「經過蘇美女神身邊，我以女神之名許願。」
中環一向都係美食雲集既天堂，基本上你諗得到既
你就食得到，係皇后大道中呢間「The · Balcony」
將日式、西式兩種不同主義完美融合；加上藍白色
主調，帶出希臘愛琴海小屋特色，無論日光定晚燈，
都絕對係一眾女神既打卡熱點，加上性價比高既
2人套餐，可以話係近年來中環最抵食既Fine Dining！👇
-
📌Set Dinner For 2 - $638
♦️Chef’s Recommendation Salad -
▪ Smoked Duck Breast · Peach Salad -
▫ 先黎個廚師精選既「燻鴨胸 · 蜜桃沙律」打響
頭炮先，爽口既沙律菜配上鹹香到位既鴨胸，
而且肉質燻得有咬口，腍滑入味，加上醬汁
亦夠清新開胃，唔錯。
-
♦️A p p e t i z e r -
▪ Parma Ham · Buffalo Cheese · Fig’s Balasmic
Reduction -
▫ 開始踏入前菜既節奏，第一款「意大利風乾火腿 ·
水牛芝士 · 無花果黑醋汁」擺盤精緻，要大讚既
係粒水牛芝士造型可愛；而巴馬火腿食落
鹹鮮味濃，配搭濃郁既芝士、黑醋汁令
整體層次即時提升。
-
▪ Traditional Baked Escargot · Truffle ·
Wasabi Mashed -
▫ 另一款人氣大熱既菜「法式焗田螺 · 黑松露 ·
日式芥末茨茸」，以匙羹仔做裝飾，打卡一流。
食落螺肉爽口彈牙，仲食到濃香既牛油味、
黑松露香；底部仲配上日式Wasabi薯蓉，
呢個組合相當特別。
-
♦️S o u p -
▪ Homemade · Lobster Bisque -
▫ 第一次試到用杯裝既「秘製 · 龍蝦湯」，表面
仲有個小型拉花好吸引。而飲落龍蝦味夠濃，
質地唔會太"杰"岩岩好，我幾鍾意。
-
♦️M a i n -
▪ 14oz Australian · Rib Eye Steak - (For2)
▫ 而Main Course可以隨便挑選兩款或者揀一份
二人份量既Steak，作為牛魔王既我就梗係走唔甩
呢個「澳洲肉眼牛扒 · 14安士」啦。黎到既時侯
真係嚇親，份量相當驚人，Steak岩岩好煎到
五成熟，切開裡面帶粉嫩色，食落牛肉鮮嫩香濃，
而且油香十足；表面仲帶有焦香感，配上海鹽
做調味，口感認真唔錯。旁邊既配菜仲有南瓜、
甜番薯，兩者既配搭令人相當滿足！
-
♦️D e s s e r t -
▪ Balcony Deluxe Dessert Platter -
▫ 最後既甜品「芒果椰汁奶凍 · 朱古力蛋糕」，
奶凍既質感夠creamy，淡淡既芒果味配上
杏仁碎、藍莓，感覺相當清新；而另一邊既
朱古力蛋糕甜而不膩，口感軟腍，幾好食。
-
📎 The · Balcony
📍中環皇后大道中118號3樓

［橄欖油食正健康潮流，但做乜整油嘅慘過西？］唔該，開支82嘅加泰隆尼亞橄欖油丫，要dry啲嘅。（然後作狀咁索兩嘢）

1. 你有冇見過有咁嘅場面？冇。因為橄欖油cheap到不能。唔止係個單價平，而係冇差異性，賤過水。你開支意大利星星水同tap water，女神都唔同諗法啦。

2. 又係獨角號專稿。以前寫過馬達加斯加雲呢拿貴過白銀（http://bit.ly/30fiiRt），寫過牛油果殺人事件（墨西哥直接殺：http://bit.ly/2MFIfp1）（智利簡接殺：http://bit.ly/2RTmrcG），寫過冰島種香蕉（http://bit.ly/2SFTP7s）　，沖繩種蔗（http://bit.ly/39mvSId）　

3. 食物加國際加金融評論，有冇得諗？少林足球加功夫都得啦。

4. 今次，就係橄欖油。拿，又係健康嘢。不過我專門鍾意寫呢啲健康嘢背後嘅東西。

5. 橄欖油就唔使死人，又健康（啲地中海意大利佬希臘佬好長命嘛，地球好危險）。又唔似牛油果咁要好多水搞到旱災，或太好搵搞到毒販都玩埋一份，又唔係藜麥咁畀你班鬼佬同亞洲中產炒貴晒搞到當地人食唔起，又唔係雲尼拿咁搵土人去人手摘，照計應該幾好吧。

6. 但，點解橄欖油咁受歡迎，整嗰班都係叫晒救命呢？

7. 最常見嘅嘅解釋，當然係定價權在邊個度。可可呀，咖啡呀都係。無論係因為天災供求失衡，定係真正嘅長期趨勢，價錢貴咗未必種嘅人受惠（公司賺大錢你係咪一定加人工丫？），大家都知因為中間係啲跨國大企業，之類。

8. 但橄欖油嘅故事仲特別啲。固然一樣有黑暗跨國大集團。但，根本連個油價都係跌的。都唔好再講會唔會惠及整嘅人。搞乜？

9. 好簡單，又係供求。需求係大咗呀—但供應升得仲快。一個二個仆去整，價格自然收檔，加上入場門檻亦都唔高（其實唔關事，但諗起朋友講當年唔少學子滿懷希望去讀IT，然後供應大增，畢業幾千銀人工）

10. 另一個問題係，橄欖油唔同酒，亦唔同陳醋，亦唔係新會陳皮（？）唔係威士忌，放唔得耐，一年之後就變苦。即係冇得玩年份（有冇聽過有人開支18年橄欖油點法包?）

11. 而橄欖油，唔同咖啡呀，朱古力呀，酒呀咁，唔會就咁食（或飲，吳剛都唔得，因為發煙點低），就冇得好似咖啡同酒之類咁分得咁細。個個都係拎去點面包。

12. 基本上，就係一種先天有啲不足嘅東西。好難做到酒呀威士忌呀咖啡咁細緻。咁大家知另一極端係乜—商品化。咩叫商品化？粗俗啲講，「熄咗燈一樣」「咪又係女一條」「3/5/8」（唔係江西銅，明就明唔明就算），咪商品化。（而實際上，女當然唔係十分商品化的，你打開娛樂版就知）

13. 所以，當需求多，而大集團玩埋一份嘢，即時價格就冧晒，齊齊橄炒，呀，係攬炒。因為冇得 differentiate —你鋸扒加鹽人地都仲畀十種八種你，咩海鹽岩鹽喜馬拉雅山粉紅色鹽都有，糖都仲可能畀幾種你—你有冇見橄欖油畀十支你揀？我就冇見識過啦。

14. MK仔都識叫紅酒揀法國唔同區，或者窮撚揀New World 澳洲阿根廷，再唔係扮撚晒嘢智利格魯吉亞都仲得。同樣地威士忌可以蘇格蘭日本甚至台灣—但你有冇見過人叫侍應畀支Andalusia橄欖油你？

15. 結果，即使係所謂高級啲嘅橄欖油，其實都賣到一舊水一公升—你諗下你點幾多面包先點到一公升橄欖油。你就爽，整嗰個就仆街。相比之下，我屋企支唔知幾多年意大利摩德納陳醋，丁屎咁細支，用實驗室啲Dropper滴，但賣到成千銀—你在香港買應該唔止添。

16. 當然，某程度上可以靠包裝嘅。又係歐洲人，法國佬強項。玩在地，本土，整到香水樽咁，好啲啦，咪幾舊水一公升。

17. 業界仲話想教育下大家，拿，橄欖油都要講產地，講層次之類。但我諗都係冇得搞的。唔止係因為cheap—cheap係結果，而係真係冇乜人care—你care舊麵包多啲。

18. 你關心餐廳嘅枱布，音樂，影唔影到相，侍應靚唔靚仔靚女，會唔會畀人撞破偷情，有冇得儲里數，廁所乾唔乾凈　—　應該去到第一千樣你先關心啲橄欖油。

19. 全文：http://bit.ly/39muZ2l　

20. 不過我好似個導讀寫得仲長過篇正文。

21. 又，原文有參考（但唔係照譯）彭博：Olive Oil Makers Want to Go Gourmet, But Shoppers Aren’t Buying　(https://bloom.bg/2QuXu56　)

22. 都係嗰句，支持埃汾順手支持埋獨角號，重點合作單位嚟的！未like記得like