- 📍食在銅鑼灣 - 高格調川菜 精緻成都官府菜 💎性價比(CP值): 🌕🌕🌕🌕🌑 ——————————————————— 映水芙蓉最近係銅鑼灣時代廣場開左第二間分店！呢間分店著重裝修同設計，除左門面既氣派竹林設計，餐館內天花板亦以九寨溝概念做左一個假天花，環境舒適寬敞，係高級貴氣既成都官府菜！值得一提係餐廳菜式賣相精緻，麻、辣、鮮、香口感會比重慶較溫和，唔會咁重口味，食落都柔和舒服同易入口！ - 1️⃣ 敲糖棒棒雞 💰188（👅: 8/10） 推介‼️四川傳統菜式棒棒雞，加入北京「吹糖」技藝，超薄透光的糖皮球中，載滿香辣紅油，輕輕敲碎，令雞絲帶出麻辣鮮香，而紅油令雞香惹味提升，又唔會覺得好油膩～ － 2️⃣ 酸菜桂花魚 💰498（👅: 9/10） 推介‼️起初都覺得酸菜桂花魚價錢貴左少少，但真係一分錢一分貨，桂花魚食落好滑嫩好新鮮，而且每一塊魚肉都好大片，非常足料！湯底採用天然泡椒等新鮮食材去燉湯底，食完都唔會覺得好口渴好重味精。另外最中意食佢地湯底入面既寬薯粉，煙韌又入味，如果份量再多d就好喇😍～ - 3️⃣孜然蒙古羊架 💰368（👅: 7.8/10） 羊架整得好入味，份量有5-6架，好香既孜然味之如，帶有少少辣勁，羊肉口感鮮嫩juicy，又唔會羶。如果中意食羊肉，我都覺得值得一試。 - 4️⃣ 濾沽湖紅米飯 💰88（👅: 8/10） 濾沽湖位於雲南、四川交界，特產紅米口感帶點偏嚼勁，配上以烤過的蝦、蝦膏等熬製十多個小時的金黃湯底，鮮味濃郁，熱食一流！ - 5️⃣ 成都擔擔麵💰58（👅: 7/10） 擔擔麵食落就相對較平庸，食落以豉油、紅油等甜油味較出，而辣味同花生香就唔太出，整體係較柔和、易入口既擔擔麵，但個人覺得可以再惹味少少，辣香再出d~ - 6️⃣紅糖糍粑💰128（👅: 7.3/10） 推介‼️賣相精緻， 黎慶祝的話仲可以安排寫祝福字句係碟度，打卡都唔錯！ 糍粑用咗紅藜麥做外皮，表面炸至金黃色加上紅糖，食落香甜脆口同內裏煙韌既糯米勁match！ 整體入味得黎唔會太甜 都值得一試🤤 - 7️⃣Apple Jasmine 💰88（👅: 7.5/10） 飲落好香茉莉花茶味，後勁有淡淡蘋果香，而且仲有蘋果蓉！整體唔會太甜，仲好清新，解熱解辣都都唔錯！ - 8️⃣Mango Mojito 💰128（👅: 7.3/10） 有座少冰山加薄荷葉，飲落芒果味好soft同清甜，帶少少檸檬味，酒味唔算重 ，飲落好清新～ - 🔻小甜點 餐廳會為每位客人送上，小泡芙甜點，以作飯後解辣，當日食左紅莓同芒果熱情果口味，酸酸地甜甜地 - ✨整體黎講，係一種高級川菜體驗，比起普通川菜，食物、環境同服務體驗都係一流，個人覺得食完呢間，應該番唔到轉頭，食番d平價川菜🤣！ - 👅味道: 8.5/10 🍽賣相: 8/10 🏰環境: 8/10 🙇🏻‍♂服務: 8/10 💎CP值: 7.5/10 ⚖人均: $400 🔺服務費: ✅ 🍽用餐時段：晚餐(星期一) ↩回頭值: 96% ——————————————————— 📍 映水芙蓉 銅鑼灣勿地臣街1號時代廣場11樓1103號舖 🚇 港鐵 站 出口，步行分鐘 🕓星期一至日 11:30 - 14:30; 17:30 - 22:00 📞23889089 - 其他分店：尖沙咀廣東道3-27號海港城海運大廈2樓OTE 201號舖 - 🔎✨ #hkfs銅鑼灣 #hkfs川菜