今日推介- 清新泰國菜 🇹🇭 天氣咁熱，傳統泰國菜可能食到悶悶地，一於試吓新野，等我帶 @shockben 去覓食啦！我最想就係試吓 fusion 啲嘅泰國菜。 我知道尖沙咀K11有一間CP值超高嘅泰國餐廳 @Ahan.Thai 嚟到門口，就有一個好吸睛嘅打卡位🥰 環境舒適，坐得舒服，價錢亦都非常合理。 泰式生蝦刺身 $98 🦐 一板六隻，每隻都用shot 杯裝住特別調製嘅泰式辣汁，生蝦屬於爽身，鮮味彈牙！係食泰國菜必食嘅菜式。 濃汁咖喱軟殼蟹 $198 🦀 咖喱係用泰式紅咖喱配微炸軟殼蟹，呢款紅咖喱食入口比較似日式咖喱嘅味道，唔會太辣，又不失咖喱味。軟殼蟹炸得岩岩好，再扣住啲咖喱汁，簡直絕配。（因為唔想浪費啲咖喱，另外叫多咗個蒜蓉包，都好鬆脆） 炸原條盲曹配酸辣醬青芒沙律 $188 🐟 一送上台面，第一時間已經俾我食曬所有青芒沙律。酸酸辣辣，勁開胃！盲曹外表煎炸過，但係裏面一啲都唔乾，肉質鮮嫩多汁。好味好味！ 睇返我叫左嘅嘢食，原來我哋都幾鍾意食海鮮喎。下次繼續去搵好野食俾大家參考 📍 阿閒泰 (尖沙咀) 尖沙咀河內道18號K11購物藝術館2樓219號舖