【《#黑寡婦》北美第二週票房暴跌】

大概冇人會諗到，《黑寡婦》北美開畫票房係威係勢，第二週竟然會急跌，輸埋俾《太空也入樽：改朝換代》。

喺剛過去周末，《黑寡婦》只收約2,600萬，正式返返疫情時嘅年代，對比首週末高開票房大跌67%，更打破《蟻俠與黃蜂女》紀錄，成為第二週票房跌得最勁嘅一套Marvel戲。即使《F9狂野時速》喺次週票房都有跌，但都冇《黑寡婦》咁誇張。

北美戲院聯會NATO就歸咎於Disney+同戲院同步，唔止有部份觀眾會轉向睇Disney+，衍生嘅盜版問題都嚴重影響套戲嘅票房，而根據紀錄，《黑寡婦》都係上星期盜版量最高嘅電影。NATO認為，雖然套戲額外付費係可以增加到票房，之但係以迪士尼呢種以家庭客源為主片廠，你又點知道幾多人會Share密碼，又有幾多人係會一齊睇，30蚊美金租一次、「大收」2億又代表啲咩？當上得串流自然有盜版問題，呢一度就真係返唔到轉頭。

喺疫情之下，戲院串流同步改寫咗成個電影業生態，救得到片廠但救唔到戲院，疫情下好似只藏暗湧，疫情緩和，戲院重開後，問題似乎開始顯現。

《黑寡婦》觀後感及海報購買詳情可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

林忌：一年前的特首選舉，撐林鄭的任志剛以「守財奴」來形容過去十年的特區財政，指經濟增長速度太慢，便需要增加政府開支、減稅和作出赤字預算；林鄭月娥競選時提出理財新哲學，以致一眾親共政黨率先大聲支持派錢，最終竟然是反高潮──不派錢，連糖也派少了，一堆舊瓶新酒毫無新意，罵人守財奴自己仍作守財奴，林鄭月娥竟回應發聲明，說預算案「完全秉承理財新哲學」，自吹自擂其國王的新衣。

不算預期中的退稅免差餉，最大筆的開支就是為創新科技預留了500億，當中有200億用在林鄭割地賣港，接受深圳無理要求的河套科技園。除了綜援人士「出三糧」，其餘直接給市民的只有小恩小惠，例如向基層學生派兩千元，免學生明年的DSE考試費，及向本地中小學生派一萬張海洋公園門票；然而這以「教育」與派飛為包裝的項目，竟花3.1億公帑，即每張門券成本高達$3.1萬元，說明撥款贈海洋公園才是真，派飛贈學生根本是假。至於為何只派海洋公園？陳茂波解畫說政府以往已多次撥款予迪士尼，然而一處亂花不代表另一處也要亂花，不合理的撥款，絕不會因為負負而得正。

有關派錢的爭論，反對者如專業議政就指派錢短視，當年派錢370億的行政費用達1.2億過高；然而，反過來今次財政預算案政府所增撥的資源，例如增加6,700個公務員職位，這些「鐵飯碗」的增加究竟是「大政府」養懶人，用來打壓市民的工具，還是真正改善到民生？所謂教育的開支增加，當中有85億元屬持續進修基金提高資助上限增加一倍至兩萬元。真相是坊間大量濫開而掛羊頭賣狗肉的偽進修課程，當政府根本無力監督這些課程時，其行政成本又豈止1.2億？翻查持續進修基金資助的課程，就包括了工聯會所舉辦的美容、美髮以至物業管理課程，也難怪這85億撥款要用來「進修」，而非直接派給市民了....(未完，全文按連結）

新一年又開始

用千字講四個字 "年宵背後"

<<年宵傳統>>
回看雞年第一個活動就係維園年宵
其實維園年宵行開既朋友每年都行下, 唔行開的朋友一般都怕迫怕遠每年都唔會行

好多人問我為什麼要玩維園年宵, 我會答三個原因啦, 一年宵係一個好值得保留既香港傳統, 二係年宵接觸既香港朋友年齡層係好濶(Brand Building), 三係對於同事來說係一個好好既人生經歷同回憶(Team Building)

<<年宵最重要唔係人, 唔係貨>>
而更多人問我擺年宵好唔好生意, 這個問題好簡單, 得兩個字, 就係<天氣>, 簡單説唔落雨就好生意, 一落雨就好難好生意, 所以其實在場的所有檔主今年都行運行到腳趾尾, 計埋佈置日七日八夜, 日日都好好天, 藍天白雲!!! 而一完年宵, 大年初一同初二已經落雨....係咪好運到不得了先??

記得好幾年前的幾個年宵都落雨, 人濕晒, 貨濕晒, 貨紙皮箱成地濕晒變成一petpet泥咁....有年賣花盆, 連40寸電視都濕埋, 而有一年夜晚飢寒交迫, 同事要每夜輪流睡在攤檔一張枱內....

<<年終磨練>>
同玩具展不同, 年宵預備係簡單, 過程係辛苦, 好長時間, 早十一晚十二, 我不負責開檔但每天收檔回家已經凌晨一㸃, 之後早上九點回公司執補貨, 每天如是, 第二天頸已曬傷, 第三天已經喉沙, 第四天已經腳痛, 第五天食同一個飯盒同事已經呆左, 最難就係維園無位停車補貨, 要停成公里外, 將成車貨用手推車推行人路馬路一公里去檔位, 好彩無落雨, 而最後一日收檔真係天光, 我6:30am才抬埋最後一張枱上車。

<<千奇百趣的現場>>
同場主要分濕貨, 乾貨同熟食三類, 濕貨同熟食都係年年九成一様的專業檔主所以無乜好講, 但講乾貨可謂千奇百趣, 可以講半天

近天后第一行係政治團體, 因上年不停發生爭執, 及每一天政治名人不停叫咪, 令附近非政治團體做唔到生意,今年好明顯由競投日一投到嗰區, 識野檔主已經停投, 結果今年支聯會又係第一檔, 投到佢既對面由幾個入世未深既學生以低於平均價兩成價投左, 結果他們開檔才知對面支聯會開左個六四紀念館, 張文光天天開咪, 你願意支持建設中國民主道路嗎? 同對面D同學傾開, 他們都有點惘然, 無計啦, 人地擺左十幾廿年, 經驗豐富, 人多, 位多, 咪聲大, 在他們對面都好難招架, 他們說"唔鍾意捐款支聯會既朋友一定急急脚走, 真係好難留得住", 以Design角度看社民連攤位真係要俾個Like, 又靚又Sharp, 仲有電動龍頭, 真係好有心思

我們上年對面係一行十檔HKTV, 今年換上毛記劣食大熟食攤位及角位毛記林日曦寫揮春及書店, 大排長龍, 我看過揮春講真就真係無以前華叔寫得咁靚啦, 但又咁講, 如果唔係林日曦寫, 相信一定無咁多年輕人特然對揮春咁有興趣, 都算估佢唔到

不可不提有一間吹水揾食兵團, 冬季購物節, 年宵一定見到佢地, sell乜唔係重點, 重點係勁到講足45分鐘都一定有幾十位師拉伯伯企足45分鐘去聽, 最後一定有二三十人舉手用五六百蚊買走一袋袋在鴨寮街只值二三百蚊既電子用品/家居用品, 成個過程我非常清楚, 點解? 因為有一年冬購展我正正就在他們側, 一日聽足十場而又一連聽左五日, 他們口才真係得, 頭廿分鐘先免費派一D只值幾毫一蚊既小禮品去敍人, 之後就個個真係企足45分鐘聽到興高采烈之後擧手, 每個Talk真係賣到廿幾三十袋, 一日都有十幾萬, 講重點, 你一定同我講買的人"一定係媒嚟" 我初初好似你咁唸, 但係我聽左五十場, 都昅左唔少場, 可以咁講買既絶大部份都係堅買, 但係有次見到亞婆十分鐘後後悔想退, 他們就由老友Buddy變成兇惡既神棍趕亞婆走。上年今年又見到他們。

<<場內彼鄰>>
其實場內乾貨檔係50/50, 50係揾食既商家, 另外係一心想試下揾食既學生, 講真我見到佢地那種那些年既勇氣衝勁, 大聲叫大聲笑, 連我都好開心, 依D咪年宵氣氛囉, 華仁皇仁鄧鏡波, 浸會中大港大, 無左佢地? 年宵又變左工展會囉!

我們隔離浸會大學雖然賣淘寶柴犬(同斜對面一樣), setup那夜真係廿幾人攞埋畫筆畫布, 一筆筆上水彩, 一件件人工做道具, 我們同事睇到問點解唔"ePrint"呢?? 依D咪叫青蒽情懷, 一大班同學畫通頂係回憶同情趣, 同事setup快係求收工, 兩種不同心態

最難忘同深刻最後年三十晚七点半他們大嗌三聲"我地回本啦"我聽到都好感動, 廿幾人七日八夜努力叫賣, 大家都叫友鄰, 那一刻真係分享埋一份, 但係我知他們回本既意思當然係無計人工, 只計每人夾左幾錢啦, 不過又如何? 我2004年第一次年宵咪又係咁, 第一次錢賺唔多,賺經驗賺回憶嘛。

<<淺談知識版權>>
好啦, 今次年宵最多傳媒報導, 最多人談論一定係 <年宵 x 知識版權>, 我大膽講, 維園年宵, 乾貨, 所售産品有版權問題的佔過半, 所以係以百計攤檔計, 十蚊個龍貓袋, 我自己生產都做唔到十蚊啦, 2004年我已經有買過, 今年都係十五蚊, 大佬13年都係加左5蚊, 大陸工人人工2004年800蚊到今年都3000啦, 我話正版你都唔信啦

但我身為玩具達人, 拆解下為什麼每年大量既廸士尼, Sanrio(如Hello Kitty), Pokemon, Marvel, 宮崎駿的老翻精品在維園出現都繼續有, 其實係有原因, 絶對不需用社會問題咁大角度去拆解

要知道告人要有原告, 如果要海關告老翻廸士尼公仔都要廸士尼公仔版權持有人去維園睇完, 買隻回公司問, 再報海關, 好喇四個問題,

1. 迪士尼公仔版權持有人肯定唔止一個
2. 有邊個同事過年前幾日咁神心去告人而唔等放假?
3. 公司告人都要make sure被告有錢賠, 同請律師, 咁你又估下攤位檔主可賠的錢多定自己請律師的錢多
4. 作為迪士尼公仔版權持有人公司規模肯定不小, 而年宵六天的銷售頂多得幾萬, 會不會視檔主為對手而勞私動眾去打沉佢?

所以就係因為年宵既生態環境及時間特別, 時間特別短, 侵權的檔特別多, 檔主又特別多玩票性質, 而又近年假(各公司同事特別想放長假), 所以一般都無人理係事實, 無原告海關根本無得告, 所以除左派"小心防止不要售賣侵權產品"的小冊子外, 可以做的事其實不多, 而傳媒傳統上都會報導下年宵內有新的侵權産品 (廸士尼都無人提啦, 今年新Topic係Pokemon同麥生小巴牌)

小巴牌我唔方便講啦, 我們專重麥生的意見同決定, 我覺得做什麼產品, 要感動人, 一切從心出發, 怎樣做, 一切從創意出發, 推陳出新永遠比告人翻版來得有效直接。

麥生一語道出要點, 只不過是幾個年青人揾幾日快錢啫, 所以不計較。

我就話
維園年宵, 英雄雲集, 五湖四海齊叫賣
各區市民, 一家大細, 喜戲洋洋辨年貨

香港人, 開心迎接新一年!!下年維園再見!