笑罵派，以其常立於人之背後，而以冷言熱語批評人者也。  彼輩不惟自爲旁觀者，又欲逼人使不得不爲旁觀者。既罵守舊，亦罵維新。既罵小人，亦罵君子。  對老輩則罵其暮氣已深，對青年則罵躁進喜事。事之成也，則曰：豎子成名。事敗也，則曰：吾早料及。  彼輩常自立於無可指摘之地。何也？不辦事故無可指摘，旁觀故無可指摘。己不辦事，而立於辦事者之後，引繩批根以嘲諷掊擊。  此最巧黠之術，而使勇者所以短氣，怯者所以灰心也。豈直使人灰心短氣而已！而將成之事，彼輩必以笑罵沮之。已成之事，彼輩能以笑罵敗之。故彼輩者，世界之陰人也。  夫排斥人未嘗不可，己有主義欲伸之，而排斥他人主義，此西國政黨不諱也。然彼笑罵派果有何主義乎？譬如孤舟遇風於大洋，彼輩罵風罵大洋罵孤舟，乃至遍罵同舟之人。若問此船當以何術可達彼岸乎？彼等瞠然無對也。何也？彼輩藉旁觀以行笑罵，失旁觀之地位，則無笑罵也。   節錄梁啟超〈呵旁觀者文〉   廣東話亂譯版：  笑罵派，成日淨係識企喺人哋背後，用冷嘲熱諷去批評人。  呢班人唔單止自己做旁觀者，仲逼人做旁觀者。鬧守舊嘅人，亦鬧維新嘅人。鬧小人，亦都鬧君子。  對老人家就話暮氣太重，對青年人就話太過急進。件事成功咗，就話死𡃁仔你好彩啫，如果失敗咗就話我一早估到啦。  呢班人成日立於不敗之地。點解？因為佢哋乜都唔做，就唔會俾人指責，呢個就係旁觀而無可指摘嘅地方。自己唔做嘢，但係企係班做嘢嘅人後面，合力嘲諷掊擊。  用狡黠取巧方法，令嗰啲有勇氣決心嘅人喪志，令啲冇勇氣嘅人灰心。唔止令人灰心喪志，將要成功嘅事佢哋都一定笑罵咁樣阻止，而已經成功嘅事佢哋就會用笑罵嚟破壞。所以呢類人係世界上最陰險嘅人。  排斥人意見唔係唔得，如果你自己有自己嘅意見所以否定人哋嘅主張，咁樣係西方政治成日會做嘅嘢，但係笑罵派有啲乜嘢嘅主張呢？  譬如一隻船喺大海遇到風浪，嗰啲人就會鬧風、鬧大海、鬧船，甚至將同船嘅人都鬧一次。但如果問隻船應該用咩方法先可以到岸呢？佢哋就會啞鬼晒，支吾以對。點解呢？因為佢哋呢班人係以旁觀者嚟笑罵人，一但冇咗旁觀嘅位置，要佢哋真係做嘢，佢哋就乜叉都唔識。    #政治 #呵旁觀者文 #梁啟超 #西樓月如鈎 #散文 #香港 #HK #文學 #文字