做香港人真係好艱難..

話說其實我屋企個姐姐已經係七月頭走咗..當然唔例外佢都係博炒啦..要比返一個月嘅通知金佢..再要比機票同埋交通費佢添..然後仲要好巴閉咁樣講搵到一個好好嘅僱主可以stay out！

我想講嘅係點解香港嘅制度會係咁痴線呢？就算佢博炒！就算佢辭職！佢唔做！我哋都要比機票錢、交通費、通知金？

就係因為有呢啲咁嘅制度先至會令到啲姐姐咁肆無忌憚！伍詠薇細佬個工人盜竊超過一百萬都係判監兩年！呢個數字根本成村人一齊打工都賺唔到呢條數！而家犧牲一個人兩年嘅自由就可以解救佢哋成條村！

姐姐偷嘢基本上已經唔係啲乜嘢新鮮事！好多人都遇過！報警又如何！通常搞完一輪大龍鳳！最後可能雙方協議唔使通知金斷約就算！然後嘅然後就係再有下一位無辜嘅雇主….

我哋香港人要去Working holiday都要自己買機票啦！又要財產證明依樣嗰樣！

我哋請一個姐姐包來回機票包食宿、生養死葬！總之就乜都包！

呢個時候可能就會有好多人沖出嚟講！係咁㗎啦接受唔到咪唔好請姐姐自己湊囉！呢個已經唔係單單一兩個家庭嘅問題！係成個香港好多人都面對緊嘅問題！

有人請姐姐係負責照顧年紀老邁嘅父母！有人就好似上述嘅媽媽咁樣要幫手照顧殘疾嘅小朋友！呢個世界並唔係每一個人都會咁幸福健全！

自己仔女自己照顧？自己父母自己照顧？冇收入點樣照顧？喺屋企唔做嘢拎綜援又有啲人喺度講有手有腳點解唔出去做野！呢個世界實在太多人鍾意為反而反！講嘢之前真係要尊重下自己尊重下人哋！每一句說話每一個留言都有機會傷到人哋嘅心.批評之前請三思

好多人都話我哋要齊心唔請斷約姐姐.但係其實有好多家庭都係逼不得已冇選擇！再加上而家疫情封關更加無奈！我真係好想好想知道究竟可以點樣做呢？有冇機構有冇議員可以幫我哋雇主發聲？人哋姐姐都有工會爭取人工啦！點解我哋作為僱主冇人幫我哋發聲？

其實我地嘅要求都唔係好過分啫..只係希望姐姐做到完約先可以領取機票錢、交通費！好多姐姐自己都會喺社交平台分享唔使錢仲有人包食宿就可以喺香港玩…玩夠仲可以拎錢返屋企…

當然有好嘅姐姐我自己七年前都曾經遇過一個.而家仲返咗鄉下結婚生埋小朋友.不過遇到好姐姐嘅機會率真係難過中六合彩…

有好多媒體平台都會經常分享雇主群組裏面僱主嘅辛酸..可惜佢哋嘅標題通常都係問答題..問吓大家點睇？問吓大家同唔同意？問吓大家有冇遇過？

好希望作為媒體平台係幫我哋香港人發聲..而唔係將個問題成為茶餘飯後嘅話題

湊米花既工人姐姐下個月就返印尼喇，雖然做唔夠三年，屋企有事要返去，但合格有餘。 但佢都俾足4個月時間米媽搵工人姐姐，算好黎好去。又會幫米媽做到新姐姐黎為止。

米媽係佢續約時講過，你照做住先啦，因為合約係死既，你地隨時覺得辛苦或者想唔做時其實隨時走得，我都一樣會多謝你一路以來幫手。 前提係比足夠時間我搵工人姐姐。

工人姐姐話佢中意整包，整蛋糕。返去後想開間細細地既麵包店。 米媽呢幾個月盡量每次整麵包都俾佢參與練習，幫佢搜購啲烘焙用具。

另一邊廂，米媽個家務姐姐衰到貼地上兩星期後會走，先做得7個月獅子開大口兩次要加好多人工，仲要條件上係唔准話佢，佢想點做就點做，我地應承左，因為係疫症爆發時..同埋自把自為又當米媽工人咁用😂🤦🏼‍♀️ 到時又到米媽唔得閒既時候喇。佢連agent都鬧。今次請呢個真係太多好笑同經典野。 但米媽一向好少分享呢啲負能量，或者數落人地既事。 相信將心比己，人地對自己唔好，做得唔好 ，無影響到人生安全既，可以唔計較就唔計較，夾硬去做mean,見到人唔開心或嬲，自己都會好唔舒服。 所以米媽一直都覺得自己唔識用工人，對佢地太好，佢地反而唔珍惜。
Btw,工人姐姐話搵到新僱主唔返去，叫我俾機票錢佢，但又有人叫米媽要出機票，即使佢唔返去，起碼好過佢收左錢後再計算。 但米媽又驚俾機票佢佢會黑面..大家又點睇。

有無人可以教下米媽請工人姐姐係咪要俾啲咩指引定規矩佢。

#請工人好難但米媽家真係無工人唔得因為幾頭家黎食飯兩個單位既家務真係唔少....

// 關於 我一年多沒有回香港了//

我好想返屋企。一年多沒有回香港這件事令我很抓狂，快忘記譚仔的味道、數唔到有幾多間過江龍珍奶未試、邊個卡通又開主題餐廳；朋友八卦群組完全跟不上節奏，婆婆做完手術屋企多了工人姐姐我完全想像唔到，就連對屋企間房印象都有點模糊。

最可怕的是，我最近竟然開始愛上英國食物，劣食到最近覺得Jaffa Cake都覺得好味（搖頭苦笑）。

所以，一年幾無返香港，真係好危險。

如果你是英國留學生或計劃即將來英國讀書，你會知道機場說再見不難，最難是一個人孤身在異鄉，受到挫折時低聲說一句很想回家，卻發現回家無了期，這才最令人崩潰。

面對英國的壞天氣，冷麵包，知道有個回家期限，多難捱也會捱得過。說到底，即使Whatsapp video call再方便，都無法看盡香港的繁華、看不清爸爸的新皺紋、嚐不到媽媽的住家飯。

奈何答應自己這一年努力儲錢目標在英國置業，只好硬著頭皮留在冰冷國。如果當初有選擇一次過買幾套機票逐次回港，現在就不用望着機票狂流口水了。

正所謂有機票有希望，各位留學英國的學生哥就有這個選擇。維珍航空推出的2019年學生優惠。香港來回英國各城市，機票套裝每張最低價格HKD6,630起（不包括稅項及燃油附加費），有1-4 張來回機票套裝選擇。最正係包2件23公斤託運行李，更可免費更改日期及任何時候免費選擇座位。

英國地方再大空氣再清新英式口音再動聽，還是始終不及香港可愛。能夠隨時跳上飛機回家抱抱最愛的人與事，想想也覺得幸福。

有興趣的朋友，可透過旅行社或致電維珍航空客戶服務中心預訂機票。

Virgin Atlantic 優惠詳情：
https://zt.virginatlantic.com/hk/zt/low-fares/student-fares.html