【龔成問答信箱】（Q21921-21940）

Q21921：

老師，上完最後一堂，多謝你既分享同教導。

我follow左你個page好耐，但都係今年先開始認真學投資理財，以前以為只要儲錢叻就ok.

自問儲錢唔算差(當然無老師勁), 以前一個月揾一萬左右都儲到7至8000左右，因為細個開始就想收租退休

(大學個時我靠幫人補習都儲到10萬畢業)不過總係儲唔到大錢，次次一儲到一筆仔，就會係無厘頭既情況就會用左

直至認真睇投資書，認真睇致富心理先發現原來我方法算ok, 但心態唔好

老師，尋晚你話俾個終極目標自己，我好認同。收租退休都仲係我終極目標，但係依家學識要set short term goals

話說我買左樓，唔係最理想既，但都係我心水地方之一。新界藍籌屋苑，希望會係我第一間有既樓，之後會再換大啲/買多層收租，希望一步一步向目標前進。

多謝你過去8堂授課。雖然我未明得晒，不過都照報左進階班！希望可以學多啲野！

暫時我都只係做緊月供，見次次你講親既優質股都偏貴。同埋啱啱買完樓要少少時間回氣，差不多差左袋。

不過我會留意多啲股票市場，等自己既投資唔好集中晒係層樓度，雖然依家有mortgage link account, 但我諗揀啱股票既回報會更高，更快可以幫我買第二層樓然後開始收租。

Sor for 太長氣

龔成老師︰

其實你未掌握晒，係正常。但只要你努力溫書，再去實踐。好多你唔明的知識，就會慢慢變得明白。

因課堂教你們的，只是一些知識、技巧和經驗分享。你必需要去實踐，去累積經驗，我教的知識才會有用。

你現時投資想法，大致都正確。由於你財富組合，偏重係物業類。現時你應用新資金，先集中投資優質股。而你未對平貴太有把握前，可維持月供模式去做。

而第二個物業，你唔洗太急，最好隔長少少時間，先再考慮，以減低週期性價格風險。

至於進階班，其實你掌握到初班的7成知識，你就應該應付到。如果你覺得自己未到7成，你就在此期間，比心機溫，為進階班好好準備。

進階班見!

------------------------------------------------

Q21922：

你好啊，想請教下因為計劃緊買樓。

1. 你覺得應該放哂全部股票去比多啲首期好，定係留返部分股票唔放之後比少啲首期較好？

2. 另外，如果諗住可能半年-2年內買樓，係咪唔應該再做月供？

因為我同男朋友現時月供我：$5000 / 男朋友：$8000

龔成老師︰

1) 現時按息不高，我建議你借多D，空出來資金，用來投資增值，效益會較高。

而且，我地投資都會講求一個組合平衡性。如果你買樓，而要盡固股票，令成個財富組合，完全偏晒去一邊，其實係唔理想。

2) 要視乎你月供資金，係唔係需要用來置業。如果不用，你維持月供係無問題。

若要動用，你就要睇有多久，才會動用。若只有半年至1年，最好就不要月供，直接現金持有。

如果長少少，可以去到2年，你都可以維持月供。但選股上，就唔可以太進取，盈富(2800)係可以。

但比亞迪(1211)和小米(1810)這類潛力股，波動性太大，我唔建議。

另外，你可以考慮收息股，佢地增長力不高，但勝在股價波動較細，又有一定股息，都值得你考慮。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

------------------------------------------------

Q21923：

老師，我係你股票班學生，上年上你堂，真係獲益良多，感謝你一直既分享，同發放正能量，令我覺得自己都有機會做到。

但可惜我剛上完堂，婚姻出現問題，呢半年我經歷情緒問題，好想自己慢慢放下件事，好想向前行

想為自己打算，要靠自己係香港置業，決定自己生活，但睇過好多小單位，一個人供真係好吃力，供得樓黎，又無多餘錢投資，令我覺得無希望一樣。

睇住自己之前建立既股票組合，阿里同中煙都跌好多，而令到心情更差，好似已經努力存資金，但覺得唔會達到財務目標一樣，好灰心。

想多謝你的正能量分享，有時令我覺得仲有希望。另一方面我對唔住你，發生件事後，我無好好溫習，可能課程內容已經俾反晒老師你了。

但我呢排情緒好轉，我亦打算抽時間溫習，希望會pick up 反。感謝

龔成老師︰

每個人一生中，難免都會經歷一些人生起跌。在不順境時，會覺得做什麼事都很困難，有一種無形的無力感。

但你要明白，這個世界，唔會永遠只係給你不如意的事。就好似大雨過後，你是總會看得到晴朗的藍天一樣。

你可以給自己一個時間，去慢慢調整自己心情。有需要時，你可以尋找專業人士意見(如社工、醫生)。之後，你再調整投資和置業計劃都未遲。

中煙國際香港(6055)和阿里巴巴(9988)都有質素，中短期波動總會有，但佢地質素無明顯變差，你照長持有就可以。

月供方面，如果你係用我之前建議，你就照進行，就可以。

記住，你要先照顧好自已，才進一步去計劃其他的事。只要我地要按部就班，一步步去處理眼前問題，總會找到方向。

------------------------------------------------

Q21924：

龔成老師，我最近買了一些股票，比亞迪1211，恆大汽車708，中國平安2318，信義光能968，中芯國際981，工商1398，粵海270，這些股可以長期持有嗎？需要set止蝕嗎？

另想問問中國有贊8083有潛力嗎？想買黎長線投資，值博率高嗎？

另完美醫療最近兩日回了不少，現價8蚊左右可買入嗎？還是等待合理價4～6蚊再買？

VESYNC 2148我12蚊買，依家跌到10蚊想問需要止蝕嗎？佢係小家電龍頭，但由於之前有部份股權有禁售期，黎緊18號解禁，我怕會再大跌，請問需要止蝕嗎？但看佢基本面是強的，唔該哂。

補充一下買價︰

比亞迪1211：$171｛佔比10%｝
恆大汽車708：$36・35｛佔比10%}
中國平安2318 ：$83 ｛佔比20%}
信義光能968 ：$13・93｛佔比10%｝
中芯國際981：$24・75，｛佔比10%｝
工商1398：$5・02｛佔比20%｝
粵海270：$11・5 ｛佔比10%｝
阿里巴巴9988：$217・8 ｛佔比10%｝

龔成老師︰

這些股票都有質素，係一個偏向進取的組合。若你係年青至中年人士，這個組合係可以。

但比亞迪(1211)現價係貴，現貨可持有，但加注最少等到$135以下，才好考慮。

另外，恆大汽車(0708)雖然可能有潛力，但風險高，佢資金投入的確強，大力發展新能源車，但這些仍未有賣產品真正的實力，長遠能帶動多少收入，未知。

由於仍有好多未知數，而股價已經大升左好多（比半年前），因此，這刻要自己衡量風險。

可能佢真的有潛力，但連基本的銷售銷售都未有，我地作為投資者，就好難分析，只可以話佢股價會大上大落。

我唔係話佢無投資價值，只係不確定性較高。投資時，必需控制注碼，不能太大注。

中國有贊（8083）集團主要於中國從事經營電商業務及支付服務業務，業務分類如下：

（１）電子商貿：透過電商品牌「有贊」提供各種有關虛擬批發及零售之線上及線下解決方案及服務，如「有贊微商城」

以有「有贊零售」等ＳａａＳ軟體產品及人才服務、面向開發者的「有贊雲」ＰａａＳ雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。

（２）第三方支付服務。

（３）一鳴神州：提供第三方支付系統解決方案及銷售綜合智能銷售點裝置。

（４）一般貿易。

近年業務發展快速，生意增長力，不過，現時估值高，業務變化較大，整體有好大的不確定性。加上佢過往在核數師報告出現過「保留意見」，盤數可能有古怪，雖然已是數年前的事，但都會扣分。

佢不是無潛力，但風險較高，這刻投資值博率不高。

完美醫療(1830)現價依然唔平，你最好等佢有明顯回調，才慢慢小注儲貨。

VESYNC（2148）有少少潛力的。佢係美國小家電線上市場的市場參與者。根據報告，在小家電零售商中，佢係美國就通過亞馬遜產生的零售額而言排名第三及通過所有線上渠道產生的零售額而言排名第五。

業務不算差，發展有潛力，但企業規模始終較細，業務未穩定，整體都有風險。若你只係小注，持有無問題，但就要明白當中的風險。

至於解禁，解禁唔代表股東一定沽貨。而且與企業質素無關，你係唔應該考慮。

------------------------------------------------

Q21925：

龔sir, 最近我睇完你一篇關於現金貶值的文章，這樣

你讚不讚成加按物業去做投資，例如股票、基金或年金？

龔成老師︰

現金長線都只會係貶值，我地今天借錢，明天雖然要回歸還同等金額的現金，但當中價值，其實已經係貶值了。

在現時低息環境，加按物業去投資，係可以考慮。

但大前題係你有無個明確的投資目標，可以確保你有效運用這筆資金，去增值自己的財富。優質股、基金或年金都可以考慮。前2者，你可以比較翻個回報，邊個較理想。

而年金，由於本身回報唔算十分高，若按息增加，有機會令你賺取的息差收窄，甚至消失，你要明白這個風險。

之後，我地就要因應你年紀，去睇翻自己現時負債水平，係唔係適合再加重負債。

若你係30歲，總負債相對總資產去到90%，都可以。但若年紀較大，到50歲時，就最多只可以50%。

------------------------------------------------

Q21926：

龔sir. 我現有的股票組合ok嗎？

恒生 16.97%
中國銀行 4.08%
領展 26.87%
中國人壽 11.28%
港鐵公司 15.38%
阿里巴巴 14.93%
小米 10.49%

月供組合ok? 已供1年

盈富基金 53.14% ($4000)
恆地地產 21.99% ($1000)想停供，供左1年都未供到一手...
小米 21.99% ($1500)
香港電訊 2.88%(供左1個月停供左，因為你說要先增值才再現金流)

想放左恆基轉投2800，想利用沽左既錢每月加大供2800月供金額到5000元，龔sir，請問你的睇法，謝謝

龔成老師︰

先講現有持股，質素上係可以。以你41歲年紀計，都適合你。

中國人壽(2628)質素只算中等，不宜持有太多。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

另外，盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

你現時恆生(0011)、港鐵(0066)和領展(0823)係超標，但由於佢地都質素，因此你不用沽出，只要利用新資金，去慢慢拉翻平衡，咁就可以。

月供方面，無問題。如果你想集中供盈富(2800)係可以，但唔建議沽恆基(0012)現貨，因為此股係有質素，碎股唔應該係你持有一隻股票與否的考量。

現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21927：

龔老師想請教一下，早前以26蚊入左2手 0241 阿里健康，今日跌到18蚊，請問如呢幾日以18蚊入番1至2手，呢隻股下半年，有無上升既潛力？

^_^感激不盡！

龔成老師︰

我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。

阿里健康（0241）這是潛力股，佢營運醫藥電商、互聯網醫療等業務。

「醫藥電商業務」，這業務主要有兩種業務模式，由自營電商和天貓代運營，涉及非處方藥品、醫療器械、計生用品等。

另外，就是「互聯網醫療業務」，阿里健康與國內多家二三級醫院建立合作關係，患者可以通過阿裡健康、支付寶等平台，做到線上掛號、問診、諮詢用藥等等的服務。

阿里健康利用醫療AI系統「DoctorYou」去進行營運，該系統包括臨床醫學科研診斷平臺、醫療輔助檢測引擎、醫師能力培訓系統等，輔助醫生睇病。

業務上，有好大的潛力，不過，本質波動，股價上落大，消息多，市場炒作多，這類股風險都不少。最大問題是無人能正確估值，市場現時只是估估下，推將唔到佢將來的價值。

我唔知道佢下半年會升定跌，但以長線潛力計，這股有投資價值。但由於不確定性較高，這類股只建議小注持有，但你預佢股價上落大。

若你資金非常充裕，就算再加1,2手，都只係佔你組合比重好少，否則不建議加注。

------------------------------------------------

Q21928：

龔sir, 你好！ 有問題想請教你意見，本人43歲，而家住緊一層已供完既未補地價居屋，先生剛剛又買了一層新樓大約明年底可收樓，之後打算住新屋。問題是我層居屋可以點處理好呢？

我唔會補地價放租，亦唔想冒險放租。咁樣應唔應該賣左層樓佢呢？

層樓大約可放到450萬左右，加上我有130萬現金，可否用500萬買一啲收息股來用作生活費。理想係有每月2萬5，我今年開始冇做野，家中無小朋友，先生亦都唔想我再工作。

新樓方面先生可以自己供無問題及支付到大家既生活費。先生亦提出話如果賣左層樓之後10年股票收入會唔會追唔到通脹？

如果真係賣樓轉買股票請問邊啲會合適？（是否銀行股和公用股好）麻煩龔sir比啲意見我呀。唔該晒你。

龔成老師︰

你個情況，比較複雜。我一般會建議，最好將空置物業放租，避免浪費了收取現金流機會。

但你不考慮去補地價放租，我建議可以的話，你們先住居屋。新樓則放租出去，用以租養樓的策略。變相，你先生每月都可以空出一些資金，去用作生活開支。

如果你地都係希望賣樓，去買收息股，都可以。只要你選擇的股票係有質素，長線必然係跑嬴通漲。

但由於收息股作用，主要係提供穏定現金流，去支援你生活開支。因此，你唔好預佢有明顯增長力，只會係收下股息而已。

若你希望每月有2.5萬蚊現金流，以股息率6%計，你需要本金500萬，故你賣樓後，資金係足夠的。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

(你可睇下我本《50穩健收息股》當中仲有好多)

現時大市只在合理區，你可以先用一半資金，慢慢咁分注入市。餘下就等大跌市，才出手入平貨。

但你要緊記，唔好太集中係個別企業或行業，成個組合要平衡。相同行業不可佔組合多於30%，而單一企業不要高過15%，否則會有過度集中性風險。

------------------------------------------------

Q21929：

龔成老師，你好。手上有幾隻股我列為灰色股，已持有好幾年，已經跌到一個點，現在想重組下，我應該放哂佢，還是那些可以繼續持有，搏翻身？希望你可以給我意見，萬分感謝

1）1165,順風潔能，均價1.3,持有30000股
2）1848,中國飛機，均價9， 持2000股
3）6136康達環保，均價1.75,持23000股
4）1668華南城，均價1.65,持14000股
5）1800 中交建，均價7持6000股
6）1186中鐵建，均價7.6,持3500股
7）665海通，均價3.7,持30000股

希望你能抽空看一下

龔成老師︰

順風清潔能源(1165)睇唔到有明顯投資價值，你最好係沽出。

康達環保（6136）質素好一般，長線建議你換至其他優質股，會對你較有利。

華南城（1668）、中交建(1800)、中鐵建(1186)、海通國際（0665）質素只算不過不失，這些股唔建議持有太多。

中國飛機租賃（1848）本身質素不算差，但又未到好好，主要原因是負債太高。佢利用高槓杆的模式，進行飛機租賃等業務。

其實佢業務有獨特性，在行內有規模，有長線投資價值。

最大的風險來自佢高負債，佢業務原理是借錢，買飛機，再租出給飛機公司。

航空業不確定性較大，對佢有影響，加上佢利用槓杆，風險點都會有。不過，這只是中短期情況，長遠仍是不差的。

現貨可持有，但總投資注碼不能多。

我相信你投資，存在不少核心性問題，例如選股、定價、理財概念等等。

見你持有股票，不單係質素較弱，而且好多時都係買貴貨。你要明白，買股票就同買企業，你必需要了解企業架優勢，點賺錢、行情有無發展，財務狀況等。

唔好聽消息，或者只係知個號碼，就去投資。另外，你要學識點樣去做估值，點去定平貴。

唔好受大市氣氛，影響你判斷。大市好狂熱，人人買股票，你就要小心。因為個價好易被炒高晒，影響你長線回報。

在你再投資前，我建議你先睇我寫架《80後百萬富翁》、《財務自由行》和《股票勝經》，相信可以幫助到你，去認識正確的理財概念。

之後你再重新計劃，你往後投資之路。

------------------------------------------------

Q21930：

早晨龔成老師 我想問一問關於6666恆大物業 自從我係16.4入左4手之後就一直跌到依家 跌左差唔多一半

我買之前都有做功課見佢持現金比例都好高 賺錢能力又唔錯 見佢管理物業嘅面積都增加緊 但預計嚟到佢9.8配股 佢母公司3333恆大又出債務等壞消息

想請問老師對6666前景睇法點 現價算唔算平 同埋如果母公司出事對佢有幾大影響 唔該晒老師

龔成老師︰

恒大物業（6666）其實都有質素，有長線投資價值。

佢係物業管理服務運營商，佢係中國物業服務百強企業中，以項目所覆蓋城市數目計，佢排名第二，如果以總收入、總毛利及總淨利潤計，排名第三。

類別為中高端住宅物業、寫字樓及商用物業，並已訂約管理其他物業類型如主題樂園、產業園、康養項目、特色小鎮及學校等。

佢絕大部分物業管理服務收入，來自集團控股股東恒大集（3333）所開發物業提供的服務。

至於配售，暫時只係預測，而且2.7億佔已發行股數，係一個好少的比例，影響不大。我地投資與否，應集中翻係企業質素本身。

恆大(3333)和恒大物業（6666）是2間獨立公司，就算恆大(3333)出事，財務上都唔會直接影響到恒大物業（6666）。

但恒大物業（6666）不少收入，是來自母公司提供之物業。若母公司恆大(3333)出現債務問題，影響其物業發展速度，將有機會出現負面影響。

你買入價略貴，近期股價回調不少，但都只算係合理區頂部。若你持貨不多，可以守。但持貨較多，最好沽出部份，去平衡風險。

------------------------------------------------

Q21931：

老師，好鍾意你本新書，教左我一樣好重要的事，失敗係必然，有機會去錯係好事。。。。但我都想問一樣你無咁專的事，就係我到30歲先知自己過度活躍症加d亞斯保加。。。

越來越覺得自己好難打工，因為唔鍾意跟大隊，唔明老闆的暗示，無法一心二用，易得眾人，短期記憶差。。。。。。

但我睇野好通透，危急時好應變到，長期記憶好好，觀察力好強，數理好好，英文好＜＜＜其實都比較係這兩個病常見的特質

你所講那5條路，邊條你覺得我行好？

謝謝阿sir

龔成老師︰

首先，多謝你支持我的新書。

你的健康問題，可以先請教醫生意見。以我理解，係可以透過藥物和一些訓練去治療的。

至於5條路點選擇，其實好睇你個人意向、興趣和專長。你現時健康上的問題，我相信唔會明顯影響到你行任何一條路。

「經紀團隊」、「專家」你可試下。其實「生意」都可以，但你可以試左「經紀團隊」、「專家」先，在這兩個類別，有好多你這些無法明老板想甚麼的人，反而更成功。

其實，行這些路重點唔係你當下能力。而係你是否願意投放時間，將自己磨鍊成一位專家。

當中會經歷無數次失敗，你覺得自己有否能力堅持下去，才是成功與否的重點。

------------------------------------------------

Q21932：

龔sir，有財務上嘅嘢想你幫手分析

本人30歲，已婚，暫時未有子女，但將會計劃生小朋友，與太太收入共50k左右嘅穩定收入。

資產：

1）約100萬現金
2）60萬基金保險儲蓄
3）一隻價值約30萬手錶（非必要不會變賣）
4）一層300呎一房單位，價值500萬左右，位於新界元朗區，於2018年做9成按揭上會，月供15000左右

現時與太太居住於家人嘅住所，每個月會俾番$5000家人作租用

有2個問題：

1）我應該作出投資嗎？因為驚拎錢出嚟投資，將會有小朋友需要用錢時，擔心未能即時調動

2）我應唔應該賣咗現時擁有嘅物業，因為我想買番近少少自己現時住嘅地方，當初置業係一時衝動，現時想平手賣出現時物業，並以9成按揭買另一較大嘅物業。

龔sir，我應唔應該賣出現時嘅物業再買入另一較大，樓齡較舊嘅物業？求解答，好困擾

龔成老師︰

1) 現金長線只會一直貶值，不作投資，變相你的實際財富，其實一直在減少。當然，我地都要因應實際情況，去預留一些現金，作日常交易和應急之用。

所以，你要睇翻你自己人生規劃，去調整投資大計。若你短期內，例如1-2年就打算生小朋友，時間較短，故這部份資金，最好以現金儲起備用。

但餘下的資金，我建議你進行投資增值，咁會較好。

你現時財富組合，已經有物業類。將來投資，我會較建議用優質股進行增值，這樣財富組合平衡會較好。

以你30歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

大市現處於合理水平，那100萬資金(要先扣除，有需要預留的資金)，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

2) 至於換樓，你要先想清楚。因為香港買賣樓宇成本，其實唔細，一買一賣你當中會無左唔少錢。

作為自住樓，除非佢好唔適合你"長線"生活所需。或者投資價值好弱，否則我唔建議作出變動。

若你真係有實際需要，要轉換自住物業。你可以有2個方法，一個當然是沽出現貨，再換另一間。

另一個就係將而有物業放租，自己另租自住物業。這樣做，就可以保留你這個物業資產，同時也可以滿足你生活需要。

但大前題，係你這個物業要有投資價值，最少有能力跟大市同步，否則就無投資意義。

------------------------------------------------

Q21933：

你好，我買了2618（京東物流），現在我心態放寬，等盈富再跌，再入

京東9618 我也賺了少少時放了，把錢集中在剩下中

都是因為龔sir 建議，已留名你澳門班

龔成老師︰

京東物流（2618）都有質素的。

京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務，從倉儲到配送，從製造端到終端客戶，涵蓋普通和特殊物品。

根據一些調查報告，按總收入計，這企業係中國最大的一體化供應鏈物流服務商。

2018、2019 及 2020 年，京東物流營收分別為人民幣 379 億元、人民幣 498 億元和人民幣 734 億元。

京東物流於 2018、2019 及 2020 年產生的虧損淨額分別為人民幣 28 億元，人民幣 22 億元及人民幣 40 億元，不過，如果扣除一些非現金流的開支，又未算太差。

佢表示，上市集資所得，部分將用於升級和擴展該企業的物流網絡；部分將用於開發與供應鏈解決方案和物流服務相關的先進技術。

企業有優勢的，長遠發展正面，但中短期股價未必有好強的表現，這股都有投資價值，但現階段未必值得大額投資，小注投資係無問題。

至於沽出京東(9618)，若你係因為風險承受能力，而作出的調整，係可以。

但從財富增值角度，緊記優質股係一定要長線持有，才會有理想效果，唔好升少少就沽，目標要放遠少少。

希望疫情盡快受控，可以早點，可以回澳門跟大家見面，澳門班見!

------------------------------------------------

Q21934：

老師，買了你的書看，學到不少價值投資法。本身持有自住物業，打算月供股票計劃約行2年左右，我都比較保守，想上落較少+慢慢增長，以下組合可行嗎？

進行了約半年：

1）AIA $3000/月
2）HKEX $3000/月
3）建行 $3000/月

打算加：

4）新鴻基 或 領展 $3000/月

供完余下每月約$10000 cash flow作buffer，有其他投資推介嗎？

龔成老師︰

你現時打算月供的股票，都係有質素。當中港交所(0388)盈利較受大市波動影響，會係較高風險的一隻。但只要你長線持有，以上5隻都係無問題。

這個組合算係平穏增長型，若你係年青至中年人士，這個組合都係可以。

新地(0016)和領展(0823)都有質素，但增長潛力，領展會高少少。至於餘下$10000，我建議你先儲起，等大跌市機會，才出手掃平貨。

緊記月供係一個長線計劃，月供最少維持3年，並持有這些股票5年以上，才會有較理想效果。

你月供2年勉強都可以，但再優質的企業，都要時間去增長，所以你必需要用長線持有模式，去處理這些月供得來的股票，才會有好回報。

------------------------------------------------

Q21935：

龔sir你好，今次係第二次聯絡你，過去半年期間，我買晒你所有著作睇晒(除左買樓4部曲果本)，亦閱讀左好多巴菲特同凱恩斯講價值投資既書，叫做開始慢慢理解股票係乜野一回事

我背景今年34歲，月入只有約18k，加埋太太都係只有約30k，上年買左層6m新樓，月供約15k，今年年尾亦會多個新生命，本黎以為一世人就要供樓供到60歲退休，

但自從睇左龔sir既經歷同著作，我深深相信只要有無窮既意志力同不斷增加知識，一樣可以改變人生，就係呢團火令我將所有非必要既支出cut晒，

放工/放假亦搵多份part time增加收入去投資(雖然真係好攰)，所以我先多謝龔sir令我改變左人生態度!而我亦係呢幾個月開始建倉，詳情如下:

66@500 $45.75
175@1000 $24.75
270@2000 $13.16
1099@400 $17.7
1177@1000 $7.74

1928@400 $38.4
1972@200 $23.75
3067@200 $18.96
9988@100 $217.6

暫時仲有約$250k(全副身家)係morgate link

有幾個問題想請教龔sir:

1)你對我所持股票組合有無乜建議?如果我目標係以增長為主，有無邊隻應增持/減少?或加入邊隻股票?

2)現有組合算平衡嗎?

3)我理解龔sir所講，優質股如果股價下跌，反而有加注既機會，但有樣野唔明就係如果我買入一隻股後，股票從未跌穿買入價，咁應該如何去𧗾量加注與否呢?

因為對於資金唔多既小股民，如果只持有一兩手，財富增值一定有限，但如果高於買入價加注咪會拉低左回報囉?

4)我打算短期內最多只會動用多50k投入股票市場，因為要再增加收入/同儲蓄後先會再拎出黎投資，餘下200k就留低以備不時之需，

但現在是否未到時候?係咪應該留起呢50k，等大市有明顯回調先動用?

5)1810&1448我自己好想入，如果無貨幾錢入第一注好?還是起碼等到合理價先入貨?論增長力是否1810會比1448高?

再次多謝龔sir你改變左我人生觀!由於我現時做零售業，夾唔到時間上你堂，但我已決定過埋今年就轉工，希望到時可以夾到時間見到龔sir你真人

Thank you sir!

龔成老師︰

1) 你持有的股票都係有質素和增長力，是適合你的，你照持有就以。

2) 大致上都平衡，但留意一點，以你年紀，潛力股大約佔5成就好了。若你投資經驗較少，要再下調多1,2成。盡可能控制在這個範圍，以免組合中風險過高。

而且，你要隨著年紀增加，要慢慢將潛力股比重下調。去到50歲時，大約只宜佔2成。

3) 你要用買入價，作為入市標準。我地去制定入市策略時，應用企業平身估值平值，去做決定。只要在合理區，我地就可以有計畫地，慢慢分注入貨。但升越合理區，開始貴的時候，我地就要等時機。

若你可用注數不多，第一手是在合理區頂，我地另一注，最好等有較明顯回調，才出手。

若你注數較多，第一手是在合理區中間買入。但由於手上持貨不多，就算回升至合理區中上，你都可以再入小注，再增加持貨。

當然實際操作，我們除了可用注數外，都要考慮埋大市情況，此股質素和潛力等，去得出個最終方向。

你可以參考我<<股票勝經>> P.316-317 中的"金字塔式買入法"。我們分配資金模式，大致上就會用這個方法。

4) 這50K，我建議你儲起，因為現時大市只在合理區，不宜將全部可用資金入市。要留有部份，用來等大跌市機會。

5) 小米（1810）和福壽園（1448）都有好有質素的潛力股，增長潛力上，我會比小米高少少分數。

現價計，小米（1810）略貴，要回多1,2成才算合理。而福壽園（1448）算合理區頂至略貴，無貨先入一注都可以。

我的書本，只是給你一些投資知識、技巧和經驗。真正令你改變人生觀的，其實是你自己。

我有時都開星期六班，你可以留意。雖然你暫時夾唔到時間上堂，但唔好因為咁，就停左學習。要多睇財經新聞、年報、相關書籍，去提升自己技巧，長線投資才做得好，加油!

------------------------------------------------

Q21936：

龔成老師,你好: 上年才認識你, 開始爬文.

本人己是中年,現在份工已做了13年(有中年危機), 但一點都唔開心, 只是求生活, 月入3萬, 物業Mortage尚有300萬, 只有40-50萬現金,上年開始供股$4000 AIA & $4000 銀娛.

想請教:

1) 現在開始步會否太遲?

2) 如果想用儲蓄錢(40-50萬) 加碼在每月供股部份, 應該怎每月供幾多, 買邊隻比較安全?

3) 需要點做才有被動收入3萬達到財務自由?

每月可以儲多$2000現金

龔成老師︰

1) 現時起步雖然唔算係早，但只要你用正確方法和心態去投資增值，都可以做到一定效果出來。

2) 以中年人士而言，都有增值需要，但策略上要保守少少。你可以選擇一些「平穩增值股」，作為投資目標。

以現時大市合理區狀況，你手上50萬，我唔建議盡用。你大約可以20-25萬，分開3年，每個月加大$5500-7000去做月供。

平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）

你可以從中選擇多2隻，更好方法，就是全數加入盈富(2800)，佢係包括55間質素不錯上市公司股票的組合，有助你平衡組合中的風險。到你有一定能力，才買其他我建議的股票。

餘下現金和每月多儲的$2000，就是等大跌市時才出手。如果你能在這段時間學好選股等技巧，到大跌市時就能把握機會，財富增值會更明顯。

3) 如果你希望每月有3萬蚊現金流，以股息率6%計，你需要本金600萬。

你要透過以上方法，去累積這筆資金。到有足夠數量時，就將佢換成收息資產，去創造現金流，支付你退休生活的開支。

我假設投資回報有10%（連股息再投資），你每月投資$10000 + 50萬本金，15年後大約會增值至590萬，故這樣安排相信很大機會達至你的財務自由目標。

------------------------------------------------

Q21937：

龔sir, 現為大學year3, 預計畢業後有20-25萬資產。暫為14萬資產，5萬由屋企人保管投資，2.5萬貴金屬， 4.7萬股票，其餘為現金。

今年內預計會再有5萬現金收入作為增長，暫時收入以補習教學為主，7-8、12為收入高峰。現為21歲，如果想5年內有100萬資產，應如何部署增加收入？

小妹在投資市場上曾入手港股1.06 元入手432及美股以64usd 入手Nio，而432已離開，仍手持nio, 但虧損波幅較大。

我可以承受中等風險的投資，但仍未搵到合適自己的投資組合

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時大學year3，相信是十分年青的年紀，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你應以增值為主。

貴金屬(如金銀、黃金)，主要係用來對沖突發性事件。佢本身唔會創造現金流，不宜持有太多。佔組合3%左右，其實就足夠，最好以實貨持有。

蔚來（nio）有質素的。佢係中國高端電動汽車市場運營，生產電動汽車，同時間佢發展緊自動駕駛，以及人工智慧等下一代技術的創新項目。

例如型號EP9、ES8、ES6、EC6，通過佢自己的銷售網路銷售汽車。長遠發展正面，前景就無問題，現貨可持有。

但你預佢之後的股價上落仍大，投資一定不能太大注。可長線的，注意風險。

盈大地產(0432)過去多年都出現虧損，加上負債不輕，睇唔倒佢有投資價值，不要再投資。

由於你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

你現時無太多投資經驗，潛力股這類風險較高的股票，你就不要持有過多，最多維持2-3成好了。你相再保守點，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-5成，視乎你當時投資經驗多寡和了解這些股票程度而定。

現時大市只是合理區，你現有25萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$8000 + 25萬本金，5年後大約會增值至100萬。你可以就著這個預算，去計劃你的理財方案。

當然，這個金額只係一個參考。你還很年青，負擔相對較少，應該盡力儲蓄去做增值，儲蓄比例最少要達至收入一半，才算理想。

------------------------------------------------

Q21938：

龔成老師你好，我今年32歲，月入$45,000，每月可儲$20,000至$30,000。

1. 目前持有股票：盈富基金2800 5000股@24.5、希慎興業0014 500股@29.5、粵海投資0270 2000股@12.08，以上是希望可以長揸收息。

2. 另外還持有：偉易達303 1300股@89.30、易大宗1733 12000股@0.78、中國銀行3988 20000股@3.29、碧桂園2007 10000股@14.57、明源雲909 1000股@60，

雖然部份都有息收，但股價一直上不回家鄉價，要不要考慮止蝕。

3. 現有$300,000現金，考慮再買入以下股票：金沙中國有限公司1928，國藥控股1099，阿里巴巴9988，銀河娛樂0027，京東集團9618，中國平安2318，

請問以上推介那一隻呢？建議買入價是多少？

麻煩晒

龔成老師︰

1) 你個財富增值概念，唔係太正確。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時32歲去計，應先做好增值部份，而唔係去諗點收息。你現時持有股票，其實都有一定增長力，係平穏增長股類，都適合你，你長線持有就可以。

2) 你唔好用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

你上述持股有質素，但偉易達(0303)、中國銀行(3988)只係收息股，增長力好一般。碧桂園(2007)負債水平好高，風險唔細。

而明源雲(0909)不確定性較高，這4隻股票，你都不宜持有太多。

至於易大宗（1733），此股投資價值不高。最大的問題，就是核數師意見，過往多年都出現「保留意見」，反映核數師認為佢盤數「有古怪」，有些問題，這類股，沽出較好。

3) 這6隻股票，都係有質素的增長股，都適合你。阿里巴巴(9988)和京東集團(9618)偏向潛力股類型，風險會較高﹐故要控制注碼。

現時這些股票，都在合理區，現價可以入1注。但由於未算平，故資金不要盡用，最好多等每回調10-15%，才再考慮加注。

------------------------------------------------

Q21939：

成哥你好，想問下你隻1024快手，我330入，依家大概回到去204，見佢業績都麻麻，請問可唔可以長線持有，定升返d轉其他。

另外本身個組合想入返d實業類，蒙牛乳業同農夫山泉，想問下咩價位入比較合理。

謝謝你抽空幫忙。

龔成老師︰

快手（1024）係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展，你現貨可持有，但你預佢短期股仍會十分波動。

蒙牛乳業（2319）有質素。

佢於中國從事乳製品生產及經售業務，乃中國領先的乳製品生產商之一，以蒙牛為主要品牌提供多元化的產品，包括液體奶（乳飲料及酸奶）、冰淇淋及其他乳製品（如奶粉等）。

無論品牌、銷售網絡、發展，都不差，長遠正面。這股有長線投資價值，不過現價就唔算平，回翻10%先慢慢分注入，會較好。

農夫山泉（9633）有質素的。由於有一定的品牌價值，因此企業質素與發展正面，財務數據不差，生意與盈利都有理想增長。

不過上市不久，股價較波動，同時上市前數據可能執靚過，因此要注意風險度。現價合理區頂至略貴。

若想入貨，現價小注投資好了，這股適合長線的。

------------------------------------------------

Q21940：

您好龔成, 訂閱您Fb已多年, 以下有一問, 十分煩惱,未知閣下能否抽空賜教：

情況：媽有一個自住三房私人舊樓單位，樓齡32年, 估計如賣出約560萬。 因該樓舊需要夾錢換𨋢, 大約每戶比20萬, 暫時不知何時要付。

她已60+歲退休弄孫， 她除家用外無收入。我們３個子女現為搬出，但家姐租樓多年，有意和姊夫跟一細女回去同住，他們儲蓄20萬左右未夠錢買樓。

她有幾個選擇， 哪個是最好的財務安排?

１. 賣出，媽出首期比家姐買較新的樓， 家姐供樓 ，然後：

１Ａ： 4人（媽，姊，姊夫, 一細女即孫 ）同住, 可能繼續住元朗/轉去東涌/青衣。媽每月比少少租家姐當幫手供。或

１Ｂ： 自己另外買細單位自住，其餘投資／買股票做每月收入 （唧種可推薦給她這些退休人士而是比較高收入，低風險?）

3. 繼續自住, 家姐搬回, 每月給媽家用

或有其他選擇, 但現時未想到。

十分感謝！

龔成老師︰

其實係財務層面，這3個選項都係可以。反而我覺得，選擇邊個方法的重點，應該是你媽媽自己的想法。

因為香港一買一賣的成本較高，因此，未有明確目標前，（3）是較好。

當然，另外兩個方案其實都可考慮，最重要是你地成家人的意願，因為現時影響多人。進行（1）的方案時，要大家傾好各自的權益，清清楚楚是最重要，大家要「先小人，後君子」。

如果你媽媽，係想和你姐一家同住。若現有自住樓係配合到佢地長線生活所需，咁就可以。

除非有好大生活上問題，否則不建議換樓，因為香港買賣樓宇成本唔細，一來一回，會唔見好多錢。

若你媽媽不想同住，佢可以沽出現時物業，換一間較細自住屋。再將餘下資金，投資一些收息股，去為自己創造現金流，支援自己退休生活上的開支。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

現時大市只係合理水平，資金不宜盡用，你可以先將部份，以分注形式買入上述股票。餘下資金，就等大跌市出現，才加大力度掃貨。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

我真係覺得佢講得好好！
宜家醫院都重係好似澳牛咁
雖然伙記態度未必係最好，
但野食係好食既🤟🏻

你俾d 海外既人免考試免實習咁黎
就者係將澳牛伙記變哂譚仔呀姐
唔係話譚仔呀姐就一定唔好🙈🙈
但你叫平時可以傾下計既譚仔呀姐而且要隨時隨地不停趕客走，重要用光速落單
譚仔呀姐做唔慣都係走🤦🏻‍♀️🤦🏻‍♀️

就算真係請左外地醫生
咁姑娘呢？supporting staff 呢？床呢？空間呢？
你係澳牛放十個譚仔呀姐就會清到條龍咩？
會請夠人架喇！
咁請咩人先，點樣為之夠先？
你請多十個譚仔呀姐
起碼要30個人跟住
重要係識得幫手睇呀姐有無做錯野
新仔又夠經驗去睇？(我無歧視新人架！我都有新過。。好難捱架！）

十個茶壺得2個蓋要人地沖100杯水
你加茶壺無用架喎
我無咁叻識俾咩suggestion
但第一件事

請唔好再好似擠牙膏咁擠醫療開支
但好似開水喉咁俾大白象
因為一切係由錢起
澳牛開唔到分店，又請唔到人！😖😖
哂氣

呢期都仲係見好多關於醫委會啊, 咩方案啊, 既報導
其實心入面真係諗

喂啊, 做咩要係咁搞我地啫!!!!!!!
(希望呢句都係其他同行既心聲)
(明明呢行就唔係淨係得醫生! 我有時真係對其他colleagues/allied health/姑娘覺得唔好意思, 明明就一齊捱緊)

你可能會話喂莫非你唔想香港D人有更好既medical care, D人睇醫生唔駛咁慘, 唔通你淨係諗住保護主義blablabla…
得啦, 唔駛諗住用一句看似道德既野就諗住可以矇混過關

三點, 第一不實際性, 第二係咁樣做解決唔到問題, 第三係會令問題嚴重化

- 不實際性
要一個外地醫科畢業既人黎香港醫院解決而家水深火熱既狀態究竟有幾不切實際, 唉, 我諗同蔡一智出黎認左佢一樣
首先係動機, 點解連本土D人流失率都咁嚴重既情況下一個外地畢業既人會想黎受苦
兩個可能性, 佢無諗住黎受苦, 或者佢響個邊撈唔掂
咁大佬啊, 而家就係想請人黎陪我地受苦啊嘛, 佢唔諗住黎受苦請黎有咩用啊

佢響個邊撈唔掂呢個我就唔講

跟著見愈黎愈多人/一d黨派話免實習免考試降低門檻提高吸引力
喂真係好Q燥, 而家賣藝啊? 做旅遊啊? 提高吸引力!? 降低自己既底線同專業性黎吸引人!? 醫生尚保存住既尊嚴就係基於咁多年既苦讀, 過左咁多既試, 仲要過埋痛苦既實習期, 先打做到個金身; 你而家話要考簡單D甚至有人話免試, 仲免埋個實習, 咁對本地醫生公平咩? 唔考過你又知佢地水平去到邊啊? 你又知唔知佢地響外地實習有無響香港地獄醫院既經歷啊? 就我所知各地實習既practice可以有好大分別; 有D地方可以輕鬆到好似個病房clerk咁, 有D地方houseman都可以開肚 (I do mean it); 要統一化最簡單就係響香港做返一年先啦~ 做intern都嫌辛苦仲點期望你幫手做前線醫生捱苦啊

其實對班外地醫生都好唔公平, 比人知佢地原來同本地薑有呢方面既差別, 咁人地覺得佢地既專業性會唔會有少少分別呢? 可能其實佢地滿腔熱誠諗住黎幫手捱苦嫁嘛, 就係想靠呢D香港入門試, 香港既實習表現黎話比人聽自己係掂既, 黎話比人聽自己係有專業性有尊嚴既, 黎啦你請我啦
咁你話而家呢班咁有心既人如何自處呢?

好啦梆得個幾年, 之後見公院辛苦, 你估之後點呢? 你公院係咪人工好D, 係咪無咁辛苦? 唔係, 連自己友都走啦
咁解唔解決到問題? 不切實際

Oh by the way
其實世界各地就算收外地醫生, 都要pass相關語文試
例如去英國要考ielts 7.5以上; 去韓國考韓文; 去日本考日文
廣東話黎講, according to Wiki, list of language proficiency tests
- Certificate in Chinese Language, HKU
- Diploma programme in Chinese as a foreign/second language, CUHK
不過我就覺得不如脆脆地考返個DSE中文睇下魯迅先啦

- 解決唔到問題
醫療制度可以有好多問題, 但唔係每樣都岩香港, 例如你唔會話香港要封紅包先可以醫病, 唔會話你個醫保唔夠錢包你斬腸開肚, 唔會話你最近間醫院響20公里外, 呢D就係例子點解外國既一套唔可以照搬落香港, 因為面對既問題可以完全唔同

香港最指標性既問題包括 1) 病房爆到訓廁所 2) 睇門診等兩年 3) 醫患關係既問題

其實講咁多咩放寬考試, 放寬實習, 簡單黎講咪即係輸入外勞
我地先唔好講咁樣既做法係咪妥當既做法,又當你不擇手段, 理得你質素點, 但係係咪真係解決到問題先

我想問香港如果聽日起多一倍專科醫生, 究竟病人係咪從此唔駛訓走廊?
呢個係一個簡單既茶記問題, 一間澳洲牛奶公司, 無論佢請多十個爆粗樓面, 條人龍都會響度, 因為鋪位唔夠大, 硬件唔夠多, 炒蛋整唔切, 除左樓面, 仲要請多D廚, 多D洗碗, 多D收銀, 所以請多D人最多係令到做既人輕鬆左, 唔會改變病人慘況; 無床既仍然係無床, 無得做手術既仍然係無手術室做

唯一可以解決呢個問題就係買埋隔離間文苑同麥文記 (呢個需要時間), 再請多D唔同既人手 (其他人手既問題因為傳媒make唔到noise所以唔講sosad), 同埋了解同控制人員留失既問題

(As a medical example, 就好似有條友trauma call係咁流血, 你唔止血, 淨係識去比血, 仲要淨比packed cell, 無上platelet FFP, 咁死緊啦)

門診等兩年呢樣同上面病房既例子一樣, 無硬件配合都係廢; 等兩年先有得睇既病究竟要多幾多人手先可以變成等年半呢? 而一個可以等兩年先睇既頸痛佢會唔會由兩年變等年半而開心左? 班醫生以為多左人手無咁辛苦但其實又係中晒伏, 多一個醫生立即按而家有既配額分多D比你, 而無人會研究究竟而家呢個配額份量合唔合理, 於是衝症仍然係要衝症, 睇5分鐘出返去有可能變成睇6分鐘, 有咩意思?
另外門診除左用黎睇新症, 亦要睇舊症, 人手多左, 病人會expect自己密D覆診; “喂又話多左人返工既? 點解我個膝頭退化都仲要隔兩年睇一次嫁” 好多情況穩定既病, 係需要更高層制訂一個統一而實際既guideline去跟住複診甚至discharge (不再覆診), 令前線容易解釋比病人聽, 亦到令呢D病唔會有D地方半年睇一次, 有D地方兩年睇一次, 更重要係令醫生夠膽響呢個醫患不互信既情況下出症, 如果唔係病人數量只會不斷增加

簡單黎講, 如果澳牛班伙記唔係咁落力趕你走, 你估而家條龍排到邊? 你可以話而家醫院唔係做餐廳喎, 但係不得不面對現實既係醫院同澳牛一樣, 資源係局限既, 分別係伙記可以小你, 你可以小醫生; 一出一入就係咁簡單, 若果無辦法安心令出症速度同入症相若, 條龍就會愈排愈長, 呢個係簡單既計算而已

呢D都唔係請多一倍專科醫生可以解決既事, 上述既例子不過是冰山一角,班友只不過係嘗試用請外勞呢個焦點拎走你既目光, 而唔去解決內部既問題, 而其實咁做都係合乎人性, 因為前者事實上比後者還要簡單好多

另外而家醫患關係已經咁差, 你諗下下次入到診症室個醫生淨係識英文, 識少少中文, 你用粗口小佢佢問你係咩意思, 又或者你以為自己識普通話, 佢同你講北京話, 咁你點? 咁你同佢醫患關係會好左定差左

要記住, 要解決澳牛入面既人流問題, 除左各方面既資源要配合, 你請個半島既waiter係幫唔到佢地, 因為第一佢唔夠快/效率, 第二佢唔係睇慣佐敦油尖旺, 佢唔爆粗, 本土文化同市民都會降低佢工作表現; 咁樣請個唔適合既人, 不如留返D錢出多D糧比其他人對士氣仲有用

- 問題嚴重化
將而家佢地嘗試用既性感標準套落本地醫生身上

真係鄧D本地黎緊既畢業生唔抵, 又唔見有人話香港醫學院D試咁難, 不如降低難度啦, 做houseman咁辛苦, 不如做半年算啦
真係鄧我地D前線MO唔抵, 又唔見佢話要增加下響公院做同train 專科既吸引力, 不如做少D時間啦, 不如加人工啦, 不如只要響香港醫院做MO就可以考個簡單D試啦
喂你知唔知你個頭同D外人講話降低門檻, 呢頭本地D專科專業試嚴到passing rate得兩三成人pass咋, 真係好心D人話我地對外人行保護主義既睇吓啦

真係鄧D中層specialist唔抵, 無啦啦多左一班明知好大機會唔會同你捱苦又或者幾年後會走既人同你一齊做野; 你留公院既又多左D無響香港捱過既人同你爭promotion, 你出私家又多左班人同你爭食
咁你係佢地你會點, 梗係趁佢地未出去之前走先啦, 快佢地一步搶餅啊嘛

咁你係本地中學生見行頭難左, 你會點, 仲做唔做

咁你係醫學生, 咁你係前線醫生, 你會點, 你士氣會點
我地考D試難到咁, 隔離個個話佢上年返黎, 個試都ok啊~ 又唔駛做intern咁~
出面醫學美容話你出黎啦又唔駛考專科試又唔駛oncall又人工高
咁你仲train唔train

我把聲咁細, make唔到d咩noise, 傳媒仍然係會係咁講輸入外地醫生有人話要降準有人話要保護啊, 政府繼續要應付佢地既壓力, 醫委會繼續比人內外夾攻

而其實根本個大標題已經錯重點, 只不過唔同界別既人都不約而同想就呢個話題繼續發揮, 於是無論醫委會結果係點, 一年之後真正問題仍然無被解決(甚至無人提起過), 病人繼續訓走廊, 唯一係想留響度做既人會愈黎愈少

就係咁

農曆7月14呈獻，安達臣結界之那年我在陰曹地府中渡過 第三集

係陰間，阿明上左果部無人既私家車，去緊邊？佢自己都唔知，連唯一可以依靠既孟婆都消失左，佢抱住希望在明天既心態黎諗，但其實內心係好驚好驚，因為呢度係陰曹地府，過左生既人先會黎既地方，而且都唔知自己返唔返到去陽間

過完一條又一條既隧道，阿明太攰，所以都訓著左，係睡夢中，阿明見返以前細個時所發生過既事，小學時英文默書出貓，俾老師揭發左，夜晚俾老豆用藤條打，去玩具反斗城蝦左老豆好耐，先肯買搖控車，但玩左幾日就玩爛左，因為唔識珍惜，所以又俾佢用藤條打，細個時又點知老豆係外面搵錢幾辛苦吖，淨係識玩

到左中學時期，去做麥當勞兼職，玩到三更半夜都唔願返屋企，結果老豆打電話黎，返到屋企又俾佢用藤條打，直到最近同佢去旅行問佢，老豆點解依家你唔打我既，老豆話依家你大個仔，懂事了生性了，仲打你做乜？

其實老豆由細打到阿明大，係因為老母對佢太好，想要乜都會買俾佢，種到佢唔識去珍惜，而老豆只好做醜人唔會佢學壞，想佢學識去珍惜，識得分是非黑白

此時阿明都醒左，發現前後左右多左四部車包住佢部車，心諗唔通又要買路錢？但身上無曬散子喇，點算好？

四部車越迫越埋，此時有把聲傳左入阿明耳中，都話有乜事就攞張通行證出黎，果啲係勾魂使命黎，會保護你去到目的地的！

阿明聽到係孟婆把聲:孟婆你係邊呀，我好驚呀！

就算幾堅強既人總會流出眼淚，阿明將袋中既通行證攞出黎，之後果四部車好似即刻為阿明開路咁

過完一條好長好長既橋就見到前面有個好大既關口，好多人目無表情咁排隊入去，而果四部車就帶令阿眀部車行一條特別通道，直接過左關口

過左關口後，沿路阿明見到好多唔同既大宅，好多唔同既舖頭仔，仲有冥通銀行，街上又無乜游魂野鬼，原來陰間係咁繁榮的

部車去到一間小屋前面停底左，車門打開，阿明心諗呢度就係目的地了嗎？落車後就敲門，到底係邊個開門呢？門一開，阿明即刻喊左出黎，因為眼前係佢兒時已死去的太婆

阿明:太婆我好掛住你呀！

太婆:你入黎先，你既事，孟婆已經whatsapp左同我講，呢段時間你留係我段，唔好出去犯事就無事嫁喇

乜原來陰間真係咁先進嫁？

阿明:太婆，點解間屋咁細嫁？以前燒俾你果啲大宅同工人呢？

太婆:清明節果陣，我咪向你報過夢囉，話收唔到野，你有同你老母講，但佢唔信，無錢洗咪變賣資產囉

阿明:乜原來報夢係真嫁？

太婆:係真嫁，不過未必個個都相信，人死後基本上可以報夢兩次，一次係死後7日，另一次就係投胎前，都可以俾錢報夢的，不過就好貴

阿明:咁我細個時，係房內見到你個鬼魂，果個係咪你黎嫁？

太婆:你阿媽燒左啲路票俾我就可以出關，見下你地，不過依家麻煩左好多，我都好耐無去過陽間喇？

阿明:點解既？

太婆:因為依家科技發達，少左人信鬼神論，無乜人燒衣紙，地府多左好多未夠鐘投胎既遊魂野鬼，簡稱既低端人口，有見及此，地府捉曬佢地去集中營，每逢7月14鬼門關一門，佢地就會衝曬去陽間，如果係鬼門關閂之前返唔到黎陰間，就會係陽間成為游魂野鬼，不過如果佢地係陽間犯事，少則勾魂使者會即刻捉佢地返黎審訊，重則即時打到魂飛魄散

阿明:咁係咪真係有18層地獄嫁？

太婆攞住碟饅頭出黎:你食左佢先，18層地獄係有既，不過我未夠期審訊投胎，所以都未去過，又可能唔會去

阿明:有無其他野食呀？

大婆:鬼食野係無味嫁，你見其他鬼大魚大肉，只不過係佢地既虛榮心作祟，太婆無乜野俾到你，但已經將最好既俾曬你，開部電視俾你睇下喇

阿明心諗一齊係粵語長片，點知太婆一開，係做緊與神同行2

阿明:乜陰間咁潮既咩？

太婆:呢啲片我地會當笑片黎睇，因為拍片果啲根本無黎過陰間，而黎過陰間又返到陽間既，10個有8個會變傻，仲有2個會失憶

阿明最後返唔返到陽間，會變傻，還是會失憶？連佢都唔知，不過佢深信希望在明天

係陽間，當第一批警察去到發現失蹤7日巴士既現場，現在既環境令到班警察畢生難忘，因為根本無車可以黎到呢到，佢地上到部失蹤巴士，見到有8個人好驚咁，個口擔住泥，唯獨有2個人好似暈左咁

救護員連同消防員用左5個鐘，先將車上既人安全送到地面，再由救護車送往醫院，係醫院已經有大批傳媒守候

一個一個失蹤者送入聯合醫院急症室，失蹤家人既家屬見到失蹤者，有種如釋重負既感覺，唯獨阿明父母等左好耐，都唔見阿明被送入院

之後有個警察走到阿明父母身邊，同佢地講:失蹤既人全部都搵返，唯獨周x明依然下落不明，但佢既個人物品全部係車上面，我地會盡力再去搜索，如果有任何既消息會即刻聯絡你地

阿明老母傷心咁喊:點解會咁嫁，個個都搵返，點解仲阿明搵唔返

阿明老豆:放心喇，阿明同我地玩緊捉迷藏，佢一定會無事返黎嫁！

傳媒開頭收到既消息係全部失蹤人士都搵返，而阿亭係屋企同姦夫訓醒後開電視睇，新聞台正在安達臣直播，並影住失蹤7日既巴士

失蹤7日既巴士，今日凌晨係安達臣一處山頭搵返，消防連同救護員用左5個鐘，將全部失蹤者救出，暫時未了解佢地失蹤既原因

阿亭:今次仆街喇，佢返左黎！

姦夫:無野既

本台啱啱收到警方消息，搵返既失蹤人士當中唔包括車長周x明，警方表示會繼續全力去搜索，交返俾新聞部先

姦夫:都話無野嫁喇，我地繼續！
—————————————————————

由於有人話我呢個作者抽水嚴重，本人再次澄清

本故事純屬虛構如有雷同實屬巧合
本故事純屬虛構如有雷同實屬巧合
本故事純屬虛構如有雷同實屬巧合

好重要所以要講3次

—————————————————————
故事繼續

警方向巴士公司攞返部失蹤巴士既閉路電視翻查翻查後決定搵埋阿明父親睇返條片，而同時警方係安達臣一處草叢搵到阿明既手提電話

阿明父親再次去黃大仙廟，打算再搵返解籤婆婆問卦，點知去到發現人去樓空，所以問左隔離舖果個風水佬知唔知個解籤婆婆去左邊，點知佢話佢搬左黎5年，隔離舖一直都係空既

此時阿明老豆收到重案組陳督察既電話，以為有阿明既消息，所以同阿明老母即刻去到觀塘警署

陳督察:我地有伙記係安達臣搵到周x明部電話，但都係未有佢既消息，但有段巴士公司行車記錄儀既影片俾你地睇下

片段中見到阿明失蹤前既影片，由大圍站開出，去到德望學校遇見阿婆，轉入安秀道，此時畫面出現雪花，隱約見到一個交通警指左阿明上安達臣道，後面出現左部私家車，部巴士停底左，一個雷打中部巴士後停電，仲隱約地見到阿明落車後，畫面就中斷左

阿明老母:阿明，你到底去左邊？

陳督察:你放心，警方會全力去搜索佢既下落，生要見人，死要見屍！

警方都續一向搵返既失蹤人士落口供，其中有8個，好似嚇傻左，而有2個失曬憶，用盡任何方法都問唔到阿明既下落

而失蹤巴士行車記錄儀既畫面竟然流左出街外，每日都有一大班人去安達臣尋找結界既入口，當然佢地唔會搵到喇

阿明失蹤左都有大半年，阿明父母仍然相信阿明會返黎的，每日都去求神問卦，去安達臣搜索，但此時阿明老豆收到警方通知，會於日內中止搜索行動！

阿明老豆收到消息後情緒激動，最後不支倒地，警察雖然中止左搜索行動，但部巴士係重要既證物，加上疑點重重同阿明未搵返，所以原封不動擺返係安達臣，並派兩個警察二十四小時監視住

到底阿明會唔會一直留係結界內抑或會回來陽間？待續

本故事純屬虛構如有雷同實屬巧合

上次同NUIさん有約，三月的三連休會去再滑多次雪，襯快到雪季尾再去ガーラ湯沢スキー場滑多次??唔同的是今次多左兩個 ‪#‎期間限定好友‬ 加入。
係三月頭的時候收到INBOX說會到東京旅行，問小弟有沒有時候聚聚。我見三連休我應該無野做，就順邀他們一同去滑雪。你知啦，滑一次雪都幾貴，新幹線PASS＋衫＋入場大概都要25,000円（約HKD$1800）誰知他們二話不說答應同我一齊去癲，都真係唔話得。
我今次買唔切JR PASS，因為護照俾左人地幫我搞簽證，社長又實牙實齒說影印本都可以買到???結果俾人地BANNED，點解我會信架？！最後我都要多俾4000円（約HKD$280）去旅行就是要這樣，鍾意就去要做，難得黎抖氣就咪介意外圍因素?咪掃興～
12點到，隨即換好裝備去報名上堂，我今次係挑戰SNOWBOARD?點解？因為上次滑雪已經拍左片，再拍未必有野影到，學新野新開始實大把笑料啦?一個老手＋2個新手上BEGINNER CLASS，今次上堂何解要簽免責聲明??可能多外國人滑雪受傷吧？！日本人教練用英文教，但我會好自覺用日文同阿SIR講日文???莫非日文已經成為丫仁既第二語言？！
短短一小時跌左足足有接近30次，小斜坡都克服唔到～個平衡感覺好難捉得住。朋友們好快就上左手要挑戰初心者滑路。有左上次滑雪經驗，上到山應該會好快撞到人，所以我借要找NUIさん為理由拒絕上山，自己收收埋埋練多幾次平衝先再挑戰?當然，到最後真係有會合NUIさん，同時亦捉到玩SNOWBOARD?既感覺???原來同玩滑板一樣，只係無左四個轆而已～
話咁快就跌跌撞撞左一個下午要走人，今次無滑雪⛷用太多蠻力內八字腳，而SNOWBOARD?道具又輕便易上手，最緊要係咩？男人玩型囉，女人玩仲型?至少我而家兩樣都有少少底，歡迎邀約下年去玩過！
PS：收到期間限定朋友的禮物，點解會係 McDonald's Japan 的甜酸醬？因為前排我都提過下好懷念用來點麥樂雞，証明真係有睇過我個PAGE???我份人唔複雜仲好乖，之前有另一期間限定好友說過我純過蒸餾水，直頭叫晒救命～?無計～嘻嘻嘻嘻?
兩位期間限‪定‎好友又點‬睇‪丫‎仁呢？‬！‪ ‎

懇請大家陪住【丫仁】成長，緊貼我最新動態 ♫
分享在日期間的生活，點滴累積成長！

【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！