近一兩年因為主持節目，有幸接觸了很多本地年青有為的創作者，不見天日的堅持和奮鬥，到漸漸闖出自己的小天地，真的是一步一腳印。 今天去了 #勁揪體蚊型展，可以跟 Kit Man 聊到他的創作路，很滿足！特別是看著牆上每隻由他一筆一劃創造的獨特字體，大小不一甚至有塗改和標註，讓我看到一位創作者的固執，然而卻很有人情味，把他創作勁揪體的歷程清楚展現，使我看得入迷，也忍不住買了不少紀念品。 勁揪體之所以受歡迎，我猜是因為字體的設計，能將廣東話的神髓與力量表達得如此傳神，文字本身已有無限可能，再加上廣東話的千變萬化，玩味濃而更可刺激思維，猜猜我圖二和圖四在表達什麼？ 原本今日是展覽的最後一天，幸而反應熱烈，蚊型展得以延續，祝 @kickasstype 更上一層樓 💪🏻

沒有怪獸家長的世界（上） . 我第一年教書，就有個學生跳樓自殺。 . 網民話係因為怪獸家長、學業壓力，不過佢無留低遺書，真相亦無人知。 . 但係我成日都喺度諗，我會唔會有少少責任呢？ . 會唔會某一次上堂，我鬧過佢懶、成績唔好，成為壓垮駱駝嘅其中一根稻草？ . 呢個諗法我無同任何人講，但自從個學生死後，我上堂都放寬咗要求，無再好似以前咁，逼啲學生日日夜夜操Past paper，我想佢地開開心心咁長大。 . ， 好快，我就被家長投訴，話我「不配為人師」，會令佢地仔女考唔到大學。 . 連學生自殺果件事，都被某個家長拎出黎講，話係因為我令個學生太大壓力。 . 我唔明，兩個指控唔係矛盾架咩？ . 唔明唔緊要，總之，喺群眾壓力下，我都係失咗業。 . ， 我屋企都幾有錢，無乜生活壓力，失業，唔係錢嘅問題，而係我岩岩諗住為呢個世界盡一分力，下一秒就被現實擊倒。 . 我開始幫人補習，更加覺得依加啲學生好辛苦， . 望住佢地日日俾家長鬧，因為一個唔夠高分嘅小測，驚到好似天跌落黎咁，我好心痛。 . 但我無辦法，後來我遇到彬仔。彬仔係應屆考生，人好勤力，但成績唔好。 . 無論我地點樣提倡教育都好，呢個世界就係有啲人，無讀書嘅天份。 . 彬仔溫十個鐘書，先等於人地溫一個鐘。 . 彬媽都明架，但係佢話：「咁咪溫夠一百個鐘！」 . 但一日得廿四個鐘，而有天份嘅學生，都一日溫八個鐘書，彬仔已經瞓得好少，都無辦法一日溫八十個鐘， . 所以一次又一次嘅拚搏，只可以換黎一次又一次失望。 . 笨鳥想先飛，但當聰明嘅鳥都爭住先飛，笨鳥可以點算？ . ， 我同彬媽解釋過，彬媽反問：「咁我可以點？叫佢唔使讀書，睇住佢考唔到大學，第時無競爭力？」 . 我嘗試解釋：「行行出狀元，有啲人得小學學歷，都可以闖出一番事業啦。」 . 「唉，話雖如此，但眼前有條穩陣、正常嘅路，父母一定想個仔女行，唔通叫佢地唔好行，搏有一日劍走偏鋒咩？」 . 望住彬媽無奈個樣，我好似理解到怪獸家長嘅心聲。 . 彬媽再加一句：「如果唔畀壓力彬仔，佢照樣可以考到大學，我都想佢輕輕鬆鬆。」 . 每人都有自己嘅無可奈何，唔通，我只可以睇住學生受苦？ . ， 直到有一日，我同彬仔補緊習，彬爸番到屋企，望下我地，笑住講：「我發現老師同彬仔都幾似樣，兩兄弟咁。」 . 彬媽搭嘴：「老師年青有為嘛，如果彬仔有老師咁好成績，我就可以還神咯。」 . 講完呢句，彬媽突然呆咗，若有所思咁望住我。 . 補完習後，彬媽私下問我：「老師，你覺得彬仔考唔考到大學？」 . 我坦白講：「以依加嘅進度，機會......真係好低。」 . 彬媽深吸一口氣：「你可唔可以代彬仔去考？」 . 彬媽繼續講：「你同彬仔似樣，考試果陣又唔驗指紋，應該唔會懷疑。」 . 「咁點得？」我完全反應唔黎。 . 「你唔係想彬仔開開心心，唔想佢捱壞身體咩？如果佢唔使考大學，就唔使咁辛苦啦......」 . 彬媽哀求咗好耐，結果，我望住彬仔嘅黑眼圈，神差鬼使咁答應咗。 . 待續... . #短故 #短篇 #小說 #陳美濤 #廣東話 #粵語 #怪獸家長 #沒有怪獸家長的世界 #tomatochan