【龔成問答信箱】（Q22081-Q22100）

Q22081：

亞sir!我係一個失業半年50歲幾歲既師奶，住緊層樓供緊，手上有既股票都係蝕錢，舊年老公買左微訊女股，唔見左80萬，想請教亞sir 可以點樣投資

龔成老師︰

你先要明白，自己過往投資失利的原因。

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

另外，我地買入一隻股票，一定要知道佢質素、行業前景、財務狀況等，才去投資。唔好只係聽消息、聽人講、聽群組就去投資。

如果你連間公司點賺錢、行內有乜優勢、點解未來有發展和增長潛力，都答唔倒自已，咁就要停一停，唔好投資住。

以你的年齡，其實已開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

但見你過往投資都係失利多，建議你用月模式去儲貨。透過平均價格買入法，去減少你買貨風險。

你月供股票，可以供「平穩增值股」+「收息股」，比例大約各一半。每月先用一半閒錢，去做月供，另一半就儲起等大跌市動用。

但就隨著年齡增加，慢慢增加收息股的比例。到退休時，收息股應佔100%。

最後，你要審視翻自己現有持股，睇下佢地有無投資價值。如果有，中短期帳面虧損，唔洗太在意，照持有就可以。

但無質素，就算佢而家是賺是蝕，你都要沽出。

------------------------------------------------

Q22082：

老師 我想問下你意見，我（29歲）月入30000 我老婆（25）月入18000

兩人聯名買左樓 按揭9成 借600萬 月供21500 計埋水電差餉管理費一個月25000左右

同老婆加埋有15萬 想5年儲100萬 請問可以點 希望可以指點迷津

股票玩左年幾 少蝕

龔成老師︰

首先，你要了解清楚，自已過往虧損原因和作出修正。否則，你再開始投資，都只會越行越錯。

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時29歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

你現時家庭收支只算係平衡，基本上係儲唔倒錢做增值。因此，你要努力開源節流，減少不入要開支之餘，最好多找方法增加額外收入。

目標係，每月都有一定閒錢，可以用來做月供，作累積財富之用。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

大市現處於合理水平，那15萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

若你要做到5年有10萬這個目標，我假設投資回報有10%（連股息再投資），你就需要每月投資$10000 + 現有資金15萬，才可以達成。

你可以用這個數字作參考，計劃一下未來財務安排。

------------------------------------------------

Q22083：

老師你好,我剛開始學買股票, 時也有買老師你的書開始學習,感覺做短炒不如做長線投資, 但由於有家庭負擔我每月能存的金額是7500 左右 ,

現在開始買3988 打算用5年時間來買一定的股票來收息達到每年用息來還保費, 從而提升每月存款力,

現時想打算開個美股戶口每月買1手台積電 希望在10年後會有收成, 這個做法正確嗎 ?

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你就應先做好增值部份，而唔係儲收息股(3988)去交保費。表面上，你用收息股現金流去支付保費，從而增加每月儲蓄量。

但實際上，你投資收息，其實係拖慢緊你成個財富增值速度。建議你保費照用現金支付，其餘的資金用應增值會較好。

你可以用「平穏增長股」 + 「潛力股」的組合，如果你係偏年青，比例大約可以去到各一半。

台積電(TSM)係一間有質素架企業，在全球半導體業界有領先地位，都係一個唔錯的月供選擇。

但我地成個組合，長遠唔可以只係得一隻股票，否則會有過度集中性風險。我地要創建一個平衡性高的組合，當中包含不同行業的優質股。

以下是一些適合年青至中年人士的股票，你可以參考下。

你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資，相信10年後，會有唔錯成果。

------------------------------------------------

Q22084：

龔sir, 想請教一下在大跌市時（一、兩星期跌2000-3000點）的操作技巧：

如果我有三注資金準備在大跌市時可以運用，請問在買入優質股（新經濟股、舊經濟股）的買入時間及分注操作應怎樣處理呢？

我選的新經濟股(3067, 1810, 9988,700)及舊經濟股(2800, 1972, 3, 1928, 66, 1658)皆為優質股，在第一注買入的時候應該是買入新經濟股還是舊經濟股呢？

之後第二注及第三注的操作又怎樣呢？　我想在現階段構思一下。謝謝指教！祝身體健康、生活愉快！

龔成老師︰

你係一些投資概念上，可能未必太清晰。

其實大跌市與否，是否在1星期，還是2星期內急跌，都唔係我地一些重要考慮點。

我地只會從股票質素、平貴和是否適合你，去決定成套投資策略。你現時48歲，投資上係可以做增值，但要開始保守少少。

你所提及的新經濟股(3067, 1810, 9988,700)及舊經濟股(2800, 1972, 3, 1928, 66, 1658)，都係有質素。潛力股(3067, 1810, 9988,700)都可以投資，但最多佔組合2-3成好了。

但到時入邊隻先，你要睇佢當時價格平貴水平，去做決定。因為大市跌，唔代表所有股票，都會按同一比例一齊跌，所以你要按當時個別情況，去作出行動。

若你有3注資金，每注大約相隔10-15%，咁就可以。

現時你所講股票，大致上都在合理區。除了小米(1810)要回多1,2成，才算較合理外。

若你這些股票，都係無資係手。其實現價已可以入首注，只後再等有明顯回調，才再出手。

------------------------------------------------

Q22085：

龔老師您好：首先十分感謝您無私地與我們分享投資知識，令我明白到價值投資法和短炒的弊端，投資股票等於投資一間企業的概念。

我今年25歲，2018年時盲目地在高位入了下列股票後持有至今：

6881 $5.2 1 手
1528 $8.5 4手
939 $ 7.1 3手
1398 $6.6 1手
3988 $ 4.4 8手

今年機緣巧合下接觸到你的facebook page，十分認同你的投資概念，便立刻去買你的書來學習後再買入下列股票：

66 $44.3 1手
270 $12 1手
1177 $7.65 2手
1928 $36.15 1 手
1972 $22.80 2手

我看你給其他人的意見是在我這個年紀不應該持有收息股。請問上述內銀股應該放住收息待股價上升，還是現在蝕住賣出然後把資金轉去投資平穩增值股呢？

另外，1528 和 6881 應該止蝕嗎？

感謝您的指點，祝 身體健康！

龔成老師︰

你今年25歲，還很年青，投資選項上應以增值為主。

你現時持有股票，大致上都有質素，可長線持有。除了紅星美凱龍(1582)質素較一般，長線慢慢換至其他優質股會較好。

中國銀河（6881）係中國綜合性金融服務提供商，提供經紀、銷售和交易、投資銀行和投資管理等綜合性證券服務。

主要業務分為經紀、銷售和交易，投資銀行，投資管理以及海外業務。佢已開發多項新型資本仲介型業務，是首批獲中國監管機構批准經營該等業務的證券公司之一。

質素與發展力都有，但業務就較受投資市場影響。長遠都算有發展力，但未必是高增長類別。

至於現有銀行股，我建議你沽出部份，換至其他較有增長力股票。

另外，長遠我建議你可以加入一些潛力股，去提升成個組合增長潛力。

但由於你投資知識不高，因此可先較集中在平穩增長類股，至於以上潛力股，只宜小小注(不多於3成)。到你有一定投資知識和經驗，才慢慢增加潛力股比例(大約5成)。

------------------------------------------------

Q22086：

老師～本人3X歲，有1個小朋友，有現金$50萬，打算拎一半$25萬作投資增值。

每月扣除開支可剩$12000，打算一半（$6000）月供股票，另一半先儲現金。

1. 現金25萬現價入0066，1928，1810，1448，1177可以嗎？比例應該點分配？（如不適合，應如何步署）

2. 月供方面按以下分配可以嗎？

2800 $2000
3067 $2000
0388 $1000
0548 $1000

3. 月供揀佐既股票，25萬中的投資可以重覆嗎？

4. 00097 恒基發展有潛力嗎？

謝謝老師耐心解答，其實點先做到投資每年增值10-15%？

龔成老師︰

1) 你現時資金配置上，係正確的。而這25萬，我會建議你分成2-3注，慢慢去買入這5隻股票。現價先入一注，每注相隔大約10-15%。

但由於現時小米(1810)有少少貴，首注比例上，你要調低少少。

2) 深圳高速公路（0548）只係收息股，對你而言，有少少保守。我建議將佢換成一隻平穏增長股，會較合適。

3) 可以，只要佢地佔比重，唔會過多，影響到組合平衡性，咁就無問題。

以你年紀，平穏增長股和潛力股，大約可以各佔一半(若你投資經驗較淺，潛力股比重要下調。)。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

而盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

4) 恒基發展（0097）算是收息股，但唔能夠叫做「好穩陣收息股」。

佢持有「千色」零售業務，由於業務較為單一，同時規模不算好大，因此本質上有較大的風險。雖然派息穩定，但零售轉弱，對佢有影響。

中短期，佢仍可以運用內部資金，作支持去派息，但如果業務長期弱，佢派息會減，這就是風險。

你唔好預佢有明顯增長力，只算係收息股，不太適合你。

至於每年10-15%，其實你長線用以上月供和儲貨計劃，相信很大機會，可以達成這個目標。

------------------------------------------------

Q22087：

謝謝你的解答，其實我見有啲ETF同基金投資既內容都係差不多，費用當然基金貴些，但ETF每次買入都有舊手續費，所以都拿不准。

我都打算長線揸，不會隨便贖回，現在感覺23歲可能不太適合做長年期基金投資了。

多謝老師介紹平穩增長股同潛力股！會好好研究，不知道如果分注，每個股票月供資金應點分配呢？

例如現在二十萬資金，投入一半是十萬，每月分注供VOO/QQQ/盈富其中兩款，如果先供各$2000，要持續供到有多少貨才停手，等下跌掃貨或者可以買其他股票呢？謝謝！

龔成老師︰

你可以先將10萬資金，分成多注，現價先入一注。只後當每有10-15%回調，就再加注，直至資金用完。餘下10萬，就等大跌市。

而月供方面，你可以先每隻ETF各供$2000。現時大市只在合理區，每月資金唔好盡用。最好留有部份，等大跌市出現時，可以用來掃貨。

我地唔會話，供到幾多手就停。因為我地其實係將貶值現金，去換成資產，令我地可以有財富增值效果。

這個動作係一直進行，除非好貴，我地才會停一停，甚至減持，去增值翻現金比例。

至於其餘股票，到你有一定投資經驗，對佢地又有了解，才好加入。

------------------------------------------------

Q22088：

龔先生你好，追左你d post 1年有多， 之前$40蚊月供左比亞迪 後來有大錢要用 $150左右放左。 係度 要講聲多謝， 因為係買股票來賺個%係咁大。

宜家歸零重新出發 再月供過 想請教一下。

月入18k, 兼職1-2k ,33歲，每月大約剩6-7k,宜家每月用2k 月供，分配如下

1177$500 現持494股
2382 $500 現持13股
2800 $500 現持82股
6823 $500現持89股

另有3067 ，400股 ；6990, 200股

(i) 現增值比例組合可以麼？

（ii) 月供金額要唔要加多點？定建議保留月供金額，相反每月固定買一手3067

感激，因為有你，所以先學識月供，學識儲蓄。

龔成老師︰

比亞迪(1211)係一隻好優質的潛力股，如果你之後有資金，建議你入翻少少。但現價偏貴，只宜月供。若想直接入貨，最好回到$120才開始考慮。

你持有安碩恒生科技(3067)有質素，適合你。而6990，我相信你打錯了股票編號。

(i) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你33歲年紀，應先做好增值部份。香港電訊(6823)只係收息股，增長力欠奉，唔係咁適合你。

你可以用以下股票取締，若你有一定投資經驗，可選潛力股。相反，你投資經驗較淺，或者相保守d，可選平穏增長股。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

(ii) 現時大市在合理區，我建議你月供加大至$4000。餘下資金就儲起，等大跌市機會。

新的月供預算，你用來每個月一手手咁買安碩恒生科技(3067)，係可以。但你餘下新增資金，就最好用來買平穏增長股，否則組合風險性會過高。

因為你雖然年青，但都唔可以太集中係潛力股類別，最多係50:50比例好了。

------------------------------------------------

Q22089：

龔sir, 我有一疑問，現我兆康苑單位以每月＄10500租給一客，即每年收租12萬6千，而中銀網上估值是511萬

1. 樓價511萬，如以現每年3%回報來計算，租金是應是＄12775才有合理回報？

2. 我現的出租金額是否低於市價？

3. 這個回報率的情況，我應以銀行的估價，還是以租金回報率的估價為優先的估價方法？

龔成老師︰

1) 3%這個租金回報率，算係一個合理水平。但由於樓價係會有波動，受市場需求、氣氛等影響，故租金回報率都會跟住變。

現時香港整體樓市，都係一個合理區頂位至略貴水平。因此，租金回報率少於3%，都係合理的。

最重要是物業係有質素，你照持有個物業就可以。

2) 你可以同同區類似樓盤作比較，如果差唔多，咁就無問題。

3) 如果你係想睇單物平貴和投資值博率，可以用租金除以銀行估值(最好係用實際市價)，去計個租金回報率。

------------------------------------------------

Q22090：

我其實好有興趣上你嘅堂，但我對投資完全零概念，之前完全冇任何投資經驗。

我今年54歲，工作中，之前餐搵餐食餐餐清冇多餘嘅錢去投資(之前老人家們還在，老人院及其他日常生活什費開支不輕)，我有兩個女，細女今年都大學畢業，

所以近兩年開始經濟鬆動D有些少積蓄，去年經朋友介紹開始follow你FB，去年中開始做月供股票，最初每月3仟，而家增至每月8仟(逐步加大)，今年年頭家人分左一筆錢比我，

計埋自己積蓄大約有150萬左右現金，由於我同先生都有工作，係正正香港夾到扁既夾心階層，總收入已超越申請居屋或政府樓資格，私樓又冇能力買，

所以長期交貴租(now月租萬七)，本來考慮用150萬買間細樓(600萬以內做九成按揭)自住，唔使再為租約滿而搬屋煩惱，但又擔心頂多十年就要退休，

最後都打消念樓，的起心肝買左你4、5本書，諗住睇完之後有D基本概念先，再去上你既投資班(if not 應該完全唔知你講乜)，年紀大未必一聽就入到腦!!!

我驚跟唔到課堂進度。

不好意思，長篇大論，可否給我些少意見，thx a million

龔成老師︰

【投資倍升股課程】適合初學者的，就算你現時對投資完全零概念，都無問題。

因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

上課前，你可以睇我寫架"80後百萬富翁"、"財務自由行"和"股票勝經"，較適合初學者。同時，會對你課堂吸收，有一定幫助。

當然，你而一刻就算睇唔明，都唔緊要。課堂上，我會將一些基礎知識，重新講解一次，到時相信會較易明白。

萬一都係尚有地方不明白， 你可以係課堂中間休息時間，落堂後或者在這裡INBOX問我，都可以。

由於你年齡去到54，如果買樓，按揭的年期不會太長，變相每月供樓金額會好大，同時你較難造到按揭。而我地買樓，最重要是「供得起」原則，如果太勉強，就不要進行。

因此，暫時都唔建議你買樓。你只有好好累積資產，以及運用資產為你帶來更多財富及現金流。你現時有好工，正好要把握時機儲錢，為退休做準備。

投資方向上，以你的年齡，其實已開始為退休做準備，但同時，財富仍有增長力（但不是進取），因此，你可以集中投資「平穩增值股」+「收息股」。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

由於你現時投資知識不多，你可以先做月供股票。每月供$4000盈富(2800)，而餘下$4000就先儲起。

而現有資金，同樣可以先用15-30萬，分注咁慢慢入盈富(2800)。

至於餘下資金，你可以等上完堂，你對投資有個全面理解，才開始計劃都未遲。

------------------------------------------------

Q22091：

想問買收息股是否比買年金好？

我有一個仔，我的想法是收息股可以留給兒子，但年金沒法留給兒子,你認為我的想法對嗎?

龔成老師︰

收息股和年金，財富增值能力不高，係一些主要提供現金流的資產和產品。若你係將近/已退休，或者投資取態係好保守，這些項目係適合的。

年金和收息股係不同，從投資角度，收息股股息回報率，一般都比年金為高。但由於股價有波動，有機會出現賺息蝕價的問題。

而年金回報率雖然較少，但佢本金係保證，唔會有波動出現，故風險相對收息股為低。

至於年金，的確係無法直接傳承給你兒子。但一般情況，若年金內資產未用盡，該部份拆算後，係可以退還給受益人。

甚至受益人可以一直收取每月年金，直至保證期結束(詳情︰你要同相關機構了解翻)。因此，年金未必完全無傳承作用。

所以，簡單咁講，若你考慮重點係資產傳承上問題，其實2個項目都可以做到。

我建議你先從現時自身需要和風險承受能力，作為出發點，去考慮如何選擇投資項目。因為，往後你兒子運用方法，會同你大不同(因為佢較年輕，應投資增長型資產，而非收息資產)。

所以，你唔需要考慮咁遠，先用自己做出發點，去作出選擇。再做好相關傳承上的安排，如年金定好受益人，安排好平安紙(有關股票分配)，咁就可以。

------------------------------------------------

Q22092：

老師你好,最近有個做保險嘅朋友向我推介保險融資,聽落好吸引,請問老師對融資有何意見？印象好似老師之前有分析,但揾唔返資料

龔成老師︰

係，我印象中，之前都有讀者提問過相關問題。

保單融資，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

若保單實際回報，係多於貸款利息，自然會因為槓桿操作，而令回報放大左。

但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期，利潤將進一步被蠶食。

因此，用保單融資去投保，係有一定風險。

其實係財富增值上，最好集中係優質資產上(如物業、優質股)。

"保險"只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但最好係一些較傳統儲蓄保單，而非這類有槓桿性質的產品。

------------------------------------------------

Q22093：

老師，我幾年前買了以下股，想離場了。

1萬股 (5手) 00215，成交價 HKD3.4，成本用了$34086.62

6千股 (1手) 02327，成交價 HKD1.06，成本用了$6467

兩隻股成本共用了40,554

要馬上放嘛？還是那個價位最好？

謝謝！

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

和記電訊香港（0215）都有質素，但此股只係平穏增長類﹐你預係收下息，增長力唔會明顯，要去到買入價就較困難。

若你目標係收下息，你照長線持有，係無問題。但若果你較年青，係想做財富增值的話，此股就唔係咁適合。建議你每有反彈，就慢慢換至其他增長股。

美瑞健康國際（2327）主要從事抗衰老健康管理服務及銷售藥物；房地產代理及建築材料貿易服務；買賣健康醫療產品及建築材料。

生意雖然有增長，但業務有點波動，企業規模細，獨特性不強，投資價值只是一般般，不過初步睇，不是劣質類。

你只係得一手，守住先都可以。

------------------------------------------------

Q22094：

老師 想請教下，我現時每月月供$5000 $3000-2800 / $2000- 3067

我想停供2800 改700 或1810

你會比較建議邊隻

我36 歲 月入$38000 未結婚，之後打算租樓 或 買樓

龔成老師︰

騰訊（0700）和小米(1810)都係有質素的潛力股，可作為月供選項。但若你用佢地取締盈富(2800)，你成個組合就剩翻潛力股。

潛力股雖然增長潛力較高，但同時間波動性都較大，若你100%只有潛力股，風險會好高，你要自已衡量。

以你年紀計，我比較建議保留盈富(2800)，但你可以調整供款比例。

盈富(2800)$2500、安碩恒生科技(3067)$1500、再加入騰訊（0700）/小米(1810)$1000，這樣會較平衡。

現時大市只在合理區，每月資金唔好盡用。最好留有部份，等大跌市出現時，可以用來掃貨。

另外，若你打算短期內置業(1-3年)，而又需要沽出部份股票，作為置業資金。那部份資金，就不要投資潛力股這類高風險股票。

最多只可以投資好似盈富(2800)這類平穏增長股，甚至收息股，去減低不確定性，以免影響置業計劃。

------------------------------------------------

Q22095：

龔sir, 我想請問計算平均價的問題：

手持1000股領展（購入價60及60.80），12月以股代息收取了21股@62.67，現合共1021股，請問均價計算是否=（30000+30400)/(1000+21) = 59.16?

謝謝你解答

龔成老師︰

你計算方法，係正確的。

我地只要用本身所投入資金，再除以現時持有股數，就係你個平均買入價。

但我地係投資時，緊記唔好以此作為判斷持股與否準則。因為我地持有一隻股票與否，係睇佢質素。買入價所造成帳面值變化，參考價值不大。

------------------------------------------------

Q22096：

我40歲，現在沒有工作，現金存款有200萬，

一直每月3萬月供股票：月供15000

-2800，現股數14327，價26.75
以下各5000
-66，現股數4818，價45.58
-823，現股數4623，價78.83
-2388，現股數7698，價26.96

另持股票：

-102，現股數452000，價1.1513（之前聽內幕消息買大咗）
-788，現股數10115，價1.44
-1398，現股數10000，價6.96

另有車位一個，價值117萬買入，現市值180度，有價無市，賣唔出。

我想請阿sir指點一下，謝謝🙏

1。我應否繼續月供3萬在以上4隻股？

2。我是否將現金一部份買一些收息股？

3。其他股票是否繼續留下？

4。我繼續這樣投資將來怎樣可以財務自由？

龔成老師︰

1) 這4隻股票，係有質素和適合你年紀，你照供係可以。

2) 可以，但以你年紀不用太多，整個組合，收息股大約佔2成就可以。

3) 你持有股票，都可以保留，除了凱升控股(0102)，佢規模不大，賺錢能力不係好一般。長線計，換碼至其他優質股會較好。

我地買入一隻股票，一定要知道佢質素、行業前景、財務狀況等，才去投資。唔好單靠聽消息，聽朋友講，就走去投資。

如果你連間公司點賺錢、行內有乜優勢、點解未來有發展和增長潛力，都答唔倒自已，咁一定唔好投資住。

4) 財務自由，其實每個人定義都未必一樣。最簡單，就係講我地被動收入，足以支付日常開支，就可以稱為財務自由。

你現在透過上述月供和持股，一直去累積資產。到一定數量或退休時，將佢換成收息資產，去創造現金流，支援退休生活咁就可以。

至於要累積多少財富，就睇你退休後人生目標。假設你希望退休後，每月有2萬蚊現金流，以股息率6%計，你就需要累積400萬本金。

而車位，唔好只係放係度，你可以放租，至少有現金流收入。長線，你要睇翻佢有無長線投資價值。無就要盡快沽出，將資金轉移去其他優質資產上。

------------------------------------------------

Q22097：

你好啊
我想問下其實每年複息股價回報係點計架？

龔成老師：

回報率＝（賣出價- 買入價）／買入價
例如以$10 萬投資某項目，以$15 萬賣出，就有50%
的回報率：

（$15 萬-$10 萬）／$10 萬＝ 50%

不過，這個「50%」並不全面，因為當中未包括「年期」。

例如這項目的年期是一年，那麼年回報率就是50%，這當然是不錯的投資項目。

反之，若果這項目的年期是40 年，那麼年複息回報率就只有1%，當然沒有投資價值。

因此我們在計算，又或要比較不同投資產品的回報率時，就要用相同的單位，亦即化成一年為單位作比較，以及要用上複利息的概念。

年回報率＝ n √（1+ 總回報率） -1

例如上述獲得50% 回報率的項目，需要投資3 年，總回報率就是50%，而每年計的複息回報率，就是14%。

3 √（1+50%） -1 ＝ 1.14-1 ＝ 14%

我們要計算回報率，就要用化成「一年」為單位才有比較的意義。

另外，除了比較價格上的回報，也要考慮期間現金流的回報，例如股息，這個之後會再講述。

------------------------------------------------

Q22098：

0778依家喺高位，係咪唔適宜再加注，等佢回返啲先再入？

同埋可以講解一下零碎股票嘅作用嗎？性質同月供股票相似？

龔成老師︰

置富(0778)現價算係合理區中間，是否加注，好睇你本身計劃投資在佢身上的資金，現時用了多少。

如果依然有一個較大比重，係未動用。例如本身想入10手，而家才入了3-4手。在現時這個未貴的水平，你都可以加小小注(1-2手)。

若你本身已經大部份資金入左市，咁你就最好等接近平宜區，才再出手。

至於碎股，就係至不足一手的股票。例如你月供盈富，每月$5000，現價$29，你一個月會買到大約170股。

但由於盈富一手係要500股，所以這月供得來的170股(不足一手要求的500股)，我地就稱之為碎股。

其實碎股同一般一手股票，係無大分別，都係可以照樣買賣。只係碎股買賣時，個差價有機會比完整一手為大。

但只要你係做月供，其實就會慢慢儲到完整一手。加上我地投資，主要係想持有優質資產，佢係一手定碎股，係唔重要。

所以，你做投資決定時，唔洗太在意碎股問題。只要係質素，就算只係得碎股，都應該長線持有。

------------------------------------------------

Q22099：

1. 老師你好，我見最近d 英鎊一直跌，唔知你點睇呢？應該買或者應該放？

究竟呢個係短期因素定已經見左長期頂呢？

英鎊議息結果出咗，都係唔會加息，咁係咪即係英鎊會下跌？

但係如果美匯指數都持續向下嘅話，咁呢啲外幣又應該會升返個喎？係唔係呢？定係英鎊今次下跌係因為疫情嚴重咗？

2. 老師你好，剛剛睇到你嘅文章，你話新興嘅嘢或者熱炒嘅嘢要理性分析佢嘅合理價值，咁唔知老師你點睇最近啲航運相關股份例如1919中遠海控？

佢真係非常大上大落，以為佢冇得再升，但係啲人又會熱炒，跌咗落去以為佢已經冇行啦，點知又爆升返上去，真係好難想像同埋分析。

但係我又知道如果疫情好轉返啲航運應該會正常返,咁呢一類股票其實係唔係只可以係短炒?根本長期唔會支持到呢一個運費咁高個喎?唔知老師你點睇呢?

呢隻股係咪應該已經要快啲走?唔好再持有佢?

龔成老師︰

1) 其實，你要仔細分析一隻貨幣走向，唔容易。

只能簡單咁講，市場預期美國將會重回加息週期，因此美元升，相對地英鎊跌係正常。

我地做財富增值，係要集中儲優質資產。貨幣因為可以無限發行，因此不是一個理想的財富增值選項。除非你有實際需要，否則不要持有太多。

2) 我地對住任何股票，都只會用理性分析，佢內在價值。只後視乎佢平貴，去定買賣策略。你唔好比佢升升跌跌，或者大市氣氛，影響左個判斷。

同時，你要分清楚，邊D係影響企業的長線和短線因素。若係長線，我地就應該係估值時，加入作考慮。若只係短線，就唔洗太在意。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

現價已經係貴，要大跌幾成才算合理翻d。若你持貨較多，可以沽出部份，先行獲利都可以。

------------------------------------------------

Q22100：

成老師的解答。

其實除左現金，我手頭上有以下股票：

SOHO中國0410: 蝕78%
中鐡建1186: 蝕63%
中國中車1766: 蝕75%
呢啲已擺係度好多年冇理到，是否應該斬，蝕賣算數？

高價入，現時跌：
阿里巴巴：蝕11%
舜宇光學：蝕7%
港交所：蝕6%
（呢啲有機會升返嗎？阿里巴巴已溝幾次，都係蝕）

新抽股蝕錢：
百度：蝕13.5%
百融雲：蝕15.88%

賺錢的有：
盈富基金
京東集團
工商銀行
京東健康
美團

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

現時你持有的股票，不是完全無質素，但你最大的問題是在貴的價位買入，你日後要提高這方面的知識，如果未能掌握投資時機，建議你用分注或月供的模式進行。

ＳＯＨＯ中國（0410）集團主要從事投資房地產開發、物業租賃和物業經營。

這企業過往生意增長力不強，同時無乜錢賺，如果扣除了投資物業重估因素，見佢有時出現虧損。投資價值不高。

至於中鐡建（1186）、中國中車（1766），並不是無質素，但增長力唔強，唔建議持有太多。另外，新股不宜投資太多，風險較高。

至於其他股，問題唔算大，可持有。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

根據差餉物業估價署最新數據，香港私人住宅售價指數持續上升，最新的樓價指數為384.5，較疫情前2019年12月的指數379.2升幅為1.4%；不過租金指數就出現下跌，目前的租金指數為174.6，疫情發生前2019年12月的指數為189.7，期間跌幅接近8.0%。由於樓價上升而租金下跌，所以租金回報率亦出現下調，目前不少地區的租金回報率已跌至2%或以下，若扣除業主需要承擔的管理費、差餉及地租等費用，實質回報率可能已經低至1.5%。

對於這種現象，相信很多人都會產生疑問，特別是以下的問題：

（1）點解租金下跌但樓價反而上升？

因為租樓與買樓的人，過去一年受疫情影響的差別很大。對於收入較高的業主，他們在過去一年疫情期間，出現裁員或減薪的情況較少，例如工資較高的專業人員，失業率就只有2.4%；但租樓人士以中低收入偏多，例如工資較低的零食及飲食業員工，他們受到肺炎疫情的影響較大，失業率一直高於10%以上，出現大量裁員及減薪情況，減低市場的承租能力。

（2）租金回報率下跌，會否導致放租的投資者要減價賣樓？

機會不大。對於擁有超過一間物業的投資者（包括我自己在內），自從數年前從價印花稅升至15%之後，就開始唔係好捨得將放租物業賣出，因為將來想買返的話，就要支付15%辣招印花稅，真係諗下都肉痛！而且這些物業通常在早期買人，按揭比率極低，只要租金能夠cover按揭供款，讓租客替自己供樓，就沒有減價賣樓的動力。

（3）哪些樓盤的租金跌幅較大？

應該是近幾年新建的納米樓。我見到有些最近新簽的納米租盤，較兩三年前的租金跌幅高達三成，主要是大家真正踏入納米樓之後，發現原來一兩百呎面積真係唔夠住，正常傢俬及雜物都不能放到屋內，所以租客寧可租新界較偏遠、樓齡較舊但面積較大的單位，也不願承租這些新盤的納
米樓。

（4）哪些租盤的回報率最低？

我覺得是中高檔豪宅的租盤，回報率已經連續跌了二十多年，估計還有下跌空間。在二十多年前的時候，中高檔豪宅的租盤最受到市場歡迎，特別是港島半山如羅便臣道、干德道、舊山頂道一帶的租盤，租客主要來自外資派到中環上班的員工，租金通常由公司支付，交租時間非常準時，業主不會擔心收唔到租；可惜在香港回歸之後，外資公司派到香港的員工大幅減少，減少中高檔豪宅的租務需求，然後到了兩年前的政治事件，就連中資機構也減少派員工到香港工作，導致豪宅租務需求持續減少。

（5）未來租金還有下跌空間嗎？

未來租金走勢我看得較為悲觀，估計在未來的一年，租金應該還會有一成的跌幅。目前疫苗接種速度非常緩慢，全球確診個案有升冇跌，香港經濟要回到全面的復甦，應該在未來一年都不能做到。

https://eastweek.my-magazine.me/main/103166

差餉物業估價署近日發布了《香港物業報告2020》的初步統計數字，對香港樓市有很多重要資訊，可以與大家分享一下。

首先是去年私人住宅的落成量，只有13,640個單位，較2018年減少35%，算是近年的新低。在新建成的樓宇中，以港島的供應量最少，只佔全部的18%，其餘24%位於九龍，58%位於新界；估計未來港島新盤供應缺乏的情況，將會維持下去，繼續讓港島的樓較為保值。

報告中有一個很重要的數據，就是「單位入住量」，即是年度內入住單位數目的淨增長額（年初空置量 + 落成量 - 拆卸量 - 年底空置量），2018年的數字為11,620個單位，2019年為19,280個，增長率高達66%，將去年底空置率推低至3.7%。由於在44,890個空置單位中，7,340個單位於佔用許可證發出後，尚未獲發滿意紙或轉讓同意書，若扣除這些仍未住得的樓宇，實際數字將會變成3.1%，是一個非常低的水平。

不過低空置率並非平均分佈。在實用面積少於100平方米的中小型單位，空置率只有3.3%，但100平方米或以上的大型單位，空置率卻是8.1%，是中小單位的兩倍以上！所以大單位的租金回報率，長期一直跑輸中小型單位；參考報告中的租金指數，同樣以1999年為100的基準，目前中小單位的租金指數是195.3，大單位是152.6，跑輸幾十條街。

理論上樓價與租金的走勢應該是同步的，但去年出現了一種奇特的情況，就是租金與樓價的方向相反！去年住宅樓價升幅為5.4%，但租金卻下跌1.9%；更有趣是寫字樓去年第四季價格下跌10.4%，租金升了1.1%，分層工廈價格跌6.8%，租金升1.6%，比較住宅樓是相反再相反。唯一保持相同方向的是零售業樓宇，價格與租金都出現跌幅，價格跌15.0%，租金跌3.7%。

出現這種情況的原因，主要是2019年上半年的升勢，與下半年跌勢的力度不同。去年初住宅樓市爆升，在首五個月內飆升10.4%，雖然下半年發生社會事件而出現跌勢，但跌唔晒年頭的升幅，結果全年重有得升；而住宅租賃市場在三月起才逐步復甦，幾個月就玩完，結果全年都要跌。至於寫字樓方面，由於受到中美貿易戰的影響，壓抑了上半年的市況，全年計埋都要跌；至於租金方面，通常租約期都在三年或以上，故此租金跌幅在下半年仍未反映，但2020年就肯定跌到趴低。

去年私人寫字樓的落成量激增49%至26.7萬平方米，是2008年以來的歷史高位，但整體使用量卻縮減至14.7萬平方米，空置率上升至9.0%。當中「出事」的原因，是去年有大量甲級寫字樓落成，總面積為24.2萬平方米，當中54%位於觀塘，23%在沙田區，但真係咁多人願意付高昂的租金，租用這些區域的甲廈嗎？所以要投資的話，我非常不建議用萬多元一呎的價格，買入這些回報率偏低的所謂甲廈。

https://eastweek.my-magazine.me/main/95436

第2355成交(堅) 感覺5.5分，
Sold 2680萬。元朗安寧路81至91號文業樓地下8號舖，建築面積480呎，租客工商舖大聯盟，租金52000至2022年1月31日， 生約去到2024年1月31日加幅不超過15%。閣樓髮型屋，租金10800至2022年5月3日。原業主叫價3180萬，成交2680萬。租合共62800，回報2.8%。 (Note: 差餉物業估價署最新的商舖回報率整體是2.7%，2021年1月)

(註冊2650萬)

原業主2012年10月以2100萬買入。 2009年12月曾經成交1138萬，2006年曾成交560萬。

這間舖是位於擊壤路及安寧路大單邊， 近巴士總站，算是安寧路旺位。 但由於已經過了大坑渠， 不算是最值錢段。 大坑渠以東(近世宙/榮華大酒樓)的話，值錢好多約三至五成。

一般來說，我唔係太鍾意買入地產代理的舖。 三大原因:
(1) 因為地產代理的舖一般唔需要任何牌照， 我唔清楚風火水電煤及僭建的問題。 例如這間舖樓上的髮型屋應該就是僭建， 萬一屋宇署收到清拆令，租金馬上大跌。Not only this shop, 好多其他商舖都有同一問題。 太多僭建我都怕 ?
(2) 地產代理背後的業主，好多時都是代理本身。好識得地產條數點計，間舖租金往往會有水份。放售甩手之後，萬一樓市逆轉(經常發生，u know...)，好容易就搬去另一個位繼續經營，唔需要出牌。 租金收入好容易凍過水。
(3) 我唯一買入過的地產代理舖就是筲箕灣道212號，2018年3月我以1700萬買入， 當時是超x物業，已原址經營十多年。 我買入時，業主仲聲稱租客一次過交一年租金，好穩陣。可惜我完成交易後，過一陣，租客就話唔做，搬走了 ? I had bad experience before 因此我有戒心? ..... 我有玻璃心?

Note: 我不是指這間安寧路舖的業主有問題，我是指一般地產代理的舖我都麻麻地。 收租可以，但再用高價買入我就未必了。

百貨應百客，始終這間舖是大單邊，搶眼位置， 元朗核心罕有，in fact 我諗唔到第二間核心大單邊放盤，元朗無平舖，要搵去深水埗! 此舖感覺5.5分位。

#元朗舖，#安寧路舖

李根興 Edwin
www.edwinlee.com.hk

買舖/租舖，聯絡李根興 Edwin whatsapp (+852) 90361143 或致電 2830 1111

。。。。

有舖放售，可直接聯絡我(李根興) whatsapp 9036 1143 或 或致電 2830 1111。www.bwfund.com (證監會持牌法團 BBL 650)

環球房地產市場處於熾熱當中，可是租金回報率卻屢創新低，令人卻步。到底如今環球熾熱的樓市是泡沫還是值得買入？我們以環球數據作統一分析。

報章及傳媒有時候都會報道一些新聞來嘩眾取寵，最新有數個報道指出，本港畢架山一號的租金回率近6厘，十分吸引。可是當筆者仔細分析該篇報道卻發現當中的計算分式跟真的租金回報率的算式有所出入。計算方法應是把一年的租金除去房屋的市價，而非早前購入房子的價格。要不是的話，二十年前買樓遠比現時便宜，如以現時的租金除去歷史的買入價，租金回報或超過10厘甚至20厘，數字將有所誤導。

我們找到本港差餉物業估價署的資料，以當局自1999年開始的數據，樓價指數跟租金指數大致同步。直至2009年，兩者的走勢開始分歧，差距於近年更不斷擴闊，反映租金增長不及樓價的上升。故本港的租金回報率不斷下滑，再從該署的數據中找到了1999年起的香港私人住宅租金回報(按月計)，租金回報由5-6厘大跌至現今2厘左右，以投資角度來說並不划算。

租金回報率
台灣﹕1.62
中國﹕1.91
南韓﹕1.94
香港﹕2.07
日本﹕2.24
泰國﹕3.68
馬來西亞﹕4.03
美國﹕11.57
加拿大﹕5.64
澳洲﹕4.95
英國﹕3.72
德國﹕3.84
巴西﹕4
南非﹕10.45

筆者再根據Numbeo的數據，顯示出世界各地現時的租金回報。數字反映出亞洲地區公寓的回報率甚低，只有約1-2厘的水平。相反歐美國家的回報水平卻達3厘之上，當中美國的租金回報超過10厘之上。不過要小心，數據抽樣的對象為公寓，而國外地區以房子為主，跟亞洲地區的性質有所不同。而馬來西亞及泰國的回報亦高於3厘之上，反映以回報來說，投資價值較高。

不過單以回報率並不能完全反映出樓市的價值，我們利用了按揭對租金的比率可得知樓價的真偽。因為這個比率如低於1的話，代表供樓的的利率低於租房子，人們會偏向經按揭購入房屋而非繼續租樓。而以上述的租金回報跟按揭利率作運算，結果如下﹕


台灣﹕.1.28
中國﹕2.63
南韓﹕1.72
香港﹕1.09
日本﹕0.56
泰國﹕1.64
馬來西亞﹕1.14
美國﹕0.34
加拿大﹕0.51
澳洲﹕0.91
英國﹕0.88
德國﹕0.53
巴西﹕2.94
南非﹕0.99

數字反映出外國公寓的的估值依然偏低，而亞洲方面，比率大多亦只有1左右，即購買房子的按揭並沒有過份超出租金的回報，反映依然是合理，泡沫情況未有過往嚴重。只是現時的價格因按揭成本不高而炒起，租屋市場卻反應較為理性，令租金回報率不斷下挫。

最後以資金流作一個總結，過去一年樓市熾熱主要受資金流增長所支撐，我們以不同近期的走勢作分析。

片中數字顯示當中有5個地區於1年內的資金較為充裕，分別有加拿大、中國及香港較為平穩，故近月三地的樓市表現均有上升。其他地區如馬來西亞、美國及南非的資金流有明顯減慢，樓價短期內或有壓力。而最近一個季度中，本港的資金流依然強勁，未來上升之勢或會延續。