【Knowledge of London｜#倫敦的士司機小知識】 倫敦有唔少著名嘅景點，大笨鐘、倫敦眼、白金漢宮、西敏宮、聖保羅大教堂、倫敦塔，根據Euromonitor International報告，倫敦喺「全球最多人到訪城市排行榜」排行第三。不過倫敦嘅街道較為複雜，要喺倫敦自由穿梭真係唔容易，更何況兼顧住接載乘客任務嘅的士司機！所以佢地要成為的士司機，就要通過一個高難度考試 ── Knowledge of London！ - 倫敦嘅的士係黑色嘅，叫Black Cab。要成為倫敦的士司機，佢地要考一個叫「Knowledge of London」嘅試去獲得執業牌照。呢個考試始於1865年，希望司機了解倫敦所有街道，對城市有足夠嘅認識，同能夠提供安全嘅服務，確保佢地會成為倫敦嘅「專家」。考倫敦的士駕駛牌考試嘅人，又會稱為Knowledge boys或者Knowledge girls。 - 根據倫敦公共運輸部門 (Public Carriage Office) 出版嘅《Guide to Learning the Knowledge of London》，Knowledge包括320條倫敦市中心嘅基本路線、查令十字 (Charing Cross) 方圓六英里嘅25000條街道等等。另外，佢地仲要記住大約2萬多個地標同設施，包括廣場、醫院、酒店、劇院、大使館、地下鐵路嘅站、警局、法院、教堂、墓地、歷史建築等等，甚至會問你沙夫茨伯里大街 (Shaftesbury Avenue) 劇院嘅順序。 - 除此之外，司機亦要求良好人品、無犯罪紀錄。除咗筆試、路試，佢地仲需要通過名為「Appearance」嘅面試。考官會隨意選擇兩個地點，佢地要喺唔望地圖嘅情況之下，選擇最短同最明智嘅路線，背誦所用道路嘅名稱、經過嘅迴旋處、轉向。 - 由於倫敦嘅街道複雜，地標多不勝數，所以要通過Knowledge好難。據統計，要考得駕駛牌，受訓需要嘅時間平均係34個月。有研究更發現，倫敦的士司機嘅大腦海馬體 (負責記憶同學習) 比一般人大好多，可謂名乎其實嘅Knowledge boys and girls啊！ - 想了解更多詳情，可以參考國家地理頻道嘅片段：https://video.nationalgeographic.com/video/london-taxi-sci ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ------------------------ #Beginneros #冷知識 #hkig #hk #uk#london #knowledgeoflondon #taxi #taxicab #倫敦 #倫敦的士司機 #旅行 #travel