲有無盡個報告，
你唔會明做完意義係喺邊度！
不過你都會係咁做做做！
因為唔想俾人散鑊金，
你就跟住do did done！

咁就乖喇！

到左10年後呢一日，
你付出唔等於收入，
你人工低你ot你無補水，
你同人講你既情況，
啲人會話你食得鹹魚抵得渴！

個個會話你只係湊仔教下abc，
日日都同小朋友玩幾好添！
無人知你仲要執屎！
無人知你仲要教music同埋pe！
佢地只會覺得你人工高，你福利好，
邊有人記得:
人之初，性本善，
萬丈高樓從地起，
品格教育由小教，
大個唔會去犯法！
從來教人做人難過教佢考100分，
但你面對係20幾至30個人，
每日甩頭甩髻加上臭狐都出齊，
無人知道你面對既困局，
只好咬緊牙關繼續開闢出路！

到左10年後呢一日，
免費幼稚園教育出現，
但你卻會發現:
你依然無保障，無補水，
卻多了QR呢個質素評核！

佢口話黎睇一睇，
但由接到電話嗰刻，
你已經係死得！
不斷改不斷做！

呀！！夠喇！！

到左10年後呢一日，
你無得唔面對現實，
就係家長既變化！

以前家長有疑問，
佢就會兜口兜面問，
係咁問係咁問，
問到佢滿意為止。
但係近呢幾年，
家長唔再出現喺你面前，
佢地變得嘜都講，
不過唔喺你面前講，
對住電話問，
你一句我一句，
家長會表達我覺得我覺得，
其實面對面問清楚得唔得？

呢個無互信既世界，
到底仲值唔值得你去教？

到左10年後呢一日，
我已經變緘默，
覺得點做落去都只係咁。

不過，
小朋友永遠係支柱，
雖然佢地有時曳，
我會變得嚴厲，
不過每次我都後悔話左佢地，
之後就反省反省再努力過。

有一樣野無變，
就係小朋友既笑，
佢地笑得開心笑得天真開懷咁笑。
佢地總比任何事都簡單總比任何人無咁複雜，
其實做人做事好簡單，
點解成日都要搞到咁煩？

10年前既我充滿熱誠，
10年後既我都好想繼續充滿熱誠，
唯一能得到安慰
係小朋友每天返到黎既情形，
擁抱微笑講聲你好，
呢個就係做老師既鼓舞。

你還會加油嗎？

10年後的你上

#十年人事幾番新
#其實堅持下去只因小朋友
#家長已由怪獸變種
#你話我咁多怨言就唔好做你就黎做睇吓你點做
#你唔會做你就唔好出聲咁多野講
#vvinnie

突然又已一年，期望再會面，舊朋友...

《後面位同學嘅「我的志願」─ 葉繼歡》
(純粹懷緬過去文章)
　
今時今日，一個完美嘅細路當然係要有愛因斯坦嘅智慧，奧運選手嘅體能，習近平嘅schedule，同渴望拎到諾貝爾和平獎嘅決心啦。最近朋友嘅朋友個仔面試幼稚園學前班，畀人問「你有咩志願呀？」。都話唔可以輸喺起跑線上，個細路得兩歲，都要問「我的志願」。
　
「我的志願」呢個作文題目，小學出現過，由於當時我比較無知，將來做咩？我都係參考返本英文教科書。由於當時教嘅職業生字唔多，班入面大約有4分1 嘅同學係做firemen 同埋policemen嘅，另外有大約4分1 畀人話冇大志嘅同學係想做driver，仲有4分1應該有妄想症嘅同學係想做doctor 嘅。其餘我都唔記得啦，當Others啦，但我好記得我後面位同學嘅「我的志願」，佢睇左當時嘅「今日睇真D」，佢寫左葉繼歡。先生怒髮衝冠，「繼歡」同學最後係要re-do。
(講下邊個係葉繼歡畀年紀輕嘅小朋友知，葉繼歡因為打劫金鋪sss，「今日睇真D」成日報導。)
－－－－－－－－－－－－－－－－－
　
「我的志願」？當然係一時一樣，隨住電視劇而改變啦...
　
→ 第一個志願係衛護世界和平，睇咁多《美少女戰士》，大左仲唔輪到我保衛地球。
　
→ 睇《情濃大地》個時，幾想做農民呀，最緊要係唔使讀書。唔只我咁諗，有幾個同學都將條冬季長褲捲到變熱褲，落雨個時踩落個水氹到，一嘗落田嘅滋味。
　
→ 我承認我當時係有D 無知，睇《肥貓正傳》個時，見到肥貓喺庇護工場入筷子入得幾爽，都有幻想呢個簡單嘅工作幾適合我。後來我睇得肥貓多，學佢縮膊頭比呀媽掌摑之後，就打消左呢個念頭。
　
→ 睇《美味天王》個時除左不停唱mamamama mia之外，都激發左我做食家嘅夢想，當時，我每晚都會彈一彈呀媽煮D 野唔好食。
　
→ 睇《還珠格格》個時，係想做容嬤嬤，我呢D 成日畀人鬧嘅細路，當然想好似容嬤嬤咁係唔係都鬧人啦。因為要模仿跪見皇上，我跪瘀左個膝頭；仲因為不停拎屋企紙巾盒D 紙巾，扮容嬤嬤攝係加拿大個條絲巾而再次畀呀媽掌摑。
－－－－－－－－－－－－－－－－－
　
播《烈火雄心》個時，終於都因為喺屋企實習fireman 嘅工作出事...
當時，我練習緊救3級火。屋企冇雲梯唔緊要，碌架床條梯啱哂。當我好努力咁訓練爬「雲梯」時，仆街喇，估唔到我個頭生長速度咁迅速，我個頭攝左喺條梯個窿到。本來我覺得唔可以樣衰，要保持鎮定，逃出生天。掙扎左大約3 至30 分鐘，終於頂唔住大叫媽咪。呀媽扯返我個頭出黎，再鬧左我3至30 個星期，仲喺接我放學個時，同3至30 個同學仔媽咪sss開心share，「我以後都唔敢啦」。
　
扮完fireman ，我改過自新，大大下都唔記得「我的志願」。當我開始學能測驗特訓，我就明白，根本唔係我想做D乜，而係我可以做D 乜。大大下發現，人生唔係好盞，唔係樣樣比你揀。AL揀科，畢業JobsDB，係用multiple choices嘅刪除法，eliminate 哂做唔到嘅野，有咩剩咪揀咩囉。
－－－－－－－－－－－－－－－－－
　
講返「葉繼歡」同學，點解先生唔睇埋佢點解想做「葉繼歡」先叫佢re-do 呢？我諗「我的志願」嘅marking scheme只有英文教科書個幾樣職業。我打從心裡覺得「繼歡」同學好有創意，奈何香港包容唔到與別不同嘅細路。好多野就好似選特首咁，冇得你揀，但我仍然相信而家冇得揀，唔代表要排除有得揀嘅可能。所以，唔好一野打沉D 「創作力量同幻想會嚇你一跳」嘅細路。
　
PS. 幾年前，喺Facebook搵返哂30幾個小學同學 (我4至6年級都冇轉過同學)，真係有人做左teacher，有人做左policeman，個4分1 有妄想症想做doctor 嘅同學冇一個做doctor。至於「繼歡」同學，好彩佢冇入到赤柱監獄，佢做左酒店廚師。實現唔到志願睇來唔係壞事，尤其係你嘅志願係葉繼歡，實現唔到係比較好。