「風吹過我的頭髮，淋著雨我就站在你家樓下。」
其實我真係留意左你耐，你係一間酒店裡面就算
匿埋係角落頭、定係後街都好，你都依然係最閃耀
果個。你真係好charm，我自問都算個幾charm既
人，但係你既charming係比我真係高十幾二十倍，
錯！應該係100倍先岩。估唔到我會有機會係呢到
見到你既威力，黎啦，「Le 188° Restaurant &
Lounge」我要盡情佔有你呢個180 度既無敵
維港海景，一句講哂…I am coming！👇
-
📌Tasting · Menu -
♦️A p p e t i z e r -
▪ Pan Fried Scallop · parsnip cream · onion confit ·
vegetable chip -
▪ Royale of Foie Gras · seasonal mushroom andhazelnut -
▫ starter先黎個「香煎帶子·白甘荀蓉」，帶子賣相圓柱形，
肉實夠厚身，大廚先將表面煎至脆口，而裡面保持嫩滑，
鮮甜爽彈，配搭埋白甘荀蓉份外濃香；而「法國皇家
鴨肝·野菌及榛子仁」鴨肝入口即化，陣陣既油香令人
欲拒不能，配上野菌層次更豐富更惹味，唔錯。
-
▪ Zubrowka Vodka · Lemon Sorbet -
▪ Japanese Mini Pumpkin Soup · black truffle ·
bacon and farm cream -
▫ 大廚好聰明，知道食完帶子同鴨肝開始有少少油膩感，
所以安排加插左個「伏特加·檸檬雪葩」黎清一清味蕾，
呢個雪芭既輕又滑，天然唔會太酸，岩岩好；然後
黎多個「迷你日本南瓜湯·黑松露·煙肉忌廉」真係
用左細細個南瓜做個碗，而裡面既湯飲落非常
creamy，仲食到啖啖煙肉粒，鹹香十足。
-
♦️M A I N -
▪ Bonston Lobster Ravioli · spinach · tomato -
▫ 輪到主菜方面，先上左個「波士頓龍蝦·意式雲吞·
菠菜蕃茄」先，龍蝦口感鮮嫩幼滑，鮮味相當突出；
而旁邊既意式雲吞吸收哂菠菜蕃茄既香味，口感軟腍
得黎多左份濃香感，認真唔錯。
-
▪ Iberico Pork · black truffle · roasted winter vegetable ·
port wine sauce -
▫ 另一款主菜「西班牙伊比利亞豬柳·黑松露·冬令時蔬
砵酒汁」紋理清晰，油花完美分佈，咬落肉質濃郁
鮮嫩，而周邊既脂肪食落唔油膩，仲有幾塊黑松露片，
賣相更加完美。
-
♦️D e s s e r t -
▪ Petit · Fours -
▪ Caramel Mille Feuille · whisky ice cream -
▫ 去到最後甜品階段，分別上左個一共四件「精美·
甜點」，當中包括兩件黑朱古力同埋蛋糕仔，仲有
「焦糖千層酥·威士忌雪糕」裡面既吉士醬唔算太甜，
加埋千層酥外層鬆脆，兩者味道好夾。
-
📎 Le 188° Restaurant & Lounge
📍北 角 油 街 23 號 港 島 海 逸 君 綽 酒 店 41 樓

#小編食好西：咁耐冇得飛✈️，相信大家同小編一樣，都好掛住外國嘅種滋味🥺

今次小編就嚟到尖沙咀凱悅酒店，一試最近佢哋嘅「味遊亞洲自助餐」，分別有韓國菜、日本菜、越南菜同埋印度菜，等大家可以用味蕾嚟一晚亞洲之旅🤩

🎊預訂網址🎊 https://flyagain.la/ptm5

📍環境：
酒店位置方便，一出尖東/尖沙咀站K11個出口，行幾步就到。咖啡廳位於酒店lobby層，雖然係lobby，不過餐廳環境都十分安靜，卡位嘅設計俾人多一種私隱度😌

🍱食物
食物選擇中規中矩，有日式壽司魚生天婦羅、韓式炒年糕、海鮮煎餅、鴨肝多士、印度咖哩、馬來西亞肉骨茶、新加坡叻沙、越南生熟牛肉河、中式燒味、小炒、一般冷盤沙律、牛扒羊架、甜品等等，都幾夠食

🤩🤩🤩🤩回本位1： 🦞即煮「悅新鮮」生猛龍蝦區，無限量供應波士頓龍蝦，即叫即煮，目測係全場encore率最高 (特別配左泰式風味汁，點左都唔錯）！😋 龍蝦好多膏，肉都幾彈牙，無平時涷食咁乾身，而且唔會好乾，不錯！

🤩🤩🤩回本位2：🍰甜品選擇十分之多多多😍😍😍，不過最推介一定係咖啡廳蛋糕系列，由馬達加斯加雲尼嗱、泰式芒果糯米、港式奶茶風味到馬來西亞榴槤口味、厄瓜多爾朱古力味，有蛋糕卷、法式千層酥😋

小編覺得馬達加斯加雲尼嗱口味最好食，食得出同平時食開D雲呢嗱味係唔同既🤩！第二名小編會揀港式奶茶口味 同🍫厄瓜多爾朱古力味，兩隻都好好食🤤，各有特色，真係好難分高下😂 不過大家一向好鍾意既馬來西亞榴槤口味就一般，蛋卷偏腍但榴槤味都幾足🤔

🐟刺身：有5款選擇：三文魚、帶子（偏大粒）、吞拿魚、魷魚同鯛魚，全部都幾肥美！帶子都幾大粒下😍，吞拿魚新鮮又無筋，全部食落都好新鮮呀，真係要encore！🤩

🍣壽司：壽司選擇反而好少，得鯖魚同埋魷魚壽司，連卷物都無乜🥲🥲 不過就有提供平時少見既雜錦魚生飯，不過小編覺得D飯都有D大舊，少食為妙🤣

🦀海鮮：凍盤海鮮都係中規中矩，有青口、🦐蝦、🦀蟹同埋小龍蝦，食落唔太多肉😫，不過小龍蝦都幾鮮味🤓

🥩燒烤：有即場碳烤乳豬、牛扒、羊架，仲有燒菠蘿！！！即切再碳烤，食嗰時仲熱辣辣，鍾意碳烤風味嘅朋友可以一試！😍

🇰🇷韓國菜區：主打韓式海鮮蔥餅同韓式炸雞配年糕，海鮮蔥餅有魷魚同蝦，中間柔軟外邊都幾酥脆，可以一試😋！

🇯🇵日本菜區：有即炸天婦羅，有蝦🦐、粟米🌽同埋番薯🍠，皮好薄而且岩岩炸出黎好香脆，可以encore！不過小編覺得如果有埋冷麵／冷烏冬配天婦羅就好啦🥢😆！

🇲🇾🇸🇬星馬泰區：東南亞美食有🇲🇾馬來西亞肉骨茶、🇻🇳越南生熟牛肉湯底河同🇸🇬新加坡叻沙湯底，肉骨茶味道偏甜，鐘意新加坡重胡椒同馬來西亞藥材味就可能唔太啱🤭 生熟牛肉河湯底，湯底唔算好濃，粉麵檔配料有時菜、牛丸、魚蛋、蝦等等，面就有油麵同米粉，湯麵麵質爽口，白魚蛋彈牙，不過粉麵同配料種類選擇就比較少🤭

🇮🇳印度菜區：點少得咖喱同薄餅，有牛油咖哩雞、印式咖哩羊、果阿咖喱魚等等，咖喱香料味都幾足，唔算辣，中意香料既朋友可以試下，但就未必好啱香港人口味😅

👧🏻👦🏻兒童區：小朋友都唔擔心無嘢食！有幾款簡單西餐選擇例如肉丸、魚柳、pizza🍕、南瓜餅等🙋‍♂️

🍨甜品：呢度甜品真係好多多多呀！🥞班戟甜品😋😋😋，有原味同朱古力兩種pancake皮選擇，即叫即整，6款口味雪糕、水果可以配搭，仲可以揀放係雪糕筒🍦入面，打卡唔錯📸！另外仲有一般果d甜品， 不過今期仲加左豆腐花、泰式三色冰同芒果糯米飯。不過強烈推介留肚試下酒店嘅切餅：貓山榴蓮、厄瓜多爾朱古力、奶茶口味、馬達加斯加雲呢拿都唔錯！

💬 結論
呢餐buffet美中不足嘅係，未有一向受歡迎嘅泰國菜，可能係因為空間有限，整唔到咁多款🧐 但可以一次過食到唔同嘅亞洲風味，好似✈️飛左一轉咁，一解相思之苦，都幾值得一食🥲

「墜落那片沙土…隔絕俗世荒島。」獨樂樂
不如眾樂樂，有時一人之境太耐，未免太毒了吧，
唔想與世隔絕？係利園二期呢間米芝蓮英式
古典風「The · Leah」打返個靚卡，兼約埋
屋企人黎享受下天倫之樂亦未嘗不可呀。
店鋪內外都充滿溫室風格，係玻璃屋頂下
將成個星空飽覽無遺，加埋一片綠色世界，
環境相當優雅清新。👇
-
📌SMALL · PLATES -
▪ Scotch Egg · Soldiers - $98
▫ 要細數經典英國菜，必試之一既頭盤
「蘇格蘭·流心蛋」，鴨蛋炸得相當香脆，
一切開蛋黃瞬間爆汁，視覺上相當吸引。
再將多士插入蛋汁，食落表面爽脆外，
仲多左份蛋香，份外惹味。
-
▪ Scallops · Black Pudding · Leek - $268
▫ 而第二道「香煎帶子·黑血腸·韮蔥」亦有
睇頭，用上來自日本北海道帶子，以慢煮
方式烹製，再將外層煎到帶少少焦香，
而肉質裡面保持多汁鮮甜，好好食；旁邊
配上黑血腸同埋韮蔥，口感煙韌無比，
絕對係經典英國風。
-
📌BIG · PLATES -
▪ 12oz Beef · Wellington - $788
▫ 輪到主菜最重要環節12oz「威靈頓·牛柳」登埸，
一大份牛柳切開有四塊咁多，外層酥皮金黃
鬆脆，唔會太厚岩岩好，而裡面既用左唔同既
蘑菇做成菌醬，份外濃香；切開牛柳中心
帶粉嫩色，肉質相當軟腍濕潤，配埋紅酒汁
個味道牛味更加突出，加上呢個份量絕對對
得住價錢，性價比相當高，食得過！
-
📌P U D D I N G -
▪ Sticky Toffee · Pudding - $98
▫ 最後食埋個英式經典甜品「拖肥香草醬·
椰棗蛋糕」就完美結束啦，其實呢個Pudding
係用椰棗製成，再加上拖肥醬同埋雲呢拿
吉士醬。幾層夾埋一齊食，再倒上香草汁，
口感綿密之餘又唔會太甜，值得一試。
-
📎 The · Leah
📍銅鑼灣恩平道28號利園二期3樓303-309及311號舖

#袁詠儀 #張智霖 #張智霖袁詠儀 #上環海味街

00:00 開始
00:03 袁詠儀.....
00:11 曾蔭權太太
01:08 第一必買
01:30 如何選購
02:02 袁詠儀.....
02:25 第二必買選購心得和食譜
02:50 重新發現袁詠儀
03:48 第三必買選購心得和食譜
04:40 袁詠儀.....
05:28 黃浩然海味舖
06:38 第四必買選購心得和食譜
07:53 張智霖....
08:18 第五必買選購心得和食譜
09:29 張智霖袁詠儀
09:43 No. 6必買購買心得食譜
10:06 街坊心得
10:56 張智霖袁詠儀
11:27 第七必買購買心得食譜
12:16 第八必買購買心得食譜
12:49 街坊心得
13:17 第九必買購買心得食譜
14:05 第十必買購買心得食譜
15:00 影片的目的
15:17 辛丑年新願望

Hello大家好快阿Tsar, 昨天我落上環海味街巧遇袁詠儀,

好多人可能只知道她是港姐冠軍,

但你們知否她不為人知的另一面呢?

因為我認識張智霖的家姐Mona,

這條影片主要是介紹大家在過年前辦年貨,

這條片全部都非廣告或贊助,人家歷史悠久才不贊助我呢

不過我純粹想跟大家分享,因為海味街可以一次過買齊你想要的

而且一街多間店鋪,你可以有得比較呢

交通方便,西營盤地鐵站A2出口行幾分鐘就到

我跟街坊鋪頭老闆閑談,問為何今年海味特別平

他們解釋,因為平時有酒樓生意大量入貨,但今年疫情關係

好多酒樓都沒生意,所以海味舖老闆,唯有用平價益下街坊

我會推介海味街十大必買賀年食品, 我一邊行一邊講吧.

第一必買, 臘腸, 買臘腸一定要揀香港製造

因為香港製造的臘腸有品質保證 ,如果數那一間平靚正

一定要來「和珍」, 以古老臘多選擇而聞名，

臘腸除了多選擇外,另外就是用秘製古法,

你行入間店舖裏,就會聞到陣陣清香玫瑰露酒香,

選擇臘腸，最重要有光澤。臘腸上的肉粒膏粒要均勻，

不可模糊不清。臘腸有坑紋之餘，

還要夠飽滿才行。顏色方面，較啞色的品質較差。

腸衣薄的比較有光澤，較厚的較好。還得把臘腸用鼻子聞下，

靚的臘腸聞上去充滿香味，啖入口甘香滿口、有肉味和鬆化。

袁詠儀90年入行選港姐、當選冠軍做過兩屆金像影后，

經歷過事業巔峰再........睇片

介紹返,第二必買, 臘鴨髀,選購心得, 鴨髀望落去除了沾滿油 ， 聞 落 要 有 油 香 。

還要 表 面 乾 淨 冇 毛 ， 皮 層 淡 黃 或 白 色 而 非 瘀 黑 。

臘鴨髀可以斬件蒸飯,煲仔飯, 你可以煮荔芋油鴨煲

芋頭吸收臘鴨髀的油香，入口一刻讓你味蕾有飛一般享受。

正如你會重新發現原來袁靚靚是.........................睇片她真是厚多士去為朋友

介紹返 ,第三必買 , 乾瑤柱即元貝,這個超級抵

我行過幾間店舖,見到今年的乾瑤柱特別平,

元貝的營養價值非常高，味道也十分鮮香，

選擇元貝時,以色澤淡黃有光澤、乾身、顆粒完整、大小均勻、

肉質細嫩、堅實飽滿、無碎片者為佳，通常乾貝顆粒越大越有風味

優質新鮮的元貝，呈淡黃色，半斤120頭左右。

較細粒為次之，顏色發黑又再次一等。

一般都是放在乾燥陰涼處或冰箱冷藏保存保鮮。

烹調方法多樣化，不管是熬湯煲粥或「蒜蓉粉絲蒸元貝」

過年就最得體啦 ,袁靚靚除了對朋友厚多士之外,

你們知否她是一級精明消費者

我平時落海味街去開這間店鋪, 她都來這裹購物

你不信我不緊要, 你不信靚靚精明消費不緊要,

但連曾蔭權太太都來這裏買, 就真的平靚正

我幾乎每次去海味街都來這裏, 來了幾次之後才知這間舖

屬於多功能老婆個黃浩然的家人

當日爸爸還好大聲跟我打招呼 ,竟然認得我

他daddy媽咪和妹常在舖頭 ,但他daddy媽咪樣子好年輕

人人都叫黃浩然媽咪做麗姐,袁靚靚都這樣叫她

以前疫情期間,我落到去店舖,經常關門,那時我未知是黃浩然家人

有一日,我去到店舖門口,落了閘,鐵閘上面有個電話

我就打電話落去問幾時開,有個女仔接電話跟我傾了一陣,

跟住又將個電話交給另一位女士，

那女士好有耐性解釋我聽為何要暫停營業

她解釋因為疫情關係,不想員工感染病毒

所以店舖暫時暫停營業,她好耐心教我在網上訂購

之後我在facebook網頁看看有什麼好買

才發現原來這間店舖屬於黃浩然家人的

這間舖頭沒開我為何那麼着緊呢

因為他們的價錢跟這條街其他鋪頭差不多價錢

但貨品就優質好多,而且員工都好有禮貌

我真心的購物體驗,他們有好多位明星幫做宣傳,

不用我幫他們說好話, 純粹分享, 因為他們做批發生意,所以貨品平靚正

第四必買, 我平日好鍾意你來買姬松茸,

不過現在過年,我就推介大家買生曬西非有奄螺乾

它特點是市場比較罕見，螺奄帶彎貼着螺肉，色澤鮮明，

顏色呈麥牙糖茶色，螺肉通透，氣味清香，

肉味鮮甜濃郁，含濃烈海洋味，肉質腍滑。

螺乾肉質鮮嫩，啖啖甘香，富含蛋白質及礦物質，更能滋陰補腎，

健肝益脾，可以補充體內津液，津液足則可利關節，

對氣虛血弱，腰膝酸痛有很好的療效，是較經濟海味食材。

儲存方法, 建議存放雪櫃，存久了會愈乾，

螺面會浮一些白色粉（是鹽霜，不是霉菌，而霉菌是綠色）

浸發方法生曬螺乾清洗後先浸1小時，之後浸過的水不要，

再浸過夜，留水用來一併㷛湯。

留螺奄一併㷛，螺奄可幫忙耳水不平衡，對女士非常滋陰養

亦都適合經常捱夜人士飲用湯水.

張智霖孝順就人人都知,外公是中德混血兒，

.......................睇片
介紹返第五必買, 年貨一定不少得金蠔啦,

揀金蠔首要揀些蠔肚夠飽滿，如果可以的話，

用鼻嗅一嗅其香味帶鹹香。而蠔身顏色要金黃，

還有群邊要乾淨無沙。金蠔愈大隻，

蠔味愈濃郁,價錢當然不一樣啦

如果你budget有限,選擇中size都ok,

最緊要豪身夠肥美 ,和陣鹹香味

購買金蠔回家後，如果不是立即吃，應該放進雪櫃，

以免金蠔變壞。炆煮金蠔前，用清水浸5至10分鐘，

用牙刷刷去蠔身上的污物。煮少許薑葱水，

放入金蠔，將金蠔一些異味、腥味去除。

然後燒熱油鑊煎香金蠔，不需要煎至完全熟透，呈金黃色便可以，

然後加入少許上湯，並冚蓋焗。剩下約2成汁醬時，加入蜜糖，

轉小火慢慢地收汁，讓醬汁和蜜糖滲入金蠔，待蜜糖裹着金蠔，

變得有光澤便完成。你們有所不知 ,

其實張智霖伉儷, 兩公婆..................睇片

介紹返, 第六必買, 封肉, 封肉做法好幾種，

廣義來說東坡肉也算是跟他們同一夥的，暫且撇開東坡肉不說，

封肉在南部宴席最常見到最後的壓軸菜式，

象徵圓滿的一道菜，至於怎樣煮呢 ?一齊聽聽街坊阿姐怎樣說,

這些是福建特產，我食過，非常甘香濃味我的朋友一定勁愛

我家人特別喜歡，所以我今日會買六條

跟臘肉有什麼分別，臘肉是死實實

味道比臘肉更加多層次，有豆豉

所以好甘香，你可以切薄片，用姜絲來蒸

或可用來炒荷蘭豆，炒菜也可以，甘香肥美

但它的肉比較肥瘦相間，所以不覺得肥膩

這一條大約$100，不算貴，$168一斤

我大約半年前在這裏買了一條回家吃，所有人都好鍾意

所以今日再來買，如果要數經常素顏出街的女星 ,

....................睇片

大量的膠原蛋白對皮膚很好，

第七必買, 市面主要有日本及中國產的冬菇，

花菇會爆花的原因是冬菇表面在寒冷的天氣下慢慢龜裂，

「爆花」愈多則愈貴，售價約$800/斤。

日本的原木花菇，菇紋明顯，中國出品的菇紋較淺。

家常用作煲湯及燘煮，一般冬菇貨色已經足夠。

冬菇以形態飽滿、整齊、胡香味較濃者為好。有蟲蛀者次之。

用冬菇蒂來選冬菇 以外形來分辨冬菇的厚薄，可以從冬菇蒂著手。

冬菇蒂等於香菇的頸，頸柄細短，菇身自然單薄;

冬菇一般大些會貴一點，第八必買,

用來煮粟米魚肚羹的魚肚,有分鹽爆魚肚VS 砂爆魚肚

鹽爆魚肚產量比較少，比較容易處理，

沙爆魚肚需要清洗些沙才可攞去煮

靚魚肚一定要選用鱔魚的魚鰾製作，含豐富蛋白質和鈣質。

我純粹跟大家分享一下食材的冷知識 , 如果你們覺得方便又經濟

其實這裹一包幾十元已經可以買到沙爆魚肚

一齊聽下這位姐姐怎樣煮,有鹽爆有沙爆，各有所好

魚肚海鮮羹，蟹肉帶子蝦粒加隻蛋加青豆粒再加少少蔥花

用馬蹄粉開個獻汁，搞好了，我家人勁愛吃

第九必買, 腰果, 可以煮腰果西芹炒肉丁 ,

賀年菜式都是經常有道菜，經濟實惠都可以上到大枱,

選購時，要注意腰果應該呈現完整的月牙形的。

而且不能太碎小了。質量好的腰果，

氣味芳香，但是不能太香了，

否則有機會添加劑過多，對人體不好。

買時要注意可否夠乾身 ,買回家後要密封擺在陰涼處或雪櫃裏面

腰果清脆可口，特別於新年期間，會用炸腰果招呼賓客。

它不僅是零食，也可以做腰果雞丁、腰果蝦球，腰果西芹炒肉丁，

對素食者是很好的煲湯材料，亦可加工做糕點或糖果。

第十必買, 如果環保人士見到我介紹新年食翅 ,不要太大反應

我沒主張人去食魚翅 ,因為我影片不只給環保人士看的

只提供多一個選擇給大家啫,

這裹已經有發好了的翅, 減少好多工序,

買回家後, 要用薑蔥拖一拖水,

魚翅本身無突出明顯的味道，關鍵在於那鍋煨煮魚翅的上湯。

所以在烹調魚翅前，要用足材料和時間，

熬一鍋火路十足的濃上湯，把魚翅引出鮮味。

上湯做法：以去皮老雞1隻、瘦肉6両、

金華火腿4両，洗淨後加水至大煲中，

大火滾起後轉小火煲最少三小時成鮮味濃上湯，

其實我介紹十款的賀年食品, 都是希望大家在一個經濟低迷環境下

可以食好些, 小富由儉大富由天, 2月3號 晚上10點57分

已經踏入立春牛年 ，新一年嘅開始 ,

我跟大家拜個年 ,恭喜發財，希望大家今年好好重新上路 ,

做多些善事 ,像....................睇片 ,食乜都靚 ,最緊要大家身體健康 ,開開心心過每一日

希望你們喜歡我今日的介紹 , 做好事、說好話、心存好念，

看完影片留個表情符號以示支持 ,就功德無量 ,

我們下一集再傾過 ,Bye bye .


袁詠儀最靚香港小姐張智霖不為人知的一面｜推薦辦年貨｜平靚正明星海味店｜袁詠儀保持青春的秘密



?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。